ᐅᖃᓚᐅᑎᓯᐅᑏᑦ

You are here

ᐱᓕᕆᐊᒃᓴᖅ 1: ᐃᒻᒥᓂ ᑕᑯᓇᑦᑎᐊᕆᑦ

 

ᐱᒋᐊᕐᓂᖓ
ᐱᒋᐊᕈᑎ ᑐᕌᒐᒋᓇᓱᐊᖅᑕᕐᓂᖅ
ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ

1. ᐃᒻᒥᓂ ᑕᑯᓇᑦᑎᐊᕐᓗᑎᑦ ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ
2. ᓂᐅᕈᑎᖃᕐᕕᑎᑦ ᓇᓗᓇᐃᕐᓗᒋᑦ
3. ᐃᑲᔪᖅᑎᑖᕐᓗᑎᑦ
4. ᓇᖕᒥᓂᖁᑏᑦ ᐊᑎᓕᐅᕐᓗᒍ
5. ᐱᓕᕆᐊᕇᓐᓇᕐᓂᐊᕐᓕᓗᒍ
6. ᑎᑎᕋᕐᓗᒍ ᓇᖕᒥᓂᕆᓂᐊᖅᑕᕐᓄᑦ ᐱᕙᒌᔭᖅᓯᒪᔭᑦ
7. ᑮᓇᐅᔭᖅᑖᕋᓱᕐᓂᖅ

ᑲᔪᓯᑏᓐᓇᕐᓗᒍ
ᐅᓂᑳᓕᐊᑦ ᐃᓚᓕᐅᑎᓯᒪᔪᑦ
ᑐᓴᕐᕕᐅᔪᓐᓇᖅᑐᑦ
ᑐᓴᕐᕕᑦᑎᐊᕙᑦ

 

ᐱᓕᕆᐊᒃᓴᖅ 1: ᐃᒻᒥᓂ ᑕᑯᓇᑦᑎᐊᕆᑦ

ᓇᖕᒥᓂᕆᔭᕐᓄᑦ ᐱᒋᐊᓚᐅᕐᓇᑎᑦ ᐱᔪᓐᓇᕐᓂᕆᔭᑎᑦ ᑕᑯᓇᖅᑳᒃᑭᑦ, ᐊᑐᕈᓐᓇᖅᑕᑎᑦ ᓇᖕᒥᓂᕐᓗ ᑕᑯᑦᑐᑎᑦ. ᑖᓐᓇ ᐃᑲᔫᑎᐅᔪᓐᓇᖅᐳᖅ ᓴᖏᓂᑎᑦ ᓇᓗᓇᐃᖅᓯᒪᒐᔭᕐᒪᓪᓗ ᐊᑐᕈᓐᓇᖅᑕᑎᑦ, ᐱᔪᓐᓇᕆᔭᕆᐊᖃᖅᑕᑎᓪᓗ.

ᐃᑲᕋᕐᓂᖅ ᕿᓄᐃᓵᕐᓂᕐᓗ: ᐃᑲᕋᖃᖅᐱᑦ ᕿᓄᐃᓵᕈᓐᓇᖅᐱᓪᓗ ᓇᖕᒥᓂᕆᔭᑦ ᐱᕈᕈᓐᓇᖁᓗᒍ ᐱᒋᐊᕐᓂᖓᓂ ᐃᓕᓴᕆᔭᐅᑎᓪᓗᒍ? ᓇᖕᒥᓂᖃᕐᓂᖅ ᐱᒋᐊᖅᑎᓪᓗᒍ ᐱᕙᒌᔭᖅᓯᒪᑦᑎᐊᕆᐊᓕᒃ. ᐊᕐᕌᒍᒐᓴᐅᑐᐃᓐᓇᕆᐊᓕᒃ ᑮᓇᐅᔭᒃᓴᓚᐅᖏᓐᓂᕐᓂᒃ! ᒫᓐᓇᐅᑲᓚᐅᖅᑐᖅ ᐃᑲᕋᒐᓱᖕᓂᖅ ᐃᖅᑲᓇᐃᔭᓚᐅᑲᒐᓱᓕᒑᕗᑎᑦ ᐃᓅᓯᕐᓂᒡᓗ ᓄᖅᑲᖓᑎᑲᓚᐅᒋᐊᖃᖅᐸᑎᑦ ᐱᔪᒪᔭᑎᑦ?

ᐊᖏᖅᓯᒪᓂᖅ ᐱᓇᓱᐊᕐᓂᖅ ᐱᓇᔪᖕᓂᕐᓗ: ᓇᖕᒥᓂᕆᔭᕐᓄᑦ ᐊᖏᖅᓯᒪᕖᑦ ᐃᓱᒪᒋᔭᑦ ᑲᔪᓯᑦᑎᐊᕈᓐᓇᖁᓗᒍ? ᐱᒋᐊᕈᑎᖃᕈᒪᖃᑦᑕᖅᐲᑦ ᐃᓱᒪᓕᐅᕐᓗᑎᒡᓗ? ᐃᓱᒪᓕᐅᕈᓘᔭᖃᑦᑕᕈᒪᕖᑦ ᐅᕝᕙᓘᓐᓃᑦ ᐃᑲᔪᖅᑕᐅᔪᒪᓕᕌᖓᕕᑦ ᐊᐱᕆᖃᑦᑕᖅᐲᑦ? ᐱᒋᐊᓂᓵᕐᓂᖅ ᑲᔪᓯᐊᑦᑎᐊᕋᓱᒡᓗᒍ, ᐱᓇᓱᐊᑦᑎᖃᑦᑕᕆᐊᖃᖅᐳᑎᑦ ᐱᓇᓱᒡᓗᑎᒡᓗ. ᓇᖕᒥᓂᕆᔭᑦ ᐸᖅᑮᓐᓇᕆᐊᖃᖅᐳᖅ ᐊᐅᓚᑦᑎᓪᓗᒍᓗ; ᐊᖏᖅᓯᒪᑦᑎᐊᕆᐊᖃᖅᐳᕐᓗ.

ᐊᑐᐃᓐᓇᐅᓂᖅ ᐊᑕᐅᑎᓂᖅᐹᖑᕗᖅ: ᐊᑐᐃᓐᓇᐅᕕᑦ ᑕᒪᒃᑭᑦ ᐊᓕᐊᓇᐃᑦᑐᓂᒃ ᐊᓕᐊᓇᐃᖏᑦᑐᓂᒡᓘᓐᓃᑦ ᓇᖕᒥᓂᖃᖅᑎᓪᓗᑎᑦ? ᐱᔾᔪᑎᑦ ᐊᓯᔾᔨᖅᐸᓪᓕᐊᔪᓐᓇᖅᑐᑦ. ᐊᑐᐃᓐᓇᐅᒋᐊᖃᖅᐳᑎᑦ ᓱᖏᐅᑎᓗᑎᒡᓗ ᓄᑖᓂ ᖃᓄᐃᑉᐸᓪᓕᐊᔪᓂᒃ; ᓱᖏᐅᑎᔭᕆᐊᖃᖅᐳᑎᒡᓗ ᓂᕆᐅᓇᖏᑦᑐᓂᒃ ᓇᖕᒥᓂᖅ ᑮᓇᐅᔭᒃᓴᖅᑕᕐᓂᒃ.

ᕿᓄᐃᓵᕈᓐᓇᖅᑕᑦ ᖃᐅᔨᒪᓗᒍ: ᓇᖕᒥᓂᖃᖅᑎᓕᒫᑦ ᑲᔪᓯᑦᑎᐊᕈᓐᓇᖏᒻᒪᑕ, ᑐᑭᓯᐅᒪᒋᓕᑦ ᓇᖕᒥᓂᑖᓕᓵᖅᖢᓂ ᖃᓄᐃᑦᑐᖃᓕᑳᓪᓚᒍᓐᓇᕐᒪᑦ. ᖃᓄᐃᑦᑐᖃᓕᑳᓪᓚᒃᐸᑦ ᐊᑐᐃᓐᓇᐅᖏᒃᑯᕕᑦ, ᐃᓱᒪᔭᕆᐊᖃᖅᐳᑎᑦ ᓇᖕᒥᓂᖃᕐᓂᕐᓗ ᐃᓕᖕᓅᖓᖕᒪᖔᑦ.  ᐃᓚᖏᑦ ᓇᖕᒥᓂᖃᖅᑎᑦ ᐅᓪᓗᐃᑦ ᐃᓚᐃᓐᓇᖓᓂ ᓇᖕᒥᓂᖃᓚᐅᑲᒍᓐᓇᕐᒪᖔᖅᐱᑦ ᐅᕝᕙᓘᓐᓃᑦ ᐃᖅᑲᓇᐃᔭᓐᓇᕈᓐᓃᖅᑎᓪᓗᑎᑦ ᑮᓇᐅᔭᒃᓴᖅᑕᕐᓄᑦ ᐃᑲᕋᖃᖃᑦᑕᕈᕕᑦ. ᓇᖕᒥᓂᖃᑎᖃᕐᓂᕈᕕᑦ, ᓇᓕᐊᑐᐃᓐᓇᑦ ᓇᖕᒥᓂᖅᑖᕆᔭᕐᓂᑦ ᑲᒪᔪᓐᓇᕈᓂᖃᐃ, ᐊᓯᖏᑦ ᐃᖅᑲᓇᐃᔭᓚᐅᑲᒃᑯᓂ ᐅᓪᓗᐃᓪᓗ ᐃᓚᐃᓐᓇᖓᓂ ᐊᐅᓚᑦᑐᓐᓇᕈᓂᐅᒃ ᓇᖕᒥᓂᑖᕆᓕᓵᖅᑕᕐᓄᑦ. ᑕᐃᒪᓐᓇ, ᓇᖕᒥᓂᖅᑖᕆᕋᑖᖅᑕᑦ ᐱᒋᐊᓕᓵᖅᑎᓪᓗᑎᑦ ᐃᓱᒫᓗᖕᓇᖏᓐᓂᖅᓴᐅᒐᔭᕐᒪᑦ.

ᐱᔪᓐᓇᕐᓂᑎᑦ ᐱᓕᕆᔨᒻᒪᕆᐅᓂᑎᓪᓗ: ᐃᓱᒪᒋᔭᑎᑦ ᑲᔪᓯᓇᑦᑎᐊᖁᓗᒋᑦ ᖃᐅᔨᒪᓂᖃᖅᐲᑦ ᐱᔪᓐᓇᕐᓂᖃᖅᐱᓪᓗ? ᐱᔪᓐᓇᕐᓂᑎᑦ ᐱᓕᕆᐊᕆᔭᕆᐊᖃᖅᑕᑎᑦ ᑲᑐᔾᔨᖃᑎᒌᖕᓂᒃᑯᑦ ᐊᐅᓚᑦᑎᓂᕐᓗ. ᐱᓕᕆᐊᒃᓴᖃᒐᓚᑐᐃᓐᓇᕆᐊᖃᖅᐳᑎᑦ − ᓂᕕᐊᒃᓴᖃᕐᓂᒃᑯᑦ, ᐱᔪᒥᓇᖅᓴᐃᓂᒃᑯᑦ, ᑮᓇᐅᔭᓂᑦ ᐊᐅᓚᑦᑎᓂᖅ, ᓴᓇᓂᒃᑯᑦ, ᐊᐅᓚᑦᑎᓂᖅ ᐃᓄᖕᓂᓪᓗ ᑲᒪᓂᖅ. ᑖᒃᑯᓄᖓ ᐊᒥᒐᕈᕕᑦ,ᐊᑲᐅᓂᖅᐹᖑᑐᐃᓐᓇᕆᐊᓕᒃ ᑲᑐᔾᔨᖃᑎᑎᑦ ᐊᔾᔨᒌᖏᑦᑐᓂᒃ ᐱᔪᓐᓇᕐᓂᖃᖅᑐᑦ ᐱᓕᕆᐊᖃᕈᑎᒃ. ᐃᓕᓐᓂᐊᖅᑎᑦᑎᔪᒪᑐᐃᓐᓇᕆᐊᖃᖅᐳᑎᑦ ᐅᕝᕙᓘᓐᓃᑦ ᐅᖓᕙᕆᐊᖃᓚᐅᑲᒡᓗᒍ ᓇᖕᒥᓂᕆᔭᑦ ᐱᕙᒌᔭᖅᓯᒪᑦᑎᐊᕋᔭᕐᒪᑦ.

ᐱᓕᕆᐊᖃᕐᓗᑎᑦ ᐊᓕᐊᓇᐃᒋᔭᕐᓂᒃ: ᓇᖕᒥᓂᕆᔭᕐᓄᑦ ᐃᓱᒪᒋᔭᖃᖅᐱᑦ ᐱᔪᒪᓂᖃᑦᑎᐊᖅᐲᑦ? ᐱᓕᕆᐊᕆᔪᒪᔭᕐᓂᑦ ᑮᓇᐅᔭᓂᒃ ᐊᑐᕋᔭᖅᑐᑎᑦ ᑲᒪᓗᑎᒡᓗ - ᑲᔪᓯᑦᑎᐊᕈᓐᓇᕋᔭᖅᑐᖅ ᓇᖕᒥᓂᕆᔭᑦ ᑐᙵᕕᒋᔭᖃᑦᑎᐊᕈᕕᑦ.

ᐊᖏᕐᕋᒥ ᐃᓚᒌᓄᓪᓗ ᐃᓱᒪᒃᓴᖅᓯᐅᕈᑎᑦ: ᓵᖓᓂᖅ ᑮᓇᐅᔭᒃᓴᕐᓂᒃᑯᑦ ᑮᓇᐅᔭᓕᐅᕐᓂᕐᓗ ᐱᒋᐊᑲᐅᑎᒋᙱᑐᐃᓐᓇᕆᐊᓕᒃ. ᐃᒻᒥᓂᒃ ᐃᑲᔪᖅᑐᕆᐊᖃᖅᐳᑎᑦ (ᐃᓚᑎᓪᓘᓐᓃᑦ) ᐊᐅᓚᓐᓇᓱᐊᕐᓗᒍ ᓇᖕᒥᓂᕆᔭᑦ. ᐊᖏᖅᓯᒪᔭᕐᓂᒃ ᐃᕕᑦ ᐃᓚᑎᓪᓗ ᑐᑭᓯᐊᒪᑦᑎᐊᖅᐱᓯᕙ ᐊᖏᖅᓯᒪᔪᐃᓐᓇᐅᕗᓯ ᖃᓄᐃᓕᐅᕐᓂᐊᖅᑕᓯᓐᓂᒃ? ᖃᐅᔨᒪᔪᐃᓐᓇᐅᕕᓯ ᖃᓄᑎᒋ ᑲᒪᔭᕆᐊᖃᕐᒪᖔᖅᐱᑦ, ᑮᓇᐅᔭᖅ, ᐱᓇᓱᐊᖅᑕᑦ ᐊᒻᒪ ᐊᖏᕐᕋᒥᑦ ᐱᔪᒪᔭᑎᑦ ᓵᑦᑐᓐᓇᖏᑲᓚᐅᕐᒪᖔᖅᐱᑦ ᓇᖕᒥᓂᕆᔭᕐᓄᑦ ᐱᒋᐊᓕᓵᖅᑎᓪᓗᒍ?

ᖃᓄᐃᖏᑦᑎᐊᕐᓂᖅ ᓯᕗᓪᓕᐅᔭᕆᐊᖃᖅᐳᖅ: ᐊᒃᓱᕈᖕᓇᖅᑐᑯᒐᔪᑐᐃᓐᓇᕆᐊᖅᐳᑎᑦ ᐱᓕᕆᐊᒃᓴᖃᕐᔪᐊᑐᐃᓐᓇᕆᐊᖅᐳᑎᑦ. ᑎᒥᑦ ᐃᓱᒪᓪᓗ ᖃᓄᐃᖏᑦᑎᐊᕋᓗᐊᕐᒪᖓᑦ  ᖃᐅᔨᓴᖅᐸᒡᓗᑎᑦ ᓇᖕᒥᓂᖃᖅᑎᓪᓗᑎᑦ ᐊᒃᓱᕈᖕᓇᖅᑐᑰᓇᕐᒪᑦ.

 

ᓇᖕᒥᓂᖅᑖᕆᔭᑦ ᐃᓕᖕᓄᑦ ᓈᒻᒪᒋᐊᖃᖅᐳᖅ.

ᓇᒥ ᐃᓱᒪᒃᓴᖅᓯᐅᕈᑎᑦᑎᐊᕙᖕᒥᑦ ᓇᖕᒥᓂᖅᑖᕋᔭᕋᒪ? ᓇᒥ ᐱᒋᐊᕐᓗᖓ? 

ᐃᓱᒪᒋᔭᑎᑦ ᖃᐅᔨᓴᖅᑕᕐᓄᑦ ᐱᕙᓪᓕᐊᔪᓂᑦ, ᐃᓱᒪᒋᓗᒋᑦ ᐃᓄᐃᑦ ᐊᓯᖏᓪᓘᓐᓃᑦ ᓇᖕᒥᓂᖃᖅᑎᑦ ᐱᔪᒪᒐᔭᖅᑕᖓᓂ ᓯᕗᓂᒃᓴᒧᓪᓘᓐᓃᑦ ᐅᕝᕙᓘᓐᓃᑦ ᐊᑐᐃᓐᓇᐅᑐᐃᓐᓇᕆᐊᓕᖕᓂ. ᐊᓯᐊᒍᓪᓕ, ᓂᐅᕈᑎᖃᕐᕕᐅᔭᕆᐊᓕᖕᓂᑦ ᓂᐅᕈᑎᒃᓴᓐᓂᑦ ᐱᔨᑦᑎᐅᑎᒃᓴᓂᒡᓘᓐᓃᑦ ᐊᓯᐊᓂ ᓄᓇᓕᖕᓂᖔᖅᑐᒥᑦ ᓇᖕᒥᓂᖃᑎᒥᑦ ᐱᖃᖏᑦᑐᒥᑦ ᐅᓪᓗᒥᐅᔪᖅ.  

ᓇᒥ ᓇᖕᒥᓂᖃᕐᓂᕐᒧᑦ ᐃᓱᒪᖃᑦᑎᐊᕐᓇᖅᐸ? ᐃᓅᑉ ᐃᓕᓐᓂᐊᖅᓯᒪᓂᖓᓂ ᒪᓕᒐᔪᒃᐳᖅ, ᐃᖅᑲᓇᐃᔭᓕᒪᓂᖓ ᐊᒻᒪ ᓇᖕᒥᓂᖅ ᐱᔪᒪᓂᕆᔭᖓᑦ. ᐃᓱᒪᒋᑎᓪᓗᒍ ᓇᖕᒥᓂᖅ ᐱᔪᓐᓇᓂᕆᔭᖏᑦ ᐊᒻᒪ ᐊᑐᖃᑦᑕᖅᑕᑎᑦ ᐊᓕᐊᓇᒋᔭᑎᑦ ᐃᓅᓯᕐᓄᑦ, ᓇᓂᓯᑐᐃᓐᓇᕆᐊᖅᐳᑎᑦ ᐱᒋᐊᕈᑎᓂᒃ ᓇᖕᒥᓂᖃᑦᑎᐊᕐᒧᑦ ᐃᓱᒪᒋᔭᕐᓂᒃ.

ᐃᓱᒪᑐᐃᓐᓇᕆᐊᖃᖅᐳᑎᑦ ᐱᓕᕆᐊᕆᓕᒪᔭᑎᑦ ᑭᒡᓕᖃᖅᑎᑦᑎᒐᔭᕐᒪᖔᑦ ᓇᖕᒥᓂᖃᖅᑖᕋᓱᓕᓵᖅᑎᓪᓗᑎᑦ. ᐱᔪᓐᓇᕐᓂᕆᔭᑎᑦ ᐊᔾᔨᒌᖏᑦᑐᒥᑦ ᑲᑕᒃᓴᖏᓪᓗᒋᑦ. ᐃᓕᓐᓂᐊᕈᑎᓴᖃᐃᓐᓇᐅᔭᖅᑐᖅ, ᐊᐅᓚᑦᑎᔪᓐᓇᑦᑎᐊᖅᑐᓂᑦ ᓇᖕᒥᓂᖑᓕᓵᖅᑐᓂᑦ.

 

ᐊᑏ!

ᓴᓇᔪᓕᕆᔨᑦ ᑲᓇᑕᒥᑦ “ᓇᖕᒥᓂᖃᕐᓂᕐᒧᑦ ᑐᓴᒐᒃᓴᑦ ᓴᓇᔪᓕᕆᕝᕕᖕᒥᑦ” ᐃᑲᔪᖃᑦᑕᖅᐳᖅ ᐅᖃᓕᒫᕐᕕᑦᑎᐊᕙᐅᓪᓗᓂ ᐃᓄᖕᓂᑦ ᓇᖕᒥᓂᖃᖅᑎᓄᑦ. ᑕᑯᒋᐊᕐᓗᒍ http://www.ic.gc.ca/eic/site/ic-ic.nsf/eng/home. ᖃᓄᐃᑦᑐᓂ ᓇᖕᒥᓂᖅᑕᖃᐅᕐᒪᖔᑦ ᐊᐅᓚᑕᐅᔪᓂᒃ ᓄᓇᕗᒻᒥᑦ? ᑕᑯᒋᐊᕐᓗᒍ http://www.nni.gov.nu.ca/business/search ᖃᓄᐃᑦᑐᓂ ᓇᖕᒥᓂᖃᕐᒪᖔᑕ ᓄᓇᕗᒻᒥᑦ.