ᐃᓄᓕᕆᔨᒃᑯᓐᓄᑦ ᐊᐱᖅᑯᑏᑦ ᑭᐅᔾᔪᑏᓪᓗ - ᓄᕕᐱᕆ 5, 5−ᒥ ᐅᓐᓄᓴᒃᑯᑦ
Dernière mise à jour Dimanche, Novembre 10, 2019
ᐃᓄᓕᕆᔨᒃᑯᓐᓄᑦ ᐊᐱᖅᑯᑏᑦ ᑭᐅᔾᔪᑏᓪᓗ - ᓄᕕᐱᕆ 5, 5−ᒥ ᐅᓐᓄᓴᒃᑯᑦ
ᐊᖏᕐᕋᓐᓄᑦ ᐊᐅᓪᓚᐅᑎᒋᓂᐊᖅᑕᓐᓄᑦ ᐃᓂᒃᓴᓕᐅᕈᓐᓇᖅᐳᖔ ᓱᓕ?
- ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᓯᐊᖃᑦᑕᖅᑐᑦ ᐊᖏᕐᕋᕈᓐᓇᕐᓂᐊᖅᑐᑦ ᖁᕕᐊᓱᕝᕕᒻᒥᑦ.
- ᐅᖄᓚᕕᒋᔭᕆᐊᖃᖅᑕᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᐊᒡᓚᕕᖓ ᐅᕗᖓ 1 877 860 0680 ᐊᐅᓪᓚᕐᕕᒋᓂᐊᖅᑕᕕᑦ ᐅᑎᕐᕕᒋᓂᐊᖅᑕᕕᓪᓗ ᐅᓪᓗᖏᓐᓂᑦ ᓇᓗᓇᐃᔭᐃᕕᒋᓗᒋ. ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᐊᒡᓚᕕᖓᑦ ᐃᑲᔪᕈᓐᓇᕋᔭᖅᑐᑦ ᐃᓂᑦᓴᓕᐅᕐᓗᑎᒃ.
- ᐊᐱᖁᑎᑦᓴᖃᕈᕕᑦ, ᖃᐅᔨᒋᐊᕐᕕᒋᔪᓐᓇᖅᑕᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔩᑦ ᐊᒡᓚᕕᖓ (8:30−ᒥ ᐅᓪᓛᑯᑦ 5:00−ᒧᑦ ᐅᓐᓄᓴᒃᑯᑦ . ᑭᕙᓪᓕᐅᑉ ᑎᖅᑭᕐᖑᔭᖓ ᒪᓕᒡᓗᒍ) ᐅᕗᖓ 1 877 860-0680.
ᑎᑎᕋᕐᕕᒋᒻᒪᒍ ᑭᒃᑯᓕᒫᓄᑦ ᐸᖅᑭᔨᒧᑦ ᒪᑐᐃᖓᕚ ᐊᒻᒪᓗ ᐊᐅᓚᓂᖃᑦᑎᐊᖅᐹ?
- ᐄ, ᑭᓯᐊᓂ ᐅᖄᓚᐅᑎᓄᑦ ᑭᐅᓯᔾᔪᑎ ᐊᒻᒪᓗ ᐃᕐᖐᓐᓈᖅᑕᐅᑎᑦ ᐱᔪᓐᓇᖏᑦᑐᑦ. ᑐᐊᕕᕐᓇᖅᑐᖅᑕᖃᖅᐸᑦ ᐃᖅᑲᓇᐃᔭᕐᓇᐅᔪᓐᓃᖅᑎᓪᓗᒍ ᑭᒃᑯᓕᒫᓄᑦ ᐸᖅᑭᔨᒧᑦ ᐅᕗᖓ 867-222-1805.
- ᐋᓐᓂᐊᕕᓕᐊᕈᓐᓇᐅᑎᓄᑦ ᐊᖏᕈᑎ, ᑎᑎᕐᕕᒋᔭᕆᐊᓕᒃ ᑐᔫᑕᐅᔪᓐᓇᖅᑐᖅ ᓱᑲᑦᑐᒃᑯᑦ ᐅᕗᖓ 867-975-5222. ᓇᓗᓇᐃᑦᑎᐊᕆᐊᓕᒃ ᑎᑎᖃᖅ ᑐᕌᖓᓂᖓᓄᑦ ᑭᒃᑯᓕᒫᓄᑦ ᐸᖅᑭᔨᒧᑦ.
- ᓱᑲᑦᑐᒃᑯᑦ ᑐᔪᐃᑦᑕᐃᓕᓗᑎᑦ ᐊᓯᖏᓐᓂᑦ ᑎᑎᖃᓂᑦ ᒫᓇᐅᓂᖓᓂᑦ.
- ᑐᓴᖅᑕᐅᑎᑦᑎᔾᔪᑎᑦ ᑐᔫᑎᒋᔭᕆᐊᓖᑦ ᑭᒃᑯᓕᒫᓄᑦ ᐸᖅᑭᔨᒧᑦ ᐃᕐᖐᓐᓈᖅᑕᐅᑎᒃᑯᑦ 5−ᒧᕇᓯᒪᓕᖅᑎᓪᓗᒍ ᐅᓐᓄᓴᒃᑯᑦ. ᑲᓇᓐᓇᐅᑉ ᓯᕿᕐᖑᔭᖓ ᒪᓕᒡᓗᒍ ᓄᕕᐱᕆ 1, ᒪᓂᒪᑎᑕᐅᖏᑦᑐᖅ.