ᐊᑕᐅᓯᕐᒥᒃ ᓄᑖᒥᒃ ᓄᕙᒡᔪᐊᕐᓇᖅ-19−ᑖᖅᑐᖃᖅᐳᖅ ᐊᕐᕕᐊᓂ
ᐱᕙᓪᓕᐊᔪᑦ ᓴᖅᑭᑕᐅᔪᑦ
ᐊᑕᐅᓯᕐᒥᒃ ᓄᑖᒥᒃ ᓄᕙᒡᔪᐊᕐᓇᖅ-19−ᑖᖅᑐᖃᖅᐳᖅ ᐊᕐᕕᐊᓂ
ᐃᖃᓗᐃᑦ, ᓄᓇᕗᑦ (ᔮᓄᐊᕆ 23, 2021) – ᐅᓪᓗᒥ ᓄᓇᕗᒻᒥ ᑐᓴᖅᑎᑦᑎᕗᑦ ᓄᕙᒡᔪᐊᕐᓇᖅ-19−ᑖᖅᑐᖃᒃᑲᓐᓂᖅᐳᖅ ᐊᕐᕕᐊᓂ. ᑕᐃᓐᓇ ᐃᓄᒃ ᖃᓂᒪᖅᑰᔨᙱᑦᑐᖅ, ᖃᓄᐃᙱᖦᖢᓂ ᐃᓄᑑᔭᕆᐊᖃᖅᑎᑕᐅᓪᓗᓂᓗ. ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᓖᑦ ᒫᓐᓇ ᖃᐅᔨᓴᖅᑕᐅᕙᓪᓕᐊᓕᖅᐳᑦ.
“ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑕᒪᑐᒥᖓ ᓇᐅᑦᑎᖅᓱᖅᐸᓪᓕᐊᖏᓐᓇᖅᐳᑦ ᐊᕐᕕᐊᓂ” ᓘᒃᑖᖅ ᒪᐃᑯᓪ ᐹᑐᓴᓐ ᐅᖃᖅᑐᖅ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ. "ᓱᓕ ᓇᓗᓇᐃᕈᑎᒃᓴᖃᙱᑦᑐᑦ ᓄᓇᓕᖕᓂ ᓯᐊᒻᒪᒃᑎᕆᓂᖓᓂᒃ ᐊᑦᑕᕐᓇᕐᓂᖓᓗ ᖃᓂᒪᓐᓇᖅ ᐊᐃᑦᑐᕐᓗᐃᔭᑦᑐᑦ ᐊᑦᑎᖕᓂᖅᓴᐅᓪᓗᓂ ᓄᕕᐱᕆᐅᓚᐅᖅᑐᒥᑦ. ᓇᐅᑦᑎᖅᓱᖅᐸᓪᓕᐊᖏᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᓪᓗ ᐊᑐᖁᔭᐅᔪᑦ ᒫᓐᓇ ᓴᖅᑭᑎᑕᐅᓯᒪᓪᓗᑎᒃ ᓄᓇᓕᖕᓂ ᐊᑦᑕᕐᓇᖅᓯᕙᓪᓕᐊᖁᓇᒍ.”
ᐊᕐᕕᐊᓂ ᓇᐅᑦᑎᖅᓱᖅᐸᓪᓕᐊᖏᓐᓇᖅᑎᓪᓗᒋᑦ, 30-ᑲᓐᓂᕐᓂᒃ ᖃᐅᔨᓴᖅᑕᐅᔪᖃᓚᐅᖅᐳᖅ ᐅᓪᓗᓂ ᒪᕐᕉᖕᓂᒃ ᐊᓂᒍᖅᑑᖕᓂᒃ ᐊᓯᖏᓐᓂᒃ ᐱᖃᕐᓂᕋᖅᑕᐅᔪᖃᒃᑲᓐᓂᙱᑦᑐᖅ ᖃᐅᔨᓴᕈᑎᖏᓐᓂ. ᓱᓕ ᖃᐅᔨᓴᒃᑲᓐᓂᕐᓂᐊᖅᑐᑦ ᐃᑲᕐᕋᓂᑦ 24−ᓂᑦ.
ᐊᕐᕕᐊᕐᒥᐅᑦ ᐃᖅᑲᐃᓯᔭᐅᕗᑦ ᒫᓐᓇ ᑭᒡᓕᖃᖅᑎᑕᐅᔪᓂᑦ ᒪᓖᓐᓇᖁᔭᐅᓪᓗᑎᒃ. ᒪᑐᐊᖅᓯᒪᕙᒡᓗᑎᒃ ᐃᓄᒋᐊᖅᑐᓂᑦ, ᖃᓂᒌᓗᐊᖃᑦᑕᙱᓪᓗᑎᒃ, ᑲᑎᙵᔪᑦ ᐃᓄᒋᐊᓗᐊᖃᑦᑕᙱᓪᓗᑎᒃ ᖁᓕᐅᓗᑎᒃ ᐃᒡᓗᖃᖅᑏᓪᓗ ᐃᓗᐊᓃᑦᑐᑦ ᐊᒻᒪ 50−ᐅᓗᑎᒃ ᓯᓚᒥ ᑲᑎᙵᔪᑦ, ᐊᒡᒐᑎᑦ ᐅᐊᓴᒐᔪᒡᓗᒋᑦ ᐊᒻᒪ ᖃᓂᒪᒍᕕᑦ ᐊᖏᕐᕋᖅᓯᒪᐃᓐᓇᕐᓗᑎᑦ.
ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᒃᐸᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᖅ−19 ᐅᖄᓚᕝᕕᖓᓄᑦ ᐅᕗᖓ 1-888-975-8601 10:00−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 6:00−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓᒍᑦ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓂ, ᐃᒡᓗᒥᓂᓪᓗ ᐊᓂᑦᑕᐃᓕᒪᓯᑲᐅᑎᒋᓗᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.
ᐅᓪᓗᒥ ᑲᑎᖦᖢᒋᑦ ᓈᓴᖅᑕᐅᔪᑦ ᓴᖅᑭᑎᑦᑎᒋᕗᑦ ᐊᑕᐅᓯᕐᒥᒃ ᐅᓄᕈᓐᓃᕆᐊᕐᓂᖏᓐᓂᒃ. ᕿᒥᕐᕈᑎᑦᑎᕙᒃᑐᑦ ᖃᐅᔨᔭᐅᔪᓂᑦ ᖃᐅᔨᓚᐅᖅᐳᑦ ᑭᖑᓂᑦᑎᓐᓂ ᓄᕙᒡᔪᐊᕐᓂᕋᖅᑕᐅᔪᑦ ᐱᔮᕆᙱᖦᖢᑎᒃ ᒪᕐᕈᐃᖅᖢᓂ ᓈᓴᖅᑕᐅᓐᓂᕐᒪᑕ. ᑲᑎᖦᖢᒋᑦ ᓄᕙᒡᔪᐊᕐᓇᖅ-19−ᖃᕐᓂᕋᖅᑕᐅᔪᑦ ᓄᓇᕗᒻᒥ 267-ᖑᕗ 268-ᖑᙱᖔᖅᖢᑎᒃ.
ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ, ᐅᑯᐊᓗ ᖃᔅᓯᐅᓂᖏᑦ ᐊᓂᒍᐃᔪᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂ ᓄᓇᓕᒃᑎᒍᑦ, ᐅᕗᙵᕐᓗᑎᑦ: www.gov.nu.ca/health/information/covid-19-novel-coronavirus
ᓄᑖᖑᓛᑦ ᑐᓴᒐᒃᓴᐃᑦ ᑕᑯᔪᒪᒍᕕᒋᑦ ᓄᓇᕗᒻᒥ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ ᐱᓕᕆᐊᖑᔪᓄᑦ, ᐅᕗᙵᕐᓗᑎᑦ www.gov.nu.ca/health/information/covid-19-vaccination
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email