ᐃᖅᑲᓇᐃᔭᖅᑎᓂᒃ ᐃᓚᒌᓂᒡᓗ ᐃᑲᔪᖅᑐᐃᓂᖅ
ᐃᖅᑲᓇᐃᔭᖅᑎᓄᑦ ᐊᒻᒪ ᐃᓚᒋᔭᐅᔪᓄᑦ ᐃᑲᔫᑎᑦ ᐋᖅᑭᒃᑕᐅᓯᒪᔪᑦ ᐃᑲᔫᑕᐅᓇᓱᒃᖢᑎᒃ ᓄᓇᕘᒥ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᓚᖐᖑᔪᑦ ᑕᒪᐃᑎᒍᑦ ᖃᓄᐃᖁᓇᒋᑦ ᐃᓅᓇᓱᐊᖅᑎᓪᓗᒋᑦ.
ᐃᖅᑲᓇᐃᔭᖅᑏᑦ ᐊᒻᒪᓗ ᐃᓚᒋᔭᐅᔪᑦ ᐅᖄᓚᔪᓐᓇᖅᑐᑦ ᐊᑭᖃᙱᑦᑐᒧᑦ ᐅᕗᖓ 1-800-663-1142 ᓇᖕᒥᓂᖅ ᐅᖃᓪᓚᐅᔭᐅᕕᖕᒥᑦ ᐅᖃᓪᓚᒡᕕᐅᔪᒪᒍᑎᒃ. ᐃᕝᕕᑦ ᐃᓱᒪᖅᓲᑎᒋᕙᑦ ᐱᔪᒪᒍᕕᑦ ᐊᑐᕈᓐᓇᕐᓂᕐᒧᑦ ᑖᔅᓱᒥᖓ ᐱᔨᑦᑎᕈᑕᐅᔪᒥᒃ.
ᐱᔨᑦᑎᕐᓃᑦ ᑭᓱᓂᒃ ᒪᓂᒪᑎᑦᑎᕙᑦ?
- ᐊᑭᖃᙱᑦᑐᓂᒃ ᐊᒻᒪᓗ ᑲᙳᓇᖅᑑᑎᑕᐅᕙᒃᑐᑦ ᐱᔨᑦᑎᕐᓃᑦ
- ᒪᓂᒪᑎᑕᐅᔪᑦ ᐃᖅᑲᓇᐃᔭᖅᑎᓄᑦ, ᐊᐃᑉᐸᖏᓐᓄᑦ ᐊᒻᒪᓗ ᐃᓚᒋᔭᖏᓐᓄᑦ ᑲᒪᒋᔭᖏᓐᓄᑦ
- ᐊᑐᐃᓐᓇᐅᔪᑦ ᐅᓪᓗᓕᒫᖅ ᐅᓐᓄᐊᓕᒫᖅ ᐃᑲᕐᕋᖏᑦ, ᐅᓪᓗᓗᒃᑕᖅ ᐱᓇᓱᐊᕈᓯᓕᒫᖅ
- ᐊᐅᓚᑕᐅᔪᑦ ᐱᓕᕆᔨᒻᒪᕆᖕᓂᑦ ᐊᒻᒪᓗ ᖃᐅᔨᒪᑦᑎᐊᖅᑐᓂᑦ ᐅᖃᓪᓚᐅᔨᔨᓂᑦ ᐱᔾᔪᑕᐅᔪᓄᑦ ᑭᓱᑐᐃᓐᓇᕐᓄᑦ
- ᐱᑕᖃᕈᓐᓇᖅᑐᑦ ᑐᓵᓯᐅᔪᖃᕈᓐᓇᖅᖢᓂ ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᑦ
- ᐱᑕᖃᕐᒥᔪᑦ ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ
- 8-ᓄᑦ ᑲᒪᔪᓐᓇᖅᑐᑦ ᐱᔾᔪᑕᐅᔪᑎᒍᑦ
- ᓂᕈᐊᕈᓐᓇᖅᑐᑦ ᐅᖄᓚᐅᑎᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᑕᐅᑐᖃᑦᑕᐅᑎᔪᓐᓇᐅᑎᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᖃᕋᓴᐅᔭᒃᑯᑦ ᐱᔨᑦᑎᕈᑕᐅᔪᓐᓇᖅᑐᒃᑯᑦ.
ᑕᐅᑐᖃᑦᑕᐅᑎᔪᓐᓇᐅᑎᒃᑯᑦ ᐋᓐᓂᐊᖅᑐᓕᕆᓂᖅ
ᐊᓯᐊᑦᑕᐅᖅ ᓇᓪᓕᕌᕈᑦ ᐱᔪᓐᓇᕐᓂᕐᒧᑦ ᐅᖃᓪᓚᐅᔨᔨᐅᔪᓂᒃ ᓯᓚᑖᓃᑦᑐᓂᒃ ᓄᓇᓕᔅᓯ ᐅᓇᕗᖅ ᑕᐅᑐᖃᑦᑕᐅᑎᔪᓐᓇᐅᑎᑦ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᐊᖅ. ᑕᕆᔭᐅᑎᒃᑯᑦ ᐊᒻᒪᓗ ᐊᔾᔨᓕᐅᕈᑎᖃᖅᖢᓂ ᐋᖅᑭᒃᑕᐅᓯᒪᔪᑦ ᐋᓐᓂᐊᕐᕕᖕᓂ ᐊᒻᒪᓗ ᐊᐅᓚᑦᑐᑦ ᐅᖄᓚᐅᑎᑎᑐᑦ, ᑭᓯᐊᓂ ᑕᐃᑲᓃᑐᑦ ᑕᐅᑐᖃᑦᑕᐅᑎᔪᓐᓇᖅᖢᑎᒃ ᐊᒻᒪᓗ ᑐᓵᖃᑦᑕᐅᑎᓗᑎᒃ. ᑕᐃᒪᐃᑦᑐᒃᑰᖅᖢᓂ ᑲᙳᓇᖅᑑᑎᑕᐅᓲᑦ, ᓲᕐᓗᑦᑕᐅᖅ ᐋᓐᓂᐊᖅᓯᐅᖅᑎᒧᑦ/ᐃᖢᐊᖅᓴᐃᔨᒧᑦ ᐅᐸᒍᑎᓯᒪᔪᑎᑐᑦ ᑕᐅᑐᖃᑦᑕᐅᑎᓪᓗᑎᒃ ᓄᓇᓕᔅᓯᓐᓂ.