ᕿᑐᕐᖓᑦᑎᓐᓂ ᐃᖅᑲᓇᐃᔭᕆᐊᖃᑎᖃᕐᓂᖅ 2020−ᒥ
ᑐᕌᖅᑐᖅ ᓄᓇᕗᒥᐅᓕᒫᓄᑦ ᐃᓕᓐᓂᐊᕈᑎᓕᖕᓄᑦ ᖁᕝᕙᓯᖕᓂᓕᒃ 9-ᒥ, ᐊᖓᔪᖅᑳᖏᓐᓄᑦ, ᐊᒻᒪ ᐃᖅᑲᓇᐃᔭᖅᑎᓄᑦ, ᕿᑐᕐᖓᕗᑦ ᐃᖅᑲᓇᐃᔭᕆᐊᖃᑎᒋᓛᖅᑕᕗᑦ ᐱᖓᔪᐊᑦ, ᓄᕕᐱᕆ 4, 2020−ᒥ!
ᐃᓕᓐᓂᐊᖅᑎᓄᑦ ᖁᕝᕙᓯᖕᓂᓕᖕᓄᑦ 9−ᒥᑦ ᑐᙵᓱᒃᑎᑕᐅᕗᑦ ᐃᖅᑲᓇᐃᔭᕐᕕᖕᒦᖃᑕᐅᓗᑎᒃ ᐊᖓᔪᖅᑳᖓᑕ, ᐃᓚᖓᑕ, ᐱᖃᓐᓇᕆᔭᖓᑕ ᐅᕝᕙᓘᓐᓃᑦ ᑕᐃᒪᐃᓕᐅᖅᑎᑦᑎᔪᑦ, ᐊᑐᖅᑎᑕᐅᓗᑎᒃ ᐃᓕᑦᑎᓗᑎᒡᓗ ᐃᖅᑲᓇᐃᔮᓂᑦ ᓄᓇᕐᔪᐊᕐᒥ. ᓄᕙᕐᔪᐊᕐᓇᖅ-19 ᓯᐊᒻᒪᒃᑕᐅᑦᑕᐃᓕᓇᓱᐊᕐᓂᖓᓄᑦ, ᐅᑭᐅᖑᔪᖅ ᐅᓪᓗᕆᔭᐅᓂᐊᖅᑐᕐᓕ ᐅᖃᓗᑎᒃᑰᕈᓐᓇᖅᑐᖅ, ᑕᐅᑐᖃᑦᑕᐅᑎᓗᑎᒃ ᐅᖃᓗᖃᑎᒌᖕᓂᒃᑯᑦ, ᐊᓯᐊᒍᓪᓘᓃᑦ ᐃᑭᐊᖅᑭᕕᒃᑰᖅᑐᓂᒃ ᐊᖅᑯᑎᖃᕐᓗᑎᒃ.
ᐃᓕᓐᓂᐊᕐᓂᓕᕆᔨᒃᑯᑦ ᑖᔅᓱᒥᖓ ᐱᓕᕆᐊᒥᒃ ᐃᑲᔪᖅᓱᐃᔪᑦ ᓂᕆᐅᒋᔭᖃᖅᖢᑎᒃ ᐃᓕᓐᓂᐊᕈᑎᓖᑦ ᖁᕝᕙᓯᖕᓂᓕᖕᒥᒃ 9 ᐃᒪᐃᓕᐅᖃᑕᐅᖁᓪᓗᒋᑦ:
• ᖃᐅᔨᓇᓱᒡᓗᑎᒃ ᐃᖅᑲᓇᐃᔮᕆᔭᐅᓲᓂᒃ ᐃᓕᓐᓂᐊᕈᑎᖏᑦ ᐊᐅᓚᔮᖅᑐᑦ ᐃᓕᓐᓂᐊᕈᑎᖏᓐᓄᑦ ᐃᑲᔪᖅᑐᐃᔪᓂᒃ;
• ᑐᑭᓯᕚᓪᓕᕐᓗᑎᒃ ᐃᓕᓐᓂᐊᖏᓐᓇᕐᓗᓂ ᐱᒻᒪᕆᐅᓂᖓᓐᓂᒃ; ᐊᒻᒪ
• ᑐᑭᓯᐊᑦᑎᐊᕐᓂᖅᓴᐅᓕᕐᓗᑎᒃ ᐃᖅᑲᓇᐃᔮᒃᓴᑦ ᓂᕈᐊᕆᔭᖏᓐᓂᒃ ᐃᖅᑲᓇᐃᔮᖃᓛᕈᓐᓇᖁᓪᓗᒋᑦ.
ᐃᓚᖏᑦ ᓄᓇᕗᒻᒥ ᐃᓕᓐᓂᐊᕐᕖᑦ ᐱᓕᕆᑎᑦᑎᔪᓐᓇᖅᐳᑦ ᐅᓪᓗᖅ ᐊᓯᐊᒎᖓᑎᓪᓗᒍ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᑦᑎᔾᔪᑕᐅᔪᑦ ᒪᓕᒃᑕᐅᓗᑎᒃ.
ᐃᑭᐊᖅᑭᕕᒃᑯᑦ ᐃᑲᔫᑎᒃᓴᑦ ᖁᕝᕙᓯᖕᓂᓕᖕᓄᑦ 9−ᒧᑦ ᐃᓕᓐᓂᐊᖅᑎᓄᑦ, ᐊᖓᔪᖅᑳᖏᓐᓄᑦ, ᐃᖅᑲᓇᐃᔭᕐᕕᖕᓄᑦ, ᐊᒻᒪ ᐃᓕᓴᐃᔨᓄᑦ ᐅᕙᙵᑦ ᓇᓂᔭᒃᓴᐅᔪᑦ https://www.thelearningpartnership.ca/take-our-kids-to-work..