ᐅᖃᓚᐅᑎᓯᐅᑏᑦ

You are here

ᓇᐃᒡᓕᑎᖅᓯᒪᔪᖅ/ᖃᐅᔨᒋᐊᕐᕕᒃᓴᖅ ᑐᑭᓯᒋᐊᕈᒪᓂᕐᒧᑦ - ᐳᓚᕋᖅᑐᓕᕆᓂᖅ

Business Development

 

ᐳᓚᕋᖅᑐᓕᕆᓂᖅ ᐱᒻᒪᕆᐅᓂᖅᐹᖑᖃᑕᐅᓪᓗᓂ ᐃᓚᒋᔭᐅᖃᑕᐅᖕᒪᑦ ᓄᓇᕗᒻᒥᑦ ᒪᑭᑕᒐᓱᐊᕐᓂᕐᒧᑦ. ᐃᖃᓇᐃᔭᑦᑐᓕᕆᔨᒃᑯᖏᑦ ᐊᕙᑎᒥᓂᒃ ᓴᕿᔭᖅᑎᑦᑎᐊᕋᓱᐊᓲᖑᕗᑦ ᐱᕈᖅᐸᓪᓕᐊᑦᓯᐊᖁᓪᓗᒍ ᐳᓚᕋᖅᑐᓕᕆᓂᖅ. ᑐᕌᒐᕆᔭᖓᓂᒃ ᐱᔭᕇᖅᓯᑦᑎᐊᕈᓐᓇᖁᓪᓗᒍ, ᐳᓚᕋᖅᑐᓕᕆᓂᖅ ᐊᒻᒪᓗ ᐃᓕᖅᑯᓯᕐᒨᖓᔪᓂᒃ ᐱᖁᑎᓕᐅᖅᑏᑦ ᓴᕿᑎᑕᐅᓚᐅᖅᓯᒪᕗᖅ 2010-ᖑᑎᓪᓗᒍ. ᓄᓇᕗᒻᒥᐅᓂᒃ ᐃᖃᓇᐃᔭᖃᑎᖃᖅᖢᑎᒃ ᓴᕿᑎᑦᓯᓚᐅᕐᓯᒪᕗᑦ ᓴᖏᔪᒥᒃ ᒪᑭᑕᑦᓯᐊᕈᓐᓇᖅᑐᒥᒃ ᐳᓚᕋᖅᑐᓕᕆᓂᕐᒥᒃ ᐊᒻᒪᓗ ᐃᓕᖅᑯᓯᓕᕆᓂᕐᒨᖓᔪᓂᒃ ᓄᓇᕗᓕᒫᒥᒃ. ᑕᒃᑯᐊ ᐱᒍᔾᔨᕖᒃ ᑐᓴᐅᒪᔭᐅᔭᕆᐊᓕᖕᓂᒃ ᐊᔪᖀᒋᐊᕈᑎᓂᒡᓗ ᐱᑕᖃᖅᑎᑦᑎᓲᖑᕗᑦ ᓇᖕᒥᓂᕆᔭᐅᔪᓄᑦ, ᐃᑲᔪᖅᑎᐅᓪᓗᑎᒡᓗ ᓄᓇᓕᖕᒥ ᑎᒥᐅᔪᓂᒃ, ᒐᕙᒪᒃᑯᓐᓄᑦ-ᐊᐅᓚᑕᐅᖏᑦᑐᓄᑦ ᑎᒥᐅᔪᓂᒃ, ᐱᓕᕆᔩᑦ ᒐᕙᒪᒃᑯᑦ ᐊᐅᓚᖏᑕᖏᑕ ᑲᑐᔾᔨᖃᑎᒌᒃᑯᖏᑦ. ᐊᐅᓚᑦᓯᓲᖑᖕᒥᔪᑦ ᐊᑐᓕᖅᑎᑦᓯᓂᕐᒥᒃ ᓄᓇᕗᑦ ᒐᕙᒪᖓᑕ ᐳᓚᕋᖅᑐᓕᕆᓂᕐᒥᒃ ᐱᕙᓪᓕᐊᑎᑦᓯᓂᕐᒧᑦ ᐋᕿᒃᓯᒪᐅᑎᒃᓴᖏᓐᓂᒃ.

ᑐᕌᒐᖏᑦ

  • ᐱᐅᓂᖅᐹᒥᒃ ᐊᔪᖀᒋᐊᖅᑎᐅᓗᓂ ᐃᑲᔪᖅᑐᐃᔨᐅᓗᓂᓗ ᒥᓂᔅᑕᒥᒃ ᐳᓚᕋᖅᑐᓕᕆᓂᕐᒨᖓᔪᓂᒃ, ᓴᓇᖑᐊᖅᑎᓂᒃ ᒥᖅᓱᖅᑎᓂᒡᓗ, ᑕᕐᕆᔭᐅᓯᐅᖅᑎᓂᒃ ᐊᒻᒪᓗ ᓱᓕᔪᖑᐊᖑᓂᕐᒥᒃ ᐱᖑᐊᖅᑎᓂᒃ.
  • ᓴᕿᑎᑦᓯᔨᐅᓗᓂ, ᓯᕗᓕᖅᑎᑦᓯᓗ ᐊᑕᐅᑦᓯᑰᖅᑎᑦᓯᔨᐅᓗᓂᓗ ᐊᑐᓕᖅᑎᑦᓯᓂᕐᒥᒃ ᐱᓇᓱᐊᖅᑕᐅᔪᓂᒃ ᐊᒻᒪᓗ ᐋᕿᒃᓯᒪᐅᑎᒃᓴᓕᐊᕆᔭᐅᓯᒪᔪᓂᒃ ᑐᕌᖓᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᑦ ᐳᓚᕋᖅᑐᓕᕆᔨᖏᓐᓂᒃ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐱᖁᑎᓕᐅᖅᑎᓂᒃ.

ᑐᑭᓯᒋᐊᑲᓐᓂᕈᒪᒍᕕᒃ ᖃᐅᔨᒋᐊᕐᕕᒋᓗᒋᑦ:

ᐳᓚᕋᖅᑐᓕᕆᔨᒃᑯᑦ ᐃᓕᖅᑯᓯᓕᕆᓂᕐᒥᒡᓗ ᐱᖁᑎᓕᐅᖅᑎᑯᑦ 
P.O. Box 1000, Station 1500
1104A Inuksugait Plaza
Iqaluit, NU
X0A 0H0

Toll-free 1-888-975-5999
Fax: (867) 975-7870
Email: edt@gov.nu.ca

ᐃᖃᓇᐃᔭᖅᑏᑦ ᐊᑎᓕᒫᖏᓐᓂᒃ ᐱᔪᒪᒍᕕᑦ ᐅᐸᒡᓗᒍ ᖃᐅᔨᒋᐊᕐᕕᑦᑕ ᒪᒃᐱᒐᖓ ᐊᒻᒪᓗ ᐊᒧᓗᒍ ᐃᖃᓇᐃᔭᖅᑏᑦ ᐊᑎᖏᑦᑕ ᑎᑎᕋᖅᑕᐅᓯᒪᕕᐊ.