Kinngarni aullaqattaqpaktuq tb-kut ihivriurhiniq iniqhimaliqtuq

Kingulirmik nutaanguqtiqhimajuq Tallimiut, Qiqaijarluarvia 17, 2019

Tahaqtitauyukhaq

Kinngarni aullaqattaqpaktuq tb-kut ihivriurhiniq iniqhimaliqtuq

Iqaluit, Nunavut (May 17, 2019) – Aanniaqtailinikkut Havagvik ublumi uqaqtun nakuujumik iniqhimaliqtun nunaptikni nunallaami-tamaat TB-kut aullaqattaqpatum ihivriurhiniq Kinngarni.

“Ihivriurhiniq Kinngarni ilaujuq kavamaptikni aularaanginniqtunik havagutaanik angikliharnikkut nunallaani qaujihimanirnik TB-kut, nutqaqtittijumaniani angikliharumapluginnlu ilitturijaudjutaani havauhilirutaanilu piqpiahimaliqtuni ukunanilu TB-qaqtuni kihimi hiamitilimaittumik,” uqaqtuq Minista Aanniaqtailinikkut George Hickes. “Ilitturihimaniq pihimajuq taapkunannga Qikiqtarjuamin, Tikirarjuami Kinngarinlu ihivriurhivangniinnin pipkaqtiniaqtaatigun pivallialiuqluni takijunik-hivituniqaqtunik nunallaani-tunnganiqaqtunik qanuriliurutikhanik ikajurutikhanik piiqtinninganik TB-mik tamaani nunaptikni talvuuna 2030-kut.”

Kingarni TB-kut ihivriurhiniq ihivriuqpaktait 80-ngujunik nunallaamiutanik talvani 12-ni havainirni. Kinngarniitilluni, Anniaqtailinikkut Havagvik pipkavaktun qaffiujunik hulidjutinik, ilauvaktuq nunallaami niripkaiplutik ilitturipkainikkullu katimanirmik, pivighaqaqtipkaiplutik nunallaamiutanun apirhuijaanginnik pilutiklu ilitturipkaidjutikhanik mighaagun TB-kut hiamitiridjutaanik, ihivriurhinirninganik havauhikhaudjutaaniklu.

Una piniarhimadjuti pijuq havaqatigiigutaanin Haamlatkun Kinngarni Nunavut Kavamatkunninlu (GN) havagviinnin Nunalingni Kavamatkunillu Pivikhaqautikkut uumanngalu Ilinniaqtuliqijikkut Havagvianinlu. Hapkuat ihivriurhirviit ikajuqtaujuummirhimajun ukunannga GN-kunnin paannarijainnin uvani Kanadamin TB-kut Havangnikkut Katimajiinnin, ilauyullu Inuit Tapiriit Kanatami, Nunavut Tunngavikkut, uumanngalu National Microbiology Lab-min uumanngalu Kanadaup Kavamanganin.

Aallanik ilitturipkaidjutikhanik TB-kut ihivriurhirnikkullu, taigudjavan una TB-kut Naunaitkutaq titiraq unalu Tuberculin Uvinikkut Ihivriuqhinikkut Makpiraannuaq.

###

Tuhaqtipkainikkut Uqaqvigijakhaq:

Wende Halonen
Anngajukhiq Tuhaqtidjutinun Havaktia
Kavamaliqiiyitkut Havagvia
867-975-6048
@email

Titiraq(t):

2019-05_hea_nr14_completion_of_cape_dorset_mobile_tb_clinic-ikw.pdf

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.