ᑎᖑᒡᓗᖕᓇᖅᑐᖅ ᐃᒡᓗᓕᒑᔪᖕᒥ

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᐅᖃᐅᔾᔨᒋᐊᕐᓂᖅ

ᑎᖑᒡᓗᖕᓇᖅᑐᖅ ᐃᒡᓗᓕᒑᔪᖕᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᒡᓗᓕᒑᕐᔪᖕᒥᐅᓂᒃ ᐅᖃᐅᔾᔨᔪᒪᕗᑦ ᓱᓕ ᑎᖑᒡᓗᖕᓇᖅᑐᖅᑕᖃᕐᒪᑦ ᓄᓇᓕᖕᓂ. ᐃᒡᓗᓕᒑᕐᔪᖕᒥᐅᑦ ᐅᔾᔨᖅᓱᑦᑎᐊᕆᐊᖃᖅᐳᑦ ᑎᖑᒡᓗᖕᓇᒥ ᐊᐃᑦᑐᕐᓗᐃᑦᑕᐃᓕᒪᖁᓪᓗᒋᑦ.

ᑎᖑᒡᓗᖕᓇᖅ ᐊᔾᔨᒌᖃᑦᑕᙱᑉᐳᖅ ᐃᓚᖏᑦ ᖃᓂᒪᕈᔪᒃᐸᒃᖢᑎᒃ ᐱᓇᓱᐊᕈᓯᕐᓂ ᐅᓄᙱᑦᑐᓂᒃ ᐃᓚᖏᓪᓗ ᖃᓂᒪᔪᒻᒪᕆᐊᓘᕙᒃᖢᑎᒃ ᑕᖅᑭᒐᓴᖕᓄᑦ. ᑎᖑᒡᓗᖕᓇᒥᑦ ᖁᐱᕐᕈᖅᑖᕈᓐᓇᖅᐳᑎ ᓱᕈᖅᓯᒪᔪᓂᑦ ᓂᕿᓂᑦ, ᐃᒪᕐᒥᓪᓘᓐᓃᑦ ᐅᕝᕙᓘᓐᓃᑦ ᐊᐃᑦᑐᖅᑕᐅᓯᒪᔫᑉ ᐊᓇᖓᓂᑦ ᐊᒃᑐᖅᓯᒍᕕᑦ.

ᐃᓄᐃᑦ ᑎᖑᒡᓗᒃᑐᑦ ᐊᔾᔨᒌᙱᑦᑑᑎᓂᑦ ᖃᓄᐃᔾᔪᑎᖃᕈᓐᓇᖅᐳᑦ. ᐃᓚᖏᑦ ᖃᓂᒻᒪᓲᖑᙱᒻᒪᕆᒃᑐᑦ, ᐊᐃᑦᑐᐃᔪᓐᓇᐃᓐᓇᖅᖢᑎᒃ ᐊᓯᒥᓂᒃ. ᐃᓄᒃ ᖃᓂᒻᒪᒐᔪᒃᐳᖅ ᐅᓪᓗᓄᑦ 30-ᓄᑦ ᖃᓂᒪᔪᒥᑦ ᐅᐸᒃᓯᓯᒪᓚᐅᖅᑎᓪᓗᒍ (ᐅᓪᓗᓂᑦ 15-ᒥᑦ 50-ᒧᑦ ᑎᑭᑦᑐᓐᓇᖅᑐᖅ). ᐅᑯᐊᖑᕗᑦ ᖃᓂᒪᔾᔪᓰᑦ:

• ᐆᑎᕐᓇᕐᓗᓂ;
• ᓂᕆᔪᒪᙱᓪᓗᓂ;
• ᓈᙳᓗᓂ; ᐊᒻᒪ
• ᖁᖅᓱᖅᑎᓪᓗᓂ (ᐅᕕᓂᐊᒍᑦ ᐃᔨᖏᑎᒍᓪᓗ).

ᐅᑯᐊ ᒪᓕᒡᓗᒋᑦ ᑎᖑᒡᓗᖕᓇᕐᒥ ᐊᐃᑦᑐᕐᓗᐃᑦᑕᐃᓕᒪᔾᔪᑕᐅᔪᓐᓇᖅᑐᑦ:

• ᐊᒡᒐᑎᑦ ᐅᐊᓴᖅᐸᒡᓗᒋᑦ ᐊᓇᕐᕕᖕᒦᕌᓂᒃᑳᖓᕕᑦ ᖁᐃᖏᓕᓴᖅᓯᐊᓂᒃᑳᖓᕕᓪᓗ, ᓂᕿᓕᕆᓚᐅᖅᑳᕐᓇᒡᓗ ᓂᕆᓂᐊᖅᑎᓪᓗᑎᓪᓘᓐᓃᑦ.
• ᐊᐃᑦᑐᕐᓗᒃᑕᐅᓇᓱᒋᒍᕕᑦ ᑎᖑᒡᓗᖕᓂᕐᒥᑦ, ᐊᓯᖏᓐᓂᒡᓘᓐᓃᑦ ᓈᙳᓐᓇᖅᑐᓂᑦ, ᓂᕿᓕᕆᑦᑕᐃᓕᒋᑦ ᐃᒥᖅᑎᑦᑎᑦᑕᐃᓕᓗᑎᓪᓘᓐᓃᑦ ᐊᓯᖕᓂᑦ ᐃᓄᖕᓂᑦ.

ᑲᒪᔨᐅᖃᑦᑕᕈᕕᑦ ᐸᐃᕆᔨᐅᖃᑦᑕᕈᕕᓪᓘᓐᓃᑦ ᑭᓇᑐᐃᓐᓇᕐᒧᑦ ᑎᖑᒡᓗᒃᑐᒧᑦ ᐋᓐᓂᐊᕐᕕᓕᐊᕐᓗᑎᑦ ᑲᐱᔭᐅᔭᖅᑐᕐᓂᐊᖅᐳᑎᑦ.

ᐃᒡᕕᓪᓘᓐᓃᑦ ᐃᒡᓗᒥᐅᖃᑏᓪᓘᓐᓃᑦ ᖃᓂᒪᑲᑕᓕᕈᕕᑦ ᑎᖑᒡᓗᖕᓂᕐᒧᑦ, ᐋᓐᓂᐊᕐᕕᓕᐊᑲᐅᑎᒋᔭᕆᐊᖃᖅᐳᓯ ᖃᓂᒻᒪᑐᐊᕈᕕᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓴᐃᕋ ᐋᕐᓯᓅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
@email