ᐅᖃᓚᐅᑎᓯᐅᑏᑦ

ᑐᙵᓱᒋᑦᑎ ᒥᓂᔅᑕᒦᖓᕐᑐᖅ ᐃᓕᖁᓯᓕᕆᔨᒃᑯᓂᑦ

ᐃᓄᐃᑦ ᖃᐅᔨᒪᔭᖏᑦ, ᐃᓕᖅᑯᓯᖅ, ᐅᖃᐅᓯᖅ ᖃᓄᐃᑦᑑᓚᐅᕐᓂᖏᓐᓂᓪᓗ ᑕᐃᔅᓱᒪᓂ ᐊᖏᔪᐊᓗᒻᒥᑦ ᐃᓅᓯᖏᑦ ᐊᓯᔾᔨᖅᓯᒪᔪᑦ. ᐱᓕᕆᐊᑦᓴᖏᑦ ᐃᓐᓇᑐᖃᐃᑦ ᐃᑲᔪᕐᓂᕐᒥᑦ ᐅᔾᔨᓇᖅᓯᑎᑦᓯᓂᕐᒥᓪᓗ ᐅᖃᐅᓯᕐᒥᑦ ᐃᓕᖅᑯᓯᕐᒥᓪᓗ ᐱᖅᑯᓯᐅᔪᓂᑦ ᐊᖅᑯᑕᐅᓪᓗᓂ ᐱᓕᕆᐊᕗᑦ ᐱᒻᒪᕆᐅᕗᑦ ᓯᕗᓂᑦᓴᕆᓂᐊᖅᑕᑎᓐᓄᑦ. ᐃᖅᑲᓇᐃᔮᖃᖅᑐᒍᑦ ᓇᓗᓇᐃᖅᓯᓂᕐᒥᑦ ᒐᕙᒪᒃᑯᑦ ᓄᓇᕗᒻᒥᑦ ᐸᐸᑦᓯᓂᕐᒥᑦ, ᐱᕙᓪᓕᐊᑎᑦᓯᓂᕐᒥᑦ ᐱᐅᓯᒋᐊᖅᑎᑦᓯᓂᕐᒥᓪᓗ ᓄᓇᕗᑦ ᐃᓕᖅᑯᓯᖓᓂᑦ, ᐃᑦᑕᕐᓂᓴᕐᓂᑦ, ᐅᖃᐅᓯᖏᓐᓂᓪᓗ ᓄᓇᕗᒻᒥᐅᓕᒫᓄᑦ. ᑎᐅᕆᕗᖓ ᐃᓕᓐᓂᑦ ᕿᒥᕐᕈᖁᔨᑦᓱᖓ ᐃᑭᐊᖅᑭᕕᑦᑎᓐᓂᑦ ᐊᑐᖁᔨᑦᓱᑕᓗ ᐱᓕᕆᔾᔪᑎᓂᑦ ᑐᑭᓯᒋᐊᕈᑎᓂᓗ ᐱᕕᖃᖅᑎᑦᓯᓂᐊᖅᑐᓂᑦ ᐃᓕᓐᓂᑦ ᐃᓕᑉᐸᓪᓕᐊᓂᕐᒥᑦ ᐃᓄᐃᑦ ᐃᓕᖅᑯᓯᖏᓐᓂᑦ ᐃᑦᑕᕐᓂᓴᖏᓐᓂᓪᓗ” − ᓂᕈᐊᖅᑕᐅᓯᒪᔪᖅ. ᔪᐊᔨ ᖁᒃᓱᒃ, ᒥᓂᔅᑕ ᑲᒪᒋᔭᓕᒃ ᐃᓕᖅᑯᓯᓕᕆᔨᒃᑯᓐᓂᑦ ᒥᓂᔅᑕᓗ ᐅᖃᐅᓯᓕᕆᓂᕐᒧᑦ


 

ᕿᓚᐅᑦ 2016ᒥ

2016 ᐃᓚᐅᖃᑕᐅᔪᒪᔪᓄᑦ ᑎᑎᕋᕐᕕᒃᓴᖅ


ᐅᖃᐅᓯᕐᒧᑦ ᖁᕕᐊᓲᑎᖃᕐᓂᐅᕗᖅ

ᕕᕝᕗᐊᕆ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᐅᕗᖅ - ᐃᓄᒃᑐᑦ  ᐅᖃᐅᓯᓕᕆᓂᐅᑉ ᑕᖅᑭᖓ, ᓄᓇᕗᒻᒥᐅᑦ ᖁᕕᐊᓲᑎᖃᕈᓐᓇᖅᖢᑎᒃ  ᐃᓄᐃᑦ  ᐅᖃᐅᓯᖓᓂᒃ ᐊᒻᒪ ᐃᓕᖅᑯᓯᖓᓂᒃ ᓄᓇᕘᓕᒫᒥ.  ᐃᓚᐅᖁᔨᓪᓗᓯ  ᑕᒪᑐᒪᓂ ᐊᕐᕌᒍᒥ  ᖁᕕᐊᓲᑎᖃᓕᖅᐸᑕ  ᐅᖃᓪᓚᖃᑕᐅᓗᑎᒃ, ᐃᓕᓴᐃᓗᑎᒃ,  ᐊᒻᒪ ᐃᓕᓐᓂᐊᕐᓗᑎᒃ  ᐃᓄᒃᑐᑦ!


ᐃᓕᖅᑯᓯᓕᕆᔨᒃᑯᑦ ᐃᖃᓗᓐᓂᑦ ᖁᕕᐊᓲᑎᖃᖅᑐᑦ ᐱᒋᐊᖓᕐᓂᖓᓂᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒥᑦ 2017 - ᐅᖃᐅᓯᕐᒧᑦ ᑕᖅᑭᐅᑎᓪᓗᒍ - ᐊᑐᖅᓱᑎᒃ ᑐᖑᔪᖅᑕᕐᒥᑦ ᐃᓄᐃᑦ ᑎᑎᕋᕈᓯᖏᑦᑕ ᓇᕿᑦᑕᐅᑎᖏᓐᓂᑦ ᐅᕕᓂᕈᖏᓐᓂᑦ ᑎᒍᒥᐊᖅᓱᑎᓪᓗ ᐃᓅᒐᑦᑕ ᐊᑭᓐᓇᕐᒥᐅᑕᖓᓂᑦ, ᑐᑭᖃᖅᑐᖅ “ᐃᓄᐃᓐᓇᐅᔪᒍᑦ ᐃᓅᑦᓱᑕᓗ.” ᐃᓚᒋᔭᐅᖃᑕᐅᒋᑦ ᐃᓕᖅᑯᓯᓕᕆᔨᒃᑯᓐᓄᑦ ᖁᕕᐊᓲᑎᖃᕐᓂᕐᒥᑦ ᐅᖃᐅᓯᕐᒧᑦ ᑕᖅᑭᕐᒥᑦ ᐃᓚᐅᖃᑕᐅᓗᑎᑦ ᑕᕝᕙᓂ ᐊᕐᕌᒍᒻᒥᑦ ᐱᔾᔪᑕᐅᓂᐊᖅᑐᖅ, ᐅᓂᒃᑳᖅᑐᐊᑦ - ᐃᓄᐃᑦ ᐅᓂᒃᑲᐅᓯᖓ.