ᐳᕙᒃᑯᑦ ᓄᕙᒃᑐᑦ ᓄᓇᓕᑦᑎᓐᓂ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᐊᐃᕐᕆᓕ 12, 2019
ᐃᓄᐃᑦ ᐋᓐᓂᐊᓕᖁᔭᐅᙱᖦᖢᑎᒃ
ᑐᓴᖅᑕᐅᔪᒃᓴᖅ
ᐳᕙᒃᑯᑦ ᓄᕙᒃᑐᑦ ᓄᓇᓕᑦᑎᓐᓂ
ᐅᓄᖅᓯᕚᓪᓕᕐᒪᑕ ᓄᕙᒃᑐᑦ ᐳᕙᒃᑯᑦ ᓄᓇᓕᑦᑎᓐᓂ, ᐱᔾᔪᑎᒋᔭᐅᑐᐃᓐᓇᕆᐊᓕᒃ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒧᑦ. ᖃᐅᔨᒋᐊᖅᐸᒡᓗᑎᑦ ᖃᐅᔨᔾᔪᑕᐅᔪᓐᓇᖅᑐᓄᑦ ᐃᖢᕐᕆᖏᒃᑯᕕᑦ:
- ᐆᓇᕐᓗᑎᑦ ᖁᐃᖅᓱᑲᑕᒡᓗᑎᓪᓗ;
- ᑲᒃᑭᓕᑲᑕᒡᓗᑎᑦ;
- ᐃᒡᒋᐊᕐᓗᒡᓗᑎᑦ;
- ᓴᐅᓂᙳᓗᑎᑦ;
- ᑕᖃᖓᖅᑰᔨᓗᑎᑦ; ᐅᕝᕙᓘᓐᓃᑦ
- ᓂᕆᔪᒪᑦᑎᐊᑲᑕᙱᓪᓗᑎᑦ.
ᐳᕙᒃᑯᑦ ᓄᕙᒃᑐᑦ ᓄᕙᒃᑐᖅᑎᑑᕗᖅ ᐅᕝᕙᓘᓐᓃᑦ ᓴᐅᓂᖑᔪᑎᑐᑦ, ᐃᒥᕐᔪᐊᐸᒡᓗᑎᑦ ᐊᒻᒪᓗ ᐃᒥᒐᒃᓴᖅᑐᕐᓗᑎᑦ, ᑕᖃᐃᖅᓯᑦᑎᐊᕐᓗᑎᑦ ᐊᒻᒪᓗ ᓂᕆᒐᔪᒃᑕᕐᓂ ᓂᕆᕙᒡᓗᑎᑦ. ᐆᓇᕐᓃᑦ, ᓴᐅᓂᙳᓃᑦ ᐃᒃᐱᒋᔭᑎᓪᓗ ᐃᓅᓕᓴᖅᑕᐅᔪᓐᓇᖅᐳᖅ ᐄᓯᓗᑎᑦ Tylenol−ᒥᒃ Advil−ᒥᒡᓘᓐᓃᑦ. ᐋᓐᓂᐊᕐᕕᔅᓯᓐᓄᙵᐅᓗᑎᑦ ᐋᓐᓂᐊᕈᑎᒋᔭᑎᑦ ᐱᕙᓪᓕᐊᑐᐃᓐᓇᖅᐸᑕ.
ᓄᑕᕋᓛᑎ ᐊᓂᖅᑎᕆᑦᑎᐊᖏᑉᐸᑦ ᐅᕝᕙᓘᓐᓃᑦ ᐊᒫᒪᑦᑎᐊᑲᑕᖏᑉᐸᑦ, ᐋᓐᓂᐊᕐᕕᓕᐊᕈᑎᑲᐅᑎᒋᓗᒍ. ᓄᑕᕋᐃᑦ ᖃᓂᒻᒪᒃᓴᕋᐃᐳᑦ ᐳᕙᒃᑯᖅ ᖁᐱᕐᕈᓄᑦ ᐊᐃᑦᑐᕐᓗᖕᓇᕐᒧᑦ.
ᐊᐃᑦᑐᕐᓗᐃᑦᑕᐅᓕᒪᔾᔪᑕᐅᔪᓐᓇᖅᑐᑦ ᐳᕙᒃᑯᑦ ᓄᕙᖕᓂᕐᒥᑦ, ᐅᑯᐊ ᒪᓕᒡᓗᒋᑦ:
- ᐊᒡᒐᑎᑦ ᐅᐊᓴᐃᓐᓇᐅᔭᕐᓗᒋᑦ ᐆᓇᔪᒃᑐᒧᑦ ᐃᒪᕐᒧᑦ ᐅᐊᓴᐅᑎᖃᖅᐸᒡᓗᑎᓪᓗ.
- ᖁᐃᖅᓱᓕᕌᖓᕕᑦ ᒪᑐᐊᖅᐸᒡᓗᑎᑦ.
- ᐊᐃᓯᒪᓗᑎᑦ ᓴᓇᕝᕕᖕᓂᑦ ᐃᓕᓐᓂᐊᕐᕕᖕᒥᓪᓘᓐᓃᑦ ᐳᕙᒃᑯᑦ ᐋᓐᓂᐊᕈᕕᑦ ᐊᐃᑦᑐᕐᓗᐃᑦᑕᐃᓕᒪᓗᑎᑦ ᐊᓯᖕᓄᑦ.
ᑐᑭᓯᒋᐊᖃᒃᑲᓐᓂᕈᕕᑦ, ᐃᓗᐊᖅᓴᐃᔨᒧᑦ ᐅᖃᖃᑎᖃᕐᓗᑎᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᕗᐊᓐᑎ ᕼᐊᓗᓇᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
@email