ᓯᕗᓕᖅᑎ ᓴᕕᑲᑖᖅ ᐃᖅᑲᐅᒪᕗᖅ ᓵᓕ ᐸᓕᒍᓂᐊᕐᒥᒃ
ᐅᖃᐅᓯᐅᔪᖅ
ᓯᕗᓕᖅᑎ ᓴᕕᑲᑖᖅ ᐃᖅᑲᐅᒪᕗᖅ ᓵᓕ ᐸᓕᒍᓂᐊᕐᒥᒃ
ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:
"ᖁᕕᐊᓇᙱᓪᓚᕆᒃᖢᓂ ᐅᖃᖅᐳᖓ ᐅᒡᒍᐊᖃᑎᒋᓂᕋᖅᖢᒋᑦ ᐃᓚᒋᔭᐅᔪᑦ ᐱᖃᓐᓇᕆᔭᐅᔪᓪᓗ ᓵᓕ ᐸᓂᒍᓂᐊᕐᒧᑦ ᐅᓪᓗᒥ ᐃᓅᔪᓐᓃᖅᑲᐅᑎᓪᓗᒍ.
ᓵᓕᐅᑉ ᐊᑐᖃᑦᑕᖅᓯᒪᔭᖏᑦ ᓄᓇᕘᓕᒫᒥ ᐃᒪᓐᓇᐃᑦᑑᕗᑦ, ᖁᕕᐊᓱᓪᓚᕆᒃᐸᒃᖢᓂ, ᑎᔅᓯᓈᕆᒃᐸᒃᖢᓂ ᐊᓯᒥᓂᒡᓗ ᐱᔪᒃᓯᓕᖅᑎᑦᑎᓯᒪᓪᓗᓂ. ᐃᙱᐅᓯᕆᕙᒃᑕᖏᑦ ᖃᐅᔨᒪᔭᐅᔪᒻᒪᕆᐊᓘᕗᑦ ᓄᓇᕗᒻᒥ, ᑐᓴᕐᓂᕆᔭᐅᑦᑎᐊᖅᖢᑎᒃ ᐊᓐᓂᕆᔭᐅᔪᒻᒪᕆᐅᓪᓗᑎᒡᓗ ᓄᓇᓕᑦᑎᓐᓂᑦ. ᓰᐲᓰᒦᓚᐅᖅᓯᒪᓂᕐᒥᓂᑦ ᐱᑎᑕᐅᓚᐅᖅᓯᒪᓂᕐᒥᓄᑦ ᓄᓇᕗᒻᒥ ᐃᓕᓴᖅᓯᔾᔪᑦ ᐅᔭᒥᖕᒥᑦ, ᓂᐱᖓ ᓴᙲᓐᓇᐅᔭᓚᐅᖅᐳᖅ ᐃᓄᐃᑦ ᐅᖃᐅᓯᖏᓐᓄᑦ ᐅᑭᐅᖅᑕᖅᑐᒥᐅᓄᓪᓗ.
ᖁᔭᓕᓯᒪᑦᑎᐊᖅᐳᖓ ᖃᐅᔨᒪᓚᐅᕋᒃᑯ ᓵᓕ ᐊᕐᕌᒎᒐᓴᖕᓄᑦ ᐊᒥᓱᓄᑦ, ᐱᓗᐊᙳᐊᖅᖢᓂᓗ, ᑕᑯᓵᑦᑎᐊᓚᐅᕋᒃᑯᑦ ᐱᓇᓱᐊᕈᓯᐅᓵᖅᑐᒥ. ᐃᒪᐃᓯᒪᕗᖓ, ᐊᑐᐃᓐᓇᐅᔭᕐᓂᐊᖅᖢᒍᓗ, ᑐᓴᕐᓂᕈᓱᖃᑕᐅᓪᓚᕆᒃᐸᒃᖢᖓ ᐃᙱᐅᓯᖏᓐᓂᒃ, ᐃᓅᓯᐊᓂᒃ, ᐊᒥᓱᓄᓪᓗ ᐊᔪᙱᓚᐅᖅᑕᖏᓐᓄᑦ. ᐅᒡᒍᐊᕈᑎᖃᕋᓗᐊᖅᑎᓪᓗᑕ ᐃᓅᔪᓐᓃᕐᓂᖓᓄᑦ, ᐱᓯᒪᕗᒍᑦ ᐃᙱᐅᓯᖏᓐᓂᒃ ᐱᔪᒃᓯᔪᓐᓇᖁᓪᓗᑕ, ᐅᕙᑦᑎᓐᓂᒡᓗ ᐃᖅᑲᐃᑎᑦᑎᕙᖕᓂᐊᕐᖢᓂ ᐊᕐᕌᒎᒐᓴᖕᓄ ᐊᒡᒋᖅᐸᓪᓕᐊᔪᓄᑦ ᓱᓕ."
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
ᓯᕗᓕᖅᑎᐅᑉ ᔫ ᓴᕕᑲᑖᖅ ᑎᑎᕋᕐᕕᐊᓂᑦ
867-975-5059
@email