ᐅᖃᓚᐅᑎᓯᐅᑏᑦ

You are here

ᓇᐃᒡᓕᑎᖅᓯᒪᔪᖅ/ᖃᐅᔨᒋᐊᕐᕕᒃᓴᖅ ᑐᑭᓯᒋᐊᕈᒪᓂᕐᒧᑦ ᓴᓇᙳᐊᖅᑐᓕᕆᓂᕐᒧᑦ ᐃᓕᖅᑯᓯᓕᕆᓂᕐᒥᒡᓗ

Arts & Culture

 

ᓴᓇᖑᐊᖅᑐᓕᕆᓂᖅ ᖃᐅᔨᒪᔾᔪᑕᐅᕗᖅ ᓄᓇᕗᒻᒧᑦ. ᑕᓐᓇ ᖃᓪᓗᓈᖅᑕᒧᑦ ᐃᓚᒋᔭᐅᒻᒪᑦ ᕿᓚᒃᑐᖅᓯᒪᖃᑎᒌᒍᑕᐅᓪᓗᓂ ᓄᓇᕗᓕᒫᒧᑦ. ᓴᓇᖑᐊᖅᑎᑕᖃᕋᑦᑕ ᓄᓇᕗᓕᒫᑦᑎᐊᒥᒃ. ᒥᒃᓴᐅᓴᔭᐅᓯᒪᕗᖅ 3000 ᓄᓇᕗᒻᒥᐅᑦ ᑮᓇᔾᔭᒃᓴᔾᔪᑎᖃᓲᖑᓂᖏᓐᓄᑦ ᓴᓇᖑᐊᖅᑕᒥᒍᑦ. ᓄᐃᑕᔪᑎᒍᑦ ᑕᑯᒥᓇᖅᑐᓕᐅᕐᓂᑯᑐᐊᖅ $33ᒥᓕᐊᓐᓂᒃ ᑐᓂᕐᕈᑎᖃᕐᓯᒪᓕᕐᐳᖅ ᐊᕐᕌᒍᑕᒪᑦ ᓄᓇᕘᑉ ᒪᑭᑕᒐᓱᐊᕐᓂᖓᓄᑦ.

ᑕᓐᓇ ᐱᓕᕆᕕᒃ ᓄᑖᓂᒃ ᓴᓇᒍᐊᖅᑎᓄᑦ ᐱᕙᓪᓕᐊᑎᑦᓯᓂᕐᒥᒃ ᐱᓇᓱᐊᒐᒃᓴᖃᖅᑎᑦᓯᓕᕐᒥᔪᖅ. ᐃᓕᖕᓂᒃ ᐃᑲᔪᕈᓐᓇᖅᑐᖅ ᓴᓇᖑᐊᖅᑎᐅᓂᕐᓄᑦ ᐱᔪᓐᓇᖅᓯᑎᑦᓯᓗᓂ. ᓂᔾᔭᐅᓯᔭᖅᑎᓄᑦ, ᑕᕐᕆᔭᐅᓯᐅᕐᑕᐅᓗᓂ ᐱᖑᐊᖅᑎᐅᓂᕐᒧᑦ, ᑎᑎᕋᖅᑎᐅᓂᕐᒥᒃ ᐅᖃᓕᒫᒐᒃᓴᓄᑦ, ᐊᔾᔨᓕᐅᕆᔨᒻᒪᕆᐅᓂᕐᒧᑦ ᐊᒻᒪᓗ ᒧᒥᖅᑎᐅᓂᕐᒧᑦ, ᐊᓯᖏᓐᓂᒡᓗᓃᑦ, ᑐᒃᓯᕋᐅᑎᓕᐅᕈᓐᓇᖅᑐᑦ. ᓄᓇᕗᒻᒥᑦ ᓴᓇᖑᐊᖅᑎᖁᑎᑦᑎᓂᒃ ᐱᒃᑯᒍᓱᒃᑲᑦᑕ ᐃᑲᔪᕈᒪᓪᓗᑎᒍᓪᓗ ᐱᔭᕇᖅᓯᔪᓐᓇᑦᑎᐊᖁᓪᓗᒋᑦ.

ᐳᓚᕋᖅᑐᓕᕆᔨᒃᑯᑦ ᐃᓕᖅᑯᓯᓕᕆᓂᕐᒥᒃ ᐱᖁᑎᓕᐅᖅᑎᒃᑯᓪᓗ ᑲᑐᔾᔨᔫᒃ ᐱᓇᓱᐊᖅᑕᐅᔪᒃᓴᒥᒃ. ᓄᓇᕗᒻᒥᐅᓂᒃ ᐃᖃᓇᐃᔭᖃᑎᖃᖅᖢᑎᒃ ᓴᕿᑎᑦᓯᓚᐅᕐᓯᒪᕗᑦ ᓴᖏᔪᒥᒃ ᒪᑭᑕᑦᓯᐊᕈᓐᓇᖅᑐᒥᒃ ᐳᓚᕋᖅᑐᓕᕆᓂᕐᒥᒃ ᐊᒻᒪᓗ ᐃᓕᖅᑯᓯᓕᕆᓂᕐᒨᖓᔪᓂᒃ ᓄᓇᕗᓕᒫᒥᒃ. ᑕᒃᑯᐊ ᐱᒍᔾᔨᕖᒃ ᑐᓴᐅᒪᔭᐅᔭᕆᐊᓕᖕᓂᒃ ᐊᔪᖀᒋᐊᕈᑎᓂᒡᓗ ᐱᑕᖃᖅᑎᑦᑎᓲᖑᕗᑦ ᓇᖕᒥᓂᕆᔭᐅᔪᓄᑦ, ᐃᑲᔪᖅᑎᐅᓪᓗᑎᒡᓗ ᓄᓇᓕᖕᒥ ᑎᒥᐅᔪᓂᒃ, ᒐᕙᒪᒃᑯᓐᓄᑦ-ᐊᐅᓚᑕᐅᖏᑦᑐᓄᑦ ᑎᒥᐅᔪᓂᒃ, ᐱᓕᕆᔩᑦ ᒐᕙᒪᒃᑯᑦ ᐊᐅᓚᖏᑕᖏᑕ ᑲᑐᔾᔨᖃᑎᒌᒃᑯᖏᓂᒃ. ᐊᐅᓚᑦᓯᓲᖑᖕᒥᔪᑦ ᐊᑐᓕᖅᑎᑦᓯᓂᕐᒥᒃ ᓄᓇᕗᑦ ᒐᕙᒪᖓᑕ ᐳᓚᕋᖅᑐᓕᕆᓂᕐᒥᒃ ᐱᕙᓪᓕᐊᑎᑦᓯᓂᕐᒧᑦ ᐋᕿᒃᓯᒪᐅᑎᒃᓴᖏᓐᓂᒃ.

ᐱᓕᕆᕝᕕᐅᑉ ᑐᕌᒐᖏᑦ:

  • ᐱᐅᓂᖅᐹᒥᒃ ᐊᔪᖀᒋᐊᖅᑎᐅᓗᓂ ᐃᑲᔪᖅᑐᐃᔨᐅᓗᓂᓗ ᒥᓂᔅᑕᒥᒃ ᐳᓚᕋᖅᑐᓕᕆᓂᕐᒨᖓᔪᓂᒃ, ᓴᓇᖑᐊᖅᑎᓂᒃ ᒥᖅᓱᖅᑎᓂᒡᓗ, ᑕᕐᕆᔭᐅᓯᐅᖅᑎᓂᒃ ᐊᒻᒪᓗ ᓱᓕᔪᖑᐊᖑᓂᕐᒥᒃ ᐱᖑᐊᖅᑎᓂᒃ.
  • ᓴᕿᑎᑦᓯᔨᐅᓗᓂ, ᓯᕗᓕᖅᑎᑦᓯᓗᓂᓗ ᐊᑕᐅᑦᓯᑰᖅᑎᑦᓯᔨᐅᓗᓂᓗ ᐊᑐᓕᖅᑎᑦᓯᓂᕐᒥᒃ ᐱᓇᓱᐊᖅᑕᐅᔪᓂᒃ ᐊᒻᒪᓗ ᐋᕿᒃᓯᒪᐅᑎᒃᓴᓕᐊᕆᔭᐅᓯᒪᔪᓂᒃ ᑐᕌᖓᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᑦ ᐳᓚᕋᖅᑐᓕᕆᔨᖏᓐᓂᒃ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐱᖁᑎᓕᐅᖅᑎᓂᒃ.

ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᓗᒋᑦ:

ᐳᓚᕋᖅᑐᓕᕆᔨᒃᑯᑦ ᐃᓕᖅᑯᓯᓕᕆᓂᕐᒥᒡᓗ ᐱᖁᑎᓕᐅᖅᑎᑯᑦ 
P.O. Box 1000, Station 1500
1104A Inuksugait Plaza
Iqaluit, NU
X0A 0H0

Toll-free 1-888-975-5999
Fax: (867) 975-7870
Email: edt@gov.nu.ca

ᐃᖃᓇᐃᔭᖅᑏᑦ ᐊᑎᓕᒫᖏᓐᓂᒃ ᐱᔪᒪᒍᕕᑦ ᐅᐸᒡᓗᒍ ᖃᐅᔨᒋᐊᕐᕕᑦᑕ ᒪᒃᐱᒐᖓ ᐊᒻᒪᓗ ᐊᒧᓗᒍ ᐃᖃᓇᐃᔭᖅᑏᑦ ᐊᑎᖏᑦᑕ ᑎᑎᕋᖅᑕᐅᓯᒪᕕᐊ.