ᓱᓕᓂᕋᕈᑎᑦ ᓂᕈᐊᒐᒃᓴᓄᑦ ᕼᐋᒻᒪᓚᒃᑯᓐᓄᑦ ᐃᓱᓕᕝᕕᒃᓴᓕᒃ ᓯᑎᐱᕆ 27, 2019-ᒥ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓱᓕᓂᕋᕈᑎᑦ ᓂᕈᐊᒐᒃᓴᓄᑦ ᕼᐋᒻᒪᓚᒃᑯᓐᓄᑦ ᐃᓱᓕᕝᕕᒃᓴᓕᒃ ᓯᑎᐱᕆ 27, 2019-ᒥ
ᓂᕈᐊᒐᒃᓴᑦ ᒪᐃᔭᒧᑦ ᐊᒻᒪ ᕼᐋᒻᒪᓚᒃᑯᑦ ᑲᑎᒪᔨᒧᑦ ᓄᓇᕗᒻᒥ ᑕᒪᐃᓐᓂᒃ 25−ᓂᒃ ᓄᓇᓕᖕᓂ ᐱᒋᐊᓛᖅᑐᑦ ᐅᑐᐱᕆ 28, 2019-ᒥ.
ᓄᓇᕗᒻᒥᑦ ᓂᕈᐊᖕᓂᓕᕆᓂᖕᒧᑦ ᐱᖁᔭᖓᓂᑦ ᓄᑖᖅ ᒪᓕᒃᑕᐅᔭᕆᓖᑦ ᕼᐋᒻᓚᑦᑯᓐᓄᑦ ᓂᕈᐊᖕᓂᖕᓄᑦ, ᓂᕈᐊᒐᒃᓴᐅᔪᓕᒫᑦ ᓇᓗᓇᐃᕐᓯᔭᕆᐊᓖᑦ ᓂᕈᐊᒐᒃᓴᐅᔪᓐᓇᖕᓂᖕᒥᓂᒃ. ᓂᕈᐊᒐᒃᓴᓕᐊᖑᔭᕆᐊᖃᕈᓐᓃᖅᑐᑦ. ᓂᕈᐊᒐᒃᓴᑦ ᐆᒃᑑᒪᔭᒍᓐᓇᖅᑐᑦ ᒪᐃᔭᒧᓪᓘᓐᓃᑦ ᐅᕝᕙᓘᓐᓃᑦ ᕼᐋᒻᒪᓚᒃᑯᓐᓄᑦ ᑲᑎᒪᔨᒃᓴᒧᑦ, ᑭᓯᐊᓂ ᑕᒪᐃᓐᓅᙱᑦᑐᖅ.
ᐊᔪᙱᑎᑕᐅᔪᑦ ᓂᕈᐊᒐᒃᓴᑦ ᕼᐋᒻᒪᓚᒃᑯᓐᓂ ᑎᑎᕋᖅᓯᒪᖃᑕᐅᔪᑦ ᓄᓇᕗᒻᒥ ᓂᕈᐊᒐᒃᓴᑦ ᐃᑭᐊᖅᑭᕕᖕᒥ.
ᓂᕈᐊᒐᒃᓴᐅᔪᑦ ᓇᓗᓇᐃᕐᓯᔭᕆᐊᓖᑦ ᓂᕈᐊᒐᒃᓴᐅᓂᖕᒥᓂᒃ 9−ᒥᑦ ᐅᓪᓛᒃᑯ ᓇᒡᒐᔾᔭ, ᓯᑎᐱᕆ 23, 2019 2−ᒧᐊᕋᓱᖕᓂᖓᓄᑦ ᐅᓐᓄᒃᓴᒃᑯᑦ ᐅᓪᓗᑐᐃᓐᓇᒥᑦ ᓯᑎᐱᕆ 27, 2019.
ᓂᕈᐊᖅᑕᐅᔪᑦ ᒪᐃᔭᐃᑦ ᐊᒻᒪ ᕼᐋᒻᒪᓚᒃᑯᑦ ᑲᑎᒪᔨᖏᑦ ᑲᑎᒪᔭᕆᐊᖃᓕᕌᖓᑕ ᑲᑎᒪᔭᖅᑐᖃᑕᐅᖃᑦᑕᕆᐊᖃᖅᐳᑦ, ᐃᓱᒪᓕᐅᕆᕙᒡᓗᑎᒃ ᓄᓇᓕᖕᓂ ᖃᓄᑐᐃᓐᓇᖅ ᐱᔾᔪᑕᐅᔪᓂᒃ. ᒪᐃᔭᐅᖃᑦᑕᖕᓂᐊᓕᖅᑐᑦ ᑲᑎᒪᔨᐅᓗᑎᒡᓗ ᐊᕐᕌᒍᓄᑦ ᑎᓴᒪᓄᑦ.
ᓂᕈᐊᒐᒃᓴᑦ ᖃᐅᔨᒋᐊᕈᓐᓇᖅᐳᑦ ᓂᕈᐊᒐᒃᓴᓕᕆᔨᒃᑯᓐᓄᑦ ᓄᓇᕗᒻᒥ ᐅᖃᓘᑎᒃᑯᑦ, ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ ᑐᑭᓯᓇᕐᓂᖅᓴᓂᒃ ᑐᑭᓯᔪᒪᒃᐸᑕ ᐱᓕᕆᐊᒃᓴᖏᓐᓂᒃ ᐊᒻᒪ ᐱᔪᓐᓇᐅᑎᖏᓐᓂᒃ.
ᖃᐅᔨᒋᐊᕐᓗᒋᑦ ᑐᑭᓯᓇᖅᑐᑦ ᓂᕈᐊᒐᒃᓴᑦ ᓄᓇᕗᒻᒧᑦ ᓇᓂᔭᒃᓴᐅᔪᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐃᑭᐊᖅᑭᕕᖓᓐᓂᒃ: https://www.elections.nu.ca/en/municipal-elections/municipal-council/ab… .
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᒪᔅᑖᕙ ᐃᐅᕆᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂᑦ ᒐᕙᒪᒃᑯᓪᓗ ᐱᔨᑦᑎᕋᖅᑎᒃᑯᑦ
867-975-5406
@email