ᓯᕗᓕᖅᑎ ᑐᓴᖅᑎᑦᑎᕗᖅ ᐊᐅᓚᑦᑎᔨᒻᒪᕇᑦ ᐊᓯᔾᔨᕐᓂᖏᓐᓂᑦ

ᐱᕙᓪᓕᐊᔪᑦ ᓴᖅᑭᑕᑦ

ᓯᕗᓕᖅᑎ ᑐᓴᖅᑎᑦᑎᕗᖅ ᐊᐅᓚᑦᑎᔨᒻᒪᕇᑦ ᐊᓯᔾᔨᕐᓂᖏᓐᓂᑦ

ᐃᖃᓗᐃᑦ, ᓄᓇᕗᑦ (ᒫᔾᔨ 29, 2019) – ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᖃᔅᓯᐊᕐᔪᖕᓂ ᑎᒃᑯᐊᖅᑕᐅᔪᖃᕐᓂᖓᓂ ᒥᓂᔅᑕᐅᑉ ᑐᒡᓕᐊᓄᑦ ᐃᓂᑖᖅᑎᑕᐅᔪᓂᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ.

ᐊᐃᕆᓕ 1−ᒥ ᐱᒋᐊᕐᓗᓂ, ᐳᕐᓂ ᒪᒡᐊᐃᓴᒃ ᒥᓂᔅᑕᒧᑦ ᑐᒡᓕᕆᔭᐅᓂᐊᓕᖅᐳᖅ ᐱᕙᓪᓕᐊᔪᓕᕆᔨᒃᑯᓐᓂ ᐃᖏᕐᕋᔪᓕᕆᔨᒃᑯᓐᓂᓗ, ᐅᓪᓗᕆᐊᖅ ᕼᐋᓐᓴᓐ ᐃᓂᖓᓄᐊᕐᓗᓂ. ᐳᕐᓂ ᒪᒡᐊᐃᓴᒃ ᐱᓕᕆᖃᑦᑕᖅᓯᒪᕕᒡᔪᐊᖅᑐᖅ ᐱᕙᓪᓕᐊᔪᓕᕆᔨᒃᑯᓐᓂ ᐊᒻᒪ ᐃᓗᕐᔪᐊᑦ ᓴᓇᕝᕕᖏᓐᓂ ᐊᒃᑐᐊᖃᑦᑕᐅᑎᔪᓂᑦ ᓄᓇᕗᒻᒥ, ᐊᒻᒪ ᐃᓚᒋᔭᐅᑦᑎᐊᖃᑦᑕᖅᓯᒪᓪᓗᓂ ᐱᓕᕆᕝᕕᐅᑉ ᐊᐅᓚᑦᑎᕕᖓᓂ ᐊᕐᕌᒍᑦ ᑎᓴᒪᑦ ᐅᖓᑖᓂ.

“ᖁᔭᓐᓇᒦᕈᒪᕙᕋ ᐅᓪᓗᕆᐊᖅ ᕼᐋᓐᓴᓐ ᓄᓇᕗᑦ ᒐᕙᒪᖓᓄᑦ ᑕᐅᑐᙳᐊᖃᑦᑕᕐᒪᑦ ᐱᓕᕆᔪᒪᑦᑎᐊᖃᑦᑕᖅᓯᒪᓪᓗᓂᓗ ᓄᓇᕗᑦ ᒐᕙᒪᖓᓄᑦ ᐊᕐᕌᒍᓕᒫᖅ ᓇᑉᐸᕐᒥᓪᓗ. ᓯᕗᓂᒃᓴᒥ ᐱᓕᕆᐊᒃᓴᖃᑦᑎᐊᖁᓂᐊᖅᐸᕋ, ᖃᐅᔨᒪᕗᖓᓗ ᑲᔪᓯᑦᑎᐊᕐᓂᐊᕐᓂᖓᓂᒃ ᓯᕗᒻᒧᐊᒃᑎᓪᓗᒍ ᓄᓇᕗᑦ ᐱᕈᖅᐸᓪᓕᐊᓂᖓᓄᑦ ᐃᑲᔪᕐᓗᓂ," ᓯᕗᓕᖅᑎ ᓴᕕᑲᑖᖅ ᐅᖃᖅᑐᖅ.

ᐊᒻᒪ ᓱᓕ, ᓯᕗᓕᖅᑎ ᓴᕕᑲᑖᖅ ᑐᓴᖅᑎᑦᑎᖅᑲᐅᒋᕗᖅ ᕉᐱ ᐳᕋᐅᓐ ᑎᒃᑯᐊᖅᑕᐅᓂᖓᓂᒃ ᒥᓂᔅᑕᐅᑉ ᑐᒡᓕᐊᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᒫᔾᔨ 18, 2019-ᒥ ᐱᒋᐊᓚᐅᖅᖢᓂ, ᐊᒻᒪ ᑳᓐᔅᑕᓐᔅ ᕼᐅᕐᕆ ᑎᒃᑯᐊᖅᑕᐅᓚᐅᕐᓂᖓᓂ ᐊᖏᖅᓯᒪᑦᑎᐊᕐᓂᖓᓂᓪᓗ ᒥᓂᔅᑕᐅᑉ ᑐᒡᓕᐊᓄᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᐅᑐᐱᕆ 2018−ᒥ ᐱᒋᐊᖅᖢᓂ. ᕉᐱ ᐳᕋᐅᓐ ᐳᕆᑎᔅ ᑲᓚᒻᐱᐊᒥᙶᖅᑐᖅ, ᐅᑭᐅᖅᑕᖅᑐᒥ ᐊᒻᒪ ᓄᓇᓕᒡᔪᐊᖑᙱᑦᑐᓂᒃ ᐋᓐᓂᐊᖅᑐᓕᕆᓂᕐᒥᒃ ᐱᓕᕆᖃᑦᑕᖅᓯᒪᓪᓚᕆᒃᑐᑦ. ᑳᓐᔅᑕᓐᔅ ᕼᐅᕆ ᓴᔅᑳᑦᑐᐊᓐᒥᙶᖅᑐᖅ, ᑭᖑᓂᖓᓂ ᐱᕙᓪᓕᐊᑎᑦᑎᖃᑕᐅᖃᑦᑕᖅᓯᒪᓪᓚᕆᒃᑐᖅ ᓄᓇᓕᖕᓂ ᐊᐅᓚᑦᑎᔾᔪᑕᐅᔪᓂᒃ ᐊᒻᒪ ᕼᐋᒪᓚᒃᑯᑦ ᑲᒪᒋᔪᓐᓇᖅᑕᖏᓐᓂᒃ.

“ᑖᒃᑯᐊ ᐃᓐᓄᒃᑕᐅᑎᓪᓗᒋᑦ ᐱᓕᕆᕝᕕᓪᓗᐊᑕᖏᓐᓂᒃ ᐊᑑᑎᖃᓪᓚᕆᒃᐳᖅ ᐊᐅᓚᔪᓐᓇᑦᑎᐊᖁᓪᓗᒋᑦ ᒐᕙᒪᒋᔭᕗᑦ," ᓯᕗᓕᖅᑎ ᓴᕕᑲᑖᖅ ᐅᖃᖅᑐᖅ. “ᐱᓕᕆᖃᑦᑕᖅᓯᒪᓂᖏᑦ ᐊᔪᙱᓐᓂᖏᓪᓗ ᓈᒻᒪᑦᑎᐊᕐᓂᐊᖅᑐᑦ ᐱᓕᕆᕝᕕᒋᔭᖏᓐᓄᑦ, ᐊᒻᒪ ᓯᕗᓕᖅᑎᐅᔪᓐᓇᕐᓂᖏᑦ ᓇᓗᓇᙱᑦᑐᖅ ᓄᑖᙳᕆᐊᕈᑕᐅi4f ᐊᐅᓚᑦᑎᔨᒻᒪᕆᐅᖃᑎᒌᓄᑦ.”

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ
ᑎᑎᕋᖅᑎ ᓯᕗᓕᖅᑎ ᔫ ᓴᕕᑲᑖᖅ ᑎᑎᕋᕐᕕᐊᓂ
867-975-5059
@email