ᐅᖃᓚᐅᑎᓯᐅᑏᑦ

You are here

ᓇᐃᒡᓕᑎᖅᓯᒪᔪᖅ/ᖃᐅᔨᒋᐊᕐᕕᒃᓴᖅ ᑐᑭᓯᒋᐊᕈᒪᓂᕐᒧᑦ- ᐱᕕᒃᓴᖅᑖᕐᕕᐅᔪᓐᓇᕐᑐᓂᒃ ᐱᕙᓪᓕᐊᑎᑦᓯᓂᖅ

Resource Development

 

ᓄᓇᕗᑦ ᐃᓕᓴᕆᔭᐅᓯᒪᓕᕐᒪᑦ ᑲᓇᑕᒥᑦ ᐱᔪᒥᓇᕐᓂᖅᐹᒥᒃ ᓄᑭᖃᕐᕕᐅᓂᖓᓂᒃ ᒪᑯᓄᖓ ᐅᔭᕋᒃᓴᔭᒃᓯᐅᓂᕐᒧᑦ ᐅᖅᓱᐊᓗᒃᓴᖅᓯᐅᓂᕐᓗ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᒃᓴᓄᑦ. ᐅᔭᕋᒃᓴᔭᒃᓯᐅᕐᓂᐅᑉ ᐅᖅᓱᐊᓗᒃᓴᖅᓯᐅᕐᓂᐅᓪᓗ ᐱᕙᓪᓕᐊᓂᕆᔭᖓᑦ ᐱᔪᓐᓇᖅᑎᑦᓯᓂᖃᓪᓚᕆᖕᓂᐊᕐᑐᖅ ᒪᑭᑕᒐᓱᐊᕐᓂᕐᒥᒃ ᐱᕙᓪᓕᖅᑎᑦᓯᓂᐅᓗᓂ ᓄᓇᕗᒻᒧᑦ. ᓱᓇᐅᕝᕙᓕ, ᐊᕐᕋᒍᓄᑦ ᖃᖏᖅᓯᒪᓕᖅᑐᓄᑦ, ᓄᓇᕗᒻᒥᐅᑦ ᐱᕙᓪᓕᖅᓯᒪᔪᒻᒪᕆᐅᓕᖅᐳᑦ ᐅᔭᕋᖕᓂᐊᖅᐸᓪᓕᐊᓂᒃᑯᑦ, ᕿᓂᕐᓂᒃᑯᑦ ᐊᒻᒪᓗ ᒎᓕᓯᐅᕐᓂᒃᑯᑦ.

ᓄᓇᒥᒃ ᐊᐅᓚᑦᓯᓂᖅ ᐊᒻᒪᓗ ᐱᕕᒃᓴᖅᑖᕐᕕᐅᔪᓐᓇᕐᑐᓂᒃ ᐊᐅᓚᑦᓯᑎᐊᕆᐊᖃᕐᓂᕐᒥᒃ ᑲᒪᒋᔭᒃᓴᖃᕐᓂᖅ ᐱᒻᒪᕆᐅᓂᖃᕐᒪᑦ ᐊᑯᓃᖅᑐᒥᒃ ᒪᑭᑕᒐᓱᐊᕈᑎᒃᓴᓄᑦ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᓄᓇᒋᔭᕗᑦ ᓇᖕᒥᓂᖅᓱᕈᓐᓇᑦᑎᐊᖁᓪᓗᒍ. ᒫᓐᓇᐅᔪᖅ, ᒐᕙᒪᑐᖃᒃᑯᑦ ᐊᐅᓚᑦᑎᖕᒪᑕ ᑮᓇᐅᔭᓂᒃ ᐃᓯᖅᐸᓪᓕᐊᔪᓂᒃ ᑯᐃᓐ ᓄᓇᖁᑎᖏᓐᓃᖓᖅᑐᓂᒃ ᓄᓇᕗᒻᒥ. ᓇᖕᒥᓂᖅᓱᕈᓐᓇᕐᓂᒃᑯᑦ ᐊᖓᔪᖅᑲᐅᒍᓐᓇᕐᕕᖃᕆᐊᖃᕐᓂᖅ ᓄᓇᒥᒃ ᐊᐅᓚᑦᓯᔪᓐᓇᖅᑎᑕᐅᓂᖅ ᒐᕙᒪᑐᖃᒃᑯᓐᓂᑦ ᓄᓇᒋᔭᐅᔪᐃᑦ ᒐᕙᒪᖏᓐᓄᑦ ᐱᔭᐅᔭᕆᐊᖃᓪᓚᕆᒃᐳᖅ ᓄᓇᕗᒻᒥᐅᑦ ᓇᖕᒥᓂᖅ ᐊᔪᖏᑕᖃᑦᑎᐊᕈᓐᓇᕐᓂᐊᕈᑎᒃ ᐊᒻᒪᓗ ᐱᖃᑕᐅᓚᖅᑐᐃᑦ ᓯᕗᓂᕐᒥᒃ ᒪᑭᑕᒐᓱᐊᕐᓂᕐᒧᑦ ᐱᕈᖅᐸᓪᓕᐊᓂᐅᔪᓂᒃ. ᓇᖕᒥᓂᖅᓱᕈᓐᓇᕐᓂᖅ ᐱᕕᖃᖅᑎᑦᓯᓂᐊᕐᒪᑦ ᓄᓇᕗᒻᒥᑦ ᐊᐅᓚᑦᓯᓂᕐᒥᒃ ᐊᒻᒪᓗ ᐅᔭᕋᖕᓂᐊᖅᑎᒃᑯᓐᓂᑦ ᐅᖅᓱᐊᓗᖕᓂᐊᖅᑎᒃᑯᓂᓪᓗ ᑮᓇᐅᔭᓕᐊᕆᔭᐅᔪᓂᒃ ᐱᖃᑕᐅᔪᓐᓇᕐᓂᐊᕐᓗᑎᒃ.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐅᔭᕋᒃᓯᐅᕐᓂᒃᑯᑦ ᐅᖅᓱᐊᓗᒃᓯᐅᕐᓂᒃᑯᓪᓗ ᐱᕕᒃᓴᖅᑖᕐᕕᐅᔪᓐᓇᕐᑐᓕᕆᔨᒃᑯᓪᓗ ᑲᒪᒋᔭᖃᕆᐊᖃᕐᐳᑦ ᖃᐃᓪᓚᖅᑐᐃᔨᐅᓂᕐᒥᒃ ᐃᑲᔪᖅᑐᐃᔨᐅᓂᕐᒥᒡᓗ ᐱᕙᓪᓕᐊᓂᐅᔪᓂᒃ ᐊᑐᒃᑲᓐᓂᕈᓐᓇᕐᑐᓂᒃ ᐅᔭᕋᒃᓯᐅᑎᓂᒃ ᐅᖅᓱᐊᓗᒃᓯᐅᖅᑎᓂᒡᓗ ᓄᓇᕗᒻᒥᑦ. ᐃᑲᔪᖅᑐᐃᓂᕆᔭᖓᑦ ᒪᑯᓂᖓ ᐃᓚᖃᖅᐳᖅ ᓴᕿᑎᑦᑎᓂᐊᕐᓗᑎᒃ ᐊᔪᕐᓇᕈᓐᓃᖅᑎᑦᑎᓂᕐᒥᒃ ᐱᔪᓐᓇᖅᑎᑦᑎᔾᔪᑎᖃᕐᓗᑎᒃ ᒪᓕᒐᖃᖅᑎᑦᑎᔨᐅᓂᕐᒥᒃ ᐊᒻᒪᓗ ᒪᓕᒐᖑᖅᑎᑦᓯᓂᕐᒥᒃ ᐃᑲᔫᑎᐅᓂᐊᖅᑐᓂᒃ ᐱᕕᒃᓴᖅᑕᕐᕕᐅᔪᓐᓇᖅᑐᓂᒃ ᐊᐅᓚᑦᓯᓂᕐᒥᒃ ᐱᕙᓪᓕᐊᑎᑦᓯᓂᕐᒥᒡᓗ. ᐃᓚᖃᕐᒥᔪᖅᑕᐅᔪᖅ ᐱᕙᓪᓕᐊᑎᑦᓯᓂᕐᒥᒃ ᐅᔭᖅᑲᓂᒃ ᖃᐅᔨᑎᑦᓯᒋᐊᕈᑎᓂ, ᑮᓇᐅᔭᖃᖅᑎᑕᐅᔪᓐᓇᕐᓂᕐᒥᒃ ᐊᒻᒪᓗ ᐱᔭᕐᓂᖏᑦᑐᓂᒃ ᐱᒍᔾᔨᔪᓐᓇᕐᓂᕐᒥᒃ ᐅᔭᕋᒃᓯᐅᖅᑎᐅᔪᓐᓇᕐᓂᕐᒥᒃ, ᐱᕙᓪᓕᖅᑎᑦᑎᓂᖅ ᑮᓇᐅᔭᓕᐅᕋᓱᐊᖅᑎᓂᒃ ᐊᒻᒪᓗ ᐱᓕᕆᔨᐅᖃᑕᐅᔪᓐᓇᕐᓂᖅ ᐱᓕᕆᔨᒻᒪᕆᐅᔪᓄᑦ ᐱᖃᓯᐅᑎᓗᒋᑦ ᐱᖁᑎᓕᐅᖅᑎᓄᑦ, ᓄᓇᓕᓐᓂ ᐱᒍᔾᔨᔨᓄᑦ ᐊᒻᒪᓗ ᐃᖃᓇᐃᔭᖅᑎᒃᓴᐅᖃᑕᐅᔪᒫᖅᑐᓄᑦ ᐃᓚᐅᖃᑕᐅᔪᓄᑦ.

ᑐᑭᓯᒋᐊᑲᓐᓂᕈᒪᒍᕕᑦ ᐅᕗᖓ ᖃᐅᔨᒋᐊᕈᓐᓇᖅᑐᑎᑦ:

ᐅᔭᕋᖕᓂᐊᕐᓂᒃᑯᑦ ᐅᖅᓱᐊᓗᓕᕆᓂᒃᑯᓪᓗ ᐱᕕᒃᓴᖅᑖᕐᕕᐅᔪᓐᓇᖅᑐᓄᑦ ᐱᓕᕆᕕᒃ
ᑎᑎᖃᖅᑖᕐᕕᖓ 1000, ᐃᓂᖓ1500​
1104A ᐃᓄᒃᓱᒐᐃᑦ​
ᐃᖃᓗᐃᑦ, ᓄᓇᕗᑦ​
X0A 0H0

ᐊᑭᖃᖏᑦᑐᖅ ᐅᖄᓚᑎᖓ: 1-888-975-5999
ᓱᑲᑦᑐᑰᕈᑎᖓ: (867) 975-7870
ᖃᕆᑕᐅᔭᒃᑯᑦ ᑎᑎᖃᖅᑕᕐᕕᖓ: edt@gov.nu.ca

ᐃᖃᓇᐃᔭᖅᑏᑦ ᐊᑎᓕᒫᖏᓐᓂᒃ ᐱᔪᒪᒍᕕᑦ ᐅᐸᒡᓗᒍ ᖃᐅᔨᒋᐊᕐᕕᑦᑕ ᒪᒃᐱᒐᖓ ᐊᒻᒪᓗ ᐊᒧᓗᒍ ᐃᖃᓇᐃᔭᖅᑏᑦ ᐊᑎᖏᑦᑕ ᑎᑎᕋᖅᑕᐅᓯᒪᕕᐊ.