ᓄᓇᕗᑦ ᒐᕙᒪᒃᑯᑦ (GN), Travel Nunavut −ᑯᑦ, ᐊᒻᒪᓗ ᓄᓇᖃᖄᖅᓯᒪᔪᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᑲᓇᑕᒥᑦ ᐅᓪᓗᒥ ᐊᑎᓕᐅᖃᐅᖕᒪᑕ
ᐱᕙᓪᓕᐊᔪᑦ ᓴᖅᑭᑕᐅᔪᑦ
ᓄᓇᕗᑦ ᒐᕙᒪᒃᑯᑦ, Travel Nunavut−ᑯᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᓂᒃᑯᑦ ᑲᑐᔾᔨᖃᑎᒌᖏᑦ ᑲᓇᑕᒥᑦ ᐊᑎᓕᐅᖅᑐᑦ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒥᑦ
ᐃᖃᓗᐃᑦ, ᓄᓇᕗᑦ (ᐊᐃᕆᓕ 17, 2019) − ᓄᓇᕗᑦ ᒐᕙᒪᒃᑯᑦ (GN), Travel Nunavut −ᑯᑦ, ᐊᒻᒪᓗ ᓄᓇᖃᖄᖅᓯᒪᔪᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᑲᓇᑕᒥᑦ ᐅᓪᓗᒥ ᐊᑎᓕᐅᖃᐅᖕᒪᑕ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒥᑦ (MOU) ᐊᐅᓚᑦᑎᔾᔪᑎᒧᑦ ᓇᖕᒥᓂᖃᑎᒌᖕᓂᕐᒧᑦ ᓴᕿᑎᑦᑎᔾᔪᑎᒧᑦ ᐱᕕᒃᓴᖃᖅᑎᑦᑎᓂᕐᒧᑦ. ᓴᕿᑎᑦᑎᓂᕐᒧᓗ ᐊᒻᒪᓗ ᐃᑲᔪᖅᓱᐃᓂᕐᒧᑦ ᐳᓚᕋᖅᑐᓕᕆᓂᕐᒧᑦ ᐃᓄᖕᓄᑦ ᓄᓇᕗᒻᒥᑦ.
"ᐃᓄᐃᑦ ᐱᓕᕆᖃᑕᐅᕙᓪᓕᐊᑐᐃᓐᓇᓕᕐᒪᑕ ᐳᓚᕋᖅᑐᓕᕆᓂᕐᒥᑦ ᖃᔅᓯᐅᓂᖏᑦ ᐅᓄᖅᓯᕙᓪᓕᐊᑐᐃᓐᓇᖅᖢᑎᒡᓗ ᐳᓚᕋᖅᑏᑦ ᐲᔪᒪᔪᑦ ᐊᔾᔨᐅᖏᑦᑐᒥᑦ ᐅᑭᐅᖅᑕᖅᑐᒥᑦ ᐱᓕᕆᓂᑰᓂᕐᒧᑦ," ᐅᖃᖅᐳᖅ ᒥᓂᔅᑕ ᐊᕿᐊᕈᖅ. "ᓄᓇᕗᑦ ᒐᕙᒪᒃᑯᑦ ᐊᑐᐃᓐᓇᐅᑎᑦᑎᔪᖅ ᐱᓕᒻᒪᒃᓴᕐᓂᕐᒥᑦ ᐱᕙᒌᔭᐅᑎᒧᑦ ᓄᓇᕗᒻᒥᐅᓂᑦ ᐊᑑᑎᖃᑦᑎᐊᖅᑐᒥᑦ ᐃᖃᓇᐃᔮᒥᑦ ᐊᒻᒪᓗ ᑖᓐᓇ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ ᐋᕿᒃᓯᓯᒪᕗᖅ ᐱᕙᓪᓕᐊᑎᑦᑎᔾᔪᑎᓂᒃ ᑖᔅᓱᒧᖓ ᑲᔪᓯᓂᖃᑦᑎᐊᖅᑐᖅ ᑐᕌᒐᕆᔭᐅᔪᑦ."
ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ ᓇᓗᓇᐃᖅᓯᒪᔪᑦ ᖃᓄᖅᑑᕈᑏᑦ ᓯᕗᓪᓕᐅᔾᔨᓪᓗᑎᒃ ᐱᖓᓱᑦ ᑲᑐᔾᔨᖃᑎᒌᓄᑦ ᐱᓕᕆᖃᑎᒌᓪᓗᑎ, ᐱᖃᓯᐅᑎᓗᒋᑦ ᐃᑲᔪᖅᓱᐃᓂᕐᒥᑦ ᐱᕙᓪᓕᐊᔪᒧᑦ ᓄᓇᖃᖄᖅᓯᒪᔪᑦ ᐳᓚᕋᖅᑐᓕᕆᓂᕐᒧᑦ ᓂᐅᕕᐊᒃᓴᑦ ᐊᒻᒪᓗ ᐱᕕᖃᖅᑎᑕᐅᓂᕐᒧᑦ; ᐱᕚᓪᓕᖅᑎᓪᓗᒋ ᐅᔾᔨᖅᓴᑦᑎᐊᕐᓂᕐᒥᑦ ᐊᒻᒪᓗ ᐱᔭᐅᔪᒪᓗᐊᖅᑐᓄᑦ ᓄᓇᖃᖅᖄᖅᓯᒪᔪᓄᑦ ᐳᓚᕋᖅᑐᓕᕆᓂᕐᒧᑦ; ᐊᒻᒪᓗ ᐊᔭᐅᖅᑐᐃᓂᕐᒧᑦ ᐊᒻᒪᓗ ᐱᓕᕆᐊᖃᕈᓐᓇᕐᓂᕐᒥᑦ ᐱᓕᕆᖃᑕᐅᓂᐊᕐᓂᕐᒥᑦ ᐃᓄᐃᑦ ᐱᕙᓪᓕᐊᔭᖏᓐᓂᑦ ᐊᒻᒪᓗ ᒪᓂᒪᐅᑏᑦ ᓄᓇᖃᖅᑳᖅᓯᒪᔪᓄᑦ ᐳᓚᕋᖅᑐᓕᕆᔨᒃᑯᓐᓂᑦ.
"ᐅᓪᓗᒥ ᐅᓪᓗᑎᐊᕙᐅᔪᖅ ᐳᓚᕋᖅᑐᓕᕆᓂᕐᒧᑦ ᓄᓇᕗᒻᒥᑦ!" ᐅᖃᖅᐳᖅ ᐹᑐᕆᒃ ᐊᒃᐸᓕᐊᓗᒃ, ᑕᑎᒪᔨ Travel Nunavut−ᑯᒃ ᐱᖁᑎᕐᔪᐊᓄᑦ ᑲᑐᔾᔨᖃᑎᒌᖏᓐᓄᑦ. "Travel Nunavut−ᑯᒃ ᐊᓕᐊᓇᐃᒍᓱᒃᐳᑦ ᐱᓕᕆᖃᑎᖃᕆᐊᒃᓴᖅ ᓄᓇᖃᖅᖄᓯᒪᔪᓄᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥᑦ ᐊᒻᒪᓗ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᕙᓪᓕᐊᓂᕐᒧᑦ ᓇᒻᒥᖁᑎᒋᔭᐅᔪᖅ. ᐊᑎᓕᐅᖅᑕᐅᔪᖅ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧᑦ ᐃᑲᔫᑎᑦᑎᐊᕐᓂᐊᖅᑐᖅ ᐃᓕᔭᐅᕙᓪᓕᐊᔭᕆᐊᖃᕐᒥᔪᒧᑦ ᓇᒻᒥᓂᖁᑎᒋᔭᐅᔪᓄᑦ, ᓂᐅᕐᕈᑎᒃᓴᓂᑦ, ᐊᒻᒪᓗ ᓴᓇᔪᓕᕆᓂᕐᒧᑦ ᐸᕐᓇᐅᑎᓄᑦ ᐊᑐᖅᑕᐅᔭᕆᐊᓕᖏᓐᓂᑦ."
"ᖁᕕᐊᓇᓪᓚᕆᒃᑐᖅ ᐱᕙᓪᓕᐊᓂᕐᒧᑦ ᐱᕚᓪᓕᖅᑎᑦᑎᔪᑎᐅᓪᓗᓂ ᐅᔾᔨᖅᓴᑦᑎᐊᕐᓂᕐᒧᑦ ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᓂᕐᒧᑦ ᓄᓇᕗᒻᒥᑦ," ᐅᖃᖅᐳᖅ ᑮᑦ ᕼᐃᓐᓄᕆ, ᐊᖏᔪᖅᑳᕐᔪᐊᖅ ᐊᒻᒪᓗ ᐊᐅᓚᑦᑎᔨᒻᒪᕆᒃ ᓄᓇᖃᖅᑳᖅᓯᒪᔪᓄᑦ ᐳᓚᕋᖅᑐᓕᕿᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥᑦ. "ᐱᔭᐅᔪᒪᔪᑦ ᐅᓄᖅᓯᒋᐊᕐᓂᖏᓐᓄᑦ ᐱᓪᓚᕆᖕᒥᑦ ᓄᓇᖃᖅᑳᖅᓯᒪᔪᓄᑦ ᐱᓕᕆᓂᑰᓂᕐᒧᑦ ᑲᓇᑕᒥᑦ, ᑕᑎᑐᕗᒍᑦ ᐃᑲᔪᖅᓱᐃᔪᓐᓇᕐᓂᕐᒥᑦ ᐊᒻᒪᓗ ᐱᕈᖅᐸᓪᓕᐊᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐳᓚᕋᖅᑐᓕᕆᓂᕐᒧᑦ ᓄᓇᕗᒻᒥᑦ ᐱᓕᕆᖃᑎᒌᖕᓂᒃᑯᑦ."
Travel Nunavut−ᑯᑦ ᐃᓚᒋᔭᐅᖃᑕᐅᔪᓄᑦ ᓇᒻᒥᖁᑎᒋᔭᐅᔪᓄᑦ ᑲᑐᔾᔨᖃᑎᒌᑦᖑᕗᖅ. ᑲᔪᖏᖅᓴᖅᑕᐅᔪᑦ ᐳᓚᕋᖅᑐᓕᕆᓂᕐᒧᑦ ᐱᕙᓪᓕᐊᓂᕐᒥᑦ ᐊᒻᒪᓗ ᐱᔪᒥᓴᐃᔪᖅ ᐃᓚᒋᔭᐅᖃᑕᐅᔪᓂᑦ' ᓂᐅᕕᐊᒃᓴᒃᓴᖏᑦ ᐊᒻᒪᓗ ᐱᔨᑦᑎᕋᖅᑕᐅᔪᒃᓴᐃᑦ ᓄᓇᕐᔪᐊᕐᒧᑦ ᐊᑐᐃᓐᓇᐅᑎᑦᑎᓗᑎᒃ ᓂᐅᕈᑎᖃᖅᑎᐅᓂᕐᒥᑦ, ᖃᐅᔨᓴᕐᓂᒃᑯᑦ ᐊᒻᒪᓗ ᑐᓴᐅᒪᖃᑦᑕᐅᑎᓂᒃᑐᑦ, ᓂᐅᕈᑎᒃᓴᖃᕐᓂᕐᒧᑦ ᐱᕙᒌᔭᖅᓯᒪᓂᒃᑯᑦ ᐊᒻᒪᓗ ᑭᒡᒐᖅᑐᐃᓂᒃᑯᑦ. ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥᑦ ᐱᓇᔪᒐᓱᓪᓚᕆᒃᑐᑦ ᐱᐅᓯᕚᓪᓕᖅᑎᑦᑎᓂᕐᒧᑦ ᐃᓅᓯᕆᔭᒧᑦ-ᒪᑭᑉᐸᓪᓕᐊᔾᔪᑎᒃᓴᓄᓪᓗ ᖃᓄᐃᓕᐅᖅᑕᐅᕙᒃᑐᓂᑦ ᓄᓇᖃᖅᑳᖅᓯᒪᔪᓂ ᑲᓇᑕᒥᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᒫᑎᐅ ᐃᓛᓯᕗᐃᒃᔅ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
ᓄᓇᕗᒻᒥ ᒐᕙᒪᒃᑯᑦ
867-975-7818
(867-222-0122) 645-6522 (ᐅᖃᓘᑎᕋᓛᖅ)
@email
ᔭᓇ ᕼᐃᒃᒪᓐ
ᐲᑎ ᑕᐅᑕᓐ
ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᑎᕙᓪᓗᓂ
ᐱᕙᓪᓕᐊᑎᑦᑎᔨ ᓄᓇᖃᖅᑳᖅᓯᒪᔪᑦ
ᐳᓚᕋᖅᑐᓕᕆᔩᑦ ᑲᑐᔾᔨᖃᑎᒌᖏᑦ ᑲᓇᑕᒥ
250-592-3838,
250-514-3480 (ᐅᖃᓘᑎᕋᓛᖅ)
@email
ᑲᕙ ᑲᓕ
ᐊᐅᓚᑦᑎᔨᒻᒪᕆᒃ
ᐊᐅᓪᓚᓂᕐᒧᑦ ᓄᓇᕗᒻᒧᑦ
867-979-3781
@email