Hepatitis A aannialiqtut – Nutannguqtirlugu Inungnut Kapuuqhirvikhanik Aannialaitkutikhamik
Inungnun Aanniarutimik
Tuhaqtitauyukhaq
Hepatitis A aannialiqtut – Nutannguqtirlugu Inungnut Kapuuqhirvikhanik Aannialaitkutikhamik
Hepatitis A aanniarut aulayuituq huli Igluligaaryungmi. Igluligaaryuk Munaqhiqarviat naunaiuqhiniaqtut Hepatitis A kapuqhirniaqtut havautit akiittut tamainnut nunaqatigiinut kapuqhirumayunut. Inungnnik kapuqhiliqtut uvani havainirmi uvalu aulaniaqtuq 1min. – 5 mun, Hivullingmi hamunga Tallimmiunun tuhaqtitautinagu.
Nutarannuat siksinik tatqiqhiutiqaqtut angayhukhiitluuniit nunaqaqtut hamani Igluligaaryungmi kapuqhiqhimaittut huli aannialiqhimaittut uminga Hepatitis A aanniarunmik kapittiqtukhaugaluaqtut haffuminga havautikhamik.
Kinatkunut kapuqhiqhimaittut haffuminga havautihik kapuqhiqtukhaugaluaqtut qilamivyak:
- iglumiuqatigiiktut upautiqattaqpaktulluuniit inungnut aanniaruhiqtunut (lauyut nutaqqiqiyingit munaqtingillu);
- nutaqqat imaaluuniit ilihaqtut havaktillu iliharvingni nutaqqiqivingnillu;
- nutaqqat siksinik tatqiqhiutiqaqtunit talvunga 18-nik ukiulingnut;
- inullaat ukiuqaqtut avatqumayuniklu 60-nik ukilgit; imaalu
- aullarahuat talvunga talvangaluuniit fIgluligaaryumi (ulapqiyaqturahuat, halitirahuat, aanniarviliarahuatluuniit).
Havagviat Aanniaqtailinikkutakhuuqhimmaaqtut hiamittailinahuaqhugu nutqaqtinnahuaqhuguluuniit aanniarut. Hapkuat atuqtakhanut ilauyut naunaiqhugit kinatkut qayangnaqtut, kapuqhiqtittugit aanniarutiqaqtut aktuqtauhimayut Havagviat Aanniaqtailinikkut Avatiliqidjutinut Aanniaqtailivikhadjutinut Havakti havagiaqtuqhimayuq talvunga ihivriuqhiyaqtuqhuni humit aannialiriakhainik.
Hapkuat atugakhat aturlugit hiamitingnaitumik Tinguklurniq Hepatitis A:
- Uqarvigilugu Munaqhiqarvikhi kapittiriarni Hepatitis A havautikhamik.
- Uarlugit allakkit quiyaqturuiraiguvit, nutarannuat makkaqturuiraigungni, igaliqtinnatit niritinnatilluuniit.
- Ihumaruvin kahakhimayutin Tinguklungnirmun Hepatitis A imaaluuniit aalat aqiarurliurnirmut aaniarutinik, niqiliqihuirlutin imaaluuniit kuvirittaililutit imikhainik aalanut inungnut.
Ilvit uvaluuniin kinali iglungniituq tautungnaqhikpat naunaiyautinik Hepatitis A, munaqhiliarlutit qilamik mihigimaliruvin aaniangnirmik. Hamna ikayuutauhunguyuq inungnut qaniklihimayut aanniaqtunut kapuqhirumik havaunmik qilamivyak hiamittailitikhanik aanniarutim Hepatitis A.
Kangiqhittiarumaguvit talvuuna Hepatitis A, uparlugu turraarvikhanut https://www.gov.nu.ca/sites/default/files/hepatitis_a_fact_sheet-iq.pdf
###
Tuhaqtipkainikkut Uqaqvigiyakhaq:
Sara Arsenault
Tuhaqtipkainirmut Ayuittiaqhimayuq
Munaqhiliqiyitkut
867-975-5949
@email