Tukhiqtut ilauyukhanik - Nunavunmi Ayuiqharnikkut, Hanayiunikkut Havaakhanunlu Titiraqalirnikkut Katimayiinnut
Inungnun Tuhaqtitauyukhaq
Tukhiqtut ilauyukhanik - Nunavunmi Ayuiqharnikkut, Hanayiunikkut Havaakhanunlu Titiraqalirnikkut Katimayiinnut
Hivuniqhiqtuiyumavit havaakhanun hivunikhanik Nunavunmi?
Nunavunmi Ayuiqharnikkut, Hanayiunikkut Havaakhanunlu Titiraqalirnikkut (NATOC) Katimayiit pinarialaqiyut uuktuutinik niruaqtauyukharniklu talvanga Nunavummiunik ilauyukhanik Katimayiinut malrungni ukiungni hivituniqaqtuik aullaqtirlutik Imaruqtirvia 2019.
Katimayingit uqaudjiuyut havaqatigiiktut tunihivaktullu qanuriliurutikhainik hivunikhanik pitquyiplutikl Ministanut Inuliriyitkut pitjutiqaqtunk Ayuiqharnikkut, Hanayiunikkut Havaakhanunlu, tuyuqtauplutik ihivriuqhitjutiniklu ihumaliutqikkiutikkut atani Ayuiqharnikkut Maligap.
Katimayiuyukuhat Nunavunmiutauyukhat, ihuaqtunik qauyimayukhat atuqhimayamingnitlu inmik havaakhanun havagvingnillu pivalliadjutikhanik Nunavunmi, unalu/uvaluuniit tadja havakhimmaaktukhat naunaitkutikhaqhutik atauhnirmi Nunavunmi havaakhanun, ikitqiyaungittumik tallimanit ukiunit havaakhimalutik pigumitku havaakhamun naunitkutiktik.
Naunaiqhittiarumaguvit taluuna Nunavunmi Ayuiqharnikkut, Hanayiunikkut Havaakhanunlu Titiraqalirnikkut (NATOC) Ktimayiit, uvaluuniit qanuqtut ilauniaraluaqqit, uqavigilugu Robert Clift, Aulapkaiyi HavaakhanunPivalliatjutikhat talvani: @email
###
Tuhagaqtidjutikhanut Uqarvikhaq:
Tracy Wood
Atugakhanut
Naunaiyaiyi
Inuliriyitkut Havagvia
867-975-5207
@email