ᐅᖃᓚᐅᑎᓯᐅᑏᑦ

You are here

ᐱᓕᕆᐊᒃᓴᖅ 6: ᓇᖕᒥᓂᕐᒧᑦ ᐱᕙᒌᔭᖅᓯᓂᕐᒧᑦ ᑎᑎᕋᕐᓂᖅ

 

ᐱᒋᐊᕐᓂᖓ
ᐱᒋᐊᕈᑎ ᑐᕌᒐᒋᓇᓱᐊᖅᑕᕐᓂᖅ
ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ

1. ᐃᒻᒥᓂ ᑕᑯᓇᑦᑎᐊᕐᓗᑎᑦ ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ
2. ᓂᐅᕈᑎᖃᕐᕕᑎᑦ ᓇᓗᓇᐃᕐᓗᒋᑦ
3. ᐃᑲᔪᖅᑎᑖᕐᓗᑎᑦ
4. ᓇᖕᒥᓂᖁᑏᑦ ᐊᑎᓕᐅᕐᓗᒍ
5. ᐱᓕᕆᐊᕇᓐᓇᕐᓂᐊᕐᓕᓗᒍ
6. ᑎᑎᕋᕐᓗᒍ ᓇᖕᒥᓂᕆᓂᐊᖅᑕᕐᓄᑦ ᐱᕙᒌᔭᖅᓯᒪᔭᑦ
7. ᑮᓇᐅᔭᖅᑖᕋᓱᕐᓂᖅ

ᑲᔪᓯᑏᓐᓇᕐᓗᒍ
ᐅᓂᑳᓕᐊᑦ ᐃᓚᓕᐅᑎᓯᒪᔪᑦ
ᑐᓴᕐᕕᐅᔪᓐᓇᖅᑐᑦ
ᑐᓴᕐᕕᑦᑎᐊᕙᑦ

 

ᐱᓕᕆᐊᒃᓴᖅ 6: ᓇᖕᒥᓂᕐᒧᑦ ᐱᕙᒌᔭᖅᓯᓂᕐᒧᑦ ᑎᑎᕋᕐᓂᖅ

ᐃᓱᒪᒋᔭᑎᑦ ᑎᑎᕋᕐᓗᒋᑦ ᐸᐃᐹᒃᑯᑦ.

ᑭᓱᖕᒪᑦ ᓇᖕᒥᓂᕆᓂᐊᖅᑕᕐᓄ ᐱᕙᒌᔭᖅᓯᒪᔭᑦ?

  • ᓇᓗᓇᐃᖅᓯᒪᑦᑎᐊᕐᓗᓂ ᖃᓄᐃᑦᑐᒥᑦ ᓇᖕᒥᓂᖃᕐᓂᐊᕐᒪᖔᖅᐱᑦ ᖃᓄᕐᓗ ᐱᒋᐊᕈᓐᓇᕐᒪᖔᑦ
  • ᐱᔪᒪᔭᑎᑦ ᐱᔾᔪᑎᑎᓪᓗ ᐱᕙᒌᔭᖅᓯᒪᔭᑎᓪᓗ ᐊᑐᕆᐊᖃᖅᑕᑎᑦ ᑲᔪᓯᑦᑎᐊᕈᓐᓇᖁᓗᒋᑦ
  • ᓇᓗᓇᐃᖅᓯᒪᓗᓂ ᐃᖅᑲᓇᐃᔭᕐᕕᑦ ᓇᖕᒥᓂᕆᔭᓪᓗ
  • ᓇᖕᒥᓂᖅᐱᑦ ᓴᙱᔪᓐᓇᕐᓂᖏᑦ ᓴᙱᑦᑐᓐᓇᕐᓂᖏᓪᓗ
  • ᑮᓇᐅᔭᓕᕆᓂᕐᒧᑦ ᑐᓴᒐᒃᓴᑦ ᑕᑯᒃᓴᐅᑎᑦᑎᓲᖑᕗᑦ ᓇᖕᒥᓂᕆᔭᑦ ᑮᓇᐅᔭᒃᓴᕈᓐᓇᖅᑐᖅ
  • ᐊᑐᖅᑐᐊᕆᐊᖃᕐᓂᕐᕈᕕᑦ ᑮᓇᐅᔭᓂᒡᓘᓐᓃᑦ ᐃᑲᔫᓯᐊᖅᑖᕐᓗᑎᑦ, ᐱᔾᔪᑎᖃᑦᑎᐊᕆᐊᖃᖅᐳᑎᑦ ᖃᓄᐃᒻᒪᑦ ᓇᖕᒥᓂᕆᔭᑦ ᑮᓇᐅᔭᒃᓴᐅᑎᑦᑎᐊᕙᐅᔪᓐᓇᖅᑐᖅ.
  • ᖃᓄᐃᑉᐸᓕᐊᔪᖃᖅᑎᓪᓗᒍ ᑮᓇᐅᔭᓕᕆᓂᕐᒧᑦ ᐱᔪᓐᓇᖅᑕᐅᔪᑦ ᓇᓗᓇᐃᖅᓯᔪᓐᓇᖅᑕᕐᓂᖅ ᖃᓄᐃᓪᓚᑦᑖᖅᑐᓂ
  • ᐊᑭᑦᑐᕋᐅᑎᖃᑎᑎᑦ ᑎᑎᕋᖅᓯᒪᓗᒋᑦ

 

ᓇᖕᒥᓂᕐᒧᑦ ᐱᕙᒌᔭᖅᓯᒪᑦᑎᐊᕐᓂᖅ ᐅᐸᓗᙵᐃᖅᓯᒪᑦᑎᐊᕐᓇᖅᐳᖅ ᑕᑯᓇᑦᑎᐊᕈᓐᓇᕋᔭᖅᐳᑎᑦ ᑲᔪᓯᑎᓪᓗᑎᑦ.

 

ᓇᖕᒥᓂᕐᒧᑦ ᐱᕙᒌᔭᖅᑐᑦ ᐊᔾᔨᒌᖏᓐᓇᐅᖏᑉᐳᑦ ᐅᕝᕙᓘᓐᓃᑦ ᓇᓗᓇᐃᖅᓯᒪᔪᐃᓐᓇᐅᖏᑦᑐᑦ ᑭᓯᐊᓂ ᐅᑯᓂᖓ ᐃᓚᖃᖅᐳᑦ:

ᓯᕗᓕᖅᑏᑦ ᓇᐃᓈᖅᓯᒪᔪᖅ: ᓇᐃᓈᖅᑎᓪᓗᒍ. ᐃᓱᒪᒋᔭᑎᑦ ᑐᓴᐅᒪᑎᓪᓗᒋᑦ ᑖᒃᑯᐊ ᐱᖓᓱᑦ ᐅᖃᐅᓯᐅᔪᑦ ᓇᓗᓇᐃᖅᑕᐅᓯᒪᒐᓛᒃᖢᑎᒡᓗ.

ᓇᖕᒥᓂᐅᑉ ᖃᓄᐃᑦᑐᓂᖓ: ᑎᑎᕋᐅᓯᕆᓗᒍ ᓂᐅᕕᒃᓴᑦ ᐱᔨᑦᑎᐅᑎᓪᓘᓐᓂᑦ, ᐱᕙᒌᔭᖅᓯᒪᔭᑦ ᓂᐅᕕᒃᓴᕐᓄᑦ ᖃᓄᕐᓗ ᐃᓕᖕᓂᑦ ᐊᑭᑦᑐᕋᐅᑎᔪᓐᓄᑦ. ᐱᖃᑕᐅᓗᑎᑦ ᖃᓄᑐᐃᓐᓇᖅ ᐊᑦᑕᕐᓇᖅᑐᐃᓐᓇᕆᐊᓖᑦ ᑲᓇᒪᒋᔭᕆᐊᖃᖅᑕᑎᑦ ᓇᖕᒥᓂᕐᓄᑦ.

ᓇᖕᒥᓂᕐᒧᑦ ᐊᐅᓚᑦᑎᓂᖅ: ᓇᓗᓇᐃᕐᓗᑎᑦ ᖃᓄᖅ ᓇᖕᒥᓂᕆᔭᑦ ᐱᖃᑕᐅᓗᑎᑦ, ᓇᒦᒃᑲᔭᕐᒪᑦ ᖃᓄᕐᓗ ᐱᔭᕆᐊᖃᖅᑕᑎᑦ ᐱᔪᓐᓇᕐᒪᖔᖅᐱᒋᑦ. ᐃᖅᑲᓇᐃᔭᖅᑎᖃᕈᕕᑦ ᐱᖃᑕᐅᓗᑎᒃ ᓇᐃᓈᖅᓯᒪᔪᒥᒃ ᐃᖅᑲᓇᐃᔭᖑᔭᕆᐊᖃᖅᑐᓂᒃ ᐊᒻᒪ ᐊᐅᓚᑦᑎᔭᕐᓂᑦ ᑎᑎᕋᖅᓯᒪᔪᖃᕐᓗᓂ.

ᑮᓇᐅᔭᓕᕆᓂᕐᒧᑦ ᐱᕙᒌᔭᖅᓯᒪᓂᖅ: ᓇᓗᓇᐃᖅᓯᒪᓗᑎᑦ ᖃᓄᖅ ᑮᓇᐅᔭᑦ ᐊᑐᕋᔭᕐᒪᖔᖅᐱᑦ ᓂᐅᕈᑎᒋᓂᐊᖅᑕᕐᓄᓗ ᑮᓇᐅᔭᒃᓴᐅᑎᒋᒐᔭᕐᒪᖔᖅᐱᑦ. ᐊᑐᖅᑐᐊᕋᓱᖕᓂᕈᕕᑦ, ᓇᓗᓇᐃᕐᓗᒍ ᐊᑐᖅᑐᐊᖅᑕᑦ ᐊᑐᕋᔭᕐᒪᖔᖅᐱᐅᒃ. ᑖᓐᓇ ᐃᓚᖓᑦ ᐊᒃᓱᕈᖕᓇᖅᑑᕗᑦ ᖃᐅᔨᓴᕐᔪᐊᕆᐊᖃᕋᔭᖅᐳᑎᓪᓗ ᐊᑭᒋᓂᐊᖅᑕᕐᓂᑦ ᐊᒻᒪ ᓂᐅᕕᒃᓴᕆᓂᐊᖅᑕᕐᓂᑦ. 

 

ᐊᑏ!

ᑮᓇᐅᔭᓂᕆᓂᕐᒧᑦ ᓇᓗᓇᐃᖅᓯᒪᔪᑦ ᑕᑯᒃᓴᐅᖃᑦᑕᖅᐳᑦ ᐅᓪᓗᒥᐅᔪᑦ ᖃᓄᐃᑦᑑᓕᕐᒪᖔᑦ ᑮᓇᐅᔭᑦ ᓇᖕᒥᓂᕐᓄᑦ. ᐱᑕᖃᕐᓂᖏᒃᑯᑎᑦ, ᐊᐅᓚᑦᑎᕐᔪᐊᕈᓐᓇᕋᔭᖏᑦᑐᑎᑦ ᐃᓱᒪᒋᔭᕐᓂᑦ ᓇᖕᒥᓂᕐᓄᑦ, ᐊᑐᖅᑐᐊᕈᓐᓇᕋᔭᖏᑦᑐᑎᓪᓗ ᐃᑲᔫᓯᐊᒥᒡᓘᓐᓃᑦ. ᑎᓴᒪᑦ ᐊᑐᖅᑕᐅᓲᑦ ᑎᑎᖅᑲᑎᒍᑦ ᑮᓇᐅᔭᓕᕆᓂᕐᒧᑦ ᓇᓗᓇᐃᖅᓯᒪᔭᖏᑦ ᐅᑯᐊᖑᕗᑦ: ᑮᓇᐅᔭᑦ ᓇᓗᓇᐃᖅᑕᐅᓂᖏᑦ, ᑮᓇᐅᔭᓕᐊᕆᓚᐅᖅᑕᑦ ᓇᓗᓇᐃᔭᖅᑕᐅᓂᖏᑦ, ᑮᓇᐅᔭᑦ ᐃᖏᕋᓂᖓ ᓇᓗᓇᐃᖅᓯᒪᔭ ᐊᒻᒪ ᓇᓗᓇᐃᖅᓯᔪᑦ ᑮᓇᐅᔭᒃᓴᖅᑕᐅᔪᑦ.

 

ᓇᖕᒥᓂᕐᓄᑦ ᐱᕙᒌᔭᖅᓯᓇᓱᐊᕐᓗᓂ ᐃᑲᔪᖅᑕᐅᓂᖅ

ᓇᖕᒥᓂᕐᓄᑦ ᐱᕙᒌᔭᕋᓱᒃᑎᓪᓗᑎᑦ ᐃᑲᔪᖅᑕᐅᔪᓐᓇᖅᐳᑎᑦ. ᑖᓐᓇ ᐊᑭᖃᖏᒐᔪᒃᑐᖅ ᑭᓯᐊᓂᑦ ᐃᖅᑲᓇᐃᔭᖅᑎᑖᕆᐊᖃᖅᐳᑎᑦ ᐃᑲᔪᕈᓐᓇᖅᑐᒥᑦ, ᑮᓇᐅᔭᓂᑦ ᐊᑐᐃᓐᓇᕐᓂᖅ ᓇᓂᓯᑎᑕᐅᔪᓐᓇᖅᐳᑎᑦ ᐱᕙᓪᓕᐊᔪᓕᕆᔨᕕᑦ.

ᑲᑐᔾᔨᖃᑎᓐᓂᑦ ᐃᑲᔪᖅᑕᐅᔪᓐᓇᖅᐳᑎᑦ ᐱᔭᕆᐊᖃᖅᑕᕐᓄᑦ. ᐱᕙᓪᓕᐊᔪᓕᕆᔨᑦ, ᐊᕕᒃᑐᖅᓯᒪᔪᓄᑦ ᓇᖕᒥᓂᕆᔭᐅᔪᑦ ᐱᕙᓪᓕᐊᔪᓕᕆᕕᒡᓗ ᓄᓇᓕᖕᓂᑦ ᓇᖕᒥᓂᖃᖅᑎᑦ ᐃᑲᔪᕈᓐᓇᕐᒥᔪᑦ ᖃᓄᖅ ᓇᖕᒥᓂᕆᔭᑦ ᓴᖅᑭᑦᑐᓐᓇᕐᒪᖔᖅᐱᐅᒃ.

ᐊᑐᐃᓐᓇᖅᑕᖃᐅᖅᐳᖅ ᐃᑭᐊᕿᕝᕕᒃᑯᑦ ᖃᓄᖅ ᑎᑎᕋᕈᓐᓇᕐᒪᖔᖅᐱᑦ ᓇᓗᓇᐃᖅᓯᒪᔪᒥᑦ ᓇᖕᒥᓂᕐᒧᑦ ᐱᕙᒌᔭᖅᓯᓇᓱᐊᕐᓂᖅ.

Bplans ᐃᑭᐊᕿᕝᕕᐊᒍᑦ (ᓇᖕᒥᓂᖃᖅᑎᓄᑦ ᐃᑭᐊᕿᕝᕕᐊ), ᐆᒃᑐᑎᖃᖅᑐᖅ, ᑮᓇᐅᔭᓕᕆᓂᕐᒧᑦ ᓈᓴᐅᑎᑦᑎᐊᕙᖕᓂᑦ ᐊᑑᑎᔪᓂᒃ ᐊᒻᒪ ᓂᐅᕕᐊᒃᓴᖃᖅᐸᒃᖢᑎᑦ ᓇᖕᒥᓂᕐᒧᑦ ᐱᕙᒌᔭᖅᓯᔾᔪᑎᒥᑦ ᖃᕋᓴᐅᔭᒃᑯᑦ. ᑖᒃᑯᐊ ᑐᓴᒐᒃᓴᑦ ᐊᑐᐃᓐᓇᕈᕈᓐᓇᖅᑕᑎᑦ www.bplans.com−ᒥᑦ.

ᑲᓇᑕᒥᑦ ᑮᓇᐅᔭᓕᕆᔨᐅᖃᑎᒌᑦ ᐃᑭᐊᕿᕝᕕᐊᓂ ᐃᑲᔪᕈᓐᓇᖅᑐᒥᑦ ᑐᓴᒐᒃᓴᒥᑦ ᐱᖃᑕᐅᓗᓂ “ᓇᖕᒥᓂᕋᓛᖅᑕᕐᓂᕐᒧᑦ ᐱᒋᐊᕈᑎᒥᑦ,” ᐃᓚᖓᓗ ᓇᓗᓇᐃᖅᓯᒪᕗᖅ ᖃᓄᖅ ᐱᕙᒌᔭᕈᓐᓇᕐᒪᖔᖅᐱᑦ ᓇᖕᒥᓂᕐᒥᑦ. ᑖᓐᓇ ᑐᓴᒐᒃᓴᖅ ᖃᐅᔨᒋᐊᕈᓐᓇᖅᑕᑦ www.cba.ca/en/component/content/category/45-small-business-services−ᒥᑦ.

ᑲᓇᑕᒥᑦ ᓇᖕᒥᓂᖃᕐᓂᕐᒧᑦ ᐱᔨᑦᑎᕐᕕᐊᓂ ᐱᕙᒌᔭᖅᓯᖃᑦᑕᕆᕗᑦ ᓇᖕᒥᓂᕆᔭᐅᔪᒥᑦ, ᐃᑲᔫᑎᐅᕗᖅ ᓇᖕᒥᓂᖃᖅᑎᓄᑦ ᐊᕐᕌᒍᓂ ᐱᖓᓱᓂᑦ ᐱᕙᒌᔭᕈᓐᓇᖅᑐᒥᑦ ᓇᖕᒥᓂᖅᑖᖑᕋᑖᖅᑐᒥᑦ ᐱᑕᖃᖅᑐᒥᒡᓘᓐᓃᑦ. ᐊᑭᖃᖏᑦᑐᖅ ᐱᔨᑦᑎᖅᑕᐅᓂᖅ. ᑖᓐᓇ ᐊᑐᐃᓐᓇᕈᕈᓐᓇᖅᑕᑦ ᒫᓂ www.canadabusiness.ca/eng/page/2865/sgc-62/

 

ᐃᖃᐅᒪᒋᑦ, ᓯᕗᓪᓕᕐᒥᑦ ᑕᑯᔭᐅᔭᕆᐅᕐᓂᖅ ᐊᑑᑎᓪᓚᕆᒃᐳᖅ

ᓇᖕᒥᓂᕆᔭᕐᓄᑦ, ᓯᕗᓪᓕᕐᒥᑦ ᑕᑯᔭᐅᔭᕆᐅᕐᓂᖅ ᐊᑑᑎᓪᓗᕆᒃᐳᖅ. ᓇᖕᒥᓂᕐᓄᑦ ᐃᑲᔪᖅᑕᐅᔪᒪᓐᓂᕈᕕᑦ ᐃᓱᒪᒋᔭᕐᓄᓪᓘᓐᓃᑦ, ᑐᓂᓯᖁᔭᐅᒐᔭᖅᐳᑎᑦ ᐱᕙᒌᔭᖅᓯᒪᔪᒥᑦ ᓇᖕᒥᓂᕐᓄᑦ. ᐃᓱᒪᑦᑎᐊᓂᖅ, ᐃᖅᑲᓇᐃᔭᓕᒪᓂᖓ ᑕᐅᑦᑐᐊ ᐱᒋᐊᕈᑎᑦᑎᐊᕙᐅᕗᖅ ᐃᑲᔫᑎᓪᓚᕆᒃᐳᕐᓗ ᐱᔭᕆᐊᖃᖅᑕᕐᓄᑦ ᐃᑲᔪᖅᑕᐅᓕᕈᓐᓇᕋᔭᕋᕕᑦ.