ᐅᖃᓚᐅᑎᓯᐅᑏᑦ

You are here

ᒐᕙᒪᒃᑯᓐᓂ ᐱᔨᑦᑎᕋᖅᑏᑦ

ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑏᑦ ᐱᑎᑦᑎᓲᑦ ᐱᔨᑦᑎᕋᕐᓂᕐᒥᑦ ᐃᑲᔪᖅᓱᐃᔾᔪᑎᓂᒡᓗ ᓄᓇᓕᖕᓄᑦ Hᐋᒻᒪᓚᒃᑯᓐᓄᓪᓗ ᒐᕙᒪᐅᔪᓄᑦ ᓄᓇᕗᓕᒫᒥᑦ ᐊᒻᒪᓗᑦᑕᐅᖅ ᐱᔨᑦᑎᕋᕈᑎᓄᑦ ᓄᓇᕗᒻᒥ ᒐᕙᒪᖓᑕ ᐃᖅᑲᓇᐃᔭᕐᕕᖏᓐᓄᑦ.

ᑐᑭᓯᐅᒪᔾᔪᑏᑦ ᐸᕐᓇᐅᑎᓂᒃ ᐱᔨᑦᑎᕋᐅᑎᓂᒡᓗ

ᑐᑭᓯᐅᒪᔾᔪᑎᓄᑦ ᐸᕐᓇᐅᑎᓂᒃ ᐱᔨᑦᑎᕋᐅᑏᓪᓗ ᐃᖅᑲᓇᐃᔭᕐᕕᖓ ᐱᑎᑦᑎᓲᑦ ᒐᕙᒪᓕᒫᖑᓪᓗᓂ ᑐᑭᓯᐅᒪᔾᔪᑎᓕᕆᔾᔪᑎᓄᑦ ᐱᔨᑦᑎᕋᕈᑎᓂᑦ ᑎᑎᖅᑭᕆᔾᔪᑎᓂᒡᓗ ᑕᒪᐃᓐᓄᑦ ᓄᓇᕗᒻᒥ ᒐᕙᒪᖓᑕ ᐃᖅᑲᓇᐃᔭᕐᕕᖏᓐᓂ ᐱᓕᕆᐊᒃᓴᓂᒡᓗ.

ᐅᖅᓱᐊᓗᓕᕆᔩᑦ

ᐅᖅᓱᐊᓗᓕᕆᔩᑦ ᐃᖅᑲᓇᐃᔭᕐᕕᖓ ᑲᒪᒋᔭᖃᖅᑐᑦ ᓂᐅᕕᕐᓂᕐᒥᒃ, ᐃᖏᕐᕋᔪᓕᕆᓂᕐᒥᒃ (ᐃᓯᖅᑎᑦᑎᓂᕐᒥᒃ), ᑐᖅᑯᖅᓯᒪᑎᑦᑎᓂᕐᒥᑦ, ᐊᒻᒪᓗ ᑐᓂᐅᖅᑲᐃᓂᕐᒥᑦ ᑕᒪᐃᓐᓂᒃ ᐅᖅᓱᐊᓗᓕᕆᓂᕐᓄᑦ ᓄᓇᕗᒻᒥ.

ᐊᓱᐊᒐᐃᑦ ᐸᕐᓇᐅᑏᓪᓗ

ᐊᑐᐊᒐᐃᑦ ᐸᕐᓇᐅᑏᓪᓗ ᐃᖅᑲᓇᐃᔭᕐᕕᖓ ᐱᑎᑦᑎᓲᑦ ᑐᑭᓯᐅᒪᔾᔪᑎᓂᒃ ᐃᑲᔪᖅᓱᐃᓂᕐᒥᒡᓗ ᒥᓂᔅᑕᐅᑉ ᑎᑎᕋᕐᕕᖓᓄᑦ ᐊᒻᒪᓗᑦᑕᐅᖅ ᐊᑐᐊᒐᐃᑦ ᑐᓴᐅᒪᔪᓕᕆᓂᕐᓂᒡᓗ ᐃᑲᔪᖅᓱᐃᔾᔪᑎᖏᓐᓂᑦ ᖁᑦᑎᖕᓂᖅᓴᒦᑦᑐᓄᑦ ᐃᖅᑲᓇᐃᔭᖅᑎᓄᑦ ᑕᐃᑲᓂ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ.

ᐱᓕᕆᐊᓄᑦ ᐱᕙᓪᓕᐊᑎᑦᑎᔾᔪᑎᑦ ᐊᐅᓚᑦᑎᔾᔪᑏᓪᓗ

ᐱᓕᕆᐊᓄᑦ ᐊᐅᓚᑦᑎᔾᔪᑏᑦ ᐱᑎᑦᑎᓲᑦ ᓄᓇᓕᖕᓂ ᐊᕕᒃᑐᖅᓯᒪᔪᓂ ᐱᑎᑕᐅᓂᖏᓐᓂ ᐱᓕᕆᐊᒃᓴᓂᑦ, ᐊᐅᓚᖦᖢᒋᑦ ᐊᑐᖅᑕᐅᕙᓪᓕᐊᔪᑦ, ᑮᓇᐅᔭᖅᑐᕈᑎᒃᓴᓄᑦ ᐋᖅᑭᒃᓯᔾᔪᑏᑦ, ᐊᖏᑎᒋᓂᖓ, ᐱᐅᓂᖓᓂ ᐊᑦᑕᕐᓇᕈᓐᓇᕐᓂᖓᓂᒡᓗ ᐱᓕᕆᐊᑉ ᐊᑐᓕᖅᑎᑕᐅᓂᖏᓐᓄᑦ. ᐱᓕᕆᐊᓄᑦ ᐊᐅᓚᑦᑎᔾᔪᑏᑦ ᑎᑎᕋᕐᕕᖕᒥᐅᑕᓕᕆᔭᐅᓲᖅ ᑳᓐᑐᐊᖑᔪᑦ ᐃᒡᓗᒃᓴᓂ ᑎᑎᕋᐅᔭᖅᑎᖏᓐᓄᑦ ᓴᓇᔭᒃᓴᖏᓐᓄᓪᓗ ᐱᓕᕆᑎᑦᑎᔨᓄᑦ ᐊᒻᒪᓗ ᐃᒡᓗᓕᐅᕐᓂᕐᒧᑦ ᑳᓐᑐᐊᒃᑎᑦᑎᔨᓄᑦ. ᐱᔪᓐᓇᖅᑎᑦᑎᓪᓗᓂ ᐊᑭᓕᕆᐊᓕᖕᓄᑦ, ᐊᓯᔾᔨᕈᑎᓄᑦ ᐊᒻᒪ ᐅᓂᒃᑳᓕᐅᕐᐸᒃᖢᑎᒃ ᑕᑯᒃᓴᐅᔪᒃᑯᑦ ᑮᓇᐅᔭᓕᕆᔾᔪᑎᓂᒡᓗ ᖃᓄᐃᓕᖓᓂᖏᓐᓂᑦ ᐱᔨᑦᑎᕋᖅᑕᖏᓐᓄᑦ ᐃᖅᑲᓇᐃᔭᕐᕕᖏᓐᓄᑦ ᓄᓇᕗᒻᒥᓗ ᓄᓇᓕᖏᓐᓄᑦ.

ᓂᐅᕕᖅᑕᖃᑦᑕᕐᓂᖅ, ᑳᓐᑐᐊᒃ ᐊᒻᒪᓗ ᐅᓯᔭᐅᔪᒃᓴᓄᑦ

ᓂᐅᕕᖅᑕᖃᑦᑕᕐᓂᖅ, ᐅᓯᔭᐅᔪᒃᓴᓄᑦ ᐊᒻᒪᓗ ᑳᓐᑐᐊᒃᒧᑦ ᐃᑲᔪᖅᓱᐃᓂᕐᒥ ᐃᖅᑲᓇᐃᔭᕐᕕᖓ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓂ ᑳᓐᑐᐊᒃᓄᑦ ᐱᔪᓐᓇᖅᑎᑦᑎᔨᐅᕗᑦ ᓄᓇᕗᒻᒥ ᒐᕙᒪᒃᑯᖏᓐᓄᑦ. ᐱᑎᑦᑎᓲᑦ ᐱᒡᒍᓂᕐᒥᑦ ᑕᒪᐃᓐᓄᑦ ᓂᐅᕕᖅᑕᐅᔪᓄᑦ ᐊᒻᒪᓗ ᐅᓯᔭᐅᔪᒃᓴᓄᑦ ᐱᔾᔪᑎᓄᑦ, ᐃᓚᐅᓪᓗᑎᒃ ᐸᕐᓇᐃᓂᖅ ᒪᓂᓴᐅᑎᓂᒃ, ᑐᒃᓯᕋᕐᓂᖅ ᑐᒃᓯᕋᐅᑕᐅᔪᓄᑦ ᐊᒻᒪᓗ ᑳᓐᑐᐊᒃᓄᑦ.

ᑖᓐᓇ ᐃᖅᑲᓇᐃᔭᕐᕕᒃ ᑲᒪᒋᔭᖃᕐᒥᔪᑦ ᐃᑭᐊᖅᑭᕕᖓᓂ ᐱᑎᑦᑎᓲᕐᒥᑦ ᑐᑭᓯᐅᒪᔾᔪᑎᒃᓴᓂᑦ ᑳᓐᑐᐊᒃ ᐱᔾᔪᑎᖏᓐᓂᒃ ᑲᔪᓯᑎᑕᐅᔪᓂᑦ ᓄᓇᕗᒻᒥ ᒐᕙᒪᖓᓐᓂ. ᐃᑭᐊᖅᑭᕕᖓ ᐅᓇ: http://public.govnu.ca/.

ᐱᖁᑎᓕᕆᔨᒃᑯᑦ ᐊᒻᒪ ᐱᖁᑎᓄᑦ ᐊᖏᔫᑎᓄᑦ ᐊᐅᓚᑦᑎᔨᑦ

ᐱᖁᑎᓕᕆᔨᒃᑯᑦ ᐊᒻᒪ ᐱᖁᑎᓄᑦ ᐊᖏᔫᑎᓄᑦ ᐊᐅᓚᑦᑎᔨᖓ ᐱᑎᑦᑎᓲᑦ ᓱᓕᔪᓂᒃ ᐱᖁᑎᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐱᔨᑦᑎᕋᕈᑎᓂᑦ ᖃᐅᔨᒪᒋᐊᕐᖢᑎᒃ ᐊᑭᖏᓐᓂ-ᐊᑐᑦᑎᐊᖅᑐᓂᑦ ᑮᓇᐅᔭᓕᐅᕋᓱᖕᓂᕐᒥ ᐊᒻᒪᓗ ᑲᔪᓯᓂᖃᑦᑎᐊᖅᑐᓂᑦ ᐊᐅᓚᑦᑎᓂᕐᒥᒃ ᓄᓇᕗᒻᒥ ᒐᕙᒪᒃᑯᑦ ᐊᑐᖅᑐᐊᖅᑕᖓᓄᑦ ᐊᒻᒪᓗ ᓇᖕᒥᓂᕆᔭᐅᔪᓄᑦ ᑎᑎᕋᕐᕕᖏᓐᓄᑦ ᓄᓇᕗᒻᒥ ᒐᕙᒪᒃᑯᓐᓂ ᐃᖅᑲᓇᐃᔭᕐᕕᖏᓐᓂ, ᑲᑎᒪᔨᖏᓐᓂ ᐊᒻᒪᓗ ᐱᓕᕆᖃᑕᐅᔪᓂᑦ.

ᓄᓇᓕᖕᓂ ᐊᕕᒃᑐᖅᓯᒪᔪᓂᑦ ᑎᑎᕋᕐᕕᖏᑦ

ᓄᓇᓕᖕᓂ ᐊᕕᒃᑐᖅᓯᒪᔪᓂᑦ ᑎᑎᕋᕐᕕᖏᑦ ᑐᓂᓯᓲᑦ ᓄᓇᓕᖕᒥ ᐃᑲᔪᖅᓱᐃᓂᕐᒧᑦ ᐱᓕᕆᐊᒃᓴᓂᑦ ᐱᔨᑦᑎᕋᕈᑎᓂᒡᓗ. ᓄᓇᓕᖕᓂ ᐊᕕᒃᑐᖅᓯᒪᔪᓂᑦ ᑎᑎᕋᕐᕕᖏᑦ ᐃᓚᒋᔭᐅᔪᑦ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᐃᑲᔪᕈᑎᖏᓐᓄᑦ ᓄᓇᕗᒻᒥ ᒐᕙᒪᒃᑯᑦ ᑐᓂᓯᒪᓂᕆᔭᖓᓄᑦ ᓅᑎᑕᐅᓯᒪᓂᕆᔭᖓᓄᑦ.

ᐱᓕᕆᔾᔪᑎᓄᑦ ᐱᔨᑦᑎᕋᕈᑏᑦ

ᐱᓕᕆᔾᔪᑎᓄᑦ ᐱᔨᑦᑎᕋᕈᑏᑦ ᐃᖅᑲᓇᐃᔭᕐᕕᖓ ᑲᒪᒋᔭᖃᖅᑐᑦ ᐱᑎᑦᑎᓂᕐᒥᑦ ᑐᑭᓯᐅᒪᔭᐅᓗᑎᒃ ᒐᕙᒪᐅᔪᖅ ᐱᖁᑎᓄᑦ ᐊᑯᓂᐅᓂᖅᓴᖅ ᐊᐅᓚᑦᑎᓂᕐᒥᒃ ᐃᓚᐅᓪᓗᑎᒃ: ᐸᕐᓇᐃᓂᖅ ᐃᑲᔪᕐᓂᕐᓗ ᐱᔨᑦᑎᕋᖅᑕᖏᓐᓄᑦ ᑎᒍᒥᐊᖅᑎᐅᖃᑕᐅᔪᓄᓪᓗ ᖃᐅᔨᕙᓪᓕᐊᓂᕐᒥ ᐊᑯᓂᐅᔪᒃᑯᑦ ᐊᑭᑐᔪᓄᑦ ᐱᔭᕆᐊᖃᖅᑕᖏᓐᓂᑦ, ᐱᕙᓪᓕᐊᑎᑦᑎᓂᖅ ᐊᑑᑎᖃᑦᑎᐊᖅᑐᓂᑦ ᐊᑐᐊᒐᓂᑦ ᒪᑭᒪᐅᑎᒃᓴᓄᑦ, ᐋᖅᑭᒃᓯᒪᓂᕆᓂᐊᖅᑕᖓᓄᑦ ᐊᐅᓚᑦᑎᓂᕐᒥ ᐱᔨᑦᑎᕋᕈᑏᑦ ᒐᕙᒪᓄᑦ ᐱᓕᕆᐊᒃᓴᓄᑦ, ᐊᒻᒪᓗᑦᑕᐅᖅ ᓴᓇᔪᓕᕆᓂᖅ ᐊᐅᓚᑦᑎᓂᕐᓗ ᒐᕙᒪᒃᑯᑦ ᖃᐅᔨᓴᕐᓂᖓᓄᑦ ᓇᖕᒥᓂᕆᔭᐅᔪᓄᑦ ᐊᒻᒪᓗ ᐊᑐᖅᑐᐊᖅᑕᐅᔪᓄᑦ ᐃᒡᓗᖁᑎᓄᑦ.

ᖃᐅᔨᒋᐊᕐᕕᖓ:

ᐃᖅᑲᓇᐃᔭᕐᕕᒃ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ
ᑎᑎᖅᑲᒃᑯᕕᒃ 1000, ᓇᓃᓐᓂᖓ 700, ᑎᓴᒪᖓᓐᓂ ᓇᑎᕐᒥ, ᑲᔪᕐᒥ ᐃᒡᓗᕐᔪᐊᒥ, ᐃᖃᓗᐃᑦ, ᓄᓇᕗᑦ X0A 0H0
ᐅᖃᓘᑎ: (867) 975-5400
ᓱᒃᑲᔪᒃᑯᑦ: (867) 975-5305