ᐅᖃᓚᐅᑎᓯᐅᑏᑦ

You are here

ᓱᕋᒃᑎᖅᑕᐅᔪᑦ ᕿᑭᖅᑕᓂ ᑎᒍᔭᐅᒪᕝᕕᖕᒥ

ᓯᑎᐱᕆ 28, 2017

ᐅᖃᐅᓯᐅᔪᖅ
ᓱᕋᒃᑎᖅᑕᐅᔪᑦ ᕿᑭᖅᑕᓂ ᑎᒍᔭᐅᒪᕝᕕᖕᒥ


ᐅᐃᓕᐊᒻ ᒪᑲᐃ, ᒪᓕᒐᓕᕆᔨᒃᑯᑦ ᒥᓂᔅᑕᐅᑉ ᑐᖏᓕᖓ ᐅᓪᓗᒥ ᓴᖅᑭᑎᑦᑎᔪᖅ ᐆᒥᖓ ᑎᑎᖅᑲᒥᒃ:

“ᑎᓴᒪᑦ ᑎᒍᔭᐅᒪᔪᑦ ᓱᕋᐃᓚᐅᕐᒪᑕ ᕿᑭᖅᑖᓘᑉ ᐃᑲᔪᖅᑕᐅᕝᕕᖓᑕ ᐃᓗᐊᓂ ᐅᓐᓄᐊᖓᓂ ᓯᑎᐱᕆ 25, 2017, ᓱᕋᑦᑎᕆᓂᖏᑦ 85-ᐳᓴᓐᒥᑦ ᐃᒡᓗᕐᔪᐊᑉ ᕿᑎᐊᓃᑦᑐᑦ ᐃᒡᓕᖃᕐᕕᓐᓂᑦ ᐊᒻᒪᓗ 33-ᐳᓴᓐᒥᓪᓗ ᐃᓪᓕᖃᕐᕕᓐᓂᑦ ᐅᐊᑦᑎᔭᐅᒋᐊᖃᕐᓂᔅᓴᓄᑦ.
ᓴᓇᔭᐅᓯᒪᓕᖅᑐᑦ ᓱᕋᑦᑎᖅᑕᖅ ᐊᒻᒪ ᓄᑖᖑᕆᐊᖅᑕᓪᓗᓂ ᐱᔭᕇᖅᑕᐅᓪᓗᑎᒃ ᓱᕋᑦᑎᕆᔪᖃᒃᑲᓂᕐᓂᐊᖏᒻᒪᑦ.

ᐃᖅᑲᓇᐃᔭᖅᑏᑦ ᐃᑲᔪᖅᑕᐅᕝᕕᒻᒥᑦ ᖃᓄᖅᑑᖃᑎᖃᖅᑐᑦ ᐸᓖᓯᒃᑯᓐᓂᑦ ᑕᒪᔅᓱᒥᖓ. ᒫᓐᓇᑲᐃᓐᓇᖅ ᖃᓄᖅᑑᖃᑎᖃᕐᒥᔪᑦ ᐊᓯᖏᓐᓂᑦ ᑎᒍᔭᐅᒪᕕᓐᓂᑦ. ᓯᑎᐱᕆ 25, 2017, ᕿᑭᖅᑖᓗᒻᒥᑦ ᐃᑲᔪᖅᑕᐅᕝᕕᒻᒥᑦ 55ᓂᑦ ᑎᒍᔭᐅᒪᔪᖃᖅᑐᖅ, 20 ᐃᖅᑲᖅᑐᖅᑕᐅᕌᓂᒃᓯᒪᔪᑦ ᐊᒻᒪᓗ 35 ᐃᖅᑲᖅᑐᖅᑕᐅᕝᕕᒃᓴᒥᓂᒃ ᐅᑕᖅᑭᔪᑦ.

ᑎᓴᒪᑦ ᓱᕋᐃᓚᐅᖅᑐᑦ ᐸᓖᓯᒃᑯᑦ ᐊᓄᓪᓚᓰᕕᖏᓐᓃᑦᑐᑦ ᐃᖃᓗᓐᓂᑦ ᑎᒍᔭᐅᒪᕕᔅᓯᐅᖅᑎᓪᓗᒋᑦ ᑖᒃᑯᓄᖓ. ᐃᖅᑲᓇᐃᔭᖅᑎᑦ ᕿᑭᖅᑖᓗᒻᒥᑦ ᐃᑲᔪᖅᑕᐅᕝᕕᒻᒥᑦ, ᒪᑭᒋᐊᕐᕕᒃᑯᓪᓗ, ᑲᖏᕐᖠᓂᕐᒥ ᒪᒥᓴᕐᕕᑯᓪᓗ, ᖁᕐᓗᖅᑑᑉ ᐃᓚᕗᑦ ᐅᐸᒐᖓᓗ, ᐊᒻᒪᓗ ᐅᑕᖅᑭᕕᒃ ᐃᖃᓗᓐᓂ ᐱᓕᕆᖃᑎᒌᒃᑐᑦ ᐊᐅᓪᓛᖅᑎᕆᖃᑦᑕᖅᓂᐊᕐᓂᕐᒧᑦ ᓄᓇᕗᑦ ᐃᓗᐊᓂᑦ ᑎᒍᔭᐅᒪᔪᓂᑦ.

ᕿᑭᖅᑕᓂᑦ ᐃᑲᔪᖅᑕᐅᕝᕕᒃᓴᖅ ᒪᒥᓴᕝᕕᒃᓴᖅ ᓱᓕ ᑲᒪᒋᔭᐅᕙᓪᓕᐊᒻᒪᓐ ᐃᓇᖏᐅᑎᐅᓛᖅᑐᖅ ᕿᑭᖅᑖᓘᑉ ᐃᑲᔪᖅᑕᐅᕝᕕᖓᓂᑦ. ᑕᐃᓐᓇ ᕿᑭᖅᑖᓗᒻᒥᑦ ᐃᑲᔪᖅᑕᐅᕕᒃᓴ ᒪᒥᓴᕐᕕᔅᓴᖅ ᐱᔪᒥᓇᖅᓂᖅᓴᐅᓛᖅᑐᖅ ᐊᑦᑕᓇᙱᓂᖅᓴᐅᓛᖅᑐᓂ ᐊᒻᒪ ᐃᑲᔫᑎᓂᑦ ᒪᒥᓴᒍᑎᓂᑦ ᐱᑕᖃᕐᓂᖅᓴᐅᓛᖅᑐᓂᑦ.

ᐃᖅᑲᓇᐃᔭᕐᕕᒃᑲ ᒪᓕᒐᓕᕆᔨᒃᑰᔪᑎᒍᑦ ᓇᓗᓇᐃᖅᓯᒍᒪᕗᒍᑦ ᐃᖃᓗᒻᒥᐅᓄᑦ ᑲᑉᐱᐊᓇᖅᑐᖃᙱᒻᒪᑦ ᑕᒪᓐᓇ ᐱᒐᓗᐊᖅᑎᓪᓗᒍ. ᒪᓕᒐᓕᕆᔨᒃᑰᔪᑎᒍᑦ ᐃᖅᑲᓇᐃᔭᑦᑎᐊᖅᐳᒍᑦ ᐃᑲᔪᖅᑕᐅᕝᕕᒃ ᐊᑦᑕᓇᖅᑑᖁᓇᒍ ᑲᑉᐱᐊᓇᖅᑑᖁᓇᒍᓪᓗ ᐃᖅᑲᓇᐃᔭᖅᑎᓄᑦ ᐊᒻᒪ ᑎᒍᔭᐅᒪᔪᓄᑦ.”

###

ᐱᕙᓪᓕᐊᔪᓄᑦ ᑐᓴᕆᐊᕐᕕᒃᓴᖅ:

ᕇᑕ ᔅᑐᕆᒃᓚᓐ
ᖁᑦᑎᖕᓂᖅᓴᒥ ᐊᑐᐊᒐᓄᑦ ᐅᖃᐅᔾᔨᒋᐊᖅᑎ
ᒪᓕᒐᓕᕆᔨᒃᑯᑦ
(867) 975-6071
RStrickland@gov.nu.ca