ᐅᖃᓚᐅᑎᓯᐅᑏᑦ

You are here

ᐃᑯᐊᓪᓚᒃᑐᖃᖅᑎᑦᑎᑦᑕᐃᓕᒪᓂᕐᒧᑦ ᐱᓇᓱᐊᕈᓯᖅ 2017

ᐊᒃᑐᐸ 05, 2017

 

ᑭᒃᑯᑐᐃᓐᓇᓄᑦ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᐅᖃᐅᓯᐅᔪᖅ

ᐃᑯᐊᓪᓚᒃᑐᖃᖅᑎᑦᑎᑦᑕᐃᓕᒪᓂᕐᒧᑦ ᐱᓇᓱᐊᕈᓯᖅ 2017


ᐃᑯᐊᓪᓚᒃᑐᖃᖅᑎᑦᑎᑦᑕᐃᓕᒪᓂᕐᒧᑦ ᐱᓇᓱᐊᕈᓯᖅ ᐅᑐᐱᕆ 8−ᒥᑦ 14−ᒧᑦ, 2017−ᒥᐅᕗᖅ. ᑕᒪᑐᒪᓂ ᐊᕐᕌᒍᒥ ᐱᓕᕆᕝᕕᐅᓂᐊᖅᑐᖅ ᐅᓇᐅᕗᖅ, “ᑕᒪᕐᒥᑦᑎᐊᖅ ᑎᑦᑕᑯᓗᐃᑦ ᐊᑐᕐᓂᖃᖅᐳᑦ: ᐱᕙᒌᔭᕆᑦ 2−ᓄᑦ ᐊᓂᕝᕕᒋᔪᓐᓇᖅᑕᕐᓄᑦ”

ᑕᒪᕐᒥᑦᑎᐊᖅ ᐃᑯᒪᔪᒧᑦ ᖁᐊᖅᓵᕐᓇᖅᑕᐃᓕᒪᕙᖕᓂᕐᒧᑦ ᐱᓕᕆᖃᑎᒌᒃᐸᖕᓂᖅ ᐱᒋᐊᕐᕕᖃᖅᐸᒃᐳᖅ ᖃᑦᑎᕆᔨᓂᑦ - ᑭᓯᐊᓂᑦᑕᐅᖅ ᑖᒃᑯᐊ ᖃᑦᑎᕆᔩᑦ ᐃᓄᑑᓪᓗᑎᒃ ᑕᒪᑐᒥᖓ ᐱᓕᕆᐊᖃᕈᓐᓇᙱᓚᑦ. ᑲᔪᓯᓂᖃᑦᑎᐊᕈᓐᓇᖅᑐᒥᒃ ᐃᑯᒪᒧᑦ ᖁᐊᖅᓵᕐᓇᖅᑕᐃᓕᒪᕙᖕᓂᖅ ᐱᔾᔪᑎᖃᖅᐸᒃᐳᖅ ᐱᓕᕆᖃᑎᒌᑦᑎᐊᕐᓂᕐᒥᒃ. ᑎᑎᕋᕐᕕᖓ ᖃᑦᑎᕆᔩᑦ ᐊᖓᔪᖅᑳᖓᑕ ᐃᖅᑲᐃᑎᑦᑎᒋᐊᕈᒪᕗᖅ ᓄᓇᕗᒻᒥᐅᓂᒃ ᐅᑯᓂᖓ ᐊᖏᕐᕋᕆᔭᐅᔪᒥ ᐃᑯᒪᒧᑦ ᖁᐊᖅᓵᕐᓇᖅᑕᐃᓕᒪᑎᑦᑎᕙᖕᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ:

  • ᐊᖏᕐᕋᓯ ᓄᓇᙳᐊᓕᐅᕐᓗᒍ, ᑕᑯᒃᓴᐅᑎᓪᓗᒋᑦ ᑕᒪᕐᒥᑦᑎᐊᖅ ᐹᖏᑦ ᐃᒐᓛᖏᓪᓗ.
  • ᑕᑯᒋᐊᕐᓗᒋᑦ ᑕᒪᕐᒥᒃ ᐃᒡᓗᕈᓯᓕᒫᑦ, ᓇᓂᓯᓗᑎᓪᓗ ᒪᕐᕉᖕᓂᒃ ᐊᓂᕝᕕᒋᔪᓐᓇᖅᑕᕐᓂᒃ.
  • ᑕᒪᐃᕐᒥᑦᑎᐊᖅ ᐃᒐᓛᑦ ᐹᓪᓗ ᒪᑐᐃᒐᕐᓂᖅᑑᓪᓗᐊᖅᐳᑦ. ᐊᑐᕈᓐᓇᓪᓗᐊᖅᐸᑎᑦ ᐊᓂᕝᕕᒋᔪᓐᓇᕐᓗᒋᑦ.
  • ᓇᓗᙱᑦᑎᐊᕆᑦ ᐊᖏᕐᕋᕆᔭᐃᑦ ᐳᔫᖅᑐᒧᑦ ᖁᖁᐊᕈᑎᖃᕐᒪᖔᑦ, ᓇᕿᓪᓗᒍᓗ ᖃᐅᔨᓴᕈᑖᑦ ᓇᕿᑦᑕᖅᑐᐊ, ᓇᓗᙱᑦᑎᐊᕈᒪᒍᕕᑦ ᑕᒪᕐᒥᒃ ᐊᑐᓂᑦ ᖁᖁᐊᕈᑏᑦ ᐊᔪᙱᒃᑲᓗᐊᕐᒪᖔᑕ.
  • ᑲᑎᕝᕕᒋᔪᓐᓇᖅᑕᔅᓯᓐᓂᒃ ᓯᓚᒥ ᓂᕈᐊᕆᔭᖃᕐᓗᑎᑦ, ᐃᒡᓗᔅᓯ ᓵᑦᑎᐊᖓᓂ. ᐱᕙᒌᔭᖅᓯᒪᒋᔅᓯ ᑕᒪᔅᓯ ᑕᐃᑲᓂ ᑲᑎᑦᑐᓐᓇᕐᓂᔅᓯᓐᓂ.
  • ᖃᐅᔨᒪᑦᑎᐊᕆᑦ ᐃᒡᓗᕐᔪᐊᖅᐱᑦ ᐃᒡᓗᕐᔪᐊᓪᓘᓐᓃᑦ ᓈᓴᐅᑖ ᑕᑯᔭᐅᔪᓐᓇᕋᓗᐊᕐᒪᖔᑦ ᐊᖅᑯᒻᒥᑦ.
  • ᐱᕙᒌᔭᖅᓯᒪᔭᕐᓂᒃ ᐅᖃᐅᓯᖃᕆᑦ ᑕᒪᐃᓐᓄᑦ ᐊᖏᕐᕋᕆᔭᓐᓃᑉᐸᒃᑐᓕᒫᓄᑦ.
  • ᐃᓕᓪᓗᒋᑦ ᑐᐊᕕᕐᓇᖅᑐᓄᑦ ᐅᖄᓚᕝᕕᒃᓴᐃᑦ ᖃᑦᑎᕆᔨᔅᓯᓐᓄᑦ.
  • ᐊᔪᕈᓐᓃᖅᓴᕐᓗᒍ ᐊᖏᕐᕋᔅᓯᓐᓂ ᐃᑭᑦᑐᖃᓕᕐᓂᖅᐸᑦ ᐊᑐᕋᔭᖅᑕᓯ!

ᐃᓕᓐᓂᐊᖅᑏᑦ ᐃᓕᓐᓂᐊᓕᓵᖅᑐᓂᑦ ᐊᔪᙱᓐᓂᓕᖕᓄᑦ 9−ᒥᒃ ᑐᙵᓱᒃᑎᑕᐅᕗᑦ ᐃᓚᐅᖁᔭᐅᓪᓗᑎᒃ ᐊᕐᕌᒍᑕᒫᑦ ᐃᑯᐊᓪᓚᒃᑎᑦᑎᑦᑕᐃᓕᒪᓂᕐᒧᑦ ᐱᓇᓱᐊᕈᓯᕆᔭᐅᔪᒥ ᑕᖅᓯᖅᓱᕐᓗᒍ, ᐊᑭᓐᓇᒥᐅᑕᓕᐅᕐᓂᑦ

ᑕᐅᑦᑐᒃᓴᖓᓂᒃ ᑎᑎᕋᖅᓯᓂᕐᒧᓪᓗ ᐊᔪᙱᓛᖑᓇᓱᖕᓂᖅ. ᖃᐅᔨᒋᐊᕐᕕᒋᓗᒍ ᐃᓕᓐᓂᐊᕐᕖᑦ ᑐᓴᖅᑕᖃᒃᑲᓐᓂᕈᒪᒍᕕᑦ ᖃᓄᖅ ᑕᒪᑐᒧᖓ ᐃᓚᐅᓕᕈᓐᓇᕋᔭᕐᒪᖔᖅᐱᑦ.

ᐱᕙᒌᔭᖅᓯᒪᓂᖅ ᐃᓕᖕᓂᒃ ᐃᓅᑎᑦᑎᔪᓐᓇᖅᐳᖅ. ᐃᑯᐊᓪᓚᒃᑎᑦᑎᑦᑕᐃᓕᒪᓂᕐᒧᑦ ᐱᓇᓱᐊᕈᓯᕆᔭᐅᔪᒥ, ᐃᓚᑎᑦ ᓄᑕᖅᑲᑎᓪᓗ ᐅᖃᓪᓚᖃᑎᒋᓗᒋᑦ ᐃᑯᒪᒧᑦ ᖁᐊᖅᓵᕐᓇᖅᑕᐃᓕᒪᔪᓐᓇᕐᓂᕐᒧᑦ ᐊᖏᕐᕋᔅᓯᓐᓂ ᓄᓇᓕᔅᓯᓐᓂᓗ.

###

ᑐᓴᖅᑕᐅᔪᒃᓴᓄᑦ ᖃᐅᔨᒋᐊᕐᕕᒃᓴᖅ:
ᑯᕆᔅ ᒧᓛᓕ
ᐊᑐᐊᒐᕆᔭᐅᔪᓄᑦ ᖃᐅᔨᓴᖅᑎ/ᑐᓴᐅᒪᑎᑦᑎᓂᕐᒧᑦ ᐱᓕᕆᔨ
ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ
867-975-5342
kmullaly@gov.nu.ca