ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐅᑭᐅᒃᑯᑦ ᐃᓕᓐᓂᐊᕐᓂᕐᒧᑦ ᐱᓇᔪᖕᓂᐊᕐᓗᓂ ᐅᓪᓗᐃᑦ ᑭᖑᓪᓕᖅᐹᕆᔪᓐᓇᖅᑕᖏᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐅᑭᐅᒃᑯᑦ ᐃᓕᓐᓂᐊᕐᓂᕐᒧᑦ ᐱᓇᔪᖕᓂᐊᕐᓗᓂ ᐅᓪᓗᐃᑦ ᑭᖑᓪᓕᖅᐹᕆᔪᓐᓇᖅᑕᖏᑦ
ᐃᑲᔪᖅᑐᖅᑕᐅᔭᕆᐊᖃᖅᐲᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᕐᒧᑦ ᑐᕌᒐᕆᔭᕐᓅᑦ?
ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS) ᐃᑲᔫᓯᐊᑎᒍᑦ ᐃᑲᔪᖅᑐᐃᕙᒃᐳᑦ ᐱᔪᓐᓇᐅᑎᖃᖅᑐᓄᑦ ᓄᓇᕗᒻᒥᐅᓂᒃ ᐃᓕᓐᓂᐊᖃᑕᐅᔪᓂᒃ ᐃᓕᓴᕆᔭᐅᓯᒪᔪᓂ ᓯᓚᑦᑐᖅᓴᕐᕕᖕᓂ ᓯᓚᑦᑐᖅᓴᕐᕕᒡᔪᐊᓂᒡᓗ.
ᐱᕙᒌᔭᖅᓯᒪᒍᕕᑦ ᐃᓚᐅᓂᐊᕐᓂᕐᒥᒃ ᐊᔪᖅᑎᑕᐅᙱᑦᑐᒥᒃ ᐅᓪᓗᓕᒫᖅ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᒥᓘᓐᓃᑦ ᐱᓕᕆᐊᖑᕙᒃᑐᒥ ᐱᒋᐊᕐᕕᒃᓴᐅᑎᖃᕐᓗᓂᓗ ᔭᓄᐊᕆ 2021−ᒥ, ᑐᓂᓂᐊᖅᐸᐃᒃ ᐱᓇᔫᑎᒋᔭᐃᑦ ᑮᓇᐅᔭᖃᖅᑎᑕᐅᔪᒪᓂᕐᒧᑦ ᓄᕕᐱᕆ 15, 2020 ᑎᑭᓚᐅᙱᓐᓂᖓᓂ. ᐱᓇᔫᑎᑦ ᑎᑎᕋᖅᑕᐅᔪᓐᓇᖅᐳᑦ
ᐊᖏᖅᑕᐅᓐᓂᕐᒪᖔᖅᐱᑦ ᑐᓴᓚᐅᙱᒃᑲᓗᐊᖅᑎᓪᓗᑎᑦ ᓯᓚᑦᑐᖅᓴᕐᕕᖕᒧᑦ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᒡᔪᐊᕐᒧᑦ ᐱᓕᕆᐊᖑᕙᒃᑐᒧᑦ.
ᐃᓕᓐᓂᐊᖅᑎᐅᒍᕕᑦ ᒫᓐᓇ ᐃᓚᐅᕙᒡᓗᑎᑦ ᐅᑭᐊᒃᓵᒥ ᐱᓕᕆᐊᖑᔪᒥ ᐱᖃᑦᑕᖅᐸᒌᖅᖢᑎᓪᓗ ᑮᓇᐅᔭᑎᒍᑦ ᐃᑲᔫᓯᐊᖑᕙᒃᑐᓂᒃ ᑮᓇᐅᔭᓂᒃ, ᐱᓇᔪᒃᑲᓐᓂᕆᐊᖃᙱᓚᑎᑦ ᑮᓇᐅᔭᖁᑎᒋᓂᐊᖅᑕᕐᓗᑦ ᐅᑭᐅᒃᑯᑦ ᐊᔪᕈᓐᓃᖅᓴᕐᓂᐅᓂᐊᖅᑐᒧᑦ.
ᐱᓇᔪᖕᓂᐊᕐᓗᑎᑦ, ᑐᓂᓗᒍ ᐅᑭᐅᒃᑯᑦ ᐃᓕᓐᓂᐊᕐᕋᔭᕐᓂᕐᒧᑦ ᐃᓕᓐᓂᐊᖅᑎᐅᓂᕐᒧᑦ ᐃᓚᐅᓂᐊᕐᓂᕐᒧᑦ ᑎᑎᕋᕆᐊᓕᒃ ᐅᑯᓄᖓ, @email ᐅᕝᕙᓘᓐᓃᑦ ᐊᑐᖅᑐᐊᖅᓯᒪᒍᕕᑦ, ᑐᓂᓗᒍ ᐊᑎᓕᐅᖅᓯᒪᔭᐃᑦ ᐊᑐᖅᑐᐊᖅᓯᒪᓂᕐᒧᑦ ᐊᖏᖃᑎᒌᒍᑏᑦ SEF−ᓗ ᐅᑯᓄᖓ @email. ᑕᐃᓐᓇ ᑮᓇᐅᔭᑎᒍᑦ
ᐃᑲᔫᑎᓄᑦ ᑎᑎᕋᕐᕕᒃ ᐊᖏᖅᓯᓂᐊᖅᐳᖅ ᐅᑭᐅᒃᑯᑦ ᐃᓕᓐᓂᐊᕐᓂᕐᒧᑦ SEF−ᒋᔭᐅᔪᓂᒃ ᐱᒋᐊᕐᓗᓂ ᑎᓯᐱᕆ 1, 2020−ᒥ.
ᑐᓴᖅᑕᖃᒃᑲᓐᓂᕈᒪᒍᕕᑦ ᐱᓇᔫᑎᓄᓪᓗ ᑎᑎᕋᕆᐊᓕᖕᓄᑦ, ᐅᓇ ᑕᑯᔭᖅᑐᕐᓗᒍ, www.gov.nu.ca/fans ᖃᕆᑕᐅᔭᒃᑯᓪᓘᓐᓃᑦ ᑎᑎᕋᕐᕕᒋᓗᒍ ᑮᓇᐅᔭᑎᒍᑦ ᐃᑲᔫᓯᐊᖑᕙᒃᑐᓄᑦ ᑎᑎᕋᕐᕕᒃ ᐅᕗᖓ, @email.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
@email