ᐅᖃᓚᐅᑎᓯᐅᑏᑦ

You are here

ᖃᐅᔨᑎᑦᓯᒋᐊᕈᑎᒃ/ᖃᐅᔨᒋᐊᕐᕕᒃᓴᖅ ᑐᑭᓯᒋᐊᕈᒪᓂᕐᒧᑦ ᐃᖏᕐᕋᔪᓕᕆᔨᒃᑯᓐᓂᑦ

Transportation

 

ᐃᖏᕐᕋᔪᓕᕆᔨᒃᑯᓐᓅᖓᔪᓂᒃ ᐃᖃᓇᐃᔭᕐᕕᒃ ᑎᓴᒪᐃᓕᖓᕗᖅ ᐃᓚᐅᕕᒋᔭᖏᑦ: ᐃᖃᓗᖕᓂᑦ ᓄᓇᕐᔪᐊᓕᒪᒧᑦ ᒥᕝᕕᒃ, ᓄᓇᕗᒻᒥ ᒥᕝᕖᑦ, ᓄᓇᑰᔪᓕᕆᕕᒃ ᐊᒻᒪᓗ ᐃᖏᕐᕋᔪᓕᕆᓂᕐᒧᑦ ᐊᑐᐊᒐᖏᑦ ᐊᒻᒪᓗ ᐸᕐᓇᐃᓂᕐᒥᒃ. ᐃᖏᕐᕋᔪᓕᕆᓂᕐᒧᑦ ᐊᑐᐊᒐᖏᓐᓂᒃ ᐊᒻᒪᓗ ᐸᕐᓇᐃᔨᖏᑦ ᒪᑯᓂᖓ ᑲᒪᒋᔭᒃᓴᖃᖅᐳᑦ ᐊᖅᑯᑎᓅᖓᔪᓂᒃ ᐸᕐᓇᐃᓂᖅ, ᐅᒥᐊᕐᔪᐊᓄᑦ ᖃᖓᑕᔫᓄᓪᓗ ᐱᖁᑎᖃᖅᑎᑦᓯᓂᕐᒥᒃ ᐊᐅᓚᔪᓐᓇᖁᓪᓗᒋ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᒥᑦ. ᑕᓱᒥᖓ ᐱᔭᕇᖅᓯᑦᑎᐊᕈᓐᓇᕐᓂᐊᕐᓗᓂ, ᐃᖃᓇᐃᔭᕐᕕᒃ ᓴᕿᑎᑦᑎᓲᖑᕗᖅ ᐊᑯᓃᖅᑐᒥᒃ ᕿᓚᒥᐅᓇᕐᑐᒥᒡᓗ ᐸᕐᓇᐅᑎᓂᒃ ᐊᕿᒃᓯᒪᐅᑎᒃᓴᓂᒡᓗ ᓄᓇᕗᒻᒥᑦ ᐃᖏᕐᕋᔪᓕᕆᓂᕐᒧᑦ ᐋᕿᒃᓯᒪᐅᓯᖓᓄᑦ, ᒪᑯᓂᖓ ᐃᓚᖃᕐᒥᔪᖅ ᓴᐳᒻᒥᔨᐅᓂᕐᒥᒃ ᓄᓇᕗᑦ ᐊᔾᔨᐅᖏᓐᓂᖓᓄᑦ ᑭᙳᒪᒋᔭᖏᓐᓂᒃ ᒐᕙᒪᑐᖃᒃᑯᓐᓂᑦ ᐃᖏᕐᕋᔪᓕᕆᔨᖏᑦᑕ ᐊᑐᐊᒐᖏᓐᓄᑦ ᓱᑎᑦᑎᕙᓪᓕᐊᓂᐅᔪᓄᑦ ᐊᒻᒪᓗ ᐊᑦᑕᕐᓇᐃᓕᑎᑦᓯᓂᕐᒥᒃ ᑲᔪᓯᓐᓇᕐᑎᑦᓯᒋᐊᖃᕐᓂᖏᓐᓂᒃ ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᑎᓂᕐᒧᑦ ᐊᖏᖃᑎᒌᒍᑎᒋᕙᒃᑕᖏᑦ ᒪᑯᓄᖓ ᐱᖁᑎᓄᑦ ᓄᓇᓖᑦ ᐊᑐᖅᐸᑦᑕᖏᓐᓄᑦ ᐊᐅᓚᔪᓐᓇᖁᓪᓗᒋᑦ. ᐃᖃᓇᐃᔭᖅᕕᕗᑦ ᐃᖃᓇᐃᔭᖃᑎᖃᕐᐸᖕᒥᔪᖅ ᓄᓇᓕᖕᓂᒃ ᐊᒻᒪᓗ ᐃᖏᕐᕋᔪᓕᕆᓂᕐᒨᖓᔪᓂᒃ ᐊᑐᖅᐸᒃᑐᓂᒃ ᐸᕐᓇᐃᔪᓐᓇᖁᓪᓗᒋᑦ ᐃᖏᕐᕋᔪᓕᕆᓂᕐᒨᖓᔪᓂᒃ ᐱᖁᑎᓂᒃ ᐊᑐᖅᐸᒃᑐᓄᑦ ᐊᐅᓚᔪᓐᓇᖁᓪᓗᒋᑦ.

ᐊᐅᓚᐅᑎᓄᕐᑐᓄᑦ ᓄᓇᒃᑰᔪᓕᕆᔨᒃᑯᑦ ᓯᕗᓪᓕᐅᔨᕗᑦ ᐊᑦᑕᕐᓇᖅᑐᒦᑎᑦᓯᑕᐃᓕᓂᖅ ᐅᓯᔭᐅᔪᓂᒃ ᐊᒻᒪᓗ ᐱᓱᒃᐸᒃᑐᓂᒃ ᓄᓇᕗᑦ ᐊᖁᑎᖏᑦᑎᒍᑦ. ᓄᓇᒃᑰᔪᓕᕆᔨᒃᑯᑦ ᐱᒍᔾᔨᓲᖑᕗᑦ ᐊᒻᒪᓗ ᐱᕕᒃᓴᖅᑕᖃᖅᑎᑦᑎᓲᖑᓪᓗᑎᒃ ᐊᕿᒃᑕᐅᓯᒪᔪᐃᑦ ᓄᓇᒃᑰᔪᓄᑦ ᒪᓕᒐᖃᖅᑎᑦᑎᔾᔪᑎᑦ ᐊᒻᒪᓗ ᐊᑦᑕᕐᓇᖅᑐᒦᑎᑦᓯᑕᐃᓕᔾᔪᑏᑦ ᖁᕝᕙᕆᐊᖅᑎᑕᐅᕙᒃᑲᓗᐊᕐᒪᖓᑕ ᐊᖁᑎᒥᒃ ᐊᑐᖅᐸᒃᑐᓄᑦ ᐊᒻᒪᓗ ᐊᑑᑎᑎᑕᐅᓗᑎᒃ ᑕᐃᒪᐃᒋᐊᖃᕐᑎᑕᐅᓂᖏᓐᓄᑦ. ᐃᖃᓇᐃᔭᕐᕕᐅᔪᖅ ᐊᐅᓚᑦᓯᓲᖑᕗᖅ ᐃᓘᓐᓇᖏᓐᓂᒃ ᐊᖁᑦᑐᓇᐅᑎᑖᕈᒪᓂᕐᒧᑦ ᓚᐃᓴᓐᓯᓕᕆᓂᕐᒥᒃ ᐊᒻᒪᓗ ᓄᓇᒃᑰᔪᓂᒃ ᓇᓗᓇᐃᒃᑯᑕᓕᖅᑕᐅᓯᒪᔾᔪᑎᖏᓐᓂᒃ ᐊᒻᒪᓗ ᑎᑎᕋᖅᓯᒪᑎᑦᑏᓇᓲᖑᓪᓗᑎᒃ ᖃᐅᔨᒪᐅᑎᓂᒃ ᓇᐃᓴᖅᑕᐅᓯᒪᔾᔪᑎᖏᓐᓂᒃ ᐱᕐᕈᓗᐊᕿᔪᕕᓂᕐᓂᒃ ᑐᓴᖅᑎᑦᑎᔾᔪᑎᓕᐊᕕᓂᕐᓂᒃ. ᐃᖃᓇᐃᔭᕐᕕᒃᑕᐅᖅ ᐃᖃᓇᐃᔭᖃᑎᖃᓲᖑᒻᒥᔪᖅ ᐃᑲᔪᖅᐸᒃᖢᓂᓗ ᑭᒡᒐᓕᕋᕐᕕᖕᓂᒃ ᐃᖃᓇᐃᔭᖅᑐᓂᒃ ᓄᓇᕗᑦ ᓄᓇᓕᖏᓐᓂᒃ ᐱᒍᔾᔨᓂᕆᔭᖓᑦ ᓄᓇᑰᔪᓕᕆᓂᕐᒧᑦ ᐊᑐᐃᓐᓇᐅᓂᖓᓂᒃ ᓄᓇᕗᓕᒫᒥᒃ. ᐃᖃᓇᐃᔭᕐᕕᒃ ᑭᖒᒪᓇᕐᓂᖏᓐᓂᒃ ᓄᓇᑰᕈᑎᒥᒃ ᖃᐅᔨᓴᕐᓂᕐᒥᒃ ᐱᓇᓱᐊᒐᒃᓴᖃᖅᑎᑦᓲᖑᒥᔪᖅ ᐊᒻᒪᓗ ᖁᕝᕙᕆᐊᖅᑎᑦᔨᐅᓪᓗᓂ ᐊᖅᑯᑎᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒥᒃ ᐊᑦᑕᕐᓇᖏᑦᑐᒦᑦᑎᐊᖁᓪᓗᒋᑦ ᐃᓗᓐᓇᖏᑦ ᐊᖁᑎᒥᒃ ᐊᑐᖅᐸᒃᑐᐃᑦ.

ᓄᓇᕗᒻᒥᑦ ᒥᑦᑕᕐᕕᓕᕆᔨᒃᑯᑦ ᑲᒪᒋᔭᒃᓴᖃᖅᐳᑦ 24-ᓂᒃ ᒥᑦᑕᕐᕕᖕᓂᒃ ᐃᖃᓗᐃᑦ ᓯᓚᑖᓂᑦᑐᓂᒃ ᐃᖏᕐᕋᑎᑦᓯᓂᕐᒥᒃ ᐊᕿᒃᓯᒪᑦᑎᐊᑎᑦᓯᓂᕐᒥᒡᓗ. ᐃᖃᓇᐃᔭᕐᕕᒃ ᒪᓕᑦᑎᐊᖅᑎᑦᓯᔭᕆᐊᖃᕐᒪᑦ ᐃᒡᓗᕐᔪᐊᖁᑎᖏᑦ ᓄᓇᓕᖕᓂᒃ ᓯᓚᓐᓂᐊᕈᑏᑦ ᓇᓚᐅᑎᖃᕐᕕᖏᓪᓗ ᒪᓕᒐᖑᖅᑎᑕᐅᓯᒪᔪᓂᒃ ᒪᓕᑦᑎᐊᕋᓗᐊᕐᒪᖓᑕ ᐊᒻᒪᓗ ᐃᖃᓇᐃᔭᖅᑎᖏᑦ ᐱᖁᑎᖏᓪᓗ ᒪᓕᑦᑎᐊᕋᓗᐊᕐᒪᖓᑕ ᒐᕙᒪᑐᖃᒃᑯᑦ ᒪᓕᒃᑕᐅᖁᔭᖏᓐᓂᒃ. ᑕᓐᓇ ᐱᖃᑎᖃᕆᐊᖃᕐᒥᒻᒪᑦ ᐃᖃᓇᐃᔭᖃᑎᖃᑦᓯᐊᕆᐊᖃᕐᓂᕐᒥᒃ ᑲᓇᑕᒥᑦ ᐃᖏᕐᕋᔪᓕᕆᔨᒃᑯᓐᓂᑦ, ᓇᕝ ᑲᓇᑕᑯᓐᓂᑦ, ᐊᒻᒪᓗ ᓄᓇᓖᑦ ᒐᕙᒪᒃᑯᖏᓐᓂᑦ ᐊᒻᒪ ᑲᓐᑐᕋᒃᑕᐅᓯᒪᔪᓂᒃ ᐱᒍᔾᔨᔭᖅᑐᕐᓯᒪᓗᑎᒃ ᐃᖏᕐᕋᑎᑦᓯᓂᕐᒥᒃ ᐊᕿᑦᑎᐊᖅᓯᒪᑎᑦᓯᓂᕐᒥᒡᓗ ᒥᕝᕕᖕᓂ ᐊᒻᒪᓗ ᓄᓇᓕᖕᓂᑦ ᓯᓚᓐᓂᐊᕈᑎᓂᒃ ᓇᓚᐅᑎᖃᕐᕕᖏᓐᓄᑦ. ᐃᖃᓇᐃᔭᖃᑎᖃᓲᖑᖕᒥᔪᖅ ᖃᐅᔨᒪᔨᑕᕆᔭᐅᔪᓂᒃ ᑲᓐᑐᕌᒃᑕᐅᓯᒪᔪᓂᒡᓗ ᐱᓕᕆᔭᕆᐊᖃᕐᑎᑕᐅᔪᓂᒃ ᓴᓇᓂᕐᒧᑦ ᐱᓕᕆᐊᖑᔪᓄᑦ.

ᐃᖃᓗᖕᓂᑦ ᓄᓇᕐᔪᐊᓕᒫᒧᑦ ᒥᕝᕕᖓ ᐱᒍᔾᔨᓪᓂᖃᓪᓚᕆᑐᒥᒃ ᐃᒪᐃᓕᐅᖅᑎᐅᓂᖃᕐᓂᐊᕐᒪᑦ ᐃᑲᔪᖅᑐᐃᓗᓂ ᖃᖓᑕᓱᓂᒃ ᓄᓇᕗᒻᒥ, ᐊᑦᓚᓐᑎ ᖃᖓᑕᓲᖏᑦᑕ ᐊᖁᑎᖏᓐᓂᒃ, ᐅᑭᐅᖅᑕᖅᑐᒥᑦ ᐊᖁᑎᐅᓲᓂᒃ ᐊᒻᒪᓗ ᐊᒥᐅᔨᖃᐅᑉ ᑕᕐᕋᖓᓂ ᕿᓚᒻᒥᑦ ᓴᐳᒻᒥᔨᓂᒃ. ᐃᓚᒋᔭᐅᖃᑕᐅᓗᓂ 26-ᓄᑦ ᒥᑦᑕᕐᕕᖕᓄᑦ ᐃᓚᐅᓪᓗᓂ ᑲᓇᑕᐅᑉ ᖃᖓᑕᓲᓕᕆᔨᒻᒪᕆᒃᑯᖏᓐᓄᑦ, ᐃᖃᓗᖕᓂᑦ ᓄᓇᕐᔪᐊᓕᒫᒧᑦ ᒥᕝᕕᒃ ᐱᒻᒪᕆᖕᒥᒃ ᐊᕿᒃᓯᒪᐅᑎᐅᓂᐊᕋᓱᒋᔭᐅᒻᒪᑦ ᑲᓇᑕᓕᒫᒧᑦ.

ᐃᓄᖕᓂᒃ ᑖᑯᓇᓂ ᐃᖃᓇᐃᔭᖅᑐᓂᒃ ᖃᐅᔨᒋᐊᕐᕕᖃᕈᒪᒍᕕᑦ ᐅᖄᓚᔪᓐᓇᕐᐳᑎᑦ ᐊᑭᖃᖏᑦᑐᒧᑦ ᐅᖄᓚᓗᑎᑦ 1-888-975-5999 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᑎᑎᖃᖅᑕᕐᕕᖓᒍᑦ edt@gov.nu.ca.

ᑎᑎᖃᒃᑯᑦ ᐊᐅᓪᓚᖅᑎᑦᓯᕕᒋᔪᓐᓇᕐᒥᔭᑎᑦ ᐅᕗᖓ:

ᐃᖏᕐᕋᔪᓕᕆᓂᕐᒧᑦ ᐊᑐᐊᒐᓕᕆᔩᑦ ᐸᕐᓇᐃᔩᓪᓗ
ᑎᑎᖃᖅᑕᕐᕕᖓ 1000, ᐃᓂᖓ 1500
1104A ᐃᓄᒃᓱᒐᐃᑦ ᐃᒡᓗᖁᑎᖓ​
ᐃᖃᓗᐃᑦ, ᓄᓇᕗᑦ​
X0A 0H0

ᐃᖃᓇᐃᔭᖅᑏᑦ ᐊᑎᓕᒫᖏᓐᓂᒃ ᐱᔪᒪᒍᕕᑦ ᐅᐸᒡᓗᒍ ᖃᐅᔨᒋᐊᕐᕕᑦᑕ ᒪᒃᐱᒐᖓ ᐊᒻᒪᓗ ᐊᒧᓗᒍ ᐃᖃᓇᐃᔭᖅᑏ ᐊᑎᖏᑦᑕ ᑎᑎᕋᖅᑕᐅᓯᒪᕕᐊ.