ᐅᖃᓚᐅᑎᓯᐅᑏᑦ

You are here

ᑐᓴᕐᕕᒃᑎᐊᕙᑦ

 

ᐱᒋᐊᕐᓂᖓ
ᐱᒋᐊᕈᑎ ᑐᕌᒐᒋᓇᓱᐊᖅᑕᕐᓂᖅ
ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ

1. ᐃᒻᒥᓂ ᑕᑯᓇᑦᑎᐊᕐᓗᑎᑦ ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐊᕈᑎᐅᔪᓐᓇᖅᑐᑦ
2. ᓂᐅᕈᑎᖃᕐᕕᑎᑦ ᓇᓗᓇᐃᕐᓗᒋᑦ
3. ᐃᑲᔪᖅᑎᑖᕐᓗᑎᑦ
4. ᓇᖕᒥᓂᖁᑏᑦ ᐊᑎᓕᐅᕐᓗᒍ
5. ᐱᓕᕆᐊᕇᓐᓇᕐᓂᐊᕐᓕᓗᒍ
6. ᑎᑎᕋᕐᓗᒍ ᓇᖕᒥᓂᕆᓂᐊᖅᑕᕐᓄᑦ ᐱᕙᒌᔭᖅᓯᒪᔭᑦ
7. ᑮᓇᐅᔭᖅᑖᕋᓱᕐᓂᖅ

ᑲᔪᓯᑏᓐᓇᕐᓗᒍ
ᐅᓂᑳᓕᐊᑦ ᐃᓚᓕᐅᑎᓯᒪᔪᑦ
ᑐᓴᕐᕕᐅᔪᓐᓇᖅᑐᑦ
ᑐᓴᕐᕕᑦᑎᐊᕙᑦ

 

ᑐᓴᕐᕕᒃᑎᐊᕙᑦ

ᖃᐅᔨᒪᔭᕆᐊᖃᖅᑕᑎᑦ

  • ᐱᕙᒌᔭᖅᓯᓗᑎᑦ ᐊᑐᐃᓐᓇᐅᓕᕐᓗᓂ ᓂᐅᕈᑎᖃᕐᕕᐅᔪᓐᓇᖅᑐᓂᑦ ᓇᖕᒥᓂᖃᖅᑐᒧᑦ ᑭᒡᓕᒋᓕᕈᓐᓇᕐᒪᒍ ᐊᑐᖅᑕᐅᓲᓂᑦ ᓂᐅᕕᒃᑕᐅᒃᑲᓐᓂᕈᓐᓇᖁᓗᒋᑦ ᐊᒻᒪ ᐊᑭᑦᑐᕋᐅᑎᐅᓕᕈᓐᓇᖅᑐᓂᑦ.

  • ᐃᖅᑲᓇᐃᔭᖅᑖᖅᑎᑎᓂᖅ, ᓇᖕᒥᓂᖃᖅᑎᐅᑎᓪᓗᑎᑦ ᐃᓚᓕᐅᔾᔨᒍᓐᓇᖅᐳᖅ ᐊᑭᖏᓐᓂᑦ ᒥᒃᖠᒋᐊᖅᑎᑦᑎᓗᓂᓗ ᑮᓇᐅᔭᒃᓴᖅᑕᕐᓂᑦ. ᐃᒻᒥᓂ ᐊᑭᓕᖄᕐᓗᑎᑦ ᐃᖅᑲᓇᐃᔭᖅᑖᑎᑦᑎᓇᓱᐊᕐᓗᑎᑦ ᑭᓯᐊᓂ ᓇᖕᒥᓂᕆᔭᑦ ᐊᐅᓚᓂᕆᔭᑦ ᐃᖅᑲᓇᐃᔭᖅᑎᑖᒃᑲᓂᕋᓱᒡᓗᓂ.

  • ᐃᖃᓗᐃᑦ ᐃᓄᐃᑦ 25%−ᖑᕗᑦ ᓄᓇᕗᒻᒥᑦ ᐃᓄᖏᓐᓂᑦ ᑭᓯᐊᓂ ᐅᕙᙵ ᓇᖕᒥᓂᓕᒫᓂᑦ ᓄᓇᕗᒻᒥᑦ.

  • ᖃᐅᔨᒪᔪᐃᓐᓇᐅᕗᒍᑦ ᐃᓄᐃᑦ ᐃᓱᒪᒋᔭᖏᑦ ᑮᓇᐅᔾᔭᒃᓴᕈᑎᐅᓕᕈᓐᓇᖅᑐᑦ ᓇᖕᒥᓂᕆᔭᕐᓄᑦ ᐊᓯᖏᓐᓄᑦ, ᐅᒃᑑᑎᒋᓗᒍ ᖃᔭᖅ ᐊᒻᒪ ᐊᓐᓄᕆᔾᔨᕆᓂᖅ. ᓇᖕᒥᓂᖃᖅᑎᑦ ᐃᔾᔭᐊᖅᑕᐅᔾᔭᐃᒃᑯᑎᓂᑦ ᐊᑐᕈᓐᓇᖅᐳᑦ ᐊᔾᔨᒌᔭᐅᖏᓪᓗᑎᑦ ᓇᖕᒥᓂᖁᑎᒥᓄᑦ. ᑐᓴᒃᑲᓐᓂᕈᒪᓐᓂᕈᕕᑦ ᑕᑯᒋᐊᓗᒍ ᑲᓇᑕᒥᐅᓂᑦ ᓇᖕᒥᓂᖃᖅᑎᓪᓕᕆᔨᒻᒪᕇᑦ ᑎᑎᕋᕐᕕᐊᓂ ᐃᑭᐊᕿᕝᕕᐊᒍᑦ : http://cipo.gc.ca

  • ᐊᒃᓱᕈᖕᓇᖅᑐᑦ ᐱᖃᑕᐅᖏᑎᓪᓗᒋᑦ, ᓄᓇᕗᒻᒥᑦ ᓇᖕᒥᓂᖅᑖᖅᑐᓚᐅᖅᐳᑦ 50%−ᒥᑦ ᐅᓄᖅᓯᒋᐊᖢᑎᑦ 1999−ᒥᓂ. ᑖᓐᓇ ᑐᕌᕈᑎᐅᒐᓱᐊᖅᐳᖅ ᐃᓄᒃᑎᑐᑦ ᐃᓄᒃᑎᑑᖏᑐᓪᓗ ᓇᖕᒥᓂᖃᖅᑎᑦ ᓄᓇᕗᒻᒥᑦ ᐱᕙᓪᓕᐊᕋᔮᒡᓗᑎᑦ.

  • ᓄᓇᕗᒻᒥᑦ ᐊᑐᐃᓐᓇᖅᑕᖃᑐᐃᓐᓇᕆᐊᓕᒃ ᓇᖕᒥᓂᕐᓄᑦ: ᐅᔭᕋᖕᓂᐊᕐᓂᖅ, ᑕᑯᕋᓐᓇᖅᓴᓕᕆᓂᖅ ᐊᒻᒪ ᓴᓇᓂᖅ, ᐳᓚᕋᑦᑐᓕᕆᓂᖅ, ᐃᖃᓗᓕᕆᓂᖅ, ᐃᖏᕐᕋᔾᔪᑎᓕᕆᓂᖅ ᐊᒻᒪ ᓂᐅᕕᒃᓴᖃᕐᓂᖅ. ᓇᓂᓗᒍ ᐱᔭᒃᓴᕆᔪᓐᓇᖅᑕᑦ ᓇᖕᒥᓂᖅᑖᓪᓗ ᐊᔾᔨᐅᖏᑦᑐᕐᓇᕐᒪᑦ ᐃᓕᖕᓄᑦ ᓂᐅᕕᖃᑦᑕᖅᑐᓄᑦ.

  • ᓇᖕᒥᓂᕐᒧᑦ ᓂᕆᐅᓇᖏᑦᑐᓂᑦ ᖃᓄᐃᑦᑐᖃᓕᑳᓚᓯᐅᖑᕗᖅ ᑲᔪᓯᑦᑎᐊᕐᓂᒃᑯᑦ ᐊᓕᐊᓇᐃᓕᑳᓚᖃᑦᑕᖅᐳᕐᓗ. ᓱᖃᐃᒻᒪᑦ ᑲᔪᓰᓐᓇᖅᑐᖃᕈᓐᓇᖏᒻᒪᑦ ᓇᖕᒥᓂᕐᒧᑦ − ᑮᓇᐅᔭᕐᓂᒃ ᐊᓯᐅᔨᓕᑐᐃᓐᓇᕆᐊᖃᕐᒪᑦ ᓇᖕᒥᓂᕆᔭᑦ ᖃᓄᐃᑦᑐᖃᓕᑳᓪᓚᒍᓐᓇᕐᒪᓪᓘᓐᓃᑦ. ᖃᐅᔨᓴᕐᓂᖅ ᐸᖅᑭᓂᕐᓗ ᐊᑭᓕᒃᓴᑎᑦ ᑮᓇᐅᔭᓂᕐᒧᓪᓗ ᒥᒃᖠᒋᐊᕈᓐᓇᖅᑐᖅ ᓂᕆᐅᓇᖏᑦᑐᒃᑯᑦ ᖃᓄᐃᓕᑳᓪᓚᖕᓂᖅ.

  • ᓂᐅᕕᒐᔪᒃᑐᑦ ᓂᐅᕖᓐᓇᖃᑦᑕᓕᕋᔭᖅᑐᑦ. ᓯᕗᓂᒃᓴᒧᑦ ᓇᖕᒥᓂᕆᔭᑦ ᑲᔪᓯᑦᑎᐊᖏᓐᓇᕋᔭᖅᑐᖅ ᓂᐅᕕᖃᑦᑕᖅᑐᑦ ᐱᔨᑦᑎᑦᑎᐊᖃᑦᑕᕈᑎᑦ ᖃᓄᐃᑦᑐᓂᖓᓗ ᓂᐅᕕᒃᓴᕆᔭᑦ.

  • ᐱᕙᓪᓕᐊᔪᓕᕆᔨᑦ ᑐᓴᕐᕕᑦᑎᐊᕙᐅᕗᑦ ᐃᑲᔪᕈᓐᓇᖅᖢᑎᒡᓗ ᓄᓇᓕᖕᓂᑦ ᓇᖕᒥᓂᖃᖅᑎᓄᑦ ᐊᒻᒪ ᓯᕗᓪᓕᖅᐹᖑᖃᑕᐅᒋᐊᓖᑦ ᓄᓇᓕᓕᒫᓂᑦ ᓄᓇᕗᒻᒥᑦ, ᕼᐊᒻᒪᒃᑯᑦ ᑎᑎᕋᕐᕕᖓᓂᒐᔪᒃᐳᑦ. ᑕᐃᑲᓂ ᐅᓂᒃᑳᕐᓄᑦ ᐃᓚᓕᐅᔾᔭᐅᓯᒪᔪᖅ C−ᒥᑦ ᑐᓴᕐᕕᐅᔪᓐᓇᖅᑐᑦ ᓄᓇᓯᓐᓂᑦ ᐱᕙᓪᓕᐊᔪᓕᕆᔨᒥᑦ ᓇᓂᓯᔪᓐᓇᖅᐳᑎᑦ.

  • ᑎᑎᕋᖅᓯᒪᔪᖅ 24−ᒥᑦ ᓄᓇᕗᒻᒥᑦ ᓄᓇᑖᕈᑎᐊᓂ ᐊᖏᕈᑎᑦ ᓇᓗᓇᐃᖅᓯᒪᕗᖅ: “ᒐᕙᒪᑐᖃᒃᑯᑦ ᐅᑭᐅᖅᑕᖅᑐᒥᓪᓗ ᒐᕙᒪᐃᑦ ᐃᑲᔪᕋᓱᖃᑦᑕᕐᓂᐊᖅᐳᑦ ᐃᓄᐃᑦ ᒪᓕᒐᓕᕆᕐᕕᖏᓐᓄᑦ ᒪᓕᒡᓗᒍ ᑎᑎᕋᖅᓯᒪᔪᒥᑦ ᒐᕙᒪᒃᑯᓐᓄᑦ ᑐᓴᕐᕕᐅᔪᓐᓇᖅᑐᓂᑦ”. ᒪᓕᒐᓕᕆᕐᕕᑦ ᑎᑎᕋᖅᓯᒪᔪᖅ 24−ᒥᑦ ᐃᓄᐃᑦ ᑐᙵᕕᒃᑯᑦ ᐃᓄᐃᑦ ᒪᓕᒐᓕᕆᕝᕕᐊᓂ ᐊᑎᓕᐅᕆᕝᕕᒃ.

  • ᐱᕙᒌᔭᖅᓯᒪᔭᑦ ᐊᑐᐃᓐᓇᐅᑎᑕᑦ ᓇᖕᒥᓂᕆᔭᕐᓄᑦ ᐱᑐᖃᙳᕋᔭᖅᑐᖅ ᓇᖕᒥᓂᕆᔭᑦ ᐊᓯᔾᔨᖅᐸᑦ ᐊᖏᒡᓕᐸᓪᓗ. ᐅᓪᓗᒥᒨᖓᑎᖃᑦᑕᕐᓗᒍ. ᑖᓐᓇ ᐊᑑᑎᕐᔪᐊᖅᐳᖅ ᑮᓇᐅᔭᓕᕆᒃᑲᓂᕆᐊᖃᕈᕕ ᐱᕙᒌᔭᖅᓯᒪᔪᑦ ᐊᖏᒡᓕᒋᐊᖅᑎᓪᓗᒍ, ᑭᓯᐊᓂ ᖃᐅᔨᓴᐅᑎᑦᑎᐊᕙᐅᖕᒪᑦ ᑲᔪᓯᑦᑎᐊᖅᑎᓪᓗᑎᑦ ᐊᒻᒪ ᐊᒃᓱᕈᖕᓇᖅᑐᒃᑰᖅᑎᓪᓗᑎᑦ ᐊᒻᒪ ᐱᓇᓱᐊᖅᑕᑎᑦ ᓱᖏᐅᑎᓕᕐᓗᒍ ᐃᓕᓐᓂᐊᖅᓯᒪᔭᕐᓂᑦ.

ᖃᐅᔨᓴᕆᐊᖃᓪᓚᕆᒃᑐᑦ

  • ᐅᓄᖅᑐᑦ ᓇᖕᒥᓂᖃᖅᑎᑦ ᐱᔨᑦᑎᖃᑦᑕᖅᐳᑦ ᖃᓪᓗᓈᑎᑐᑐᐊᖅ, ᑖᓐᓇᓗ ᐸᒡᕕᓇᖅᑑᖃᑦᑕᖅᐳᖅ ᓇᖕᒥᓂᖃᖅᑎᓄᑦ ᓄᓇᕗᒻᒥᑦ ᐱᓕᕆᐊᖃᕈᒪᔪᓄᑦ ᐃᓄᒃᑎᑐᑦ. ᐅᓄᖅᑐᑦ ᖃᕋᓴᐅᔭᒃᑯᑦ ᐱᔨᑦᑎᐅᑎᑦ, ᑮᓇᐅᔭᒃᑯᕕᑦ ᒐᕙᒪᑐᖃᒃᑐᓪᓗ ᐱᔨᑦᑎᖃᑦᑕᖅᐳᑦ ᖃᓪᓗᓈᑎᑐᑦ ᐅᐃᕖᑎᑐᓪᓘᓐᓃᑦ.

  • ᓇᖕᒥᓂᖃᖅᑎᑦ ᐱᔨᑦᑎᕆᐊᖃᖅᐳᑦ ᐃᑲᔪᖅᑕᐅᓗᑎᒡᓗ ᐊᑐᐃᓐᓇᐅᖏᑦᑕᕌᖓᒥᒃ ᓄᓇᕗᒻᒥᐅᒐᓚᑦ. ᑖᒃᑯᐊ ᐱᔨᑦᑎᐅᑎᑦ ᐊᑐᖅᑕᐅᓲᖑᕗᑦ ᑎᑎᕋᕐᕕᐅᑉ ᐱᖁᑎᖏᓐᓂᒃ ᖃᐅᑕᒫᑦ ᑮᓇᐅᔭᓕᕆᐅᖑᕙᒃᑐᑦ ᐱᔨᑦᑎᕐᕕᑦ ᐱᓗᐊᖅᑐᒥᒡᓗ ᓄᓇᖓᓂ ᑮᓇᐅᔭᒃᕕᐊᓂ.

  • ᓇᓚᐅᑦᑖᖅᓯᒪᔪᑦ ᓈᓴᐅᑎᓕᖅᑕᐅᓯᒪᔪᑦ ᓇᖕᒥᓂᖃᖅᑎᓂᑦ 1,000−ᖑᑕᒫᑦ ᐃᓄᖏᑦ 21−ᖑᕗᑦ ᓄᓇᕗᒻᒥᑦ, ᑲᓇᑕᒥᑦ ᑐᖔᓃᑉᐳᑦ ᐊᑐᖅᑕᐅᒐᔪᒃᑐᓂᑦ 35−ᓂᑦ. ᖃᓄᕐᓕ ᐅᖃᐅᑎᕚᑎᒍᑦ? ᓯᕗᓪᓕᕐᒥᑦ, ᑖᒃᑯᐊ ᑭᒡᓕᓯᓂᐊᖅᑕᑦ ᓇᓗᓇᐃᖅᓯᕗᑦ ᓇᖕᒥᓂᖅᑖᓕᓵᕐᓂᖅ ᓄᓇᕗᒻᒥᑦ ᐱᔭᕆᐊᑐᖕᒪᑦ; ᑭᓯᐊᓂ ᓇᓗᓇᐃᖅᓯᕗᑦ ᐅᕙᑦᑎᓐᓂᒃ ᐱᕈᕈᑎᑦᑎᐊᕙᐅᕗᖅ ᓄᓇᕗᒻᒥᑦ ᓇᖕᒥᓂᖃᖅᑎᓄᑦ.

  • ᐃᖅᑲᓇᐃᔮᑦ ᐊᑭᑐᓂᖅᓴᐅᖃᑦᑕᖅᐳᑦ ᓄᓇᕗᒻᒥᑦ ᓯᓚᑖᓂ ᓄᓇᓖᑦ ᐊᕕᒃᑐᖅᓯᒪᔪᓂᒃ ᑲᓇᑕᒥᑦ. ᐊᑭᑐᓂᖅᓴᐅᓂᖓ ᐆᒪᓇᓱᐊᕐᓂᖅ ᓄᓇᕗᒻᒥᑦ ᐃᑲᔫᑎᖃᑦᑕᖅᐳᖅ ᐃᓚᖓᓂ, ᐊᑭᑐᓂᖅᓴᐅᓪᓗᑎᑦ ᑮᓇᐅᔭᒃᓴᖅᑕᐅᔪᑦ. ᓇᖕᒥᓂᕆᔭᐅᔪᑦ ᓄᓇᕗᒻᒥᑦ ᐱᔪᓐᓇᕐᓂᖃᑦᑎᐊᕆᐊᓖᑦ ᐃᖅᑲᓇᐃᔭᖅᑎᑦ ᒐᕙᒪᒃᑯᓐᓂᑦ, ᐃᓄᐃᑦ ᑲᑐᔾᔨᖃᑎᒌᓂᒃ ᐊᒻᒪ ᐱᕙᓪᓕᐊᑎᑦᑎᕐᔪᐊᖅᑎ, ᐊᑭᓕᖅᓱᖅᑕᐅᓂᖅᐹᖑᖃᑦᑕᖅᑐᓄᑦ.

  • ᓄᓇᕗᑦ ᐃᓄᖏᑦᑑᕗᖅ ᐊᒻᒪᓗ ᑐᑭᖃᖅᐳᖅ ᓄᓇᖓᓂᑦ ᖃᔅᓰᓐᓇᐅᓂᖅᓴᐅᕗᑦ ᓂᐅᕕᖃᑦᑕᖅᑐᑦ ᓇᖕᒥᓂᖃᖅᑐᓂᑦ. ᓂᐅᕈᑎᖃᕐᕕᐅᔪᓐᓇᖅᑐᑦ ᐊᖏᔪᑦ, ᐊᐅᓚᖅᑎᑦᑎᒋᐊᖃᖅᐳᑎᑦ ᐊᑭᑐᔫᓗᓂᓗ ᐊᐅᓚᖅᑎᑦᑎᓇᓱᐊᕐᓗᓂ ᑐᓴᐅᒪᑎᑦᑎᓗᓂᓗ. ᐱᕙᓪᓕᐊᑎᑦᑎᓂᖅ ᖃᕋᓴᐅᔭᒃᑯᑦ ᓇᖕᒥᓂᓕᕆᓂᖅ ᐃᑲᔪᖅᓯᒪᕗᖅ ᐃᓚᖏᓐᓂᑦ ᓄᓇᕗᒻᒥᑦ ᓇᖕᒥᓂᖃᖅᑎᑦ ᓂᐅᕕᕈᓐᓇᒃᑲᓂᖅᑐᓂᑦ ᓯᓚᑖᓂ ᓄᓇᕗᑦ.

  • ᓄᓇᕗᒻᒥᑦ ᐊᒃᓱᕈᖕᓇᖅᑑᕗᖅ ᓇᓂᓯᓇᓱᐊᕐᓗᓂ ᑲᑐᔾᔨᖃᑎᒌᓂᒃ ᐃᓄᖕᓂᓘᓐᓃᑦ ᑮᓇᐅᔭᓕᐅᕋᓱᐊᖅᑐᓂᑦ ᓇᖕᒥᓂᕐᓄᑦ ᐅᕝᕙᓘᓐᓃᑦ ᑮᓇᐅᔭᓕᕆᓂᕐᒧᑦ ᐅᖃᐅᔾᔨᕈᓐᓇᖅᑐᒥᑦ ᐃᑲᔪᕐᓗᓂᓗ. ᑮᓇᐅᔭᑦ ᓄᐊᑕᐅᓯᒪᔪᖃᖏᑎᓪᓗᒍ ᐅᕝᕙᓘᓐᓃᑦ ᓄᓇᓕᖕᓂ ᐊᑐᖅᑐᐊᕐᕖᑦ ᑲᑐᔾᔨᖃᑎᒌᒥᑦ ᐊᒃᓱᕈᖕᓇᖅᑑᕗᖅ ᓇᖕᒥᓂᕋᓛᖃᖅᑐᓂᑦ ᑮᓇᐅᔭᓕᕆᔪᓐᓇᖅᑐᓂᑦ. ᑮᓇᐅᔭᓕᕆᔪᖃᓗᐊᖏᑎᓪᓗᒍ ᐊᒃᓱᕈᖕᓇᖅᑑᖃᑦᑕᖅᐳᖅ ᓄᓇᓕᖕᓂᑦ ᓇᖕᒥᓂᖃᖅᑎᑦ ᑲᔪᓯᐊᑦᑎᐊᕈᓐᓇᖁᓗᒋᑦ ᓇᖕᒥᓂᖓᓄᑦ ᐃᓱᒪᒋᔮᓂᑦ.

  • ᑲᓇᑕᒥᑦ ᐊᑭᑐᓂᖅᐹᖑᖃᑕᐅᕗᖅ ᓄᓇᕗᑦ ᓇᖕᒥᓂᖃᓱᐊᕐᓗᓂ. ᓇᖕᒥᓂᓖᑦ ᐊᐅᓚᑕᖏᑦ ᐊᑭᒋᔭᐅᔪᑦ ᓇᓪᓕᐅᒃᑯᒫᓕᓄᓪᓗ ᐊᑭᖏᑦ ᑕᒪᑭᕐᓗᒋᓪᓗ ᐊᑭᖏᑦ ᐊᐅᓚᖅᑎᑦᑎᔭᕆᐊᖃᖅᑎᓪᓗᒍ ᐊᑭᑐᓂᖅᐹᖑᕗᑦ ᑲᓇᑕᒥᑦ.

  • ᓈᓚᐅᑦᑖᖅᓯᒪᔪᑦ ᓈᓴᐅᑎᓕᖅᓱᕐᓗᒋᑦ ᓇᖕᒥᓂᕆᔭᐅᔪᓂᒃ 1,000-ᒧᑦ ᑎᑭᐅᑎᖃᑦᑕᖅᑐᓕᒫᓄᑦ ᐃᓄᖕᓂᑦ 21−ᖑᕗᑦ ᓄᓇᕗᒻᒥᑦ, ᑐᖔᓃᑉᐳᑦ ᑲᓇᑕᒥᑦ 35−ᖑᒐᔪᒃᑐᓂᑦ. ᑭᓯᐊᓂᑦᑕᐅᕗᖅ ᓄᓇᕗᒻᒥᑦ ᐅᖓᓯᒌᒃᑑᑎᓪᓗᒋᑦ ᒐᕙᒪᒃᑯᓐᓂᖔᖅᑐᓂᑦ ᐱᕙᓪᓕᐊᔪᓕᕆᔨᕐᔪᐊᓪᓗ ᐱᓕᕆᐊᒃᓴᖏᑦ ᐱᕙᒌᔭᖅᓯᒪᔪᑦ ᓇᖕᒥᓂᖃᖅᑎᓄᑦ ᓄᓇᓕᖕᓂᑦ ᖃᓂᑦᑐᓂ ᓇᖕᒥᓂᖃᖅᑎᓪᓗ ᐃᖃᓗᐃᑦ ᓯᓚᑖᓂ ᓄᑖᓂ ᐊᑐᐃᓐᓇᖅᑕᖃᐅᖅᐳᑦ ᓇᖕᒥᓂᕆᔭᐅᔪᒧᑦ ᐱᕈᕈᓐᓇᖅᑯᓗᒋᑦ.

  • ᓂᐅᕕᒐᔪᒃᑐᖅ ᓂᐅᕕᖅᑕᐅᒥᓂᒃ ᓂᐅᕕᖃᑦᑕᖅᐳᖅ. ᓂᐅᕕᖃᑦᑕᖅᑐᖅᑦ ᐱᔨᑦᑎᕐᕕᐅᑦᑎᐊᖃᑦᑕᕈᓂ ᐊᒻᒪ ᐱᐅᓂᖓᓂ ᐱᖁᑎᓂᑦ ᓇᖕᒥᓂᕐᓄᑦ ᓯᕗᓂᒃᓴᒥᑦ ᐅᑎᓐᓂᖃᑦᑕᕋᔭᖅᐳᖅ.

  • ᓇᖕᒥᓂᖃᕐᓂᖅ ᖃᐅᑕᒫᑦ ᑮᓇᐅᔭᓕᕆᐊᖑᕙᒃᑐᓂᑦ ᖃᐅᔨᓴᐃᓐᓇᕆᐊᓕᒃ? ᑎᑎᖅᑲᑯᑎᑎᑦ ᐱᓯᒪᖃᑦᑕᕐᓗᒋᑦ ᑮᓇᐅᔭᓕᕆᓂᕐᒧᑦ ᑕᐅᖅᓰᔪᑦ ᓇᓗᓇᐃᖅᓯᒪᖃᑕᐅᓗᑎᑦ ᐊᔾᔨᒌᓪᓗ ᐊᑭᓖᓚᐅᕐᓂᕐᒥᓄᑦ ᓇᓗᓇᐃᖅᓯᒪᔭᖏᓐᓂᑦ ᐊᑭᓕᖅᑕᐅᔾᔪᑎᕕᓃᓪᓗ, ᐊᑭᓕᒃᓴᓪᓗ ᐊᑭᓕᒃᓴᓄᓪᓗ ᐊᑭᓖᔾᔪᑎᕕᓃᑦ, ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔪᑦ ᐊᒻᒪ ᑮᓇᐅᔭᓕᕆᓂᕐᒧᑦ ᓇᓗᓇᐃᖅᓯᒪᔭᖏᓐᓂᑦ.

ᐃᑲᔫᑎᑦ

  • ᐃᖅᑲᐅᒪᒋᑦ ᑲᑐᔾᔨᖃᑎᑎᑦ ᐃᓕᖕᓄᑦ ᐱᓕᕆᐊᖃᓲᖑᔪᑦ! ᐃᓕᕋᓱᖃᑦᑕᖏᓪᓗᑎᑦ ᐊᐱᒋᐊᒃᓴᖅ. ᓇᖕᒥᓂᕐᓄᑦ ᑐᓴᕆᐊᖃᖅᑐᓕᒫᓄᑦ ᑐᓴᖃᑦᑕᕈᕕᑦ ᐊᑑᑎᓪᓚᕆᒃᑲᔭᖅᑐᖅ.

  • ᖃᐅᔨᓴᖃᑦᑕᕐᓗᑎᑦ! ᐃᓕᖕᓄᑦ ᓂᐅᕕᖃᑦᑕᖅᑐᑦ ᖃᐅᔨᒪᒍᕕᒋᑦ ᐱᖁᑎᓄᑦ ᐱᔨᑦᑎᐅᑎᓄᒡᓘᓐᓃᑦ ᐃᓱᒪᒃᓴᖅᓯᐅᖃᑦᑕᕈᕕᓪᓗ ᐃᓕᖕᓄᑦ ᓂᐅᕕᖃᑦᑕᖅᑐᑦ ᐊᔪᕐᓇᖏᑉᐹᓪᓕᕈᓐᓇᖅᑐᑦ.

  • ᑕᒃᓰᔭᐅᑎᑎᑦ ᖃᐅᔨᓴᐃᓐᓇᖅᐸᒡᓗᒋᑦ! ᐅᓄᖅᑐᑦ ᓇᖕᒥᓂᖃᖅᑎᑦ ᐊᑲᐅᖏᓕᐅᕈᑎᖃᕐᔪᐊᖃᑦᑕᖅᐳᑦ ᓱᖃᐃᒻᒪᑦ ᑕᒃᓰᔭᕆᐊᖃᖅᑐᓕᒫᑦ ᐊᑭᓕᕆᐊᓖᑦ ᖃᐅᔨᓴᖅᑕᐅᖃᑦᑕᖏᑎᓪᓗᒋᑦ. ᖃᐅᔨᒪᓗᐊᕐᓂᖏᒃᑯᕕᑦ, ᖃᐅᔨᒋᐊᕈᓐᓇᖅᐳᑎᑦ ᒐᕙᒪᑐᖃᒃᑯᑦ ᑕᒃᓰᔭᖅᑎᓂᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑖᑎᑦᑎᓗᑎᑦ ᖃᐅᑕᒫᑦ ᑮᓇᐅᔭᓕᕆᐊᖑᕙᒃᑐᓂᑦ ᐅᕝᕙᓘᓐᓃᑦ ᑮᓇᐅᔭᓕᕆᔨᒥᑦ ᐃᑲᔪᕈᓐᓇᖅᑐᒥᑦ.

  • ᑲᓇᑕᒥᑦ ᓇᖕᒥᓂᖃᖅᑐᓄᑦ ᐱᔨᑦᑎᕐᕕᐊ ᐃᑲᔪᕈᓐᓇᖅᐳᑦ ᐱᒋᐊᓕᓵᖅᑎᓪᓗᒍ ᓇᖕᒥᓂᕆᔭᑦ “ᓇᖕᒥᓂᖃᖅᑐᓄᑦ ᐱᒋᐊᕈᑎ ᐃᑲᔫᑎᐊᓂ,” ᐊᑐᐃᓐᓇᐅᕗᖅ ᖃᕋᓴᐃᔭᒃᑯᑦ www.canadabusiness.ca/eng/page/3422/. ᐅᖄᓚᔪᓐᓇᖅᐳᑎᑦ ᓄᓇᕗᑦ ᑎᑎᕋᕐᕕᐊᓄᑦ 1-877-499-5199-ᒧᑦ ᐃᑲᔪᖅᑕᐅᔪᒪᓐᓂᕈᕕᑦ. “ᐱᒋᐊᕈᑎᑦᑎᐊᕙᐅᕗᖅ ᓇᖕᒥᓂᕐᓄᑦ ᐃᑲᔪᖅᑕᐅᓗᑎᑦ ᓇᖕᒥᓂᖃᖅᑐᓄᑦ ᐱᕙᓪᓕᐊᓂᕐᒧᑦ ᑮᓇᐅᔭᒃᕕᐊᑕ ᑲᓇᑕᒥᑦ ᐃᑭᐊᕿᕝᕕᐊᓂ: https://www.bdc.ca/en/articles-tools/start-buy-business/start-business/p....

  • ᐅᖃᐅᓯᖃᕌᖓᕕᑦ ᓇᖕᒥᓂᕆᔭᕐᓄᑦ, ᓄᑖᒥ ᐅᖃᐅᓯᖃᖅᐳᑎᑦ. ᓇᖕᒥᓂᖃᖅᑎᑦ ᐅᖃᐅᓯᒐᓚᖕᓂᑦ ᐊᔾᔨᐅᖏᑦᑐᓂᑦ ᐅᖃᐅᓯᖃᖃᑦᑕᕐᒪᑕ. ᑖᓐᓇ ᐃᑲᔫᑎᑦ ᐱᖃᓯᐅᔾᔨᕗᖅ ᑎᑎᕋᖅᓯᒪᔪᓂᑦ ᑖᒃᑯᐊ ᑐᑭᖃᖅᖢᑎᑦ ᐅᓂᒃᑳᓄᑦ ᐃᓚᓕᐅᔾᔭᐅᓯᒪᔪᖅ B−ᒥᑦ.

  • ᖃᐅᔨᓴᕐᓗᑎᑦ, ᐱᕙᒌᔭᖅᓯᒪᓗᑎᑦ ᐃᒻᒥᓂᓪᓗ ᒪᑭᑕᔪᓐᓇᕐᓗᓂ ᑲᔪᓯᑦᑎᐊᖁᓗᒍ ᓇᖕᒥᓂᕆᔭᑦ. ᐃᒻᒥᓂᑦ ᒪᖓᑕᒃᑕᐃᓕᒋᑦ ᖃᐅᔨᒪᔭᓕᒫᒋᑲᐅᑎᒋᔭᑎᑦ.

  • ᐃᓱᒪᒋᓗᒋᑦ ᐱᓇᓱᐊᕈᓐᓇᑦᑎᐊᖅᑕᑎᑦ. ᑐᕌᕈᑎᒋᔪᒪᔭᑎᑦ ᐱᒋᐊᖃᑦᑕᖅᐳᑦ ᒥᑭᑦᑑᑎᐅᓗᑎᑦ. ᓇᖕᒥᓂᕐᒧᑦ ᑲᑕᒐᔪᒃᐳᑦ ᓂᕆᐅᒐᒃᓴᐅᖏᑦᑐᑦ ᐱᔾᔪᑎᐅᒐᔪᒃᐳᑦ.

  • ᑎᑎᕋᕐᓗᒋᑦ ᐃᓱᒪᒋᔭᑎᑦ ᓇᖕᒥᓂᕆᔭᕐᓄᑦ ᐱᕙᒌᔭᖅᓯᒪᔪᑦ ᐊᑐᐃᓐᓇᐅᑎᓪᓗᒋᑦ ᑎᑎᕋᕇᖅᓯᒪᓕᖅᑎᓪᓗᑎᑦ ᐊᓯᓕᒫᖏᓐᓂᑦ ᐃᓚᖏᓐᓂᑦ. ᑐᓴᕈᒥᓇᖅᑑᑎᓪᓗᒍ. ᐅᖃᓕᒫᖅᑎᑦ ᑐᓴᕈᒪᓐᓂᕈᑎᑦ ᐅᖃᓕᒫᒃᑲᓐᓂᕋᔭᖅᑐᑦ ᐊᒻᒪ ᐃᓕᖕᓄᑦ ᐃᖅᑲᓇᐃᒍᒪᒐᔭᖅᑐᑦ.

  • ᓇᖕᒥᓂᖃᖅᑎᑦ ᑲᓇᑕᒥᑦ ᐃᑭᐊᕿᕝᕕᐊᓂ ᐊᒻᒪ ᓇᑕᒥᑦ ᑮᓇᐅᔭᓕᕆᔨᓄᑦ ᑲᑐᔾᔨᖃᑎᒌᖏᑦ ᐃᑭᐊᕿᕝᕕᐊ ᐅᖃᐅᓯᖃᖃᑦᑕᖅᐳᑦ ᐊᑐᐃᓐᓇᐅᑐᐃᓐᓇᕆᐊᓕᖕᓂᑦ ᑮᓇᐅᔭᓕᕆᓂᕐᒧᑦ ᓇᖕᒥᓂᕋᓛᓄᑦ. ᑕᑯᒋᐊᕐᓗᒍ: www.cba.ca/en/consumer-information/45-small-business-services/474-small-....

  • ᐊᖏᒡᓕᒋᐊᖅᑎᑦᑎᓇᓱᒍᓐᓇᖅᐳᑎᑦ. ᑭᓯᐊᓂ ᐊᖏᒡᓕᒋᐊᖅᑎᑦᑎᓇᓱᐊᖏᓪᓗᑎᑦ ᖃᐅᔨᒪᑦᑎᐊᕈᕕᑦ ᑮᓇᐅᔭᒃᓴᖅᑕᑦ ᐃᑲᔪᕈᓐᓇᕋᓗᐊᕐᒪᖔᑕ ᐋᖅᑭᓱᖅᑕᐅᓯᒪᔪᖅ ᐊᑭᓕᒃᓴᑦ. ᐃᓕᖕᓄᑦ ᓂᐅᕕᖃᑦᑕᖅᑐᑦ ᐊᖏᒡᓕᒋᐊᖅᑎᑦᑎᔪᓐᓇᕈᑎᑦ, ᑐᕌᒐᑐᐊᖑᖏᑦᑐᑦ.

  • ᐃᓱᒪᒋᓗᒋᑦ ᐱᔪᓐᓇᖅᑕᑎᑦ. ᑐᕌᒐᑎᑦ ᑭᓯᐊᓂ ᒥᑭᑦᑐᒥᑦ ᐱᒋᐊᖅᑳᕐᓗᑎᑦ. ᓂᕆᐅᓇᖏᑦᑐᑦ ᓇᖕᒥᓂᕆᔭᐅᔪᒧᑦ ᐱᔾᔪᑎᐅᒐᔪᒃᐳᑦ ᑲᑕᒍᑕᐅᔪᖃᖅᑎᓪᓗᒍ.

  • ᖃᕋᓴᐅᔭᑦ ᐊᑐᖃᑦᑕᕐᓗᒋᑦ ᐅᓪᓗᒥᒨᖓᔪᒧᑦ ᖃᐅᔨᓴᖃᑦᑕᕐᓗᒋᑦ. ᐃᓄᖕᓂᑦ ᑐᓴᒪᓕᕆᔾᔪᑎᑦ ᐊᑐᖃᑦᑕᕐᓗᒋᑦ ᒥᒃᖠᒋᐊᖁᓗᒍ ᑲᔪᖏᖅᓴᐃᔪᑦ ᐊᑭᖏᑦ.