ᐅᖃᓚᐅᑎᓯᐅᑏᑦ

You are here

ᐱᓕᕆᐊᒃᓴᖅ 2: ᐃᓕᖕᓂᑦ ᓂᐅᕕᖃᑦᑕᖅᑐᑦ ᓇᓗᓇᐃᕐᓗᒋᑦ

 

ᐱᒋᐊᕐᓂᖓ
ᐱᒋᐊᕈᑎ ᑐᕌᒐᒋᓇᓱᐊᖅᑕᕐᓂᖅ
ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ

1. ᐃᒻᒥᓂ ᑕᑯᓇᑦᑎᐊᕐᓗᑎᑦ ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ
2. ᓂᐅᕈᑎᖃᕐᕕᑎᑦ ᓇᓗᓇᐃᕐᓗᒋᑦ
3. ᐃᑲᔪᖅᑎᑖᕐᓗᑎᑦ
4. ᓇᖕᒥᓂᖁᑏᑦ ᐊᑎᓕᐅᕐᓗᒍ
5. ᐱᓕᕆᐊᕇᓐᓇᕐᓂᐊᕐᓕᓗᒍ
6. ᑎᑎᕋᕐᓗᒍ ᓇᖕᒥᓂᕆᓂᐊᖅᑕᕐᓄᑦ ᐱᕙᒌᔭᖅᓯᒪᔭᑦ
7. ᑮᓇᐅᔭᖅᑖᕋᓱᕐᓂᖅ

ᑲᔪᓯᑏᓐᓇᕐᓗᒍ
ᐅᓂᑳᓕᐊᑦ ᐃᓚᓕᐅᑎᓯᒪᔪᑦ
ᑐᓴᕐᕕᐅᔪᓐᓇᖅᑐᑦ
ᑐᓴᕐᕕᑦᑎᐊᕙᑦ

 

ᐱᓕᕆᐊᒃᓴᖅ 2: ᐃᓕᖕᓂᑦ ᓂᐅᕕᖃᑦᑕᖅᑐᑦ ᓇᓗᓇᐃᕐᓗᒋᑦ

ᐱᖁᑎᑦᑎᐊᕙᖕᒥᑦ ᐱᔨᑦᑎᐅᑎᑦᑎᐊᕙᒡᒥᓪᓘᓐᓃᑦ ᐱᖃᑕᐃᓐᓇᕆᐊᖃᖅᐳᑎᑦ, ᑭᓯᐊᓂ ᐃᓄᖕᓂᑦ ᓂᐅᕕᖅᑕᐅᖏᑐᐃᓐᓇᕆᐊᓕᒃ ᐱᔭᐅᔪᒪᖏᑉᐸᑦ ᐅᒃᐱᕆᒍᓂᐊᒡᓘᓐᓃᑦ ᐱᔭᕆᐊᖃᖏᑕᖓ. ᖃᐅᔨᒪᓂᖅ ᑐᑭᓯᓂᕐᓗ ᓂᐅᕕᕐᕕᐅᖃᑦᑕᖅᑐᓂᑦ ᓇᖕᒥᓂᓖᑦ ᑲᔪᓯᑦᑎᐊᖃᑦᑕᖅᑐᓂᑦ. ᑖᓐᓇ ᖃᐅᔨᒪᒍᕕᐅᒃ, ᐊᑐᕈᓐᓇᖅᑐᖅ ᐱᔪᒥᓇᖅᓯᑎᓪᓗᒍ ᐊᒻᒪ ᓂᐅᕕᒃᐸᒃᑐᓂᑦ ᐃᓕᖕᓄᑦ ᐊᑲᐅᓂᖅᐹᖑᕗᖅ.

ᖃᓄᐃᑦᑐᓂᒃ ᖃᐅᔨᒪᔭᖃᖅᐱᑦ ᐃᓕᖕᓂᑦ ᓂᐅᕕᖃᑦᑕᖅᑐᓂᒃ?

ᐃᓕᖕᓂᑦ ᓂᐅᕕᖃᑦᑕᖅᑐᑦ ᖃᐅᔨᒪᒍᕕᒋᑦ, ᓂᐅᕕᒃᑕᐅᒐᔪᖕᓂᖅᓴᐅᔪᓐᓇᖅᐳᑦ ᐊᒻᒪ ᓂᐅᕐᕈᑎᖃᕐᕕᐅᔪᓐᓇᖅᑐᓂᑦ. ᐅᑯᐊ ᑭᐅᔪᓐᓇᖅᐱᒋᑦ ᐃᓕᖕᓄᑦ ᓂᐅᕕᖃᑦᑕᖅᑐᑦ

  • ᑭᓇᒃᑰᕙᑦ?
  • ᑭᓱᒥ ᓂᐅᕕᖃᑦᑕᖅᐸᑦ?
  • ᖃᓄᐃᒻᒪᑦ ᓂᐅᕕᖃᑦᑕᖅᐸᑦ?
  • ᖃᖓ ᐱᔭᐅᔭᕆᐊᖃᖅᐸᑦ?
  • ᖃᓄᕐᓕ ᓂᐅᕕᖃᑦᑕᕐᒪᑕ?
  • ᖃᓄᑎᒋᑦ ᐊᑭᓖᔪᓐᓇᖅᐸᑦ?
  • ᑭᓱᒥ ᐃᓕᖕᓂᑦ ᓂᕆᐅᒋᔭᖃᖅᐸᑦ?

ᐅᖃᓪᓚᖃᑎᒌᑐᐃᓐᓇᕐᓗᒋᑦ ᓂᐅᕈᑎᒋᖃᑦᑕᕐᓂᖅ ᐃᓕᓐᓂᐊᕈᓐᓇᖅᐳᑎᑦ. ᐊᐱᕆᓗᖏᑦ ᖃᓄᐃᒻᒪᑦ ᓂᐅᕕᕐᒪᖔᑦ ᓂᐅᕕᖏᒻᒪᖔᑕᓘᓐᓃᑦ, ᓯᕗᓂᒃᓴᒥᑦ ᓂᐅᕕᕈᒪᑐᐃᓐᓇᕆᐊᖃᕐᒪᖔᑕ ᐊᓯᐊᓂᒡᓗ ᐱᔭᕆᐊᖃᖅᑕᖏᓐᓂᒃ.

ᐱᖁᑎᓄᑦ ᐱᔨᑦᑎᖅᑕᓐᓇᓘᓐᓃᑦ ᓂᐅᕕᖅᑕᐅᔪᑦ ᐃᑲᔫᑎᐅᔪᓐᓇᖅᐳᑦ ᓂᐅᕕᖃᑦᑕᖅᑐᓄᑦ. ᐱᖁᑎᑦᑎᑦ ᐱᔨᑦᑎᐅᑎᑎᓪᓘᓐᓃᑦ ᐊᔪᕐᓇᕈᓐᓃᖅᐸᓪᓕᑎᑦᑎᔪᓐᓇᖅᐳᑦ.

 

ᓂᐅᕕᖃᑦᑕᖅᑑᑉ ᓂᐅᕈᖃᑎᕕᒋᖃᑦᑕᖅᑕᖓᑦ ᐅᓪᓗᒥ

ᑭᓱᒥ ᐊᐱᕆᒃᑲᓐᓂᕆᐊᖃᖅᐱᑦ: ᑭᓇ ᐅᕙᓐᓂ ᓂᐅᕕᖃᑦᑕᕋᔭᕐᒪᑦ ᓂᐅᕈᖃᕐᕕᐊᓂ? ᑭᓇ ᐅᕙᓐᓂ ᓂᐅᕕᖃᑦᑕᖅᑐᖅ ᓈᒻᒪᒃᓴᕋᔭᕐᒪᑦ? ᓇᖕᒥᓂᖁᑎᒐ ᑮᓇᐅᔾᔭᒃᓴᑲᓐᓂᕈᓐᓇᖅᐹ? ᐃᓕᖕᓂᑦ ᓂᐅᕕᕈᓐᓇᑐᐃᓐᓇᕆᐊᓕᖕᒥᑦ ᐊᐱᕆᒍᕕᐅᒃ ᓂᐅᕈᑎᖃᕐᕕᒋᔪᓐᓇᖅᑕᕐᓂᑦ. ᑐᓴᖅᑎᑦᑎᔪᒪᒐᔪᒃᐳᑦ ᑕᐃᒃᑯᐊ, ᐅᖃᕈᓐᓇᕆᕗᑦ ᐅᓪᓗᒥᐅᔪᑦ ᓈᒻᒪᒃᓴᕋᔭᕐᒪᖔᑦ ᐋᖅᑭᒃᓯᒪᔮᓂᑦ.

 

ᓄᓇᕗᒻᒥᑦ ᐱᖓᓱᓂᒃ ᓂᐅᕕᖅᑐᖃᒐᔪᒃᐳᖅ:

ᒐᕙᒪᒃᑯᑦ ᐊᑐᐃᓐᓇᐅᔪᓂᒃ ᐱᕙᓪᓕᐊᔪᓕᕆᔨᑦ, ᓲᕐᓗ ᐊᐅᔭᕋᖕᓂᐊᖅᑏᑦ ᓇᖕᒥᓂᖃᖅᑐᑦ ᑭᒃᑯᑐᐃᓐᓇᓪᓗ. ᑭᒃᑯᑐᐃᓐᓇᑦ ᐃᓱᒪᒋᔭᒋᑦ ᖃᐅᔨᒪᔭᒃᓴᕆᕙᑎᑦ ᑭᓱᒥ ᓂᐅᕕᕈᒪᒐᔭᕐᒪᖔᑦ, ᑭᓯᐊᓂ ᒐᕙᒪᒃᑯᑦ ᓂᐅᕕᖃᑦᑕᕐᒪᖔᑦ ᐅᕝᕙᓘᓐᓃᑦ ᐱᔨᑦᑎᖃᑦᑕᕐᒪᖔᑦ ᐊᐅᔭᕋᖕᓂᐊᕐᕖᑦ ᐱᔭᕆᐊᖃᖅᑕᖏᓐᓂᑦ? ᐊᑐᐊᒐᑦ ᑲᔪᖏᖅᓴᐃᔪᖅ ᒐᕙᒪᒃᑯᓐᓂᑦ ᐊᑐᖅᑕᐅᓲᓪᓗ ᐱᕙᓪᓕᐊᔪᓕᕆᔨᑦ ᓄᓇᖓᓂ ᓂᐅᕕᕈᓐᓇᖁᓗᒋᑦ, ᓇᖕᒥᓂᖅᑕᖃᖅᑎᓪᓗᒍ ᐱᖁᑎᓂᑦ ᐱᔨᑦᑎᕆᐊᖃᖅᑐᓂᒡᓗ. ᑖᓐᓇ ᓄᓇᕗᒻᒥᐅᑦ ᓇᖕᒥᓂᖁᑎᖏᓐᓂᑦ ᐊᑑᑎᖃᕋᔭᓪᓚᕆᒃᑐᖅ ᐊᑐᖅᑕᐅᔪᓐᓇᖅᑐᓂᑦ ᓇᖕᒥᓂᖃᖅᑏᑦ ᐱᒋᐊᕈᑎᒋᓗᓂᐅᒃ.  

ᒐᕙᒪᒃᑯᑦ ᓇᖕᒥᓂᖃᖅᑎᓪᓗ ᓂᐅᕕᖃᑦᑕᖅᐳᑦ ᑐᒃᓯᕋᖅᑕᒥᓂᒃ ᑐᓂᓯᓚᐅᖅᑎᓪᓗᒋᑦ − ᓄᓇᖓᓂ ᓇᖕᒥᓂᖃᖅᑐᒥᑦ ᐊᓯᐊᓂ ᓂᐅᕕᐊᒃᓴᖓᓂ ᐱᖁᑎᓪᓗᐊᒥᑦ ᐱᔨᑦᑎᐅᑎᒥᒡᓘᓐᓃᑦ. ᑐᒃᓯᕋᖅᑕᑦ ᖃᐅᔨᓴᖅᑕᐅᖃᑦᑕᖅᐳᑦ ᐊᑭᑐᓂᖅᐹᒥᑦ ᐊᑭᑦᑐᕋᐅᑎᔪᑦ ᓂᐅᕈᑎᖃᕋᔭᖅᖢᓂ.

 

ᓄᓇᕗᒻᒥᑦ ᓇᖕᒥᓂᖃᖅᑐᓄᑦ ᐃᑲᔪᖅᑏᑦ ᐊᑐᐊᒐᖓᑦ (NNI)

ᓄᓇᕗᒻᒥᑦ, ᓇᖕᒥᓂᖃᖅᑐᓄᑦ ᐃᑲᔪᖅᑏᑦ ᐊᑐᐊᒐᖓᑦ ᐱᔪᓐᓇᖅᑎᑦᑎᕗᑦ ᒐᕙᒪᒃᑯᓐᓂᑦ ᐃᓕᓴᕆᔭᐅᓗᑎᒃ ᑐᒃᓯᕋᖅᑕᐅᔪᓂᒃ ᓄᓇᓕᖕᓂᑦ ᓇᖕᒥᓂᖁᑎᖏᓐᓄᑦ, ᓄᓇᕗᒻᒥᑦ ᓇᖕᒥᓂᖃᖅᑎᑦ ᐃᓄᐃᓘᓐᓃᑦ ᒪᓕᒐᓕᕆᕝᕕᐊᓂ. ᑖᓐᓇ ᓇᖕᒥᓂᕆᔭᐅᓄᑦ ᐊᑐᐃᓐᓇᐅᑎᑦᑎᓂᖅᓴᐅᒐᔭᕐᒪᑦ ᓂᐅᕕᒃᓴᖃᓕᕐᓗᑎᒡᓗ.

 

ᓯᓚᑖᓂ ᓂᐅᕐᕈᑎᖃᕐᕕᐅᔪᓐᓇᖅᑐᑦ

ᓄᓇᕗᒻᒥᐅᑦ ᐊᕐᕌᒍᒐᓴᖕᓂᑦ ᐱᓕᕆᐊᖃᖅᓯᒪᕗᑦ ᓴᓇᙳᐊᓂᑦ, ᑕᕐᕋᔭᐅᓯᐅᕐᓂᖅ, ᓂᕿᓪᓚᑖᓂᒃ ᐃᖃᓗᖕᓂᓪᓗ ᐊᒻᒪ ᐳᓚᕋᑦᑐᓕᕆᓂᕐᒧᑦ ᓇᖕᒥᓂᖃᕐᓂᕐᒧᑦ ᓂᐅᕈᑎᖃᖅᓯᒪᕗᑦ ᐊᔾᔨᐅᖏᑦᑐᓂᑦ ᓂᐅᕕᒃᓴᓂ ᓯᓚᑖᓂ ᓄᓇᕗᑦ. ᐃᓱᒪᒋᓗᒍ ᓇᖕᒥᓂᕆᔭᑦ ᓂᐅᕕᒃᓴᖃᕈᓂ ᐱᔨᑦᑎᕐᓂᒃᑯᓪᓘᓐᓃᑦ ᓯᓚᑖᓂ ᓂᐅᕐᕈᑎᖃᕈᓐᓇᕈᕕᑦ. ᒐᕙᒪᒃᑯᑦ ᐱᕙᒌᔭᖅᓯᒪᑎᑦᑎᕗᑦ ᑕᓪᓕᒪᓂ ᓴᖅᑭᑎᑦᑎᔪᓐᓇᖅᑕᕐᓂᒃ ᓯᓚᑖᓂ ᓂᐅᕐᕈᑎᖃᕈᓐᓇᖅᑕᕐᓂᑦ. ᐊᔾᔨᖏᑦ ᐊᑐᐃᓐᓇᐅᕗᑦ ᓄᓇᓕᖕᓂᑦ ᐱᕙᓪᓕᐊᔪᓕᕆᒃᑯᓐᓂᑦ.

 

ᐊᑏ!

ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᑦ ᑲᑐᔾᔨᖃᑎᖃᖅᖢᑎᑦ ᐱᕙᓪᓕᐊᔪᓕᕆᔨᒃᑯᓐᓂᑦ ᐃᖏᕋᔪᓕᕆᔨᑯᓪᓗ ᐋᖅᑭᒃᓱᐃᓯᒪᕗᑦ “ᓇᖕᒥᓂᓕᕆᖃᑎᖃᕐᓂᖅ ᓄᓇᕗᑦ ᒐᕙᒪᖓᓂ” ᐃᑲᔫᑎᒥᑦ. ᑕᑯᓇᒍᒪᓐᓂᕈᕕᐅᒃ ᑖᓐᓇ ᑎᑎᖅᑲᖅ, ᑕᑯᒋᐊᕈᓐᓇᖅᐳᑎᑦ: http://www.gov.nu.ca/edt/documents/doing-business-government-nunavut−ᒥᑦ. ᒐᕙᒪᑐᖃᒃᑯᑦ ᓄᓇᖃᖅᑳᓯᒪᔪᓂᑦ ᒫᓂ http://www.aadnc-aandc.gc.ca/eng/1354798736570/1354798836012