ᐅᖃᐅᓰᑦ ᐃᓕᑕᕆᔭᐅᓯᒪᔪᑦ
ᐅᖃᐅᓰᑦ ᐃᓕᑕᕆᔭᐅᓯᒪᔪᑦ
ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᑭᒡᒐᖅᑐᐃᓪᓚᕆᒃᓯᒪᔪᑦ ᐊᐅᓚᑕᖓᓂ ᐱᓕᕆᐊᖑᔪᓂ, ᖃᐅᔨᓴᕐᓂᒃᑯᑦ, ᐊᐅᓚᑦᑎᓂᒃᑯᑦ ᖃᐅᔨᓴᖅᑕᐅᖃᑦᑕᕐᓂᖓᓗ ᐅᖃᐅᓯᕐᓅᖓᔪᓄᑦ ᐊᒻᒪ ᐊᑐᐊᒐᓕᒫᖏᑦ ᒐᕙᒪᒃᑯᓕᒫᓄᑦ. ᑲᔪᓯᑎᑕᐅᑦᑎᐊᕐᓂᖓᑦ ᐱᕙᓪᓕᐊᔭᐅᕗᖅ ᐅᖃᐅᓯᐅᑉ ᓯᕗᓪᓕᐅᔾᔭᖓᓂ ᑐᕌᖅᑕᕗᑦ ᐊᒻᒪ ᐅᖃᐅᓯᕗᑦ 2.0-ᒥᑦ, ᑲᑐᔾᔨᖃᑎᒌᖕᓂᒃᑯᑦ ᐃᖅᑲᓇᐃᔭᕐᕕᖕᓂᑦ ᑭᒃᑯᑐᐃᓐᓇᕐᓂᓪᓗ ᑭᒡᒐᖅᑐᐃᔪᓂ, ᐱᓇᓱᐊᖅᑕᐅᔪᑦ: ᐅᖃᐅᓯᕐᒥᑦ ᐃᓕᓐᓂᐊᕐᓂᖅ, ᐃᖅᑲᓇᐃᔭᕐᕕᖕᒥᑦ ᐅᖃᐅᓯᐊᓂ, ᐱᔨᑦᑎᖅᑕᐅᓂᖅ ᐅᖃᐅᓯᑎᒍᑦ ᐊᒻᒪ ᐅᖃᐅᓯᕐᒥᑦ ᐅᑎᖅᑎᑦᑎᓂᕐᒧᑦ.
ᐃᖅᑲᓇᐃᔭᕐᕕᖕᒥᐅᑦ ᑲᒪᒋᔭᒃᓴᖃᓗᐊᒃᑲᓐᓂᖅᐳᑦ ᐅᔾᔨᕆᔭᐅᓕᖅᑎᑦᑎᓂᕐᒥᒃ ᐆᒻᒪᕆᖕᓂᖓᓂᒃ ᐃᓄᒃᑐᑦ ᐊᒻᒪ ᐅᐃᕖᑐᑦ ᐅᖃᐅᓰᑦ ᓄᓇᓕᖕᓂ ᐊᒻᒪ ᓄᓇᕗᒻᒥ. ᐱᖃᑕᐅᓗᓂ ᐋᖅᑭᒃᓱᐃᑎᓪᓗᒋᑦ ᐊᐅᓚᑦᑎᑎᓪᓗᒋᓪᓗ ᐊᑐᐊᒐᕐᓂᑦ ᐊᒻᒪ ᐱᓕᕆᐊᒃᓴᓂ ᐃᑲᔪᖅᑕᐅᔪᓐᓇᕐᓗᑎᑦ ᐅᑎᖅᑎᑦᑎᓇᓱᐊᖅᑎᓪᓗᒋᑦ ᐃᓄᒃᑎᑐᑦ ᒪᒃᑯᒃᑐᓄᑦ ᓄᓇᓕᖕᓂᒡᓗ ᐅᖃᐅᓯᖏᓐᓂ ᐊᓯᐅᔨᓯᒪᔪᓂᒃ, ᐊᒻᒪ ᓴᙱᓂᖅᑖᖁᓗᒍ ᐊᑐᖅᑕᐅᔪᓐᓇᕐᓂᖓ ᓄᓇᕗᒻᒥᐅᓕᒫᓄᑦ.
ᑐᑭᓯᑎᑦᑎᒋᐊᕐᓂᖅ: ᐃᖅᑲᓇᐃᔭᕐᕕᖕᒥᐅᑦ ᐱᓕᕆᑎᑦᑎᓚᐅᖅᐳᑦ ᐊᐅᓚᑦᑎᒃᑲᓐᓂᖅᖢᑎᒃ ᑐᑭᓕᐅᕆᔨᒃᑯᑦ
ᑖᒃᑯᐊᑐᐊᖑᓕᖅᖢᑎᒃ ᐃᓛᒃᑰᖅᖢᑎᒃ ᐃᖅᑲᓇᐃᔭᕐᕕᐅᓪᓗᑎᒃ. 
ᐅᖃᐅᓰᑦ ᐃᓕᓴᕆᔭᐅᓯᒪᓂᖏᓐᓄᑦ ᐱᓕᕆᕕᒃ ᑲᒪᒋᔭᖃᖅᐳᖅ ᐃᑲᔪᖅᓱᐃᓂᖃᖅᖢᓂᓗ ᓄᓇᕗᑦ ᒐᕙᒪᖓᓂ ᐱᓕᕆᕕᐅᔪᓂ ᐱᔨᑦᑎᕋᐅᑎᖃᖁᓪᓗᒋᑦ ᐃᓄᓕᒫᓄᖓᔪᓂ ᐅᖃᐅᓯᖅᑎᒍᑦ ᐃᓕᓴᕆᔭᐅᓯᒪᔪᑎᒍᑦ.
ᐊᑯᓂᐅᔪᒥ ᐱᓕᕆᐊᒃᓴᖃᕋᑦᑕ ᐃᓄᐃᑦ ᐅᖃᐅᓯᖓ ᐃᖅᑲᓇᐃᔭᕐᕕᖕᓂ ᐊᑐᖅᑕᐅᖏᓐᓇᕈᓐᓇᖅᓯᕈᒫᕐᓂᐊᖁᓪᓗᒍ ᒐᕙᒪᐅᑉ ᐃᓗᐊᓂ. ᑐᑭᓕᐅᕕᒃᑎᒍᑦ ᐅᖃᐅᓯᕐᓄᑦ ᖁᕐᓗᖅᑐᒥ ᐃᒡᓗᓕᒻᒥᓪᓗ, ᑖᒃᑯᐊ ᐅᖃᐅᓰᑦ ᐃᓕᓴᕆᔭᐅᓯᒪᔪᓄᑦ ᐱᓕᕆᕕᒃ ᑐᓵᔨᖃᕐᓂᕐᒥ ᑐᑭᓕᐅᕆᓂᕐᒥᓗ ᐅᖃᐅᓯᖅᑎᒍᑦ ᓄᓇᕗᑦ ᒐᕙᒪᖓᒃᑯᖏᓪᓗᑦ ᐱᓕᕆᕕᐅᔪᑦ ᑎᒥᖁᑎᒋᔭᖏᓐᓄᓗ ᐱᔨᑦᓯᓲᖑᕗᑦ.
ᓱᓕᒃᑲᓐᓂᖅ, ᑖᒃᑯᐊ ᓯᕗᓕᖅᑎᐅᕗᑦ ᐊᑐᓕᖅᑎᑦᑎᓂᕐᒥ ᐃᓄᐃᑦ ᐅᖃᐅᓯᖓᓄᑦ ᓴᐳᒻᒥᔭᐃᓂᕐᒧᑦ ᐱᖁᔭᖅᒥ ᐊᒻᒪᓗ ᐃᑲᔪᖅᓱᐃᓂᕐᒥ ᐱᕙᓪᓕᐊᓂᐅᔪᒥ ᑕᐃᒎᓯᓕᐅᖅᑎᒃᑯᓐᓂᑦ. ᐅᖃᐅᓰᑦ ᐃᓕᓴᕆᔭᐅᓯᒪᔪᓕᕆᔨᖏᑦ ᐃᑲᔪᖃᑦᑕᕆᕗᑦ ᑎᓕᐅᕆᑦᑎᐊᖑᓪᓗᑎᒡᓗ ᐱᕙᓪᓕᐊᓂᕐᒥ, ᓴᐳᒻᒥᓂᕐᒥ, ᐊᑐᖅᑕᐅᖃᑦᑕᕐᓂᖓᓂ ᓴᖅᑭᖅᑎᑕᐅᓂᖓᓂᓗ ᐃᓄᐃᑦ ᐅᖃᐅᓯᖏᑦ ᑮᓇᐅᔭᑎᒍᑦ ᐊᐃᑦᑑᓯᐊᖅᑎᑦᑎᖃᑦᑕᕐᓂᒃᑯᑦ ᐃᑲᔫᑎᒍᓪᓗ, ᓄᓇᓕᖕᓂ ᐅᖃᐅᓯᓕᕆᓂᕐᒧᑦ ᐱᓕᕆᐊᒃᓴᖃᖁᓪᓗᒋᑦ.
- ᐃᓕᓴᕆᔭᐅᓯᒪᔪᑦ ᐅᖃᐅᓯᖏᓐᓄᑦ ᐱᖁᔭᖅ
- ᐃᓄᐃᑦ ᐅᖃᐅᓯᖏᓐᓂᒃ ᓴᐳᒻᒥᒃᖠᓂᖕᒧᑦ ᐱᖁᔭᖅ
- ᓄᓇᕘᒥ ᐱᔾᔪᑎᒋᓪᓗᒋᑦ ᐅᐃᕖᓄᑦ ᐱᔨᑦᑎᕈᑏᑦ ᒫᑦᓯ 2015
- Inuktut Applications
ᓄᓇᕗᒻᒥ ᐱᓕᕆᓲᖑᕗᑦ ᑲᓇᑕᒥ ᐊᒻᒪ ᓄᓇᕐᔪᐊᕐᒥ ᓴᖅᑭᑕᐅᕙᓪᓕᐊᔪᓂᒃ ᓴᐳᔾᔨᔾᔪᑎᓂᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖅᑕᖏᓐᓂᒃ. ᐅᑭᐅᖅᑕᖅᑐᒥ ᐅᖃᐅᓯᑦᑕ ᒪᓕᒐᖏᑦ ᑐᑭᓯᓇᑦᑎᐊᖅᐳᑦ ᐃᓄᐃᑦ ᓄᓇᑦᑎᓐᓂ ᐱᔪᓐᓇᐅᑎᖃᖅᐳᑦ ᐃᓄᒃᑐᑦ ᐅᖃᓪᓚᒍᓐᓇᕐᓂᕐᒥᒃ, ᓇᓕᒧᒃᓱᖃᑕᐅᓪᓗᑎᒃ ᐊᓯᖏᓐᓄᑦ ᐅᖃᐅᓯᖅᑕᓄᑦ ᐃᓕᑕᕆᔭᐅᓯᒪᔪᓄᑦ. ᒪᓕᒐᖅᑎᒍᑦ ᓴᐳᔾᔭᐅᓯᒪᔭᕆᐊᖃᕐᓂᖓ ᓄᓇᖃᖅᑳᖅᓯᒪᔪᑦ ᐅᖃᐅᓯᖅᑕᖓ ᐊᔾᔨᐅᙱᓐᓂᖅᐹᖑᕗᖅ ᑲᓇᑕᓕᒫᒥ ᒫᓐᓇᒃᑯᑦ.
- ᖃᐅᔨᒪᕖᑦ? ᐃᓄᒃᑐᑦ ᑐᑭᖓ ᐃᓚᓕᐅᑎᒐᕐᓂᖅᑐᖅ ᓄᓇᕗᒥᐅᑦ ᐅᖃᐅᓯᓕᒫᖏᓐᓄᑦ. ᑐᑭᖃᕐᒥᔪᖅ ᓴᙱᔫᓂᖓᓂ ᐃᓄᐃᑦ ᐃᓕᖅᑯᓯᖓ ᐊᒻᒪ ᐅᖃᐅᓯᖓ. ᐅᖃᐅᓯᖅᑕᕆᔭᐅᔪᓕᒫᑦ ᑕᐃᔪᓐᓇᖅᐱᒋᑦ ᐅᑭᐅᖅᑕᖅᑐᓕᒫᒥ?
- ᖃᐅᔨᒪᕕᑦ ᐅᖃᐅᓯᖅᑕᖃᖅᑐᐃᓐᓇᐅᓂᑦᑎᓐᓂ ᖁᔭᓕᔾᔪᓯᕐᒧᑦ? ᖁᔭᓐᓇᒦᒃ, ᓇᑯᕐᒦᒃ, ᒪ'ᓇ, ᖁᔭᓇᖅᑯᑦ, ᖁᐊᓇ. ᐅᖃᐅᓯᖅᑕᒃᑯᑦ ᖃᓄᖅ ᐅᖃᓲᕆᕕᐅᒃ?
- ᐊᑏ ᐅᖃᐅᓯᖅᑕᐅᒐᔪᒃᑐᖅ ᖃᓪᓗᓈᑐᑦ ᐅᖃᕋᔭᕈᑦᑎᒍᑦ "let's" ᐃᓄᒃᑎᑐᑦ ᐅᖃᐅᓯᖅᑕᕈᓘᔭᕐᓄᑦ. ᑕᑭ ᐅᖃᖅᑕᐅᒐᔪᖕᒥᔪᖅ ᐃᓄᐃᓐᓇᖅᑐᓐ. ᐊᑏ, ᐃᓄᒃᑑᖅᑕ! ᑕᑭ, ᐃᓄᒃᑑᖅᑕ! ᐃᓄᒃᑐᑦ ᐅᖃᓪᓚᒃᑕ! ᐊᓯᖏᓐᓂᒃ ᐅᖃᐅᓯᖅᑕᖃᖅᐱᓯ "Let's-ᓚᒍᓯᕐᒥᒃ"?
- ᐃᙱᐅᓯᖃᖅᐱᓯ ᐅᕝᕙᓘᓐᓃᑦ ᐃᙱᐅᓯᙳᐊᕈᓯᖃᖅᐱᓯ ᑐᓴᖅᑕᐅᖁᓇᔭᖅᑕᔅᓯᓐᓂᒃ? (ᐃᓄᒃᑐᑦ ᐃᙱᐅᓯᕐᓂᒃ)? ᐱᒻᒪᕆᐅᒋᔭᐅᖃᑕᐅᔪᖅ ᐃᓄᐃᑦ ᐃᓕᖅᑯᓯᖓᓐᓂ. ᑐᓵᔭᐅᑎᖃᑦᑕᕐᓗᒋᑦ ᐊᐃᓯᒪᓗᓯ, ᐃᓕᓐᓂᐊᕐᕕᖕᒥ, ᐸᐃᕆᕕᖕᒥ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥ
- ᓇᖕᒥᓂᖃᕐᕖᑦ ᐱᒻᒪᕆᐅᔪᒥᒃ ᐱᓕᕆᓲᖑᕗᑦ ᐅᔾᔨᕆᔭᐅᓕᖅᑎᑦᑎᓇᓱᒃᖢᑎᒃ ᐃᓄᒃᑐᑦ ᐅᖃᓪᓚᓲᖑᓂᑦᑎᓐᓂ ᓄᓇᑦᑎᓐᓂ. ᐱᔪᓐᓇᐅᑎᒋᔭᐅᖕᒥᔪᖅ ᓄᓇᕗᒻᒥ. ᑮᓇᐅᔭᑦ ᐊᑐᐃᓐᓇᐅᕗᑦ ᐃᑲᔫᑎᒋᔪᓐᓇᖅᑕᓯ ᓇᓗᓇᐃᒃᑯᑦᑎᖅᓱᐃᓂᐊᖅᑎᓪᓗᓯ, ᒪᓂᓴᐅᑎᓕᐅᕐᓂᐊᖅᑎᓪᓗᓯ, ᐊᓯᖏᓐᓂᒡᓗ ᐱᔨᑦᑎᕋᕈᑕᐅᕙᒃᑐᓂᒃ ᐃᓄᒃᑐᑦ. ᐃᑲᔪᖅᑕᐅᒋᐊᓕᑦ ᐊᑲᕐᕆᑎᓪᓗᒋᑦ, ᐃᓄᒃᑐᑦ ᐱᔨᑦᑎᕋᕐᓗᒋᑦ. ᐅᓪᓗᒥ ᐱᓇᔪᒍᓐᓇᖅᑐᓯ
ᐃᓕᓴᕆᔭᐅᓯᒪᔪᓄᑦ ᐅᖃᐅᓯᓄᑦ ᑐᑭᒧᐊᒃᑎᑦᑎᔨ
ᐋᓚᓯᓐ ᓯᒍᐊᓐ
ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓐᓄᑦ ᑐᑭᒧᐊᒃᑎᑎᔨᐅᑲᐃᓐᓇᕐᑐᖅ
ᐅᖄᓚᐅᑦ: (867) 975-5549
ᐃᕐᖐᓐᓈᖅᑕᒃᑯᑦ: @email