Employés

You are here

ᑲᓇᑕᒪ, ᓄᓇᕗᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᐊᖏᖅᓯᓚᐅᖅᑐᑦ ᐊᔾᔨᐅᖏᑦᑐᒥᑦ ᐊᐅᓪᓛᖅᑎᕆᓗᑎᑦ ᓄᓇᕗᒻᒥ ᐊᑎᓕᐅᖅᑐᐃᓐᓇᐅᓚᐅᖅᑐᑦ ᑖᒃᑯᐊ

16 août  2019 

ᓴᕋᔅᓴᕈᖅᑎᑕᐅᓯᒪᔪᖅ
ᓴᖅᑭᖅᑕᐅᑦᑕᐅᑎᒋᓗᓂ

ᑲᓇᑕᒪ, ᓄᓇᕗᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᐊᖏᖅᓯᓚᐅᖅᑐᑦ ᐊᔾᔨᐅᖏᑦᑐᒥᑦ ᐊᐅᓪᓛᖅᑎᕆᓗᑎᑦ ᓄᓇᕗᒻᒥ
ᐊᑎᓕᐅᖅᑐᐃᓐᓇᐅᓚᐅᖅᑐᑦ ᑖᒃᑯᐊ

ᐋᒡᒌᔅᓯ 15, 2019 — ᐃᖃᓗᐃᑦ, ᓄᓇᕗᑦ — ᐃᓄᓕᕆᔨᑐᖃᒃᑯᑦ ᑲᓇᑕᒥ

ᒐᕙᒪᒃᑯᖏᑦ ᑲᓇᑕ, ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᐱᒋᐊᓕᓚᐅᕐᒥᔪᑦ ᓅᑦᑎᕆᓪᓗᑎᑦ ᓄᓇᕗᒻᒥ ᐅᓪᓗᒥ ᐊᑎᓕᐅᖅᑐᐃᓐᓇᐅᓪᓗᑎᑦ. ᒥᓂᔅᑕ ᑭᐅᕈᓕᓐ ᐸᓇᑦ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄ, ᒥᓂᔅᑕ ᔫ ᓴᕕᑲᑖᖅ, ᓯᕗᓕᖅᑎ ᓄᓇᕗᒻᒥ, ᐊᒻᒪᓗ ᐊᓗᑭ
ᑰᑦᑎᖅ, ᐊᖏᔪᖅᑲᖅ ᑐᓐᖓᕕᒃᑯᓐᓂ, ᐃᖃᓗᓐᓂ ᐊᑎᓕᐅᓚᐅᖅᑐᖅ ᓄᓇᕗᒻᒥ ᓄᑕᐅᓂᐊᖅᑐᓂᑦ ᐊᖏᖃᑎᒌᑦᑐᐃᓐᓇᐅᓪᓗᑎᑦ.
ᐊᖏᖃᑎᒌᑦᑐᐃᓐᓇᐃᑦ ᐃᓱᒪᓕᐅᖅᑐᑦ ᓄᓇᒥᑦ ᐊᒻᒪᓗ ᐊᑐᖅᑕᐅᔪᓐᓇᕐᓂᐊᖅᑐᓂᑦ ᓄᓇᕗᒻᒥᐅᑕᕐᓄᑦ, ᒪᑭᒪᔾᔪᑎᔅᓴᐃᓪᓗ ᐊᓯᖏᓪᓗ ᐱᕚᓪᓕᕈᑎᔅᓴᐃᑦ ᐊᑐᐃᓐᓇᐅᓕᕐᓗᑎᑦ ᐃᓄᓐᓄᑦ ᓄᓇᕗᒻᒥ. ᑕᒪᓐᓇ ᐊᖏᕈᑎ ᐅᑭᐅᓄᑦ ᑕᓪᓗᒪᓄᑦ ᐃᓗᐊᓂ ᐱᕙᓪᓕᐊᓂᐊᖅᑐᖅ.

ᐅᖃᖅᑕᐅᓚᐅᖅᑐᑦ
“ᓅᑕᐅᕙᓪᓕᐊᓂᖓᓐᓄ ᑲᒪᒋᔭᐅᓂᐊᖅᑐᖅ ᓄᓇᒥ ᐊᐅᓚᑦᑎᓂᕐᒥᑦ ᐃᒪᕐᒥᓪᓗ ᐅᑭᐅᖅᑕᖅᑐᒥ ᐃᓄᓐᓄᑦ
ᓯᕗᓪᓕᖅᐸᐅᔾᔭᐅᓂᐊᖅᑐᖅ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐅᓪᓗᒥ ᐊᑎᓕᐅᓚᐅᖅᑎᓪᓗᒋᑦ ᐊᖏᖃᑎᒌᑦᑐᐃᓐᓇᕐᓪᓗᑎᑦ,
ᐃᓄᐃᑦ ᓄᓇᕗᒻᒥ ᐱᕙᓪᓕᐊᑲᓐᓂᕐᓂᐊᖅᑐᑦ ᓄᓇᖓᓐᓂ ᐊᑐᕐᓗᑎᓪᓗ, ᐱᕙᓪᓕᕈᑎᔅᓴᓂᓪᓗ ᓴᖅᑭᖅᑐᖃᒃᑲᓂᕐᓗᓂ,
ᐅᑎᖅᑐᖅᑐᓂᓪᓗ ᐱᕙᓪᓕᐊᓗᑎᑦ.”

ᒥᓂᔅᑕ ᑭᐅᕈᓕᓐ ᐸᓇᑦ, M.D., P.C., M.P.
ᒥᓂᔅᑕ ᐃᓄᓕᕆᔨᕆᑐᖃᒃᑯᓐᓄᑦ

“ᐅᓪᓗᒥᐅᔪᖅ, ᐃᓕᓴᖅᓯᕗᒍᑦ ᐊᔅᓱᕉᑕᐅᕙᑦᑐᓂᑦ ᐱᓕᕆᐊᖑᓂᐊᖅᑐᓂᑦ ᐱᓕᕆᐊᖑᓯᒪᔪᓂᑦ ᐃᓱᒪᓕᐅᕈᑎᓂᑦ
ᓄᓇᕗᒻᒥ. ᑖᒃᑯᐊ ᓴᖅᑭᖅᑕᐅᔪᑦ ᓄᓇᕗᒻᒥ, ᖁᕕᐊᓇᖅᑐᖅ ᓯᕗᒧᐊᖅᐸᓪᓕᐊᒍᓐᓇᕐᓂᐊᓕᖅᑐᒍᑦ ᐱᔭᕇᔭᖅᑕᐅᓗᑎᑦ
ᐊᖏᕈᑎᐅᔪᑦ; ᐊᑕᐅᓯᕐᒥᑦ ᓄᓇᕗᒻᒥᐅᒥᑦ ᐊᐅᓚᑦᑎᓗᑎᑦ ᓄᓇᑦᑎᓐᓂ ᐃᓚᑦᑎᓂᓪᓗ, ᐱᕚᓪᓕᕈᑕᐅᓗᑎᓪᓗ ᑕᒪᒃᑯᐊ
ᖃᓄᐃᓘᕈᑕᐅᔪᑦ. ᐅᓗᒥᐅᔪᖅ ᐊᑎᓕᐅᖃᑎᒌᑦᑐᒍᑦ ᐊᔾᔨᖏᑦᑐᒥᑦ ᓴᖅᑮᓪᓗᑕ ᐊᑐᖅᑕᐅᔪᓐᓇᕐᓂᐊᖅᑐᓂᑦ ᐃᓄᓐᓄᑦ
ᑎᒍᒥᐊᖅᑕᐅᓂᐊᖅᑐᓂᑦ.”

ᒥᓂᔅᑕ ᔫ ᓴᕕᑲᑖᖅ
ᓯᕗᓕᖅᑎ ᓄᓇᕗᒻᒧᑦ

“ᑕᒪᓐᓇ ᐃᓱᒪᓕᐅᕈᑕᐅᓯᒪᔪᖅ ᓄᓇᕗᒻᒧᑦ ᐱᕙᓪᓕᐊᓂᐊᕐᓂᖏᓐᓂ ᐃᓄᓕᕆᔨᑐᖃᒃᑯᑦ ᓄᓇᖁᑎᖓᓐᓂ ᐊᒻᒪᓗ
ᓄᓇᕗᒻᒥ ᐃᓄᓐᓄᑦ ᐃᓕᓐᓂᐊᖅᑎᑕᐅᒃᑲᓂᕐᓗᑎᑦ ᐱᓕᕆᓂᕐᒥᑦ ᓄᓇᖓᓐᓂ ᐊᑐᐃᓐᓇᐅᒍᓐᓇᕐᓂᖏᓐᓂᓐᓗ.
ᑐᓐᖓᕕᒃᑯᑦ ᐊᔅᓱᕈᖃᑦᑕᖅᓯᒪᔪᑦ ᐃᖅᑲᓴᐃᔭᖅᑐᓕᕆᓂᕐᒧᑦ ᐸᕐᓇᐅᑎᓕᐅᖅᑐᑎᑦ. ᑕᒪᒃᑯᓂᖓ ᑕᑯᓂᐊᖅᑐᒍ
ᑮᓇᐅᔭᕐᓂᑦ ᐊᕐᕌᒍᒋᓛᖅᑕᑎᓐᓂ ᓄᓇᕗᑦ ᒐᕙᒪᒃᑯᓐᓂ ᐃᓕᓐᓂᐊᑎᑦᑎᖃᑦᑕᕐᓗᑎᑦ ᐃᓄᓐᓂ ᐃᖅᑲᓇᐃᔭᕐᓂᕐᒧᑦ
ᖃᓄᐃᑦᑐᑐᐃᓐᓇᕐᓂᑦ ᑕᐃᒫᒃ ᓄᓇᕗᒻᒥᐅ ᐱᔪᓐᓇᓂᖅᓴᐅᑲᕐᓂᕐᓗᑎᑦ ᐊᐅᓚᑦᑎᓂᖅᓴᐅᓗᑎᓪᓗ ᓄᑖᕐᓂᑦ
ᐱᓕᕆᐊᔅᓴᓂᑦ.”

ᐊᓗᑭ ᑰᑦᑎᐊᖅ
ᐊᖏᔪᖅᑲᖅ, ᓄᓇᕗᑦ ᑐᓐᖓᕕᒃᑯᑦ

ᓱᓕᔪᑦ

  • ᐊᑎᓕᐅᖅᑕᐅᓂᖓ ᐊᖏᖃᑎᒌᑦᑐᓄᑦ ᐱᒋᐊᖅᐸᓪᓕᐊᔪᖅ ᓅᑕᐅᓂᖏᓐᓄᑦ ᓄᓇᕗᒻᒧᑦ. ᐊᖏᖃᑎᒌᑦᑐᑦ ᐊᐃᕙᖃᑎᒌᓚᐅᖅᑐᑎᑦ ᓅᑕᐅᓂᐊᕐᓂᕐᒧᑦ ᐊᖏᕈᑎᖓᓐᓂ.
  • ᐊᖏᖃᑎᒌᒍᑕᐅᔪᖅ ᐃᓗᓕᖃᖅᑐᖅ 14−ᓂᑦ ᓱᓇᑐᐃᓐᓇᕐᓂᑦ ᒪᑯᓂᖓ ᓇᒻᒥᓂᖃᕐᓂᕐᒥᑦ, ᐊᐅᓚᑦᑎᓂᕐᒥᑦ ᑲᒪᒋᔭᖃᕐᓂᕐᒥᑦ ᓄᓇᖏᓐᓂ, ᐃᓗᓕᖏᓐᓂᓪᓗ ᐱᖁᑎᖏᓐᓂᓪᓗ; ᐃᓕᓐᓂᐊᑎᑦᑎᓂᕐᒧᑦ ᐊᒻᒪᓗ ᐃᖅᑲᓇᐃᔮᕐᓂᑦ
  • ᒪᓂᒪᔾᔪᑕᐅᔪᓂᑦ ᓄᓇᕗᒻᒥᐅᑕᐅᔪᓄᑦ; ᐊᒻᒪᓗ ᓂᖏᖅᑕᕈᓐᓇᕐᓗᑎᑦ ᓱᓇᒃᑯᑖᕐᓃᓐᖔᖅᑐᓂᑦ ᓄᓇᕗᒻᒧᑦ.
  • ᐊᓯᔾᔨᐸᓪᓕᐊᓗᑎᑦ ᐱᓕᕆᐊᖑᓂᐊᖅᑐᓂᑦ ᐊᐅᓚᑦᑎᓂᕐᒥᑦ ᓇᓗᓇᐃᔭᖅᓯᒪᓪᓗᑎᑦ ᐊᖏᕈᑕᐅᓯᒪᔪᓂᑦ.
  • ᐊᖏᕈᑕᐅᓯᒪᔪᑦ ᐊᒥᓱᓄᑦ ᐊᕐᕌᒍᓄᑦ ᐊᐃᕙᔾᔪᑕᐅᓯᒪᓕᖅᑐᑦ ᐅᖃᐅᓯᐅᖃᑦᑕᖅᓯᒪᓪᓗᑎᑦ ᑭᒡᒐᖅᑐᐃᔨᖃᖅᑐᑎᑦ ᑲᓇᑕᐅᑉ ᒐᕙᒪᒃᑯᖏᓐᓂ, ᓄᓇᕗᑦ ᒐᕙᒪᒃᑯᖏᓐᓂ ᑐᓐᖓᕕᒃᑯᓂᓪᓗ.
  • ᓄᓇᒥᑦ ᓱᓇᒃᑯᑖᕐᓂᓪᓗ ᐱᕙᓪᓕᐊᓂᐊᓂᕐᒥᑦ ᐊᐃᕙᔾᔪᑕᐅᔪᑦ ᐆᑦᑑᑕᐅᔪᖅ ᐊᑎᓕᐅᖅᑕᐅᓚᐅᖅᓯᒪᔪᖅ 2008−ᒥ, ᓇᓗᓇᐃᔭᖅᓯᒪᓪᓗᑎᓪᓗ ᐊᖏᖃᑎᒌᒍᑕᐅᓯᒪᔪᑦ ᓄᓇᕗᑦ ᐃᓗᐊᓅᖓᔪᓂᑦ. ᐆᑦᑑᑕᐅᔪᖅ ᓯᕗᓪᓕᖅᐹᒥ
  • ᐱᒋᐊᖅᐸᓪᓕᐊᓂᐊᓕᖅᑐᓂ ᓄᓇᕗᒻᒥ.

- 30 -

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᐱᕙᓪᓕᐊᔪᓂᑦ ᖃᐅᔨᒋᐊᕐᓗᒋ ᓇᓪᓕᐊ ᐅᑯᐊ:


ᒫᑎᐅ ᑎᓚᓐ ᓕᓐ
ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᐊᖏᔪᖅᑳᖅ
ᒥᓂᔅᑕᐅᑉ ᑭᐅᕈᕋᓐ ᐸᓇᑦ ᐊᓪᓚᕕᖓᓐᓂ
ᒥᓂᔅᑕ ᐃᓄᓕᕆᔨᑐᖃᒃᑯᓐᓅᖓᔪᓄᑦ
819-997-0002

ᐱᕙᓪᓕᐊᔪᓕᕆᓂᕐᒨᖓᔪᑦ
ᐃᓄᓕᕆᔨᑐᖃᒃᑯᑦ ᑲᓇᑕᒥ
819-934-2302
RCAANC.media.CIRNAC@canada.ca 

ᓄᓇᕗᑦ ᒐᕙᒪᒃᑯᖏᑦ
ᑲᑐᕆᐅᓇ ᒪᑲᓚᐅᑦ
ᐱᕙᓪᓕᐊᔪᓕᕆᔨ ᓯᕗᓕᖅᑎᒧᑦ ᓴᕕᑲᑖᖅ
867-975-5059
CMacleod@GOV.NU.CA

ᓄᓇᕗᑦ ᑐᓐᖓᕕᒃᑯᑦ
ᒪᓚᐃᔭ ᒥᑭᔾᔪᒃ
ᐊᖏᔪᖅᑳᑉ ᐃᑲᔪᖅᑎᖓ, ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ
867-975-4900
mmikijuk@tunngavik.com