ᑕᓗᕐᔪᐊᕐᒥ ᒪᓕᒐᕋᓛᓕᕆᔨᒃᑯᓐᓄᑦ ᑲᑎᒪᔨᒃᓴᖅᓯᐅᖅᑐᑦ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑕᓗᕐᔪᐊᕐᒥ ᒪᓕᒐᕋᓛᓕᕆᔨᒃᑯᓐᓄᑦ ᑲᑎᒪᔨᒃᓴᖅᓯᐅᖅᑐᑦ

ᖃᐅᔨᒪᔭᖃᖅᐱᑦ ᐊᒻᒪ ᐱᓕᕆᓯᒪᓂᑰᕕᑦ ᐃᓄᖕᓂ ᐱᔾᔪᑕᐅᕙᒃᑐᓂᒃ, ᐋᖅᑭᐅᒪᓂᕐᒧᑦ ᐃᖅᑲᖅᑐᐃᓂᕐᒥᒃ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ? ᐃᑲᔪᖃᑕᐅᔪᒪᓇᔭᖅᐱᑦ ᐱᕋᔭᒃᑕᐅᓲᓄᑦ ᐊᒻᒪ ᐸᓯᔭᒃᓴᙳᖅᑎᑕᐅᓲᓄᑦ? ᑕᓗᕐᔪᐊᕐᒥ ᓄᓇᓕᖕᓂ ᒪᓕᒐᕋᓛᓕᕆᔨᒃᑯᓐᓄᑦ ᑲᑎᒪᔨᒃᓴᖅᓯᐅᖅᑐᑦ.

ᓄᓇᕗᒻᒥ ᒪᓕᒐᕋᓛᓕᕆᔨᒃᑯᑦ ᑲᑎᒪᔨᖏᑦ ᓄᓇᓕᖕᓂ−ᑐᙵᕕᓕᖕᓂᒃ ᐃᖅᑲᖅᑐᐃᖃᑦᑕᖅᑐᑦ ᐃᑲᔪᖅᖢᑎᒃ ᐱᕋᔭᒃᑕᐅᔪᕕᓂᕐᓂᑦ ᐊᒻᒪ ᐱᓕᕆᖃᑎᖃᖅᖢᑎᒃ ᐱᓂᕐᓗᒃᑎᑦᑎᓯᒪᔪᓂᒃ ᐱᕋᔭᖕᓂᒃᑯᑦ.

ᑲᑎᒪᔨᕋᓛᑦ ᐊᑭᓕᖅᓱᖅᑕᐅᓇᑎᒃ ᐱᓕᕆᖃᑦᑕᖅᑐᑦ ᐊᒻᒪ ᑲᑎᒪᔾᔪᓯᐊᖅᑎᑕᐅᓲᑦ ᑲᑎᒪᒐᖔᑕ. ᐱᓕᒻᒪᒃᓴᖅᑎᑕᐅᓇᔭᖅᑐᑦ.

ᐱᓇᓱᐊᕈᒪᓐᓂᕈᕕᑦ, ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᓇᓗᓇᐃᔭᖅᓯᒪᔪᑦ ᐱᕋᔭᒃᓯᒪᖕᒪᖔᑦ ᖃᐅᔨᓴᖅᑕᐅᔾᔪᑎᒥᓪᓗ ᐋᓐᑐᕇᐊ ᐊᐃᔭᐅᒻᒧᑦ ᑐᓂᔪᓐᓇᖅᑕᑎᑦ, ᑕᓗᕐᔪᐊᕐᒥ ᒪᓕᒐᓕᕆᔨᒃᑯᓐᓄᑦ ᐃᑲᔪᖅᑎᖓ, ᐅᕗᖓ @email. ᑐᑭᓯᒋᐊᒃᑲᓂᕈᒪᒍᕕᑦ: ᐅᖃᓗᒍᓐᓇᖅᐳᑎᑦ 867-561-5331 ᓇᕿᒃᑲᓐᓂᕐᓗᒍ 6.

ᑐᓂᓯᔪᒪᔪᓄᑦ ᐃᓱᓕᕝᕕᒃᓴᖃᖅᑐᖅ ᔫᓂ 27, 2019.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒪᑎᐅᓪᑕ ᒥᑕᑭᐅᕙᒻᐸ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6325
@email