ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 18, 2020

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 18, 2020

ᓯᕗᓕᖅᑎᐅᑉ ᑐᓴᒐᒃᓴᖏᑦ ᓄᑖᑦ

ᐅᓪᓛᒃᑯᑦ. ᐅᓪᓗᒥᒧᑦ ᑎᑭᖦᒍ, ᓄᓇᕗᑦ ᑲᑎᖦᖢᒋᑦ 70−ᓂᒃ ᓇᓗᓇᐃᖅᓯᒪᔪᖃᓪᓚᕆᓕᖅᐳᖅ ᓄᕙᒡᔪᐊᕐᓇᖅ-19−ᒧᑦ. 8−ᓂᒃ ᓄᑖᓂᒃ ᐅᓪᓗᒥ ᐊᕕᐊᕐᒥ ᓇᓗᓇᐃᖅᑕᐅᓯᒪᔪᖃᓪᓚᑦᑖᓕᖅᐳ, ᒪᕐᕉᖕᓂᒡᓗ ᓄᑖᖕᓂᒃ ᑲᖏᖅᖠᓂᕐᒥ ᓇᓗᓇᐃᖅᑕᐅᓯᒪᔪᖃᓪᓚᑦᑖᕆᓪᓗᓂ.  ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 4141−ᖑᓕᖅᑐᑦ. 785 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.

ᐊᐃᑦᑖᖑᒐᓗᐊᖅ, ᓯᐊᒻᒪᖕᓂᖓ ᑕᒪᑐᒪ ᓄᕙᒡᔪᐊᕐᓇᖅ-19 ᑕᐃᒪᐃᒐᔪᒃᐸᒃᐳᑦ; ᐊᐅᑦᑐᕐᓗᐃᓂᖅ ᐊᓯᒧᑦ ᐊᑐᖅᑕᐅᓂᐊᖅᐳᖅ. ᓇᓗᓇᐃᖅᑕᐅᓂᖏᑦ ᖁᕝᕙᓯᒃᐸᓪᓕᓂᖏᑦ ᒪᕐᕉᓵᖅᑑᖕᓂ ᐅᓪᓘᖕᓂ ᐊᖏᔪᑲᓪᓚᒻᒪᕆᐅᕗᖅ ᑲᑉᐱᐊᓇᖅᑰᔨᓪᓗᓂᓗ, ᑭᓯᐊᓂᓗᑦᑕᐅᖅ ᖃᐅᔨᒪᓚᐅᕆᕗᒍᑦ ᖁᕝᕙᖅᐸᓪᓕᐊᓂᐊᕐᓂᖓᓂᒃ ᑕᒪᓐᓇ ᖃᓂᒪᓐᓇᖅᑐᖅ ᑕᒪᐅᖓ ᐊᕕᒃᓯᒪᓂᕐᒧᑦ ᐅᑭᐅᖅᑕᖅᑐᒧᑦ ᑎᑭᓯᒪᓕᑐᐊᖅᐸᑦ. ᒫᓐᓇᓕ ᑕᕝᕙ, ᐱᒻᒪᕆᐊᓗᕗᑦ ᑖᒃᑯᐊ ᐅᓄᕐᓂᖏᑦ ᐊᑕᐅᓰᓐᓇᓕᑎᓕᕈᑦᑎᒍ, ᑕᐅᑐᒐᖃᓪᓗᐊᓕᕐᓗᑕᓗ ᖃᓄᐅᓕᐅᕆᐊᖃᕐᓂᑦᑎᓐᓂᒃ, ᑕᒪᓐᓇ ᐊᑕᐅᓰᓐᓇᓕᖅᑎᓐᓂᐊᕈᑦᑎᒍ.

ᐅᓪᓗᒥ ᐱᒋᐊᖅᖢᓂ, ᓄᓇᕗᑦ ᐱᒋᐊᖅᑎᑦᑎᕗᑦ ᒪᕐᕉᖕᓄᑦ−ᐱᓇᓱᐊᕉᓰᖕᓄᑦ ᖃᓄᓕᐅᓕᐅᕆᐊᖃᕐᓂᓕᒫᓄᑦ ᐊᔪᓕᖅᑎᑕᐅᓪᓗᑎᒃ. ᑕᕝᕙᓕ ᒪᓐᓇᐅᓕᖅᐳᑦ ᐃᓅᖃᑎᒃᑳ, ᑕᐃᒪᓕ ᐱᕕᒃᓴᐅᓕᖅᐳᑦ ᑕᒪᑐᒥᖓ ᓄᕙᔪᐊᖕᓇᒥᒃ ᐅᓇᑖᕆᔭᖃᕐᓂᐊᓕᕐᓂᒥᒃ.

ᒫᓐᓇ, ᑕᒪᔅᓯᑦᑎᐊᖅ ᐊᑐᕈᒪᔭᕋᓗᐊᔅᓯᓐᓂᒃ ᐊᑐᖃᑦᑕᖁᔪᓐᓃᖅᐸᔅᓯ,  ᓇᓗᙱᑦᑎᐊᕈᒪᓂᕐᒧᑦ ᓴᐳᑎᓯᒪᒐᓗᐊᕐᒪᖔᔅᓯᐅᒃ ᓄᓇᓕᕗᑦ.

ᑕᒪᓐᓇ ᐃᒪᓐᓇ ᑐᑭᖃᖅᐳᖅ:

• ᐳᒡᓚᕆᐊᖅᑕᐃᓕᒋᑦ ᐃᒡᓗᒥᐅᑕᐅᖃᑎᕕᑦ ᐊᓯᖏᓐᓄᑦ.
• ᑲᖃᑎᖃᖅᑕᐃᓕᒋᑦ ᐃᓅᖃᑎᖃᕈᓘᔭᖅᑕᐃᓕᒋᓪᓗ.
• ᓄᒃᑕᖅᑕᐃᓕᒋᑦ ᑭᓯᐊᓂ ᑕᐃᒪᐃᑦᑕᕆᐊᖃᓪᓚᕆᒃᑯᕕᑦ.
• ᐊᓂᒍᕕᑦ ᐱᓕᕆᔭᖅᑐᕐᓗᑎᑦ ᐃᒡᓗᓯᓐᓄᑦ ᐱᓕᕆᐊᕆᔭᕆᐊᖃᖅᑕᕐᓂᒃ, ᓂᐅᕕᕆᐊᕆᐊᖃᕈᕕᓪᓘᓐᓃᑦ, ᐃᓄᑑᓗᑎᑦ ᐊᔪᕐᓇᙱᑐᐊᖅᐸᑦ ᐊᑐᕐᓗᑎᓪᓗ ᒪᑐᐊᖅᓯᒪᔾᔪᑎᒥᒃ. ᐅᖓᓯᒃᓴᖅᐸᒡᓗᑎᑦ ᐊᓯᖕᓂᒃ.
• ᐃᖅᑲᓇᐃᔭᕐᓗᑎᑦ ᐃᓕᑦᑎᕙᓪᓕᐊᓗᑎᓪᓘᓐᓃᑦ ᐊᖏᒃᕋᕆᔭᕐᓂ, ᑭᓯᐊᓂ ᐃᓱᒪᒋᔭᐅᒍᕕᑦ ᐊᑐᖅᑕᐅᔭᕆᐊᖃᓪᓚᑦᑖᕐᓂᕋᖅᑕᐅᓗᑎᑦ.
• ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᐊᖏᕐᕋᖅᓯᒪᓗᑎᑦ ᐱᕕᒃᓴᖃᖅᑎᓪᓗᑎᒍᓪᓗ ᐊᐅᓚᑦᑎᔪᓐᓇᕐᓂᕐᒥᒃ, ᓇᒧᙵᖅᑎᑦᑎᑦᑕᐃᓕᒪᓂᕐᒥᒃ, ᐃᓱᓕᑦᑕᖅᑎᑦᑎᓂᕐᒥᒡᓗ ᓯᐊᒻᒪᒃᐸᓪᓕᐊᓂᖓᓂᒃ ᑕᒪᑐᒪ ᖃᓂᒪᓐᓇᐅᑉ ᓄᓇᕗᒻᒥ.
• ᑕᐃᒪᐃᖏᓐᓇᐅᔭᕆᐊᖃᖅᖢᓂᓗ, ᐊᒡᒐᑎᑦ ᐅᐊᓴᖅᐸᒡᓗᒋᑦ, ᖁᐃᖅᓱᖅᐸᒡᓗᑎᑦ ᐃᑯᓯᖕᓄᑦ, ᖄᕆᔭᐅᔪᑦ ᓴᓗᒻᒪᖅᓴᕋᔪᒃᐸᒡᓗᒋᑦ.

ᖃᐅᔨᒪᔪᖓ ᑕᒪᓐᓇ ᐊᔪᕐᓇᕐᓂᐊᕐᓂᖓᓂᒃ, ᑕᐃᒪᐃᓐᓂᐊᓄᓪᓗ ᐊᐱᕆᕙᔅᓯ ᖃᐅᔨᒋᐊᕕᖃᑦᑕᖁᓪᓗᓯ ᐊᒃᓱᕈᕐᓇᖅᑐᖅᓯᐅᕈᔅᓯ. ᐱᖃᓐᓇᕆᔭᔅᓯᓐᓄᑦ, ᐃᓚᔅᓯᓐᓄᑦ, ᓇᒡᓕᒋᔭᔅᓯᓐᓄᑦ ᐊᓯᖏᓐᓄᓪᓗ ᑕᐃᒪᐃᑦᑕᕆᐊᖃᕈᔅᓯ. ᓴᖅᑭᑎᑕᐃᓐᓇᕆᕙᒃᑲ ᐊᑭᖃᙱᑦᑐᑦ ᐅᖄᓚᕝᕕᐅᔪᓐᓇᖅᑐᑦ ᐊᑐᖅᑕᐅᔪᓐᓇᖅᑐᓪᓗ ᑭᒃᑯᑐᐃᓐᓇᓄᑦ ᑐᓴᖅᑎᑦᑎᔾᔪᑎᒋᕙᒃᑕᒃᑯᑦ, ᖃᓄᖅ ᐃᑲᔪᖅᑕᐅᔪᓐᓇᕋᔭᕆᐊᒃᓴᖅ ᐃᑲᔪᖅᑕᐅᔭᕆᐊᖃᕈᕕᑦ.

ᐱᓇᓱᐊᕈᓰᒃ ᒪᕐᕉᒃ. ᐱᕕᒃᓴᖃᖅᐳᒍᑦ ᐱᓇᓱᐊᕈᓰᖕᓂᒃ ᒪᕐᕉᖕᓂᒃ ᑕᒪᓐᓇ ᐃᒡᓗᖔᖓᓅᓕᖅᑎᓐᐊᕐᓗᒍ. ᒪᓕᙱᒃᑯᕕᒋᑦ ᑕᒪᒃᑯᐊ ᐊᑐᖅᑕᐅᔭᕆᐊᓖᑦ, ᑕᒪᓐᓇ ᐊᑯᓂᐅᓂᖅᓴᐅᓂᐊᖅᐳᖅ; ᐃᒻᒪᖄᓘᓐᓃᑦ ᐊᑯᓂᐅᓂᖅᓴᒻᒪᕆᒃ.

ᐃᓐᓇᐃᑦ ᐳᓛᖅᑎᖃᕆᐊᖃᙱᑦᑐᑦ. ᓄᑕᖅᑲᑦ ᐃᓕᓐᓂᐊᕐᕕᖕᒦᑦᑐᓐᓇᙱᑦᑐᑦ. ᐱᓕᕆᐊᖃᓯᒋᐊᖅᑳᖅᐸᒃᑐᑦ ᐱᓕᕆᔩᑦ ᐱᓕᕆᕗᑦ ᐅᓪᓗᓕᒫᖅ ᐅᓐᓄᐊᓕᒫᕐᓗ ᓄᓇᕗᒻᒥᐅᑦ, ᖃᓄᕈᓘᔭᖅ ᐊᔪᓕᖅᑎᑕᐅᓂᖅ ᓱᕙᓕᑭᐊᖑᑎᑦᑕᐃᓕᒍᒃ. ᑕᒪᑦᑕ ᐃᓱᒪᖅᓲᑎᒋᔭᕗᑦ. ᐊᑐᕆᐊᖃᖅᑕᑎᑦ ᐊᑐᕐᓗᒋᑦ ᓄᓇᕗᒻᒥ ᓱᒃᑲᐃᒡᓕᒋᐊᖅᑎᑦᑎᖃᑕᐅᓂᐊᕋᕕᑦ ᓯᐊᒻᒪᒃᐸᓪᓕᐊᓂᖓᓂᒃ ᑕᒪᑐᒪ ᓄᕙᒡᔪᐊᕐᓇᖅ-19.

ᖃᓄᐃᙱᑦᑎᐊᕆᑦ. ᐊᑦᑕᕐᓇᖅᑐᒦᑦᑕᐃᓕᒋᑦ. ᐊᖏᕐᕋᖅᓯᒪᒋᑦ.

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᑐᓴᖅᑎᑦᑎᔾᔪᑎᖏᑦ ᓄᑖᑦ

ᐅᓪᓗᒥᒧᑦ ᑎᑭᖦᒍ, ᓄᓇᕗᑦ ᑲᑎᖦᖢᒋᑦ 70−ᓂᒃ ᓇᓗᓇᐃᖅᓯᒪᔪᖃᓪᓚᕆᓕᖅᐳᖅ ᓄᕙᒡᔪᐊᕐᓇᖅ-19−ᒧᑦ. ᐊᕐᕕᐊᓂ, 8−ᓂᒃ ᓄᑖᓂᒃ ᓇᓗᓇᐃᖅᑕᐅᓯᒪᓪᓚᑦᑖᖅᑐᖃᓕᕆᕗᖅ, ᓄᓇᓕᖕᓂ ᑲᑎᖦᖢᖏᑦ 54−ᖑᓕᖅᖢᑎᒃ.  ᑲᖏᖅᖠᓂᕐᒥ ᒪᕐᕉᖕᓂᒃ ᓄᑖᖕᓂᒃ ᓇᓗᓇᐃᑕᐅᔪᖃᓪᓚᕆᓚᐅᖅᐳᖅ, ᑲᑎᖦᖢᒍ ᓄᓇᓕᖕᓂ 6−ᖑᓕᖅᖢᑎᒃ.

ᑐᐊᕕᕐᓇᖅᑐᒦᑦᑐᓄᑦ ᐃᓗᐊᖅᓴᐃᔩᑦ ᐱᓕᕆᖃᑎᒌᒃᑎᑕᕗᑦ, ᐱᒃᑯᒋᔭᕆᐊᖃᖅᖢᒋᓪᖢ ᐊᒃᓱᕈᖅᖢᑎᒃ ᐱᓕᕆᖃᑦᑕᖅᓯᒪᖕᒪᑕ, ᐱᓕᕆᐊᖃᓪᓚᕆᒍᒪᕙᒃᖢᑎᒡᓗ ᐱᓕᕆᐊᒃᓴᕆᔭᒥᓂᒃ, ᐱᓕᕆᐊᖃᖅᖢᑎᒡᓗ ᖃᐅᔨᓴᖅᓯᕙᒃᖢᑎᒃ, ᑐᔾᔭᖅᓯᕙᒃᖢᑎᒃ ᓇᒧᙵᕈᓘᔭᖅᑎᑕᐃᓕᒪᓕᖅᐸᒃᖢᑎᒡᓗ ᑕᒪᑐᒥᖓ ᖃᓂᒪᓐᓇᖅᑐᒥᒃ, ᑕᒪᒃᑯᓇᓂ ᓄᓇᓕᖕᓂ ᐊᒃᑐᖅᑕᐅᓯᒪᔪᓂ.  

ᐅᓪᓗᒥᒧᑦ ᑎᑭᖦᖢᒍ, 114−ᖑᕗᑦ ᐱᖃᙱᓐᓂᕋᐃᓯᒪᔪᑦ ᖃᐅᔨᓴᖅᑕᐅᓯᒪᔪᑦ ᐊᕐᕕᐊᓂ, 60−ᖑᓪᓗᑎᒃ ᐱᖃᙱᓐᓂᕋᐃᓯᒪᔪᑦ ᖃᐅᔨᓴᖅᑕᐅᓯᒪᔪᑦ ᑲᖏᖅᖠᓂᕐᒥ. 103−ᖑᓪᓗᑎᒃ ᓴᓂᑭᓗᐊᒥ ᑕᓪᓕᒪᐅᓪᓗᑎᒡᓗ ᐱᖃᙱᓐᓂᕋᐃᓯᒪᔪᑦ ᑎᑭᕋᕐᔪᐊᕐᒥ. ᐊᐳᖃᑦᑕᐅᑎᖃᑎᖃᑎᓚᐅᖅᑐᓂᒃ ᑐᔾᔭᖅᓯᓂᖅ ᖃᐅᔨᓴᖅᓯᓂᕐᓗ ᑲᔪᓰᓐᓇᖅᐳᖅ.

ᐊᒥᓱᕈᖅᐸᓪᓕᓂᖏᑦ ᐱᖃᓪᓚᕆᖕᓂᕋᖅᑕᐅᔪᑦ ᐃᓱᒫᓗᖕᓇᕋᓗᐊᖅᑎᓪᓗᒍ, ᖃᓄᐃᑦᑑᓂᖓᓄ ᑕᒪᑐᒪ ᖃᓂᒪᓐᓇᐅᑉ, ᖃᓄᕐᓗ ᓱᒃᑲᓕᑎᒋᔪᒥᒃ ᓯᐊᒻᒪᒃᐸᓪᓕᑎᒋᔪᓐᓇᕐᒪᖔᑦ ᐃᓄᖕᒥᑦ ᐃᓄᖕᒧᑦ, ᐊᒥᓱᕈᖅᐸᓪᓕᐊᓂᖏᑦ ᐱᖃᓪᓚᑦᑖᕐᓂᕋᖅᑕᐅᔪᑦ ᓂᕆᐅᒋᔭᐅᔭᕆᐊᖃᖅᐳᖅ.  ᓇᓗᓇᐃᖅᓯᑲᐅᑎᒋᔪᓐᓇᕐᓂᖅ ᓄᑖᓂᒃ ᐱᖃᓪᓚᑦᑖᓕᖅᑐᓂᒃ ᑕᑯᒃᓴᐅᑎᑦᑎᒋᕗᖅᑕᐅᖅ  ᐱᓇᔪᖕᓂᕆᔭᖏᓐᓂᒃ ᐋᓐᓂᐊᖃᕐᓇᙱᑦᑐᓕᕆᔨᕗᒃ ᑐᐊᕕᕐᓇᖅᑐᒧᓪᓗ ᑭᐅᓯᓂᒧᑦ ᐱᓕᕆᖃᑎᒌᒃᐸᒃᑐᑦ ᐱᓇᔪᖕᓂᕆᔭᖓᓄᑦ ᑲᔪᓯᓂᖃᑦᑎᐊᕈᓐᓇᕐᓂᖓᓄᓪᓗ ᐊᐴᑎᖃᑎᓚᐅᖅᑐᓂᒃ ᑐᔾᔭᖅᓯᓂᕐᒥᒃ. ᐳᐃᒍᖅᑕᐃᓕᒋᔅᓯ, ᐱᓇᓱᐊᕈᓰᖕᓂᒃ ᒪᕐᕈᐸᓘᖕᓂᒃ ᐅᓪᓗᒥᒥᑦ ᐱᒋᐊᖅᖢᓂ ᐊᑐᕆᐊᖃᕐᓂᐊᕐᓂᑦᑎᓐᓂᒃ, ᖃᐅᔨᒪᓕᓚᐅᙱᓐᓂᑦᑎᓐᓂᒃ ᑕᒪᒃᑯᐊ ᑭᒃᑯᑐᐃᓐᓇᐃᖅ ᖃᓄᐃᖁᓇᒋᑦ ᐊᑐᖅᑕᐅᑎᑕᕗᑦ, ᐅᐸᒃᑕᐅᑦᑕᐃᓕᒪᑎᑦᑎᓂᖅᐳᓪᓗ ᐊᑐᕐᓂᖃᑦᑎᐊᖅᓯᒪᖕᒪᖔᑕ. 

ᖃᓄᖅ ᐊᑐᕐᓂᖃᑦᑎᐊᖅᑎᒋᓯᒪᕕᑕ ᓇᒧᙵᕈᓘᔭᖅᑎᑦᑎᑦᑕᐃᓕᒪᔪᒪᓂᕐᒥᒃ ᒫᓐᓇ ᓇᒧᙵᖅᐸᓪᓕᐊᕌᓚᓴᖅᑐᒥᒃ, ᐱᔾᔪᑎᖃᓪᓗᐊᑕᖅᐳᖅ ᓄᓇᕗᒥᐅᓕᒫᑦ ᐱᓕᕆᖃᑕᐅᑦᑎᐊᕋᔭᕐᓂᖏᓐᓂᒃ.  ᐅᓪᓗᒥ, ᐊᐱᕆᕙᒃ ᑲᑭᒃᑯᓕᒫᑦ ᐱᓕᕆᐊᒃᓴᒥᓂᒃ ᐱᓕᕆᐊᖃᖁᓪᓗᒋᑦ ᓄᖅᑲᖅᑎᑦᑎᓯᒪᖃᑕᐅᖁᓪᓗᒋᑦ ᑕᒪᑐᒥᖓ ᖃᓂᒪᓐᓇᖅᑐᒥᒃ. ᐊᒥᓱᐃᖅᓱᒻᒪᕆᒃᖢᑕ ᐅᖃᖅᓯᒪᕗᒍᑦ ᒪᓕᒋᐊᖃᕐᓂᕐᒥᒃ ᑭᒃᑯᑐᐃᓐᓇᓄᑦ ᐊᑐᕆᐊᓕᖕᓂᒃ, ᑭᓯᐊᓂᓗ ᐃᓄᐃᑦ ᑐᑭᓯᖁᕙᒃᑲ ᑐᑭᓯᓇᑦᑎᐊᖅᑐᑎᒍᑦ ᐅᖃᓯᖅᑎᒍᑦ ᖃᓄᖅ ᑕᒪᓐᓇ ᖃᓄᖅ ᑐᑭᖃᕐᒪᖔᑦ.  

ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᐳᓛᕆᐊᖅᑕᐃᓕᒋᑦᑎ. ᒫᓐᓇᐅᔪᒃᑯᑦ, ᐱᐅᓛᖅ ᐊᑐᖅᑕᐅᔪᓐᓇᖅᑐᖅ ᐊᖏᕋᖅᓯᒪᓗᓂ, ᐃᓅᖃᑎᖃᖅᐸᖕᓂᑎᓪᓗ ᐃᓱᓕᑦᑕᖅᑎᓪᓗᒋᑦ ᐃᓄᖕᓄᑦ ᐃᒡᓗᒥᐅᑕᐅᖃᑎᖕᓄᑦ. 

ᖃᐅᔨᔾᔪᑕᐅᔪᓐᓇᖅᑐᓂᒃ ᐱᓯᒪᓕᕈᕕᑦ, ᐅᖃᐅᓯᕆᑲᐅᑎᒋᓗᒋᑦ. ᐋᓐᓂᐊᕕᓕᐊᖅᑕᐃᓕᒋᑦ, ᐅᖄᓚᕝᕕᒋᓗᒍ ᐅᖄᓚᕝᕕᐅᔪᓐᓇᖅᑐᖅ ᑐᐊᕕᕐᓇᖅᑐᒧᑦ, ᐊᒻᒪᓗᒃᑲᓐᓂᖅ, ᐊᖏᕐᕋᖅᓯᒪᓗᑎᑦ ᑭᓯᐊᓂ ᑎᓕᔭᐅᒍᕕᑦ ᖃᓄᐃᓕᐅᖁᔭᐅᖔᕐᓗᑎᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᓂᑦ.  

ᐊᑐᖁᔨᓇᔭᖅᐳᒍᑦ ᓇᒧᙵᐅᓂᓕᒫᕐᓂᒃ ᒪᑐᐊᖅᓯᒪᖃᑦᑕᑯᓪᓗᑎᑦ, ᑭᓯᐊᓂᓕ ᒪᑐᐊᖅᓯᒪᓪᓚᕆᒋᐊᖃᖅᐳᑎᑦ ᓄᓇᖃᕈᕕᑦ ᓄᓇᓕᖕᓂ ᐱᑕᓕᓪᓚᕆᖕᓂ ᓄᕙᒡᔪᐊᕐᓇᖅ-19−ᒥᒃ.  

ᐊᒻᒪᓗᑦᑕᐅᖅ, ᑕᐃᒃᑯᐊ ᐱᓕᕆᖃᑎᒋᑦᑎᐊᕐᓗᒋᑦ ᐃᓄᐃᑦ ᐊᐳᐊᖃᑦᑕᐅᑎᔪᕕᓂᕐᓂᒃ ᑐᔾᔭᖅᓯᕙᓪᓕᐊᔪᑦ. ᑕᒻᒪᖅᓯᒪᙱᑦᑎᐊᖅᑐᒥᒃ ᑐᓴᖅᑕᐅᑎᑦᑎᔾᔪᑎᖃᕐᓗᓂ ᐱᐅᓛᖑᕗᖅ ᑐᔾᔭᕐᓂᐊᕐᓗᒍ ᑕᒪᓐᓇ ᖃᓂᒪᓐᓇᖅᑐᑦ.  

ᐅᓪᓗᒥ, ᓄᑖᓂᒃ ᑎᓕᓯᔾᔪᑕᐅᓯᒪᔪᓂᒃ ᐊᕕᒃᓯᒪᓂᓕᒫᒥ ᐊᑐᕐᓂᐊᖅᑐᓂᒃ ᐊᑐᓕᖅᑐᖃᓚᐅᖅᐳᖅ. ᑕᒪᒃᑯᐊ ᑎᓕᓯᔾᔪᑕᐅᔪᑦ ᐋᖅᑭᒃᓱᖅᑕᐅᓯᒪᕗᑦ ᐱᑕᖃᖅᑎᑦᑎᑦᑕᐃᓕᒪᓪᓗᑎᒃ ᓯᐊᒻᒪᒃᑎᕆᓇᔭᕐᓂᕐᒥᒃ ᑕᒪᑐᒥᖓ ᓄᕙᒡᔪᐊᖕᓇᖅ−19−ᒥᒃ ᓄᓇᓕᖕᓂ ᑕᐃᒪᐃᑦᑐᖅᑕᓕᖕᓂ, ᓴᐳᑎᓯᒪᓗᒋᓪᓗ ᐊᓯᖏᑦ ᓄᓇᓖᑦ ᑕᒪᑐᒪᙵᑦ ᖃᓂᒪᓐᓇᒥᑦ.  

ᑕᒪᒃᑯᐊ ᑎᓕᓯᔾᔪᑕᐅᓯᒪᔪᑦ ᒪᑐᐊᓂᒃ ᐊᑐᖅᑎᑦᑎᓪᓚᕆᒋᐊᖃᖅᐳᑦ ᓇᓕᐊᖕᓂᑐᐃᓐᓇᖅ ᓄᓇᓕᖕᓂ ᐆᒪᔪᓂᒃ ᑕᐃᒪᐃᑦᑐᖅᑕᓕᖕᓂᒃ ᓄᕙᒡᔪᐊᖕᓇᖅ 19−ᒥᒃ.  

ᐃᓱᓕᑦᑕᖅᑎᑦᑎᕗᒍᑦ ᓯᓚᒥ ᑲᑎᓐᓂᕆᔭᐅᕙᒃᑐᓂᒃ ᑕᓪᓕᒪᓄᑦ ᐃᓄᖕᓄᑦ ᑎᒥᒃᑯᓪᓗ ᐅᖓᓯᒌᒋᐊᖃᕐᓂᖅ ᑲᔪᓯᑎᑕᐅᖏᓐᓇᕆᐊᖃᖅᐳᖅ ᑕᒪᐃᓐᓂ ᑭᒃᑯᑐᐃᓐᓇᓄᑦ ᐃᓂᒋᔭᐅᕙᒃᑐᓂ. ᐃᓯᖅᓯᒪᓗᓂ ᑲᑎᑉᐸᖕᓃᑦ ᐃᓱᓕᑦᑕᖅᑎᑕᐅᕗᑦ ᑕᓪᓕᒪᓄᑦ ᐃᓄᖕᓄᑦ, ᑕᐃᑯᐊ ᐃᓚᒋᔭᐅᓪᓗᑎᒃ ᑕᕝᕙᓂ ᐊᖏᕐᕋᓖᑦ, ᑭᓯᐊᓂᓗᑦᑕᐅᖅ ᐃᒪᓐᓇᐅᖁᔨᓪᓚᕆᒃᑲᔭᖅᐳᒍᑦ, ᐳᒡᓚᕆᐊᖅᑐᖃᖅᐸᙱᓪᓗᓂ ᐊᖏᕐᕋᕆᔭᐅᔪᓄᑦ.

ᑎᓕᓯᔾᔪᑕᐅᓯᒪᔪᑦ ᐊᑖᒍᑦ, ᑕᒪᕐᒥᑦᑎᐊᖅ ᐊᑐᓪᓚᕆᒃᑕᐅᔭᕆᐊᖃᙱᑦᑐᑦ ᐃᖅᑲᓇᐃᔭᕐᓃᑦ ᓄᖅᑲᕆᐊᖃᖅᐳ.ᑦ ᐱᓯᒪᕗᒍᑦ ᐊᒥᓱᒻᒪᕆᖕᓂᒃ ᐊᐱᖅᑯᑎᒃᓴᓂᒃ ᖃᓄᖅ ᑕᒪᓐᓇ ᑐᑭᖃᕐᒪᖔᑦ. ᐃᒪᓐᓇᐅᖕᒪᑦ, ᒪᑐᓚᐅᕈᔅᓯ ᒫᑦᓯᐅᓚᐅᖅᑐᒥ, ᑕᐃᒪᓕ ᒪᑐᓯᒪᒃᑲᓐᓂᕆᐊᖃᓕᖅᐳᓯ. 

ᓇᖕᒥᓂᕆᔭᐅᔪᑦ ᑖᒃᓯᓄᓪᓗ ᐊᖁᑏᑦ ᐃᓱᒪᒋᔭᖃᖅᐳᑦ ᒪᑐᐊᖅᓯᒪᔾᔪᑎᓄᑦ ᓄᓇᓕᖕᓂ ᐊᒃᑐᖅᑕᐅᓯᒪᙱᑦᑐᓂ ᓄᕙᒡᔪᐊᕐᓇᖅ-19−ᒧᑦ. ᑕᒪᒃᑯᐊ ᒪᑐᐊᖅᓯᒪᔾᔪᑏᑦ ᐊᑐᖅᑕᐅᔭᕆᐊᖃᓪᓚᕆᙱᒃᑲᓗᐊᖅᑎᓪᓗᒋᑦ ᐊᓯᖏᓐᓂ ᓄᓇᓕᖕᓂ, ᐊᑐᖁᔭᐅᖃᑦᑕᕋᔭᖅᐳᑦ, ᓇᖕᒥᓂᕆᔭᐅᔪᓪᓗ ᐱᔪᓐᓇᐅᑎᖃᖅᐳᑦ ᐊᑐᖃᑦᑕᖁᔨᔪᓐᓇᖅᖢᑎᒃ ᒪᑐᐊᖅᓯᒪᔾᔪᑎᓂᒃ ᐱᓕᕆᕝᕕᒋᒃᑕᒥᓄᑦ ᐃᖅᑲᓇᐃᔭᖅᑎᓄᓪᓗ.

ᐱᓇᓱᐊᕈᓯᐅᓵᖅᑐᒥ, ᐅᖃᐅᓯᖃᓚᐅᖅᐳᖓ ᑕᒪᒃᑯᐊ ᐸᐃᕆᕝᕖᑦ ᓄᓇᕗᒻᒥ ᒪᑐᐃᙶᕈᓐᓇᕐᓂᖏᓐᓂᒃ ᐊᑐᖅᑕᐅᓪᓚᕆᒋᐊᖃᖅᑐᓄᑦ ᐃᖅᑲᓇᐃᔭᖅᑎᒋᔭᐅᔪᓄᑦ. ᑐᑭᓯᓇᑦᑎᐊᖁᓗᒍ ᑕᒪᓐᓇ, ᑖᓐᓇ ᑎᓕᓯᔾᔪᑕᐅᙱᓚᖅ. ᐱᓕᕆᔨᒋᔭᐅᔪᑦ ᐃᒃᐱᒋᔭᖃᕈᑎᒃ ᖁᐊᖅᓵᕐᓇᙱᓐᓂᖅᓴᐅᓇᔭᕐᓂᕐᓂᒃᒪᑐᒍᑎᒃ, ᑕᒪᓐᓇ ᐃᓱᒪᖅᓲᑎᒋᕙᖓᑦ, ᑭᓯᐊᓂᓕ ᐃᒪᐃᖁᔨᓇᔭᕋᓗᐊᕆᕗᖓ, ᐃᓚᖏᑦ ᒪᑐᐃᙶᖏᓐᓇᕐᓂᐊᕐᓗᑎᒃ. ᐃᑲᔪᕈᒪᓂᕐᒧᑦ ᐊᑐᓪᓚᕆᒋᐊᖃᖅᑐᓂᒃ ᐃᖅᑲᓇᐃᔭᖅᑎᑦᑎᓐᓂᒃ ᐸᐃᕆᔨᖃᙱᑦᑐᓂᒃ ᐃᖅᑲᓇᐃᔭᕈᓐᓇᖁᓪᓗᒋᑦ. 

ᑭᖑᓪᓕᖅᐹᒥᒃ, ᐃᓕᔅᓯᓐᓄᑦ ᐱᑦᑎᐊᖃᑦᑕᐅᑎᓂᐊᖅᐳᓯ ᐃᓅᖃᑎᒌᑦᑎᐊᕐᓗᓯ, ᓯᐊᒻᒪᒃᑎᑕᐅᓂᖓ ᑕᒪᑐᒪ ᖃᓂᒪᓐᓇᐅᑉ ᐱᔮᕆᔭᐅᓪᓗᓂ ᑕᐃᒪᐃᑎᑕᐅᓚᐅᙱᓚᖅ, ᑎᒃᑯᐊᖅᓯᓂᕐᓗ ᐃᓄᖕᓂᒃ ᓄᓇᓕᖕᓂᒡᓘᓐᓃᑦ ᐅᕙᑦᑎᓐᓄᑦ ᐃᑲᔫᑎᖃᕋᔭᙱᑦᑎᐊᖅᐳᖅ ᓱᒃᑲᓂᖅᓴᒃᑯᑦ ᐋᖅᑭᒃᓯᒪᓕᖅᑎᑦᑎᓂᕐᒧᑦ ᑕᒪᑐᒥᖓ ᖃᓄᐃᓕᐊᓂᕆᔭᐅᓕᖅᑐᒥᒃ.  

ᖁᔭᓐᓇᒦᒃ.

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᒃᑕᖏᓐᓂ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᑕᒪᑐᒧᖓ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ (ᐅᑭᐅᖅᑕᖅᑐᒥ ᐊᕕᒃᓯᒪᓂᓕᒫᒥ)

• ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᕝᕕᒋᔭᐅᕙᒃᑐᑦ ᐱᕕᒃᓴᖃᖅᑎᑕᐅᕗᑦ ᐅᖃᓪᓚᒍᓐᓇᖅᖢᑎᒃ ᐅᖃᐅᔾᔪᐃᔨᒧᑦ ᐅᖄᓚᐅᑎᒃᑯᑦ
• ᑐᐊᕕᕐᓇᖅᐸᑦ ᑕᒪᓐᓇ, ᑕᒪᒃᑯᐊ ᐱᓕᕆᕝᕕᒋᔭᐅᔭᕆᐊᓖᑦ ᐋᓐᓂᐊᕕᓕᐊᕈᓐᓇᖅᐳᑦ/ᕿᑭᖅᑕᓂᐋᓐᓂᐊᕕᖕᒧᑦ ᑕᑯᔭᐅᔭᖅᑐᕐᓗᑎᒃ ᐅᖃᐅᔾᔪᐃᔨᒥᑦ ᐃᓱᒪᒃᑯᓪᓘᓐᓃᑦ ᖃᓄᐃᖏᑦᑎᐊᕐᓂᕐᒧᑦ ᐃᓗᐊᖅᓴᐃᔨᒋᔭᐅᔪᒧᑦ
• ᐱᓕᕆᕝᕕᒋᔭᐅᔪᑦ ᖃᐅᔨᓴᖅᑕᐅᕙᓪᓕᐊᖏᓐᓇᖅᐳᑦ ᐃᓱᒪᓕᕆᔨᒥᑦ ᑕᓚᕖᓴᒃᑯᑦ ᑕᐅᑐᖃᑦᑕᐅᑎᕝᕕᒃᑯᑦ
• ᐱᓕᕆᕝᕕᒋᔭᐅᔪᑦ ᖃᐅᔨᒋᐊᕐᕕᐅᕙᒃᐳᑦ ᐊᖏᕐᕋᖏᓐᓂ ᑕᒪᒃᑯᐊ ᐅᖃᐅᔾᔪᐃᔩᑦ ᐃᓱᒪᓕᕆᕙᖕᓂᕐᒧᓪᓘᓐᓃᑦ ᐃᓗᐊᖅᓴᐃᔩᑦ ᑖᒃᑯᓄᖓ ᖃᖓᑦᑎᐊᒃᑯᑦ ᖃᐅᔨᒋᐊᕐᕕᖃᖅᓯᒪᙱᑉᐸᑕ
• ᓄᓇᓕᖕᓂ: ᐃᓄᖕᓂᒃ ᐱᓕᕆᖃᑎᖃᖅᐸᒃᑐᑦ ᐃᓗᐊᓴᐃᕕᖕᒥᓗ ᐱᓕᕆᕙᒃᑐᑦ ᖃᐅᔨᒋᐊᕐᕕᖃᖅᐸᒃᐳᑦ ᐱᓕᕆᕝᕕᒋᔭᒥᓂᒃ ᓈᓚᐅᑎᒃᑯ ᓈᓚᐅᑎᒥᓗ ᐅᖃᓕᒫᖅᑕᐅᓂᐊᖅᑐᑎᒍᑦ.
• ᐃᓄᖕᓂᒃ ᐱᓕᕆᖃᑎᖃᖅᐸᒃᑐᑦ ᐋᖅᑭᓱᐃᕙᒃᐳᑦ ᑲᑎᖅᓱᖅᓯᒪᔪᓂᒃ ᑐᓂᔭᐅᓂᐊᖅᑐᓂᒃ ᐱᓕᕆᕝᕕᒋᔭᖏᑕ ᐊᖏᕐᕋᖏᓐᓄᑦ, ᐱᓕᕆᐊᒃᓴᖅᑕᖃᖅᖢᓂ ᐃᓗᐃᓂ ᓴᓚᐅᔪᒍᑎᒋᓂᐊᕐᓗᒋᑦ, ᐊᓯᖏᓪᓗ.
• ᐱᓕᕆᕝᕕᒋᔭᐅᔪᑦ ᐊᑐᐃᓐᓇᖃᑦᑕᖅᐳᑦ ᐱᔨᑦᑎᕋᕐᓂᕐᓂᒃ ᖃᓪᓗᓈᓂᑦ ᑲᒪᒋᔭᐅᓂᐊᕐᓗᑎᒃ ᐅᓂᒃᓯᒪᓗᑎᒡᓘᓐᓃᑦ ᐃᑲᔪᖅᑐᖅᑕᐅᕙᒡᓗᑎᒃ, ᑕᐃᓐᓇ ᐃᓂᒋᔭᐅᔪᖅ ᐊᖏᖅᓯᖃᑦᑕᖅᐸᑦ ᐱᓕᕆᕝᕕᒋᔭᒥᓂᒃ.

ᓄᓇᕗᒻᒥ ᓄᕙᒡᔪᐊᕐᓇᖅ-19−ᒧᑦ  ᑭᒡᓕᓯᓂᐊᖅᑕᐅᓯᒪᔪᑦ ᓄᕕᐱᕆ 18

ᓄᓇᓕᒃ	ᓇᓗᓇᐃᖅᑕᐅᓪᓚᕆᒃᓯᒪᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ  (ᐃᑉᐸᒃᓴᖅ)	ᓇᓗᓇᐃᖅᑕᐅᓪᓚᕆᒃᓯᒪᔪᑦ ᓄᕙᒡᔪᐊᕐᓇᖅ-19 −ᖃᕐᓂᖏᓐᓂᒃ (ᐅᓪᓗᒥ)	ᐊᓯᔾᔨᕐᓂᕆᔭᖓ ᐱᑕᖃᓪᓚᑦᑖᕐᓂᕋᖅᑕᐅᓯᒪᔪᓂᑦ ᓈᓴᖅᑕᐅᓯᒪᓂᖏᑕ (+/-) ᐃᑉᐸᒃᓴᖓᓂᑦ
ᐊᕐᕕᐊᑦ	46	54	8
ᑎᑭᕋᕐᔪᐊᖅ	8	8	0
ᑲᖏᖅᖠᓂᖅ	4	6	2
ᓴᓂᑭᓗᐊᖅ	2	2	0
ᑲᑎᖦᖢᒋᑦ	60	70	10

ᖃᐅᔨᓴᖅᓯᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᐅᓪᓗᒥᒧᑦ ᑎᑭᖦᖢᒍ: ᓄᕕᐱᕆ 18

ᓄᓇᓕᒃ	ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᕗᖅ	ᖃᐅᔨᓴᖅᑕᐅᒐᒥ ᐱᖃᙱᓐᓂᕋᕐᑕᐅᕗᖅ
Arviat	54	114
ᑎᑭᕋᕐᔪᐊᖅ	8	5
ᑲᖏᖅᖠᓂᖅ	6	60
ᓴᓂᑭᓗᐊᖅ	2	103
ᑲᑎᖦᖢᒋᑦ	70	282

ᐃᓄᑑᔭᕆᐊᖃᕐᓂᖅ

ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᓄᑑᒃᑯᕖᑦ ᐃᓂᖏᑦ)
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ	ᑐᔪᕐᒥᕕᖕᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᓄᕕᐱᕆ 18−ᒥ ᐱᒋᐊᖅᖢᒍ
ᐋᓐᓂᐊᕐᕕᓕᐊᖅᑐᑦ	370
ᑭᒃᑯᑐᐃᓐᓇᑦ	196
ᑲᑎᖦᖢᒋᑦ	566

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᖃᓄᐃᓕᖓᓂᖏᑦ:

ᐅᓪᓗᖅ ᐊᐅᓪᓚᕐᕕᒃᓴᖓ	ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᐸᒃᑕᐅᑦᑕᐃᓂᒪᓂᕐᒧᑦ ᐃᓂᓂ
ᓄᕕᐱᕆ 18	102
ᓄᕕᐱᕆ 19	58
ᓄᕕᐱᕆ 20	33
ᓄᕕᐱᕆ 21	5
ᓄᕕᐱᕆ 22	4
ᑲᑎᖦᖢᒋᑦ	202

ᐱᑕᖃᕆᐊᖃᓪᓚᕆᒃᑐᓂᒃ ᐃᖅᑲᓇᐃᔭᖅᑎᓂᒃ ᑐᒃᓯᕋᐅᑏᑦ

ᓄᕕᐱᕆ 17−ᒥ ᐱᒋᐊᖅᖢᒍ, 8905−ᓂᒃ ᑐᒃᓯᕋᖅᑐᖃᓚᐅᖅᐳᖅ, 4151−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑐᒃᓯᕋᖅᑕᐅᔪᑦ.

ᑐᒃᓯᕋᖅᑕᐅᓯᒪᔪᑦ ᖃᓄᐃᓕᖓᓂᖏᑦ	#	%
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᔭᕆᐊᖃᓪᓚᕆᒃᑐᑦ ᐊᒻᒪ ᐱᔭᕆᐊᖃᓪᓚᕆᙱᑦᑐᑦ)	5981	67.2%
ᐊᖏᖅᑕᐅᙱᑦᑐᑦ	281	3.2%
ᐅᑕᖅᑭᔪᑦ	203	2.3%
ᐊᐅᓪᓚᕐᕕᐅᔪᓐᓇᕐᑐᑦ ᐊᑐᖅᑕᐅᒐᔪᒃᑐᓄᑦ ᐊᖏᖅᑕᑦ	2440	27.4%
ᑲᑎᖦᖢᒋᑦ	8905	100%

ᐊᐅᓪᓚᕐᕕᐅᒐᔪᒃᑐᑦ

ᑖᒃᑯᐊ ᓄᓇᑦᓯᐊᖅ/ᓄᓇᕗᑦ ᐊᐅᓪᓚᕐᕕᐅᔪᓐᓇᖅᑎᑕᐅᓯᒪᔪᑦ ᓄᖅᑲᖅᑎᑕᐅᕗᑦ ᓇᓗᓇᐃᖅᑕᐅᑉᐸᑦ ᑭᓯᐊᓂ ᐱᒋᐊᒃᑲᓐᓂᕈᓐᓇᓛᖅᑐᑦ.

ᓄᕕᐱᕆ 17, 2020ᒥᑦ ᐱᒋᐊᖅᑐᒍ, ᓄᓇᕗᒻᒥᐅᑦ ᑖᒃᑯᓄᖓ ᓄᓇᑦᓯᐊᕐᒧᑦ ᐊᐅᓪᓚᖅᐸᑕ ᐃᓄᑑᔭᕆᐊᖃᖃᑦᑕᕐᓂᐊᖅᑐᑦ ᐋᖅᑭᑦᑕᐅᓯᒪᔪᑦ ᒪᓕᓪᓗᒋᑦ ᓄᓇᑦᓯᐊᕐᒥᑦ. ᑐᑭᓯᒋᐊᒃᑲᓂᕈᒪᒍᕕᑦ, ᐊᐅᓪᓚᕆᐊᖃᖅᓯᒪᔪᑦ ᖃᐅᔨᒋᐊᕐᕕᖃᕈᓐᓇᖅᑐᑦ ᓴᐳᑎᓗᒍ ᓄᓇᑦᓯᐊᖅ ᐅᕗᖓ 8-1-1 ᐅᕙᓗ 1-833-378-8297.

ᑖᓐᓇ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᓄᓇᕗᒻᒥ ᑐᑭᒧᐊᒍᑎᖓ, ᑕᒪᕐᒥᒃ ᓄᓇᕗᒻᒥᐅᑦ ᐊᐅᓪᓚᖅᓯᒪᔪᑦ ᓄᓇᕗᒻᒥ ᓄᓇᑦᓯᐊᕐᒧᑦ, ᑖᓐᓇ ᓄᖅᑲᖅᑎᑕᐅᓚᐅᖅᑎᓐᓇᒍ ᐊᐅᓪᓚᕐᕕᐅᔪᓐᓇᖅᑎᑕᐅᔪᓄᑦ, ᓄᓇᕗᒻᒧ ᐅᑎᕈᓐᓇᖅᑐᑦ ᐃᓄᑑᔭᕆᐊᖃᖅᓯᒪᙱᓪᓗᑎᑦ ᐅᓪᓗᓄᑦ 14ᓄᑦ ᐊᑐᕆᐊᓕᒻᒥᑦ:

• ᓄᓇᕗᒻᒥᐅᑦ ᓄᓇᑦᓯᐊᕐᒦᑦᑐᑦ ᒫᓐᓇ ᐅᑎᕆᐊᖅᓴᕋᐃᒍᒪᔪᑦ ᓄᓇᕗᒻᒧᑦ ᐊᐅᓪᓚᕐᕕᔅᓴᖓᑕ ᑐᖔᓂ, ᑖᔅᓱᒥᖓ ᐊᐅᓚᕐᕕᐅᔪᓐᓇᖅᑐᓄᑦ ᐊᐅᓪᓚᖅᓯᒪᓂᕐᒧᑦ ᓇᓗᓇᐃᖅᓯᔾᔪᑎ ᑕᑕᑎᕆᐊᓕᒃ ᐊᐅᓪᓚᖅᑎᓪᓗᒍᓗ ᐅᕗᖓ @email. ᑖᒃᑯᐊᓗ ᒪᑐᐊᖅᓯᒪᔾᔪᑎᒥᒃ ᐊᑐᕆᐊᓖᑦ ᐃᓄᓕᒻᒦᑉᐸᑕ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᖃᑦᑕᖅᑐᓂᑦ ᐊᒻᒪ ᐅᖓᓯᒌᖃᑦᑕᐅᑎᓗᑎᑦ ᐅᑎᕋᓱᓐᓂᓕᒫᕐᒥᓂ.
• ᓄᓇᕗᒻᒥᐅᑦ ᐃᓯᖅᑐᑦ ᓄᓇᑦᓯᐊᕐᒧᑦ ᑕᐃᑯᖓ ᓄᓇᑖᕆᐊᑦᑐᕐᓗᑎᑦ ᐱᔾᔪᑎᖃᖅᑐᑦ, ᐃᖅᑲᓇᐃᔭᕆᐊᕐᓗᑎᑦ, ᐃᓕᓐᓂᐊᕆᐊᕐᓗᑎᑦ ᐅᕙᓗ ᐃᓚᓕᐊᕐᓗᑎᑦ ᐊᒻᒪ ᓄᓇᕗᒻᒧ ᐅᑎᕈᒪᓛᖅᐸᑕ ᑖᔅᓱᒥᖓ ᐊᐅᓪᓚᕐᕕᐅᔪᓐᓇᖅᑐᓄᑦ ᐊᐅᓪᓚᖅᑐᓄᑦ ᓇᓗᓇᐃᖅᓯᔾᔪᑎ ᑕᑕᑎᕆᐊᓕᒻᒥᑦ ᐅᕗᖓᓗ ᐊᐅᓪᓚᖅᑎᓪᓗᒍ @email.
• ᓄᓇᕗᒻᒥᐅᑦ ᓄᓇᑦᓯᐊᕐᒦᑦᑐᑦ ᒫᓐᓇ, ᑕᐃᑲᓃᖏᓐᓇᕈᒪᑉᐸᑕ ᐅᓪᓗᖓᓐᓄᑦ ᐅᑎᕆᐊᕐᕕᒋᓂᐊᖅᓯᒪᔭᖓᓐᓄᑦ ᓈᒻᒪᖅᑯᑎᓪᓗᑎᑦ, ᑖᒃᑯᐊ ᒪᓕᒋᐊᖃᕐᓂᐊᖅᑐᑦ ᓄᓇᑦᓯᐊᕐᒥᐅᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᖃᓄᐃᓕᐅᖅᑕᐅᖁᓯᒪᔭᖏᓐᓂᑦ. ᑐᑭᓯᒋᐊᒃᑲᓂᕈᒪᔪᑦ ᖃᐅᔨᒋᐊᕐᕕᖃᕈᓐᓇᖅᑐᑦ ᓴᐳᑎᓗᒍ ᓄᓇᑦᓯᐊᖅ ᐅᕗᖓ 8-1-1 ᐅᕙᓗ 1-833-378-8297.

 

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

• ᐱᖓᔪᐊᓐᓂᑦ, ᓄᕕᐱᕆ 18, 2020−ᒥ, ᑕᒪᕐᒥᑦᑎᐊᖅ ᓄᓇᕗᒻᒥ ᐸᐃᕆᕝᕖᑦ ᒪᑐᓂᐊᖅᐳᑦ.
• ᑭᓯᐊᓂ, ᐸᐃᕆᕝᕖᑦ ᐃᓱᒪᖅᓱᕐᓗᑎᒃ ᒪᑐᐃᙶᖏᓐᓇᑐᐃᓐᓇᕆᐊᓖᑦ ᐃᖅᑲᓇᐃᔭᕆᐊᖃᓪᓚᕆᒃᑐᑦ ᕿᑐᕐᙵᖏᓐᓂᒃ ᑲᒪᖃᑦᑕᕐᓂᐊᕐᓗᑎᒃ.

 

ᒪᓕᒐᓕᕆᔨᒃᑯᓐᓂᑦ ᐱᔨᑦᑎᕋᐅᑎᑦ

ᖃᓄᐃᓕᐅᕆᐊᖃᖅᐳᖓ ᐃᓱᒫᓘᑎᖃᕈᒪ ᑕᒪᒃᑯᐊ ᑎᓕᓯᔾᔪᑕᐅᓯᒪᔪᑦ ᒪᓕᒃᑕᐅᙱᑉᐸᑕ?

ᓄᓇᔅᓯᓐᓂ ᐸᓖᓯᓯ ᐃᑲᔪᕈᓐᓇᖅᐳᑦ ᐊᑐᖅᑕᐅᓪᓗᐊᖅᖢᑎᒡᓗ ᓯᕗᓪᓕᖅᐸᐅᓗᑎᒃ ᖃᐅᔨᒋᐊᕐᕕᐅᔪᓐᓇᕐᓗᑎᒃ. ᐃᓱᒫᓘᑎᖃᕈᕕᑦ, ᖃᐅᔨᒋᐊᕐᕕᒋᓗᒋᑦ ᓄᓇᔅᓯᓐᓂ ᐸᓖᓯᓯ.

ᓯᕗᒻᒧᐊᖅᐸᓪᓕᐊᓂᑦᑎᓐᓂ, ᓇᐅᑦᑎᖅᓱᖅᓯᓐᓇᕐᓂᐊᖅᐳᒍᑦ, ᐊᓯᔾᔨᖅᓯᕙᒡᓗᑕᓗ, ᕿᒥᕐᕈᐊᖅᓯᒃᑲᓐᓂᖅᐸᒡᓗᑕᓗ ᑕᒪᒃᑯᓂᖓ ᑎᓕᓯᔾᔪᑕᐅᓯᒪᔪᓂᒃ ᑕᐃᒪᐃᑦᑕᕆᐊᖃᕌᖓᑦ.   ᐊᑐᖅᑕᕗᑦ ᓇᓕᒧᒃᓱᖅᑎᑕᐅᓂᐊᖅᐳᑦ ᐱᔭᕆᐊᓕᖕᒧᑦ ᐅᓇᑖᕆᔭᕆᐊᖃᕐᓂᕐᒧᑦ ᓄᕙᒡᔪᐊᕐᓇᖅ-19−ᒥᒃ. ᐊᑐᕈᓐᓃᕈᑦᑕ ᑕᒪᑐᒪ ᐋᓐᓂᐊᕐᓇᖅᑑᑉ ᖁᐊᖅᓵᕐᓇᕐᓂᖓᓂᒃ, ᑕᐃᒪᐃᑦᑐᓂᒃ ᐊᑐᕆᐊᓕᖕᓂᒃ ᐊᑐᕆᐊᖃᔾᔭᔪᓐᓃᖅᐳᒍᑦ.

ᑭᒃᑯᑦ ᑕᒪᒃᑯᓂᖓ ᐊᑐᖅᑕᐅᓪᓚᕆᒋᐊᖃᖅᑐᓂᒃ ᐊᑐᖅᑎᑦᑎᓪᓚᕆᒍᓐᓇᖅᐸᑦ?

ᐸᓖᓯᒃᑯᑦ ᖄᒃᑲᓐᓂᐊᒍᑦ, ᖃᐅᔨᒪᑦᑎᐊᕈᒪᓂᕐᒧᓪᓗ ᐊᔪᙱᓐᓂᖃᕋᓗᐊᕐᒪᖔᑦᑕ ᐊᑐᖅᑎᑦᑎᓪᓚᕆᖕᓂᕐᒥᒃ ᑐᐊᕕᖕᓇᖅᑐᓄᑦ ᑎᓕᓯᔾᔪᑕᐅᔪᓄᑦ, ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅ ᐱᔪᓐᓇᐅᑎᑖᖅᑎᑦᑎᓯᒪᕗᖅ ᑕᒪᐃᓐᓂᑦᑎᐊᖅ ᒪᓕᒐᕐᓂᒃ, ᒪᓕᒃᑎᑦᑎᔨᓂᒃ ᑎᓕᔭᐅᓯᒪᔪᓂᒃ ᐊᕕᒃᓯᒪᓂᐅᑉ ᒪᓕᒐᖏᑎᒍᑦ ᐊᔪᙱᓐᓂᖃᕐᓂᕐᒥᒃ ᐊᑐᖅᑎᑦᑎᓪᓚᕆᖕᓂᕐᒥᒃ ᑕᒪᒃᑯᓂᖓ ᑎᓕᔭᐅᓯᒪᔾᔪᑕᐅᔪᓂᒃ. ᐅᑯᐊᖑᓪᓗᑎᓪᓗ, ᓄᓇᓕᖕᓂ ᒪᓕᒐᕐᓂᒃ ᐊᑐᖅᑎᑦᑎᔩᑦ, ᐸᓖᓯᒋᔭᐅᔪᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᓄᑦ, ᐊᕙᑎᓕᕆᓂᕐᒧᑦ ᖃᐅᔨᓴᖅᑏᑦ, ᐃᒥᐊᓗᓕᕆᓂᕐᒧᑦ ᖃᐅᔨᓴᖅᑏᑦ ᐆᒪᔪᕐᓂᐊᖅᑏᓪᓗ.

ᐃᒪᓐᓇᐅᒐᔪᒃᑑᒐᓗᐊᖅ, ᑖᒃᑯᐊ ᐱᓕᕆᔩᑦ ᐊᑐᖅᑎᑦᑎᓪᓚᕆᒍᓐᓇᖅᐸᒃᐳᑦ ᑭᓯᐊᓂ ᓇᖕᒥᓂᑦ ᐱᖁᔭᖁᑎᒥᓂᒃ. ᑭᓯᐊᓂᓕ, ᑕᒪᒃᑯᐊ ᑐᐊᕕᕐᓇᖅᑐᒧᑦ ᑎᓕᓯᔾᔪᑕᐅᔪᑦ ᐱᓕᑦᑎᕗᑦ ᑖᑦᑯᓂᖓ ᓴᙱᓂᒃᑲᓐᓂᕐᓂᒃ. ᖃᐅᔨᒪᑦᑎᐊᕈᒪᓂᕐᒧᑦ ᑕᐃᒃᑯᐊ ᐱᔭᒃᓴᖃᖅᑎᑕᐅᔪᑦ ᓴᐳᔾᔨᓯᒪᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃ ᓄᓇᕗᒻᒥᐅᑦ ᐱᑐᐃᓐᓇᕆᐊᖃᕋᓗᐊᕐᒪᖔᑕ ᑕᒪᑐᒥᖓ ᐱᓕᕆᐊᒃᓴᒥᒃ, ᐱᑎᑕᐅᓂᐊᖅᑐᑦ ᑐᑭᓯᓇᑦᑎᐊᖅᑐᓂᒃ ᒪᓕᒋᐊᓕᖕᓂᒃ ᖃᓄᐃᓕᐅᖅᑎᐅᑎᑕᐅᓂᕐᒥᓄᑦ.

ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅ ᔪᓐᓇᐅᑎᑖᖅᑎᑦᑎᓯᒪᕗᖅ ᑖᒃᑯᓂᖓ ᒪᓕᒐᕐᓂᒃ ᐱᓕᕆᔨᓂᒃ ᖃᔅᓯᑲᓪᓚᖕᓂᒃ ᐱᔾᔪᑎᖃᖅᖢᑎᒃ:

• ᐸᓖᓯᒃᑯᑦ ᐊᑐᑐᐃᓐᓇᕆᐊᓖᑦ ᐸᓖᓯᑭᒃᓴᕐᓂᕐᒥᒃ ᑕᒪᓐᓇ ᓇᒧᙵᕈᓘᔭᖅᓯᒪᔪᖅ ᐋᓐᓂᐊᕐᓇᖅ ᐊᑐᕐᓂᖓᓂ ᐊᔪᑐᐃᓐᓇᕆᐊᖃᖅᖢᑎᒡᓗ ᑕᒪᑐᒥᖓ ᐱᓕᕆᐊᒃᓴᒃᑲᓐᓂᕐᓂᕐᒥᒃ ᐱᓕᕆᐊᖃᕆᐊᒃᓴᖅ;
• ᑖᒃᑯᐊ ᐱᔪᓐᓇᐅᑎᖃᖅᑎᑕᐅᔪᑦ ᒪᓕᒐᖕᓂᒃ ᒪᓕᒃᑎᑦᑎᔩᑦ ᖃᐅᔨᒪᕙᒌᖅᐳᑦ  ᐊᔪᕈᓐᓃᖅᓴᖅᓯᒪᓪᓗᑎᒡᓗ ᐊᑐᖅᑎᑦᑎᓪᓚᕆᖕᓂᕐᒥᒃ ᑲᔪᓯᔾᔪᑕᐅᕙᒃᑐᓂᒃ ᐊᕕᒃᓯᒪᓂᐅᑉ ᐅᑭᐅᖅᑕᖅᑐᒥ ᒪᓕᒐᖓᑎᒎᖓᔪᓂᒃ;
• ᑕᒪᒃᑯᐊ ᑎᓕᓯᔾᔪᑕᐅᔪᑦ ᐊᒃᑐᖅᓯᕗᑦ ᐃᓯᕈᓐᓇᕐᓂᕐᒥᒃ ᐊᕕᒃᓯᓂᕐᒥ ᐅᑭᐅᖅᑕᖅᑐᒥ ᐃᓯᕈᓐᓇᕐᓂᕐᒧᑦ ᐊᓯᖏᓐᓄᓪᓗ ᓄᓇᒥ ᐱᓕᕆᐊᖑᕙᒃᑐᓄᑦ, ᑕᒪᒃᑯᓇᓂᓗ ᑕᒪᒃᑯᐊ ᐆᒪᔪᕐᓂᐊᖅᑏᑦ ᓯᕗᓪᓕᖅᐸᐅᒐᔪᒃᐸᒃᖢᑎᒃ ᖃᐅᔨᒋᐊᕐᕕᐅᖅᑳᖅᐸᒃᖢᑎᒃ; ᐊᒻᒪᓗ
• ᓄᓇᓕᖕᓂ ᐱᖁᔭᕐᓂᑦ ᐱᓕᕆᕙᒃᑐᑦ ᐱᓕᕆᖃᑦᑕᖅᓯᒪᕗᑦ ᑐᓂᓯᕙᒃᖢᑎᒃ ᑐᓂᔭᐅᔭᕆᐊᖃᖅᐸᒃᑐᓂᒃ ᓄᓇᓖᑦ ᐱᖁᔭᕋᓛᖏᑎᒍᑦ , ᐃᓕᓴᕆᔭᐅᓪᓗᑎᒡᓗ ᑎᒥᐅᓂᖏᓐᓂᒃ ᐊᑐᖅᑎᑦᑎᓪᓚᕆᒍᓐᓇᖅᖢᑎᒃ ᓄᓇᕗᒻᒥ ᓄᓇᓕᖕᓂ.

ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅ ᐱᓕᕆᖃᑎᖃᖅᐳᖅ ᐱᓕᕆᔨᓂᒃ ᐸᒡᓕᓯᒃᑯᓐᓂ, ᓄᓇᕗᑦ ᒐᕙᒪᒃᑯᖏᓐᓂ ᓄᓇᓖᓪᓗ ᕼᐋᒻᓚᖏᓐᓂ ᖃᐅᔨᒪᑦᑎᐊᕈᒪᒧᑦ ᐊᔾᔨᒌᓂᒃ ᑐᓴᖅᑎᑕᐅᖃᑦᑕᕋᓗᐊᕐᒪᖔᑕ ᐊᑐᖅᑎᑕᐅᖃᑦᑕᕋᓗᐊᕐᒪᐋᑕᓗ ᑕᒫᓂᓕᒫᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ.

ᖃᖓᕐᑯᓪᓕ ᒪᓕᒐᕐᓂᒃ ᐊᑐᖅᑎᑦᑎᔨᒻᒪᕆᒃ ᐃᒡᓗᖕᓄᑦ ᑭᒃᑯᑐᐃᓐᓇᓪᓘᓐᓃᑦ ᐃᓂᒋᕙᒃᑕᖓᓄᑦ ᐃᓯᕈᓐᓇᖅᐸ?

ᑎᓕᓯᔾᔪᑕᐅᔪᓂ ᓴᑭᖅᑎᑕᐅᓯᒪᓂᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ, ᑐᑭᓯᓇᑦᑎᐊᖅᖢᓂ  ᐃᒡᓗᕐᔪᐊᕐᒥᑦ ᐊᖏᕐᕋᕆᔭᕐᓄᑦ, ᑖᓐᓇ "ᐊᖏᕐᕋᕆᔭᐅᔪᖅ",  ᐊᒻᒪᓗ ᑭᒃᑯᑐᐃᓐᓇᓄᑦ ᐅᐸᒃᑕᐅᔪᓐᓇᖅᐸᒃᑐᖅ, ᓲᕐᓗ ᓂᕿᓄᑦ ᓂᐅᕕᕆᐊᕐᕕᒃ.

ᑖᒃᑯᑎᒎᓇᖅ ᑎᓕᓯᓯᒪᔾᔪᑕᐅᔪᑎᒍᑦ, ᑖᓐᓇ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖅᐱᑎᑦᑎᓯᒪᕗᖅ ᐊᑐᖅᑎᑦᑎᓪᓚᕆᖕᓂᕐᒧᑦ ᐱᓕᕆᔨᓂᒃ ᐱᔪᓐᓇᐅᑎᖃᖅᑎᖦᖢᒋᑦ ᐃᓯᕈᓐᓇᖅᑎᖦᖢᒋᑦ ᑭᒃᑯᑐᐃᓐᓇᓄᑦ ᐃᓂᒋᔭᐅᕙᒃᑐᓂᒃ ᐱᔪᓐᓇᐅᑎᖃᙱᒃᑲᓗᐊᕐᓗᑎᒃ, ᐊᑐᖅᑎᑦᑎᓪᓚᕆᒍᒪᓂᕐᒧᓪᓗ ᑕᐃᒪᐃᓕᐅᕈᑎᖃᕐᓗᑎᒃ.  ᑕᒪᓐᓇ ᐃᓚᖃᖅᐳᖅ ᐃᓐᓄᒃᓯᒪᙱᑦᑐᓂᒃ ᐃᒡᓗᕐᔪᐊᓂᒃ ᐊᒻᒪᓗ ᑲᑎᖅᓱᖅᓯᒪᓪᓗᑎᒃ ᐊᖏᑦᕋᕆᔭᐅᕙᒃᑐᑦ.

ᑭᓯᐊᓂᓕ, ᐊᖏᕐᕋᕆᔭᕐᓄᑦ ᑕᒪᓐᓇ ᐱᔾᔪᑎᖃᖅᐸᑦ, ᒐᕙᒪᒃᑯᑦ ᐃᓕᓴᖅᓯᓯᒪᑦᑎᐊᖅᐳᑦ ᐱᔪᓐᓇᐅᑎᖕᓂᒃ, ᒪᓕᒋᐊᖃᓪᓚᕆᖕᓂᖏᓐᓂᒡᓗ ᐊᑐᖅᑎᑦᑎᓪᓚᕆᖕᓂᕐᒧᑦ ᐱᓕᕆᔩᑦ ᐊᔪᕐᓇᙱᓐᓂᓕᒫᖓᒍᑦ ᐃᒃᐱᒋᔭᖃᑦᑎᐊᕐᓂᐊᖅᖢᑎᒃ ᑖᒃᑯᓂᖓ ᐱᔪᓐᓇᐅᑎᒋᔭᐅᔪᓂᒃ. ᑭᑭᑕᐅᔪᓐᓇᖅᖢᑎᒃ ᑐᐊᕕᕐᓇᑦᑐᓕᕆᓃᑦ, ᒪᓕᒐᕐᓂᑦ ᐊᑐᖅᑎᑦᑎᔨ ᐅᑉᐱᕆᔭᖃᖅᐸᑦ ᐱᔾᔪᑕᐅᔪᓐᓇᖅᑐᒥᒃ ᐱᑕᖃᕐᓂᖓᓂᒃ ᐃᓯᕆᐊᖃᕐᓂᐊᕐᓗᓂ ᐃᒡᓗᖕᔪᐊᕐᓄᑦ, ᑕᐃᒪᓂ ᐃᓕᖕᓂᑦ ᐊᖏᖅᑕᐅᔭᕆᐊᖃᕋᔭᖅᐳᑦ, ᐱᔪᓐᓇᐅᑎᑖᕐᓗᓂᓘᓐᓃᑦ ᐃᖅᑲᖅᑐᐃᕕᓕᕆᔨᒃᑯᓐᓂᑦ.

 

ᑮᓇᐅᔭᓕᕆᔨᒃᑯᑦ

ᐃᖅᑲᓇᐃᔭᖅᑎᒧᑦ ᐊᑭᓕᐅᑎᓄᑦ ᑐᓴᖅᑕᐅᑎᑦᓯᔾᔪᑎ − ᓅᕙᐃᒻᕙ 27, 2020

• ᒐᕙᒪᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑎᓕᒫᑦ ᐊᑎᓕᖅᑕᐅᖏᓐᓇᕐᓂᐊᖅᑐᑦ ᐋᖅᑭᑦᑕᐅᓯᒪᓂᖏᑎᒍᑦ, ᐃᓚᒋᓪᓗᒍ ᐃᖅᑲᓇᐃᔭᐃᓐᓇᕐᓂᕐᒧᑦ ᐊᑭᓕᐅᓯᐊᑦ ᐱᔪᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ. ᑭᖑᕙᕆᐊᖅᓯᒪᓂᐊᖅᑐᒃᓴᐅᔪᑦ ᐱᓕᕆᐊᖑᓂᖏᑦ ᒪᓕᒃᑕᐅᒋᐊᖃᙱᑦᑐᓕᖕᓄᑦ ᐊᑭᓕᐅᑎᑦ ᓲᕐᓗ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᕈᑎᑦ ᐅᕝᕙᓘᓐᓃᑦ ᑭᖑᕝᓯᒪᔾᔪᑎᑦ. ᐃᖅᑲᓇᐃᔭᐃᓐᓇᖃᑦᑕᖅᑐᑦ ᐊᑭᓕᖅᓱᖅᑕᐅᖏᓐᓇᕐᓂᐊᖅᐳᑦ ᐊᑭᓕᖅᑕᐅᓂᕆᕙᒃᑕᒥᑎᒍᑦ, ᑕᒪᒃᑯᐊᓗ ᐃᖅᑲᓇᐃᔭᓚᐅᑲᒃᑎᑕᐅᔪᖅ ᐃᓇᖏᖅᓯᓯᒪᔪᓪᓗ ᐊᑭᓕᖅᑕᐅᖃᑦᑕᕐᓂᐊᖅᓱᑎᒃ ᒪᓕᒃᑐᖃᕐᓗᓂ ᑐᓐᓂᖅᑯᑕᐅᓯᒪᔪᓂᒃ ᐃᑲᕐᕋᓕᐅᕈᑎᓂᒃ.
• ᐃᖅᑲᓇᐃᔭᖅᑎᓄᑦ ᑮᓇᐅᔭᒃᓴᖅᑖᖅᐸᒃᑐᓄᑦ, ᓄᓇᓕᔅᓯᓐᓄᐊᖅᑎᓐᓇᓱᖃᑦᑕᕐᓂᐊᖅᑕᕗᑦ ᐊᑐᖅᐸᒃᑕᑐᖃᕗᑦ ᐊᑐᕐᓗᒍ. ᑎᓕᐅᖅᐸᑦᑎᒋᑦ ᐊᑐᓕᕋᔭᕐᓂᕐᒥᒃ ᖃᕆᑕᐅᔭᑎᒍᑦ ᑮᓇᐅᔭᒃᑯᕕᓕᕆᓂᕐᒥᒃ ᐊᑐᖔᖁᓪᓗᑎᑦ, ᓇᓗᙱᑦᑎᐊᕈᒪᓂᕐᒧᑦ ᐱᖃᑦᑕᕋᓗᐊᕐᒪᖔᖅᐱᑦ ᐊᑭᓕᖅᑕᐅᔾᔪᑎᒋᓂᐊᖅᑕᕐᓂᒃ ᐊᑭᓕᖅᑕᐅᓐᓇᖅᓯᒑᖓᑦ. ᑕᐃᒃᑯᓄᖓ ᑮᓇᐅᔭᒃᑯᕕᒻᒨᖅᑕᐅᑎᑦᓯᖃᑦᑕᖅᑐᑦ, ᑮᓇᐅᔭᑦᓵᑦ ᓇᓕᖅᑲᖏᑦ ᓴᖅᑭᖅᑕᐅᓛᖅᑐᑦ ᑭᖑᓂᐊᒍᑦ ᐅᓪᓗᖅ.
• ᑐᑭᓯᒋᐊᑲᓂᕈᒪᒍᕕᑦ, ᖃᐅᔨᒃᑲᐅᑎᓗᒍ ᑐᕋᐃᓯ ᒧᐊᐃᐅᓪᔅ, ᑐᑭᒧᐊᑦᑎᑦᓯᔨ ᐊᑭᓕᖅᑕᐅᔾᔪᑎᓄᑦ ᐃᑲᔫᑎᓄᓪᓗ ᐅᕗᖓ @email.

ᑮᓇᐅᔭᒃᑯᕕᖕᒨᖅᓯᓂᖅ ᑮᓇᐅᔭᖅᑖᓂᒃ ᐊᒻᒪᓗ ᖃᕆᓴᐅᔭᒃᑯᑦ ᐊᑭᓖᓂᖅ ᐃᖅᑲᓇᐃᔭᖅᑎᓄᑦ

• ᓄᕙᒡᔪᐊᕐᓇᖅ-19 ᐱᔾᔪᑕᐅᓪᓗᓂ ᐊᓯᔾᔨᕈᑕᐅᕙᓪᓕᐊᖕᒪᑦ, ᑮᓇᐅᔭᓕᕆᔨᒃᑯᑦ ᖃᐅᔨᒪᖁᔨᕗᑦ ᐃᖅᑲᓇᐃᔭᖅᑎᑦ ᑮᓇᐅᔭᒃᓴᖅᑖᓪᓚᑦᑖᓲᑦ ᐊᑭᓕᖅᑕᐅᓐᓇᒥ ᐊᐃᒃᖠᕈᓐᓇᓛᕐᓂᖏᓐᓂᒃ.    ᐃᖅᑲᓇᐃᔭᖅᑎᓕᒫᑦ ᑎᓕᐅᖅᑕᐅᕗᑦ ᑮᓇᐅᔭᒃᓴᖅᑖᓪᓚᑦᑖᓱᑦ ᑮᓇᐅᔭᒃᑯᕕᒃᑰᕈᓐᓇᖅᓯᑎᑦᑎᖁᔭᐅᓪᓗᑎᒃ ᖃᕆᑕᐅᔭᒃᑯᓪᓘᓐᓃᑦ ᐊᑭᓕᐅᓯᐊᖏᓐᓂᒃ ᐱᕕᒃᓴᐅᔪᓐᓇᖅᑐᒃᑯᑦ.  
• ᐃᓚᖏᑦ ᓄᓇᓖᑦ ᑮᓇᐅᔭᒃᑯᕕᒃᑖᕈᒪᓪᓗᑎᒃ ᐃᓱᒪᕙᓪᓕᐊᑐᐃᓐᓇᖅᐳᑦ ᐊᖅᑯᑎᒋᔭᐅᓗᑎᒃ CIBC−ᑯᑦ ᐊᒻᒪ RBC−ᑯᑦ.  ᓂᐅᕕᖅᑎᒃᑯᑦ WE ᑮᓇᐅᔭᓕᕆᔾᔪᑎᒃᑯᑦ ᓂᐅᕕᖅᑎᒃᑯᑦ ᐊᑐᐃᓐᓇᐅᑎᑦᑎᓲᖑᖕᒥᔪᑦ ᐊᐅᒃᑕᔫᓂᒃ ᐊᑭᓕᐅᓯᐊᖅᓯ ᓇᒃᓯᐅᑎᔪᓐᓇᕋᔭᖅᑕᑦᑎᓐᓂᒃ.  ᐋᖅᑭᒃᓯᐊᓂᒃᑯᕕᑦ ᖃᕆᑕᐅᔭᒃᑯᑦ ᑮᓇᐅᔭᓕᕆᔪᓐᓇᐅᑎᒥᒃ, ᐅᑯᓂᖓ ᑐᑭᓯᒋᐊᒐᒃᓴᓂᒃ ᐊᑐᐃᓐᓇᕈᕐᕕᒋᓂᐊᖅᐸᑦ ᑐᓐᓂᖅᑯᓯᐊᖅᑎᑦᑎᔨ ᐊᒻᒪ ᐃᑲᔫᓯᐊᑦᑎᑦᑎᔨ ᑐᐄᓯ ᒧᐄᐅᓪᔅ ᐅᕙᓂ @email ᐃᕐᖐᓐᓈᖅᑕᐅᒃᑯᑦ.
• ᓇᓗᙱᑦᑎᐊᕈᒪᓂᕐᒧᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓕᒫᖏᑦ ᐊᑭᓕᐅᓯᐊᒃᓴᒥᓂᒃ ᓈᒻᒪᖅᑯᑦᑎᖃᑦᑕᖁᓪᓗᒋᑦ, ᑎᓕᐅᕐᔪᐊᖅᐸᕗᑦ ᐃᖅᑲᓇᐃᔭᖅᑎᓕᒫᑦ ᖃᕆᑕᐅᔭᒃᑯᑦ ᑮᓇᐅᔭᓕᕆᔪᓐᓇᐅᑎᖃᕐᓂᕐᒥᒃ ᐃᓱᒪᒃᓴᒃᓯᐅᕈᑎᖃᖁᓪᓗᒋᑦ. 
• ᐊᐱᖅᑯᑎᒃᓴᖃᕈᕕᑦ ᐃᓱᒫᓘᑎᖃᕈᕕᓘᓐᓃᑦ, ᖃᐅᔨᒋᐊᕐᕕᒋᔭᒃᓴᐅᕗᖅ ᑐᐄᓯ ᒧᐄᐅᓪᔅ ᐅᕙᓂ @email ᐅᕝᕙᓘᓐᓃᑦ (867-975-6870) 975-6870.

ᐃᖃᓗᖕᓂ ᐃᒥᐊᓗᒃᑖᕐᕕᒃ

ᒫᓐᓇᐅᔪᒃᑯᑦ, ᐃᖃᓗᖕᓂ ᐃᒥᐊᓗᒃᑖᕐᕕᒃ ᑲᔪᓯᓂᐊᖅᐳᖅ ᐊᐅᓚᓂᕆᕙᒃᑕᒥᓂᒃ. ᐃᒥᐊᓗᒃᑖᕐᕕᐅᑉ ᐃᑲᕐᕋᖏᑦ ᐅᕝᕙ:

• ᓈᑏᖑᔭᖅ − ᒪᑐᓯᒪᔪᖅ
• ᓇᒡᒐᔾᔭᐅᑦ − 1ᒥ ᐅᓐᓄᓴᒃᑯᑦ 4ᒧᑦ (ᓂᐅᕕᕆᐊᖅᑎᓄᑦ ᐅᑭᐅᓕᓐᓄᑦ 60ᒥᑦ ᐅᖓᑖᓄᓪᓗ ᑐᕌᖓᔪᖅ)
• ᐊᐃᑉᐹ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
• ᐱᖓᔪᐊᑦ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
• ᕿᑎᖅᑰᑦ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
• ᐅᓪᓗᑐᐃᓐᓇ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ
• ᓯᕙᑖᕐᕕᒃ − ᐅᓪᓗᕈᒻᒥᓴᕐᓇᒥᑦ 7ᒧᑦ ᐅᓐᓄᒧᑦ

ᒥᑭᒡᓕᒋᐊᖅᑎᑦᑎᔪᒪᓂᕐᒧᑦ ᐱᑕᖃᖅᑎᑦᑎᑦᑕᐃᓕᒪᔪᒪᓂᕐᒧᓪᓗ ᓯᐊᒻᒪᒃᑎᕆᑐᐃᓐᓇᕆᐊᖃᕐᓂᕐᒥᒃ ᓄᕙᒡᔪᐊᕐᓇᖅ-19−ᒥᒃ ᖃᓂᒪᓐᓇᖅᑐᒥᒃ, ᐃᒥᐊᓗᒃᑖᕐᕕᒃ ᐊᑐᖅᑎᑦᑎᓯᒪᓕᖅᐳᖅ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ ᑕᐃᑲᓂ ᐃᒥᐊᓗᒃᑖᕐᕕᖕᒥ.

ᐃᖅᑲᓇᐃᔭᖅᑏᑦ ᑭᒃᑯᑐᐃᓐᓇᐃᓪᓗ ᖁᐊᖅᓵᕐᓇᖅᑐᒦᖁᓇᒋᑦ, ᐃᒥᐊᓗᒃᑖᕐᕕᒃ ᐃᓱᓕᑦᑎᑦᑎᖃᑦᑕᕐᓂᐊᖅᐳᖅ ᖃᔅᓯᐅᓂᖏᓐᓂᒃ ᓂᐅᕕᕆᐊᖅᓯᒪᔪᑦ ᐃᓯᖅᑎᑕᐅᔪᓐᓇᕐᓂᖏᑦ.

ᓂᐅᕕᕆᐊᖅᓯᒪᔪᑦ ᐊᐱᕆᔭᐅᕗᑦ ᓇᖏᖃᑦᑕᖁᔭᐅᓪᓗᑎᒃ 2 ᒦᑕᓪᓗᐊᑕᐸᓘᖕᓂᒃ ᐅᖓᓯᒌᒃᑎᒋᕙᒡᓗᑎᒃ, ᐅᑕᖅᑭᓂᕐᒥᓂ ᑐᑭᓕᕇᓕᖅᓯᒪᓪᓗᑎᒃ ᐃᒥᐊᓗᒃᑖᕐᕕᐅᑉ ᓯᓚᑖᓂ.

ᓄᕕᐱᕆ 17, 2020−ᒥ ᐱᒋᐊᕐᓗᓂ, ᑖᓐᓇ ᓂᐅᕕᕆᐊᖅᑐᕐᕕᒃ ᑮᓇᐅᔭᓪᓚᑦᑖᓂᒃ/ᑳᓯᓂᒃ ᐱᖃᑦᑕᕈᒪᔾᔮᔪᓪᓃᖅᑐᖅ. ᐊᐅᒃᑕᔫᑦ ᐊᑭᑦᑐᖅᑖᕈᓐᓇᐅᑏᑦ ᐊᑭᓕᖅᑕᐅᓯᒪᔪᓪᓗ ᐊᐅᒃᑕᔫᑦ (ᐃᓚᒋᔭᐅᓪᓗᑎᒃ ᐊᑭᓕᖅᑕᐅᓯᒪᕙᒌᖅᑐᑦ ᐊᑮᑦᑐᖅᕉᓐᓇᐅᑏᑦ) ᓱᓕ ᐊᑐᖅᑕᐅᖃᑦᑕᕈᓐᓇᕐᓂᐊᖅᐳᑦ.

ᐊᑭᓕᖅᓯᒪᕙᒌᖅᑐᑦ ᐊᑮᑦᑐᖅᑖᕈᓐᓇᐅᑎᙳᐊᑦ ᓂᐅᕕᐊᒃᓴᐅᕙᒃᐳᑦ ᐊᔾᔨᒌᙱᑦᑐᓂ ᑮᓇᐅᔭᒃᑯᕕᖕᓂ, ᓂᐅᕕᖅᑎᒃᑯᓐᓂ ᑲᓇᑕᒥᐅᓄᓪᓗ ᑎᑎᖅᑲᑦᑯᕕᖕᓂ. ᐃᓪᓗᓪᓕᖃᑦᑕᕈᓐᓇᖅᐸᐃᑦ ᐊᐅᒃᑕᔫᒨᓯᑲᐅᑎᒋᓗᒍᓗ ᐊᑐᕈᓐᓇᕐᓗᒍᓗ ᓂᐅᕕᕈᒪᔭᕐᓄᑦ.

ᐃᒥᐅᓗᖕᒧᑦ ᐱᔪᓐᓇᐅᑎᑦ

ᐃᒥᐊᓗᑦᑖᕈᓐᓇᐅᑏᑦ ᓱᓕ ᓂᐅᕕᐊᖑᔪᓐᓇᖃᑦᑕᐃᓇᕐᓂᐊᖅᑐᑦ ᓄᓇᕗᒻᒥ.

• ᐃᖃᓗᖕᓂ, ᐃᒥᐊᓗᒃᑖᕐᕕᓕᐊᓚᐅᑲᖃᑦᑕᕈᓐᓇᖅᐳᑎᑦᓇᒡᒐᔾᔭᒥ 9−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, ᐊᒻᒪᓗ, 1−ᒥᑦ 4:30−ᒧᑦ ᐅᓐᓄᒃᓴᒃᑯᑦ, ᐊᒻᒪᓗ, ᐊᐃᑉᐹᓂᑦ ᐅᓪᓗᑐᐃᓐᓇᒧᑦ, 9−ᒥᑦ 11−ᒧᑦ ᐅᓪᓛᒃᑯᑦ. ᑲᓇᓐᓂᕐᒥᑦ ᐅᖄᓚᓗᑎᓪᓘᓐᓃᑦ 867-975-6869.
• ᑲᖏᖅᖠᓂᕐᒥ, ᐅᕗᖓ ᐅᖄᓚᔪᓐᓇᖅᐳᑎᑦ, 867-645-8575−ᒧᑦ, ᐅᕗᖓᓘᓐᓃᑦ, 855-844-5488-ᒧᑦ, ᓇᒡᒐᔾᔭᒥᑦ ᐅᓪᓗᑐᐃᓐᓇᒧᑦ, 8:30−ᒥᑦ ᐅᓪᓛᒥᑦ 12−ᒧᑦ ᐅᓪᓗᕈᒻᒥᓴᕐᓇᒧᑦ, 1−ᒥᓪᓗ to 5−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ. ᑭᕙᓪᓕᕐᒥᐅᓂᑦ.
• ᐃᖃᓗᒃᑑᑦᑎᐊᕐᒥ, ᐅᕗᖓ ᐅᖄᓚᔪᓐᓇᖅᐳᑎᑦ, 867-983-4048 ᓇᒡᒐᔾᔭᐅᒥ ᑕᓪᓕᒥᕐᒧᑦ 10ᒥᑦ ᐅᓪᓛᒃᑯᑦ 4ᒧᑦ ᐅᓐᓄᓴᒃᑯᑦ. ᕿᑎᕐᒥᐅᓂᑦ.
• ᖁᕐᓗᖅᑐᕐᒥᐅᑦ, ᐅᖄᓚᔪᓐᓇᖅᑐᓯ ᐅᕗᖓ 867-982-6509 ᐅᕙᓗ ᐃᕐᖐᓈᖅᑕᐅᒃᑯᑦ @email. ᖃᐅᔨᒪᓂᐊᖅᐸᓯ ᖁᕐᓗᖅᑐᕐᒥᑦ ᑎᑎᕋᕐᕕᖓᓐᓂᑦ ᓄᓇᓕᖓᓐᓂᑦ ᑭᓯᐊᓂ ᐃᒥᐊᓗᑦᑖᕈᓐᓇᐅᑎᓂᑦ ᑲᒪᓂᐊᖅᑐᑦ.
• ᐃᒥᐊᓗᑦᑖᕈᓐᓇᐅᑎᓄᑦ ᓄᓇᓕᓐᓄᑦ ᑕᒪᐃᓐᓄᑦ, ᐅᖄᓚᓗᓯ ᑲᖏᖅᖠᓂᕐᒥᑦ ᑎᑎᕋᕐᕕᐊᓄᑦ ᐅᕗᖓ 867-645-8575 ᐅᕙᓗ 855-844-5488 ᓇᒡᒐᔾᔭᐅᒥ ᑕᓪᓕᕐᒥᕐᒧᑦ 8:30ᒥᑦ ᐅᓪᓛᒃᑯᑦ 12ᒧᑦ ᐅᓐᓄᓴᒃᑯ. ᐊᒻᒪ 1ᒥᑦ 5ᒧᑦ ᐅᓐᓄᓴᒃᑯᑦ. ᑭᕙᓪᓕᕐᒥᐅᓂᑦ.

ᓄᓇᓕᒻᒧᑦ ᐃᒥᐊᓗᓐᓂᑦ ᑎᑭᓴᐃᓂᕐᒧᑦ

ᓄᓇᓕᖕᓄᑦ ᐃᒥᐊᓗᑦ ᑎᑭᓴᖅᑕᐅᔪᓄᑦ, ᑲᖏᖅᖠᓂᕐᒥ ᑎᑎᕋᕐᕕᒃ ᐅᖄᓚᕝᕕᒋᓗᒍ ᐅᕗᖓ, 867-645-8575−ᒧᑦ, ᐅᕗᖓᓘᓐᓃᑦ, 855-844-5488−ᒧᑦ.

ᓂᐅᕕᖅᑎᑦᑎᔨᓄᑦ ᐊᑭᓕᐅᑕᐅᔪᑦ ᐊᑭᓕᒐᒃᓴᐃᓪᓗ

ᐱᑎᑦᑎᕙᖕᓂᖅ ᓈᒻᒪᖅᑯᑦᑎᔪᓂᒃ ᐊᑭᓕᐅᑎᒋᔭᕐᓂᒃ ᓂᐅᕕᕐᕕᒋᕙᒃᑕᑦᑎᓐᓄᑦ ᓯᕗᓪᓕᖅᐸᐅᔾᔭᐅᓯᒪᐃᓐᓇᖅᐳᖅ. ᑕᒪᕐᒥᑦᑎᐊᖅ ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᓕᒫᖏᑦ ᐲᓐᓇᖃᑦᑕᕐᓂᐊᖅᐳᑦ, ᐱᓕᕆᐊᕆᔭᖃᖃᑦᑕᐃᓐᓇᕐᓂᐊᖅᐳᑦᐊᑭᓖᖃᑦᑕᕐᓂᐊᖅᐳᓪᓗ ᓂᐅᕕᕐᕕᒋᕙᒃᑕᖏᑕ ᐊᑭᓕᒐᒃᓴᙳᖅᑎᓯᒪᔭᖏᓐᓂᒃ. ᐊᐱᖅᑯᑎᒃᓴᖃᕐᓂᕈᕕᑦ ᐱᔾᔪᑎᖃᕐᓗᑎᑦ ᐊᑭᓕᒐᒃᓴᙳᖅᑎᑕᐅᓯᒪᔪᓂᒃ ᑐᕌᒐᕆᔭᖃᓪᓗᐊᑕᖅᑐᓂᒃ, ᖃᐅᔨᒋᐊᕕᒋᓗᒋᑦ ᖃᐅᔨᒋᐊᕕᒃᓴᐅᔪᓐᓇᖅᑐᑦ ᐱᓕᕆᕝᕕᒋᔭᐅᔪᑦ ᐊᑖᓃᑦᑐᓄᑦ ᖃᐅᔨᒋᐊᕐᕕᐅᔪᓐᓇᖅᑐᓄᑦ.

ᐱᓕᕆᕝᕕᒋᔭᐅᔪᓂᒃ ᖃᐅᔨᒋᐊᕐᕕᖃᕈᒪᓗᓂ ᑐᓴᖅᑕᐅᔪᒃᓴᐃᑦ

ᐊᑭᓕᐅᑎᖃᕐᓂᐊᕐᓗᓂ ᓄᓇᕗᑦ ᒐᕙᒪᖓᑕ ᐊᑭᓕᒐᒃᓴᙳᖅᑎᓯᔭᖏᓐᓂᒃ, ᑮᓇᐅᔭᓕᕆᔨᒃᑯᑦ ᐊᖏᖅᓯᑐᐃᓐᓇᖃᑦᑕᕐᓂᐊᖅᐳᑦ ᐊᑭᓕᒐᒃᓴᓄᑦ ᐊᑭᓕᐅᑕᐅᔪᓂᒃ ᑎᑎᖅᑲᑎᒎᖅᑎᑕᐅᔪᑎᒍᑦ ᑮᓇᐅᔭᒃᓴᑎᒍᑦ, ᖃᕆᑕᐅᔭᒃᑯᑦ ᑮᓇᐅᔭᓕᕆᓐᓇᖅᑐᒃᑯᑦ ᐊᑮᑦᑐᖅᑖᕈᓐᓇᐅᑎᒃᑯᓪᓘᓐᓃᑦ ᐊᐅᒃᑕᔫᒃᑯᑦ. ᐊᑮᑦᑐᖅᑖᕈᓐᓇᐅᑎᑎᒍᑦ ᐊᐅᒃᑕᔫᑎᒍᑦ ᐊᑭᓕᐅᑕᐅᔪᓄᑦ, ᐅᑯᐊ ᐅᖄᓚᐅᑏᑦ ᐅᖄᓚᕝᕕᒋᓗᒋᑦ:

• ᐃᖃᓗᐃᑦ: 867-975-5808
• ᑲᖏᖅᖠᓂᖅ: 867-645-8517
• ᐃᖃᓗᒃᑑᑦᑎᐊᖅ: 867-983-4043

ᒫᓐᓇᐅᔪᒃᑯᑦ, ᓂᕆᐅᒋᔭᖃᖅᑐᖃᕐᓂᐊᖅᐳᖅ ᐃᓚᖓᒍᑦ ᑭᖑᕙᓯᖃᑦᑕᕐᓂᐊᕐᓂᖏᓐᓂᒃ, ᑕᐃᒪᐃᔾᔪᑎᖃᖅᖢᓂ ᐃᓄᑭᒡᓕᒋᐊᖅᓯᒪᓕᕐᓂᖏᓐᓄᑦ ᐃᖅᑲᓇᐃᔭᖅᑏᑦ ᑎᑎᕋᕐᕕᖕᒦᑦᑐᑦ.  ᖁᔭᓐᓇᒦᒃ ᕿᓄᐃᓵᑦᑎᐊᖃᑦᑕᕋᔅᓯ.

ᑐᓴᖅᑎᑦᑎᒋᐊᕈᑎ ᓂᐅᕕᖅᑎᑦᑎᔨᓄᑦ ᐊᑭᓕᐅᑎᓄᑦ

ᓄᓇᕗᑦ ᒐᕙᒪᖓ ᐃᓕᓴᖅᓯᓯᒪᕗᖅ ᐊᔪᕐᓇᖅᑐᒃᑰᕐᓂᖏᓐᓂᑦ ᓇᖕᒥᓂᖃᖅᑎᐅᔪᑦ ᐱᔨᑦᑎᕋᖅᑏᓪᓗ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍᑦ. ᓄᓇᕗᒻᒥᐅᑦ ᑮᓇᐅᔭᑎᒍᑦ ᐃᖏᕐᕋᑦᑎᐊᒃᑲᓐᓂᖁᓪᓗᒋᑦ, ᓄᓇᕗᑦ ᒐᕙᒪᖓ ᓴᒃᑯᑦᑎᔪᒪᕗᑦ ᐊᑐᖅᑕᐅᕙᒃᑐᖅ ᐅᓪᓗᑦ ᐊᕙᑎᑦ ᐊᒻᒪ 30 ᐊᑭᓖᓂᕐᒧᑦ ᒪᓕᒋᐊᓕᖏᓐᓂᑦ. ᓂᐅᕕᖅᑎᑦᑎᔨᓄᑦ ᐊᑭᓕᐅᑏᑦ, ᐱᓕᕆᐊᖑᐊᓂᒃᑎᓪᓗᒋᑦ ᐱᓕᕆᕝᕕᖕᒥᑦ, ᑐᓐᓂᖅᑯᑕᐅᓂᐊᖅᑐᖅ ᐊᑐᐃᓐᓇᐃᓕᖅᑳᖅᑐᒧᑦ ᑮᓇᐅᔭᒃᓴᓕᐅᖅᑎᓄᑦ ᑕᒪᐃᓐᓄ ᐊᕕᒃᑐᖅᓯᒪᔪᓄᑦ.

ᑖᒃᓰᔭᐃᑎᑦᑎᓂᖅ

ᑖᒃᓰᔭᕈᑕᐅᓯᒪᔪᑦ ᐊᑭᓕᖅᑕᐅᔪᓐᓇᖅᐳᑦ ᐅᑯᓇᙵᑦ ᓇᓕᐊᒃᑯᑐᓐᓇᖅ:

• ᐅᖄᓚᐅᑎᒃᑯᑦ  ᐅᖄᓚᔪᖃᕐᓗᓂ ᐊᑭᓕᕆᐊᖃᙱᑦᑐᒧᑦ ,ᐅᕗᖓ 1-800-316-3324;
• ᑎᑎᖅᑲᑎᒍᑦ ᑎᑎᖅᑲᒃᑯᕕᐊᒍᑦ ᑎᑎᖅᑲᒃᑯᕕᐊ 2260 ᐃᓂᖓ 300, ᐃᖃᓗᐃᑦ, ᓄᓇᕗᑦ X0A 0H0
• ᐃᑭᐊᖅᑭᕕᒃᑯᑦ ᐋᖅᑭᒃᓯᖃᑦᑕᑎᓂᒃᑯᑦ ᑮᓇᐅᔭᒃᑯᕕᓕᕆᔨᓂᒃ.

ᑖᒃᓰᔭᖅᑎᑦᑎᓂᕐᒧᑦ ᖃᐅᔨᒋᐊᖅᑕᐅᔪᓄᑦ, ᖃᕆᑕᐅᒃᑯᑦ ᑎᑎᕋᕐᕕᒋᓗᒋᑦ ᐅᑯᓄᖓ ᑐᒡᕋᕈᑎᓄᑦ\:

• ᐃᖅᑲᓇᐃᔭᖅᑎᓂᒃ ᐊᑭᓕᖅᑕᐅᕙᖕᓂᕐᒧᑦ ᑖᒃᓰᔮᖅᑎᑦᑎᓂᖅ- @email
• ᓇᓪᓕᐅᒃᑯᒫᓕᕆᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ @email. 
• ᐅᖅᓱᐅᓗᓕᕆᓂᕐᒧᑦ ᑖᒃᓰᔭᖅᑎᑦᑎᓂᒧᑦ - @email
• ᓄᓇᖁᑎᖃᕐᓂᕐᒧᑦ ᑖᒃᓰᔭᖅᑎᑦᑎᓂᕐᒧᑦ - @email
• ᑕᕝᕚᑭᒧᑦ ᑖᒃᓰᔭᖅᑎᑦᑎᓂᕐᒧᑦ – @email

ᒫᓐᓇᐅᔪᒃᑯᑦ, ᓂᕆᐅᒋᔭᖃᖅᑐᖃᕐᓂᐊᖅᐳᖅ ᐃᓚᖓᒍᑦ ᑭᖑᕙᓯᖃᑦᑕᕐᓂᐊᕐᓂᖏᓐᓂᒃ, ᑕᐃᒪᐃᔾᔪᑎᖃᖅᖢᓂ ᐃᓄᑭᒡᓕᒋᐊᖅᓯᒪᓕᕐᓂᖏᓐᓄᑦ ᐃᖅᑲᓇᐃᔭᖅᑏᑦ ᑎᑎᕋᕐᕕᖕᒦᑦᑐᑦ.  ᖁᔭᓐᓇᒦᒃ ᕿᓄᐃᓵᑦᑎᐊᖃᑦᑕᕋᔅᓯ.

 

ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᖃᖅᐳᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.