ᓄᓇᕗᑦ ᒐᕙᒪᖓᑦ ᐊᒻᒪ ᓄᓘᔭᖕᓂᑦ ᓴᕕᕋᔭᒃᓴᒥᑦ ᐅᔭᕋᖕᓂᐊᖅᑎᒃᑯᑦ ᐊᑎᓕᐅᖅᓯᔪᑦ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒥᒃ

ᐱᕙᓪᓕᐊᔪᖅ ᓴᖅᑭᑕᑦ

ᓄᓇᕗᑦ ᒐᕙᒪᖓᑦ ᐊᒻᒪ ᓄᓘᔭᖕᓂᑦ ᓴᕕᕋᔭᒃᓴᒥᑦ ᐅᔭᕋᖕᓂᐊᖅᑎᒃᑯᑦ ᐊᑎᓕᐅᖅᓯᔪᑦ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒥᒃ

ᐃᖃᓗᐃᑦ, ᓄᓇᕗᑦ (ᐄᑉᐳ 2, 2019−ᒥᑦ) − ᒥᓂᔅᑕ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᑦ, ᑕᐃᕕᑎ ᐊᕿᐊᕈᒃ ᐊᒻᒪ ᐳᕋᐃᔭᓐ ᐸᓂ, ᐊᖓᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕆ ᐹᕙᓪᓛᓐᒥᑦ ᓴᕕᕋᔭᒃᓴᒧᑦ ᐅᔭᕋᖕᓂᐊᕐᕕᐊ (ᐹᕙᓪᓛᓐ) ᐅᓪᓗᒥ ᐊᑎᓕᐅᖅᑲᐅᕗᖅ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧᑦ ᐃᓄᐃᑦ ᐃᖅᑲᓇᐃᔭᖅᑖᖅᑐᖁᓗᒋᑦ ᓄᓘᔭᓂᑦ.

ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧᑦ ᐱᓇᓱᐊᖃᑦᑕᖅᐳᑦ ᑎᓴᒪᓂ ᓯᕗᓪᓕᐅᔾᔭᐅᔪᓂ ᑲᑐᔾᔨᖃᑎᒌᖕᓂᒃᑯᑦ − ᒥᒃᖠᒋᐊᕈᓗᒍ ᐊᒡᕕᐊᕈᑎᐅᖃᑦᑕᖅᑐᓂ ᐃᖅᑲᓇᐃᔮᒃᓴᓂ; ᐋᖅᑭᒃᓱᐃᓛᖅᑐᑦ ᐃᖅᑲᓇᐃᔭᖅᑖᖅᑐᖁᓗᒋᑦ ᐃᓕᓐᓂᐊᖅᑎᑕᐅᔪᓐᓇᕐᓗᑎᒡᓗ; ᓄᓇᓕᖕᓂᑦ ᖃᓄᐃᖏᑦᑎᐊᕈᑎᓂ; ᒪᑭᒪᔾᔪᑎᓂ ᐊᒻᒪ ᐃᕐᖏᕋᔾᔪᑎᓕᕆᓂᒃᑯᑦ.

"ᓄᓇᕗᑦ ᒐᕙᒪᖓ ᐋᖅᑭᒃᓯᔪᒪᕗᑦ ᒪᑭᒪᔾᔪᑎᑦᑎᓐᓂᒃ ᐱᕙᓪᓕᐊᔪᓐᓇᕐᓗᑎᒡᓗ ᐃᑲᔪᕐᓗᑎᒃ ᐱᐅᓯᕚᓪᓕᖁᓗᒍ ᐃᓅᖃᑎᑦᑎᓐᓄᑦ ᓯᕗᓂᒃᓴᒥᑦ, ᓄᓇᓕᑦᑎᓐᓂᒃ ᓄᓇᑦᑎᓂᒡᓗ,” ᐅᖃᖅᐳᖅ ᒥᓂᔅᑕ ᐊᕿᐊᕈᖅ. “ᑖᓐᓇ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧᑦ ᓇᓘᔭᓂ ᐊᑲᐅᓂᐊᖅᑐᖅ ᓯᕗᓂᒃᓴᐅᓕᒑᔪᓂ ᐃᑲᔪᕈᓐᓇᕐᓂᐊᕐᒪᑕ ᓄᓇᕗᑦ ᐃᓄᖏᓐᓂ.”

"ᑖᓐᓇ ᐊᑎᓕᐅᖅᑕᐅᓂᐊᖅᑎᓪᓗᒍ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧᑦ ᓴᙱᓂᖅᑖᖅᑎᑦᑎᑲᐅᑎᒋᓂᐊᕐᒪᑦ ᑲᑐᔾᔨᖃᑎᖏᓐᓂ ᐹᕙᓪᓛᒃᑯᓐᓂ ᐊᒻᒪ ᓄᓇᕗᑦ ᒐᕙᒪᖓᓂ,” ᐅᖃᖅᐳᖅ ᐳᕌᔭᓐ ᐸᓂ, ᐊᖓᔪᖅᑳᖅ ᐊᐅᓚᑦᑎᔨᒻᒪᕆᐊᓗ ᐹᕙᓪᓛᒃᑯᓐᓂ. “ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧᑦ ᐋᖅᑭᒃᓯᒪᔭᖓᑦ ᑲᑐᔾᔨᖃᑎᖃᐃᓐᓇᖅᐳᖅ, ᓯᕗᓂᒃᓴᒃᑲᓐᓂᕐᒧᑦ ᐋᖅᑭᒃᑕᐅᓂᐊᕐᓂᕆᔭᖓᑦ ᓇᓘᔮᑦ ᐅᔭᕋᖕᓂᐊᕐᕕᐊᓂ, ᐃᑲᔪᕐᓂᐊᕐᒪᑦ ᓄᓇᕗᒻᒥᐅᓕᒫᑦ ᐊᒃᖢᔫᑎᓂ ᑲᑎᖅᓱᕈᓐᓇᖃᑦᑕᕈᓐᓇᕐᓂᐊᕐᒪᑕ.”

ᐊᖏᕈᑎ ᓱᓕᓂᐊᕐᓂᕋᒃᑲᓐᓂᓯᔪᓐᓇᕐᒪᑦ ᓄᓇᕗᑦ ᒐᕙᒪᖓᓂ ᐊᒻᒪ ᐹᕙᓐᓛᓐ ᐱᕙᒌᔭᖅᓯᒪᔮᓂ ᑲᑐᔾᔨᖃᑎᒌᖕᓂᒃᑯᑦ ᐊᖏᖅᓯᒪᔭᖏᓐᓂᒡᓗ ᑲᔪᖏᖅᓴᐃᓇᓱᐊᖅᑎᓪᓗᒋᑦ ᐱᕙᓪᓕᐊᑦᑎᐊᕈᓐᓇᖁᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒫᑎᐅ ᐃᓛᓯᕗᐃᒃᔅ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
ᓄᓇᕗᒻᒥ ᒐᕙᒪᒃᑯᑦ
867 975-7818
867 222-0122
@email

ᔭᐃᓴᓐ ᓖᑦ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓘᔭᖕᓂᑦ ᓴᕕᕋᔭᖕᒥᒃ ᐅᔭᕋᖕᓂᐊᖅᑎᒃᑯᑦ
416 364-8820 x5032
416 529-2624
@email