ᐊᕐᕕᐊᑦ ᐊᒻᒪ ᓴᓪᓕᖅ ᓱᓕ ᐃᒥᐊᓗᖃᕆᐊᖃᙱᑦᑐᑦ ᓄᓇᓕᖕᓂ

ᐱᕙᓪᓕᐊᔪᑦ ᐅᖃᐅᓯᐅᔪᑦ

ᐊᕐᕕᐊᑦ ᐊᒻᒪ ᓴᓪᓕᖅ ᓱᓕ ᐃᒥᐊᓗᖃᕆᐊᖃᙱᑦᑐᑦ ᓄᓇᓕᖕᓂ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 10, 2020) − ᐊᕐᕕᐊᕐᒥᐅᑦ ᓴᓪᓕᕐᒥᐅᓪᓗ ᓂᕈᐊᓚᐅᖅᐳᑦ ᒫᓐᓇ ᐊᑐᖅᑕᒥᓂᒃ ᑲᔪᓯᖁᔨᓪᓗᑎᒃ ᐃᒥᐊᓗᖃᕆᐊᖃᙱᓪᓗᑎᒃ ᓄᕕᐱᕆ 9-ᒥ ᓂᕈᐊᕕᒡᔪᐊᖅᑎᓪᓗᒋᑦ. 47.4−ᐳᓴᓐ ᓂᕈᐊᖅᑐᑦ ᐊᕐᕕᐊᓂ ᐊᒻᒪ 56.4−ᐳᓴᓐ ᓂᕈᐊᖅᑐᑦ ᓴᓪᓕᕐᒥ ᐊᑭᕋᖅᑐᓚᐅᖅᐳᑦ ᓯᕗᒻᒧᐊᒃᑎᑦᑎᔪᒪᔪᓂᑦ ᑭᒡᓕᖃᖅᑎᑕᐅᓗᑎᒃ ᐃᒥᐊᓗᒃᑖᕈᓐᓇᖅᓯᖁᓪᓗᒋᑦ.

"ᒫᓐᓇᐅᔪᖅ, ᐊᕐᕕᐊᕐᒥᐅᑦ ᓴᓪᓕᕐᒥᐅᓪᓗ ᐋᖅᑭᒃᓯᕗᑦ ᓄᓇᓕᖏᓐᓂ ᓱᓕ ᐃᒥᐊᓗᖃᕆᐊᖃᙱᖦᖢᑎᒃ ᖁᔭᓐᓇᒦᖅᐸᒃᑲᓗ ᓂᕈᐊᓚᐅᕐᒪᑕ ᓂᕈᐊᕕᒡᔪᐊᖅᑎᓪᓗᒋᑦ," ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ ᔪᐊᔾ ᕼᐃᒃᔅ ᐅᖃᖅᑐᖅ.

ᐃᒥᐊᓗᓕᕆᓂᕐᒧᑦ ᐱᖁᔭᖅ ᒪᓕᒃᖢᒍ, 60 ᐳᓴᖏᑦ ᓂᕈᐊᕆᐊᖃᖅᐳᑦ ᐊᓯᔾᔩᓂᐊᕐᓗᑎᒃ ᓄᓇᓕᖕᓂ ᖃᓄᐃᓕᖓᓂᖓᓂᒃ ᐊᔪᖅᑎᑕᐅᔪᑦ ᑭᒡᓕᖃᖅᑎᑕᐅᓗᑎᒃ ᐃᒥᐊᓗᒃᑖᕈᓐᓇᖅᓯᓗᑎᒃ.

ᓱᓕ ᐃᒥᐊᓗᖃᑦᑕᕈᓐᓇᙱᑦᑐᑦ, ᐱᓯᒪᔪᓐᓇᙱᑦᑐᑦ, ᓂᐅᕕᕈᓐᓇᙱᑦᑐᑦ, ᓂᐅᕕᐊᒃᓴᖃᕈᓐᓇᙱᑦᑐᑦ ᐅᕝᕙᓘᓐᓃᑦ ᑎᑭᓴᐃᔪᓐᓇᙱᑦᑐᑦ ᐊᕐᕕᐊᓂ ᓴᓪᓕᕐᒥᓗ.

ᐊᕐᕕᐊᕐᒥᐅᑦ ᓴᓪᓕᕐᒥᐅᓪᓘᓐᓃᑦ ᑕᒪᑐᒥᖓ ᑕᑯᒋᐊᒃᑲᓐᓂᕈᒪᒃᐸᑕ ᓯᕗᓂᑦᑎᓐᓂ, ᐊᑎᓕᐅᖅᑕᐅᓯᒪᔪᓂᒃ ᑐᒃᓯᕋᐅᑎᒥᒃ ᓄᑖᒥᒃ ᓂᕈᐊᕕᒡᔪᐊᖁᔨᔾᔪᑎᒥᒃ ᓇᒃᓯᐅᔾᔨᔪᓐᓇᖅᐳᑦ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email