ᐅᖃᓚᐅᑎᓯᐅᑏᑦ

You are here

ᑲᔪᓯᑎᓪᓗᒍ

 

ᐱᒋᐊᕐᓂᖓ
ᐱᒋᐊᕈᑎ ᑐᕌᒐᒋᓇᓱᐊᖅᑕᕐᓂᖅ
ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ

1. ᐃᒻᒥᓂ ᑕᑯᓇᑦᑎᐊᕐᓗᑎᑦ ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ
2. ᓂᐅᕈᑎᖃᕐᕕᑎᑦ ᓇᓗᓇᐃᕐᓗᒋᑦ
3. ᐃᑲᔪᖅᑎᑖᕐᓗᑎᑦ
4. ᓇᖕᒥᓂᖁᑏᑦ ᐊᑎᓕᐅᕐᓗᒍ
5. ᐱᓕᕆᐊᕇᓐᓇᕐᓂᐊᕐᓕᓗᒍ
6. ᑎᑎᕋᕐᓗᒍ ᓇᖕᒥᓂᕆᓂᐊᖅᑕᕐᓄᑦ ᐱᕙᒌᔭᖅᓯᒪᔭᑦ
7. ᑮᓇᐅᔭᖅᑖᕋᓱᕐᓂᖅ

ᑲᔪᓯᑏᓐᓇᕐᓗᒍ
ᐅᓂᑳᓕᐊᑦ ᐃᓚᓕᐅᑎᓯᒪᔪᑦ
ᑐᓴᕐᕕᐅᔪᓐᓇᖅᑐᑦ
ᑐᓴᕐᕕᑦᑎᐊᕙᑦ

 

ᑲᔪᓯᑎᓪᓗᒍ

ᓯᕗᓂᒃᓴᐅᓂᐊᖅᑐᒥᑦ - ᑕᖅᑭᓂᒃ 18−ᖑᒐᔪᒃᐳᖅ − ᐃᖅᑲᓇᐃᔭᕐᔪᐊᖅᓯᒪᔭᑦ ᐊᑑᑎᓕᓛᕐᒥᔪᖅ ᓇᖕᒥᓂᓪᓗ ᐃᖏᕐᕋᑦᑎᐊᓕᕐᓗᓂ ᑲᔪᓯᑦᑎᐊᕐᓗᓂᓗ. ᓇᖕᒥᓂᕆᔭᑦ ᑲᔪᓯᑦᑎᐊᖁᓗᒍ, ᖃᐅᔨᓴᐃᓐᓇᕆᐊᖃᖅᐳᑎᑦ ᓇᖕᒥᓂᕆᔭᑦ ᐊᐅᓚᖕᒪᖔᑦ, ᐱᓗᐊᖅᑐᒥᑦ ᐱᖓᓱᓂ ᐱᔾᔪᑎᓂᑦ.

1. ᑮᓇᐅᔭᓕᕆᔾᔪᑎᑦᑎᑦ: ᐊᔾᔨᖅᓱᕐᓗᑎᑦ ᐊᑭᓕᒃᓴᑦ ᐊᒻᒪ ᑮᓇᐅᔾᔭᒃᓴᕐᕕᒋᔭᑦ ᑮᓇᐅᔾᔭᓂᕆᔭᑎᑦ. ᓇᓂᓯᓗᑎᑦ ᖃᐅᑕᒫᖅ ᑮᓇᐅᔭᓕᐊᖑᕙᒃᑐᓂᑦ ᐅᕝᕙᓘᓐᓃᑦ ᑮᓇᐅᔭᓕᕆᔨᒻᒪᕆᖕᒥᑦ ᐃᑲᔪᖅᑕᐅᓗᑎᑦ. ᓯᕗᓂᐊᓂ ᑕᑯᔪᒪᑐᐃᓐᓇᕆᐊᖃᖅᐳᑎᑦ ᑮᓇᐅᔾᔭᒃᓴᕐᕕᒋᔭᑦ ᑮᓇᐅᔭᖏᓐᓂᑦ ᐊᒻᒪ ᐊᑭᓕᒃᓴᑎᑦ ᐊᓯᔾᔨᖃᑦᑕᕈᑎᑦ ᐊᕐᕌᒍᒧᑦ. ᓯᕗᓂᒃᓴᒧᑦ ᐃᓕᓐᓂᐊᕋᔭᖅᐳᑎᑦ ᑖᒃᑯᐊ ᐊᓯᔾᔨᕐᓂᐊᖅᑐᑦ ᓂᕆᐅᓇᖅᓯᓗᑎᑦ, ᓱᖃᐃᒻᒪᑦ ᑲᔪᓯᑦᑎᐊᕐᓂᕆᔭᑦ ᒪᓕᒃᐳᖅ ᖃᓄᖅ ᑭᐅᖃᑦᑕᕐᒪᖔᖅᐱᑦ ᐊᒃᓱᕈᖕᓇᖅᑐᒃᑯᑦ ᐊᒃᓱᕈᖕᓇᓗᐊᖏᑦᑐᒃᑯᑦ “ᓇᖕᒥᓂᐅᒃ ᐃᖏᕋᓂᖓ” − ᖁᕝᕙᕆᐊᕌᖓᑦ ᑲᑕᒡᔫᒥᔭᕌᖓᓪᓗ.

2. ᐃᖅᑲᓇᐃᔭᖅᑎᑦᑎᑦ: ᐃᓄᖏᓐᓂᑦ ᒪᓕᒃᐳᖅ ᓇᖕᒥᓂᕆᔭᑦ. ᐃᖅᑲᓇᐃᔭᖅᑎᑦᑎᑦ ᐱᑦᑎᐊᖏᓐᓇᐅᔭᕐᓗᒋᑦ. ᐃᖅᑲᓇᐃᔭᖅᑎᑦ ᐱᒃᑯᒋᔭᐅᖃᑦᑕᕈᓂᑦ ᐃᖅᑲᓇᐃᔭᒃᑲᐅᒐᔭᖅᑐᖅ ᓇᖕᒥᓂᕆᔭᓪᓗ ᑲᔪᓯᑦᑎᐊᕋᓱᒡᓗᓂᐅᒃ.

3. ᓂᐅᕈᑎᒋᔭᑎᑦ: ᓇᖕᒥᓂᕐᓄᑦ ᓂᐅᕈᑎᒋᔭᑎᑦ ᐊᒻᒪ ᐱᔪᒥᓇᖅᓴᐅᔭᑎᑦ ᓄᖃᓚᐅᖅᓯᒪᖏᑦᑐᖅ. ᐃᖅᑲᓇᐃᔭᐃᓐᓇᖅᐸᒡᓗᑎᑦ “ᐃᓕᖕᓄᑦ ᓂᐅᕕᖅᐸᒃᑐᑦ ᓈᒻᒪᒃᓴᖃᑦᑕᕐᓂᐊᕐᒪᑕ,” ᓄᑖᓂᒡᓗ ᓂᐅᕕᖅᑎᑦᑎᖃᑦᑕᕐᓗᑎᑦ.

 

ᐱᕈᖅᐸᓪᓕᐊᑎᓪᓗᒍ ᓇᖕᒥᓂᕆᔭᑦ ᕿᑐᕐᖓᑎᑐᑦ ᐃᒃᐱᒋᔭᕆᐊᖃᖅᑕᑦ.

 

ᐊᑏ!

ᓇᖕᒥᓂᕆᔭᑦ ᖃᓄᐃᓕᕐᒪᖔᑦ ᖃᐅᔨᓴᒐᔪᒡᓗᒍ. ᐱᐅᓂᖅᓴᓕᐅᕈᓐᓇᖅᐸᑦ ᓂᐅᕕᒃᓴᑎᑦ ᐱᔨᑦᑎᐅᑎᓪᓘᓐᓃᑦ? ᐃᓕᖕᓂᑦ ᓂᐅᕕᖃᑦᑕᖅᑐᑦ ᐱᔭᕆᐊᖃᖅᑕᖏᓐᓂᑦ ᐱᖃᑦᑕᕋᓗᐊᖅᐹᑦ? ᐃᓕᖕᓂᑦ ᓂᐅᕕᖃᑦᑕᖅᑐᑦ ᐊᐱᕆᓗᒋᑦ ᖃᓄᐃᒻᒪᑦ ᓂᐅᕕᖃᑦᑕᕐᒪᖔᑦ. ᐃᓕᖕᓄᑦ ᐊᑭᑦᑐᕋᐅᑎᔪᑦ ᖃᓄᐃᑉᐸᓪᓕᐊᖕᒪᖔᑦ ᖃᐅᔨᓴᖅᐸᒡᓗᒋᑦ. 

 

ᖃᖓᓕ ᓇᖕᒥᓂᕋ ᐊᖏᒡᓕᒋᐊᓛᕐᒪᑦ?

ᐱᒋᐊᕐᔪᐊᓚᐅᖅᑎᓐᓇᑎᑦ ᖃᐅᔨᓴᖅᑳᕐᓗᑎᑦ. ᓇᖕᒥᓂᕆᔭᑦ ᐱᒋᐊᓕᓵᖅᑎᓪᓗᒍ, ᑮᓇᐅᔾᔭᒃᓴᕐᕕᒋᔭᐅᑉ ᑮᓇᐅᔾᔭᖕᓂᖓ ᐊᑭᖏᓪᓗ ᓯᕗᓂᒃᓴᒥᑦ ᓂᕆᐅᓇᕐᓂᖅᓴᐅᓕᕋᕐᒪᖔᑦ. ᓯᕗᓂᒃᓴᒥᑦ ᐱᒋᕐᔪᐊᕈᓐᓇᖅᓯᓛᖅᐳᑎᑦ, ᓇᖕᒥᓂᕆᔭᑦ ᐊᖏᒡᓕᒋᐊᕐᓗᒍ ᐊᒻᒪ ᐅᓄᖅᓯᒋᐊᕐᓗᒋᑦ ᑮᓇᐅᔭᒃᓴᓕᐊᕆᓛᖅᑕᑎᑦ.

 

ᐱᒋᐊᓚᐅᕋᕕᑦ ᐱᕙᒌᔭᖅᓯᒪᑦᑎᐊᕆᑦ. ᑲᑐᔾᔨᖃᑎᑎ ᐅᖃᖃᑎᒋᓗᒋᑦ ᑭᐅᔭᐅᔪᒪᓗᑎᒡᓗ “ᐃᓱᒪᒋᔭᕐᓂᑦ”. ᐊᖏᒡᓕᒋᐊᖅᑎᓪᓗᒍ ᓇᖕᒥᓂᕆᔭᑦ = ᐊᑭᑦᑐᑲᓐᓂᖅᑐᑦ.

  • ᓄᒃᑎᕋᓱᕐᑎᓪᓗᓂ ᐊᑭᒃᑐᕆᐊᖃᖅᑎᓪᓗᒍ ᐊᒻᒪ ᓄᑖᒥᑦ ᐱᖁᑎᒥᑦ ᓂᐅᕕᕐᓂᐊᖅᑎᓪᓗᓂ
  • ᐊᑭᑦᑐᕆᐊᕐᑎᓪᓗᒍ ᐊᑐᖅᑐᐊᖅᑕᑦ
  • ᐃᖅᑲᓇᐃᔭᖅᑏᑦ ᐊᑭᓕᖅᓱᒃᑲᓂᓕᕐᓗᑎᑦ
  • ᐊᑭᓕᒃᓴᑦ ᐅᓄᖅᓯᒋᐊᕐᓗᑎᒃ
  • ᑮᓇᐅᔭᒃᑲᓂᕐᓂᕐ ᐊᑭᓕᒃᓴᑦ ᓄᑖᒥ ᐱᖁᑎᒥᑦ ᐅᕝᕙᓘᓐᓃᑦ ᐊᓯᐊᓂ ᐊᖏᔪᒥ ᐱᖁᑎᓂᒃ
  • ᑎᑎᕋᖅᓯᒪᒃᑲᓂᕆᐊᖃᓕᕐᓗᑎᑦ
  • ᓂᐅᕕᖃᑦᑕᕐᓂᖅᓴᐅᓕᕐᓗᑎᑦ ᐊᒻᒪ ᓂᐅᕐᕈᑎᖃᕐᕕᐅᔪᓐᓇᕆᐊᖃᖅᑐᓂ
  • ᐊᐅᓚᑦᑎᑲᓐᓂᕆᐊᖃᕐᓂᖅ

 

ᖃᐅᔨᓴᑦᑎᐊᖃᑦᑕᕈᕕᑦ ᑮᓇᐅᔾᔭᒃᓴᕐᕕᒋᔭᐅᑉ ᑮᓇᐅᔾᔭᒡᕕᒋᔭᑦ ᐃᑲᔪᕈᓐᓇᖅᐳᑦ ᐊᑭᓕᒃᓴᑦ ᐃᓚᓕᐅᑎᓯᒪᔪᑦ, ᐊᖏᒡᓕᒋᐊᕐᓂᖅ ᐃᓱᒪᓕᐅᑦᑎᐊᕙᐅᔪᓐᓇᖅᐳᖅ! 

“ᓂᕆᐅᓇᖏᑦᑐᓂᑦ ᓂᕆᐅᒃᐳᖓ. ᐊᖏᒡᓕᒋᐊᕈᓐᓇᖅᓯᕗᖓ!”