ᓄᓇᕗᑦ ᓄᓇᕐᔪᐊᒥᑦ ᓇᔾᔨᐊᒧᑦ ᐃᒥᐊᓗᒻᒧᑦ ᐊᒃᑐᖅᑕᐅᓂᑯᓄᑦ ᐅᔾᔨᕈᓱᓐᓇᐅᑉ ᐅᓪᓗᐊᓂᑦ
ᑭᒃᑯᓕᒫᓄᑦ ᑐᓴᒐᒃᓴᖅ
ᓄᓇᕗᑦ ᓄᓇᕐᔪᐊᒥᑦ ᓇᔾᔨᐊᒧᑦ ᐃᒥᐊᓗᒻᒧᑦ ᐊᒃᑐᖅᑕᐅᓂᑯᓄᑦ ᐅᔾᔨᕈᓱᓐᓇᐅᑉ ᐅᓪᓗᐊᓂᑦ
ᓯᑦᑎᒻᕙ 9 ᓄᓇᕐᔪᐊᒥᑦ ᓇᔾᔨᐊᒧ ᐃᒥᐊᓗᒻᒧᑦ ᐊᒃᑐᖅᑕᐅᓂᑯᓄᑦ (FASD) ᐅᔾᔨᕈᓱᓐᓇᐅᑉ ᐅᓪᓗᖓ, ᐱᓕᕆᐊᖃᖅᑐᑦ ᐱᐅᓯᕚᓪᓕᑎᑦᓯᓂᕐᒧᑦ ᐱᑎᑦᓯᑕᐃᓕᒪᓂᑦᒧ ᓇᔾᔨᐊᒧᑦ ᐃᒥᐊᓗᒻᒧᑦ ᐊᒃᑐᖅᑕᐅᓯᒪᔪᓂᑦ, ᖃᐅᔨᔭᐅᓂᕐᒧᑦ, ᐃᑲᔪᖅᑐᐃᓂᕐᒥᓪᓗ. ᓇᔾᔨᐊᒧᑦ ᐃᒥᐊᓗᒻᒧᑦ ᐊᒃᑐᖅᑕᐅᓂᑯᓄᑦ ᑕᐃᔭᐅᔾᔪᑎᖃᖅᑐᖅ ᓇᓗᓇᐃᖅᓯᔾᔪᑕᐅᓪᓗᓂ ᐊᒃᑐᐃᓂᖏᓐᓂᒃ ᖃᕋᓴᕐᒥᒃ ᑎᒥᒥᓪᓗ ᓴᖅᑭᔮᕐᕕᐅᓂᕐᒧᑦ ᐃᒥᐊᓗᒻᒧᑦ ᐃᓅᓕᓚᐅᖅᑎᓐᓇᒍ.
ᐃᓄᐃᑦ ᓇᔾᔨᐊᒧᑦ ᐃᒥᐊᓗᒻᒧᑦ ᐊᒃᑐᖅᑕᐅᓂᑯᓄᑦ ᐃᓅᓯᖏᓐᓂᒃ ᖃᓄᑐᐃᓐᓇᖅ ᐊᔪᕐᓇᖅᑐᖅᓯᐅᖃᑦᑕᕐᓂᐊᖅᑐᑦ ᖃᐅᑕᒫᖅᓯᐅᑎᓂᐅᒐᓗᐊᖅ, ᐃᑲᔪᖅᑕᐅᔭᕆᐊᖃᑦᑕᕐᓂᐊᖅᑐᓱᑎᒃ ᑎᒥᖏᑦᑎᒍᑦ, ᐋᓐᓂᐊᖃᕐᓂᒃᑯᑦ, ᐃᓕᑦᑎᕙᓪᓕᐊᓂᒃᑯᑦ, ᐃᖅᑲᐅᒪᔪᓐᓇᕐᓂᒃᑯᑦ, ᑭᓱᒥᒃ ᓵᙵᔪᓐᓇᕐᓂᒃᑯᑦ, ᐅᖃᖃᑎᒌᖕᓂᖅ/ᑐᓵᖃᑎᒌᖕᓂᒃᑯᑦ, ᐃᒃᐱᖕᓂᐊᒋᔭᖏᓐᓂᒃ ᖃᓄᐃᑉᐸᓪᓕᐊᓂᖏᑦᑎᒍᑦ, ᐊᒻᒪ ᐃᓅᖃᑎᖃᕈᓐᓇᕐᓂᕐᒥᒃ ᖃᓄᑐᐃᓐᓇᖅ ᐱᔪᓐᓇᕐᓂᖃᕈᓐᓇᕐᓂᐊᕐᒪᑕ. ᐃᒻᒪᖃ 1.5 ᒥᓕᐊᓐ ᑲᓇᑕᒥᐅᑦ (4%) ᓇᔾᔨᐊᒧᑦ ᐊᒃᑐᖅᑕᐅᓯᒪᔪᑦ ᐃᒥᐊᓗᒻᒧᑦ, ᐊᑦᑐᐃᓂᖃᕈᓐᓇᖅᑐᖅ ᐃᓄᓐᓂᑦ ᓇᑭᙶᕋᓗᐊᖅᐸᑕ.
ᓇᔾᔨᐊᒧᑦ ᐃᒥᐊᓗᒻᒧᑦ ᐊᑐᖅᑕᐅᓂᑯᓄᑦ ᐊᑐᖏᑎᑕᐅᔪᓐᓇᓚᕆᑦᑐᖅ. ᐊᑦᑕᕐᓇᖏᓐᓂᖅᐹᖅ ᐃᒥᐊᓗᖃᑦᑕᖏᓪᓗᓂ ᐊᑐᖃᑦᑕᕐᓂᕐᒥᓪᓘᓐᓃᑦ ᐊᓯᖏᓐᓂᑦ ᓱᕐᕋᓇᖅᑐᓂᑦ, ᐃᓚᒋᓪᓗᒍ ᓱᕐᕋᖕᓇᖅᑐᖅ, ᓇᔾᔨᓗᓂ ᓇᔾᔨᓕᕈᒫᓐᓂᐊᓗᓂᓘᓐᓃᑦ. ᐱᕈᖃᑎᒌᑦ ᐊᑐᖅᑕᐅᕙᑦᑐᓄᑦ ᐃᓂᒋᔭᐅᔪᖅ ᐃᓄᐃᓪᓗ ᐅᖃᐅᔾᔨᒋᐊᖅᑏᑦ ᐊᑐᓕᖁᔨᓪᓚᕆᑦᑐᑦ “ᐃᓘᓐᓇᑕ ᐃᑲᔪᖅᑐᐃᔪᒍᑦ” (ᑕᒪᑦᑕ) ᐃᑲᔪᕐᓂᕐᒥᑦ ᓴᖅᑭᔮᖅᑎᑦᓯᓂᕐᒧᑦ ᖃᓄᐃᖏᑦᓯᐊᕐᓂᕐᒧᑦ ᓇᔾᔨᓂᕐᒥᑦ.
ᐃᕝᕕᑦ ᖃᐅᔨᒪᔭᖃᕈᕕᓪᓘᓐᓃᑦ ᐃᑲᔪᖅᑕᐅᔭᕆᐊᓕᖕᒥᑦ ᐋᖓᔮᖕᓇᖅᑐᓂᑦ ᓇᔾᔨᑎᓪᓗᒍ, ᐃᑲᔪᖅᑕᐅᔪᓐᓇᖅᐳᑦ. ᐃᑲᔪᖅᑕᐅᔪᒪᖃᑦᑕᕆᔅᓯ ᐱᖃᓐᓇᕆᔭᔅᓯᓐᓄᑦ, ᓇᓕᐊᖕᓄᑐᐃᓐᓇᖅ ᐃᓚᖕᓄᑦ, ᐃᓐᓇᕐᒧᓪᓘᓐᓃᑦ. ᐊᑭᖃᙱᑦᑐᖅ, ᑐᓴᖅᑕᐅᔾᔮᙱᑦᑐᓂᑦ ᐃᓱᒪᒧᑦ ᐅᐃᕆᓯᒪᓂᖕᒧᓪᓗ ᐃᑲᔪᖅᑎᖃᖅᐳᑦ ᐋᓐᓂᐊᕕᖕᓂᑦ. ᑭᖑᕙᓗᐊᕐᖏᑦᑐᖅ ᐱᓗᐊᑦᑕᐃᓕᒪᓂᕐᒥᑦ ᓄᖅᑲᕐᓂᕐᒥᓪᓘᓐᓃᑦ.
ᐃᑲᔪᖅᓱᐃᕙᒡᓗᓂ ᓄᓇᕗᒻᒥᐅᓂᒃ ᐸᓴᒋᔭᐅᔪᓂ ᓇᓗᓇᐃᖅᑕᐅᓯᒪᔪᓂᒡᓘᓐᓃᑦ ᐃᒡᓕᐊᒦᑎᓪᓗᒋᑦ ᐃᒥᐊᓗᖕᒧᑦ ᐃᔅᓴᒃᑕᐅᓂᑯᓂᒃ ᖃᑕᙳᑎᖏᓐᓂᒡᓗ ᐊᑐᐃᓐᓇᐅᔪᑦ ᐱᕈᖃᑎᒌᒃᑯᓐᓂ (www.piruqatigiit.ca) ᐅᖄᓚᓗᑎᓪᓘᓐᓃᑦ ᐅᕗᖓ 867-877-4155.
ᑭᓇᐅᓂᕐᓂ ᖃᐅᔨᔭᐅᙱᓪᓗᑎᑦ ᐃᑲᔪᖅᑕᐅᔪᒪᒍᕕᑦ:
- ᐅᖄᓚᓗᑎᑦ ᓄᓇᕗᑦ ᑲᒪᑦᑎᐊᖅᑐᖅ ᐅᖄᓚᐅᑖᓄᑦᐅᕗᖓ ᐊᑭᖃᖏᑦᑐᖅ 1-800-265-3333 ᐅᕝᕙᓘᓐᓃᑦ 867-979-3333 (ᐊᑐᐃᓐᓇᐅᔪᑦ ᐃᑲᕐᕋᓄᑦ 24−ᓄᑦ).
- ᐊᒃᓱᕈᕐᓇᖅᑐᓄᑦ ᐱᔨᑦᑎᕋᖅᑎᑦ ᑲᓇᑕᒥ ᐅᕙᓂ 1-833-456-4566 ᐊᑐᕐᓗᑎᓪᓘᓐᓃᑦ ᖃᕆᑕᐅᔭᒃᑯᑦ ᑐᓴᐅᒪᖃᑎᒌᒍᑎᒃᑯᑦ (www.crisisservicescanada.ca).
- ᐅᖄᓚᕕᒋᓗᒋᑦ ᑲᓇᑕᓕᒫᒥᑦ ᐊᒃᓱᕈᓐᓇᖅᑐᓄᑦ ᐅᖄᓚᕝᕕᒃᓴᖅ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓂ ᖃᑕᙳᑎᖏᓐᓂᒡᓗ ᐅᕗᖓ 1-866-925-4419 (ᐊᑐᐃᓐᓇᐅᔪᖅ ᐃᑲᕐᕋᓄᑦ 24-ᓄᑦ ᐅᓪᓗᓕᒫᖅ, ᐃᓄᒃᑐᑦ, ᖃᓪᓗᓈᑐᑦ, ᐅᐃᕖᑐᓪᓘᓐᓃᑦ).
- ᐅᖄᓚᓗᑎᑦ ᓄᑕᕋᖅ ᓯᕗᓪᓕᐅᑎᓯᒪᓗᒍ ᐱᓕᕆᐊᑦᓴᖅ ᐅᕗᖓ 1-855-572-4453 (www.canada.ca/supporting-inuit-children)
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔩᑦ ᑐᑭᒧᐊᒃᑎᑦᑎᔨᖓ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email