GN-kuni qaritauyaliqijutait aktuqtaukmata ransomware-mit ihuilijutimit
Qilamik Takuupkaqtitakhaq
GN-kuni qaritauyaliqijutait aktuqtaukmata ransomware-mit ihuilijutimit
Iqalukni, Nunavumi (November 3-mi 2019-mi) – Salutimi, November 2-mi 2019-mi, nutaaq nalunavyaktuq ihuilijutaulaaqtuq ransomware-guyuq aktuqhiyuq GN-kunik, humiliqa ukiuqtaqtumi nunami. Ransomware-guyuq akmailairutiyuq inuup titiraqaqviinik aalatqiini atuqtauyuni havakviuyunilu. Taimainigagut, tamaita kavamani ikayuutit aturiaqaqtut akmaijutinik qaritauyami hivuniqhijutinik tuutqugauyut GN-kut qaritauyaliqijutaini aktuqtauyut, ukuagugituq Qulliq Aulajutinik Kuapariisiuyuq.
“Qauyipkarumayavut Nunavumiut havakpialiqtugut ihuaqhiyaagani una ihuilijutauyuq,” uqaqtut Hivuliqti Joe Savikataaq. “Atuqluaqtut ikayuutit aktuqtaulimagitut GN-kulu havakhimaginaqniaqtut havaaritilugu una ihuilijut. Ilagani kiguvaqniaquuqtuq utiqpaliatiluta qaritauyani havaaptiknik quyagiyatkalu tamaita inuit utaqilakmata kagiqhimanigniklu.”
Ihumaluknaituq tajanuaq ahiunigini nanminik inuup hivuniqhijutainik angiagiyauniginiklu itaarutinit. Imaiginaqtuq, ransomware-guyuq tuniuqhaiyuituq hivuniqhijutinik ahiinut ilauyunut akmailimagitulu iluaniitunik titiqanik. Akmalairutivaktuq atuqtumit ahiinik akmaiyaagani hivuniqhijutinik. Ihuilijutauyuq tikuaqtaukmat, GN-kut qilamik upihimayut ahiqpariagani qaritauyaliqijut, tuhaqtitugit qariyauyaliqijutinik ayugitut havaqatigivlugilu qaritauyami ihuaqutinik pipkaivaktut. Naunaqtuq nalautariagani utiqnikhaagut hivituniganik una pijutaulihaaqmat.
GN-kuni havakviuyut atuliqtut ihuaqhautinik upalugaiyautinik nuutqagitaagani ikayuutit Nunavumiunut. Utiqtiniga qaritauyami naunaipkutit ikayuqturiagani aaniaqtailinikut qatangutiriinut ikayuutinik, ilihaqtuliqiniqmik, apikhuiyuliqiniqmik maniliqinikmiklu, atuqaaqtukhat.
GN-kuni ikayuutit qahakhimainaqtut akmaumavlutiklu, kihiani ilagit ikayuutit kiguvakniaqtut. Aaniaqtut takuyauvagiagani, tamaita aaniaqtut apiriyauyut nakhariagani naunaipkutinuamiknik nahautinik iiyavaluilu munaqhilialiraagamik.
GN-kut havaktut naunaipkutit utiriagani atuqtaulaaliriaganilu qilaminuaq ayuqnaitpat, nahuriyulu amigainiqhat titiqat utiqtitauniaqtut, atuqlutik taja nutauniqhanik ajikutainik titiqaat tuutqumaviinik.
GN-kuni hivayautit Iqalukni naamainaqtut turaaqvikhaq hivayaqat talvatuaq. Hivayaqtut uqauhiinik hivayautinilu ikayuutit nunagiyauyumi aktuqtaugitut. Qigiqtani Aaniaqvikyuaq, ilihaqviilu humiliqaa ukiuqtaqtumi, Qigiqtaalukmilu Itiqtauvik, Nunavumilu Ukiuqtaqtumi Ilihaqpaaliqvikmi hivayautit aktuqtaugitut. Kituliqaa GN-kuni hilalukpat umiknigini tuhaqtitauniaqut GN-kut inuknik tuhaqtitiviagut.
Qanurilivalianigit uqautauniaqut qahakhigaagata uvuuna GN-kut inuknik tuhaqtitiviagut nalautikuluniit.
###
Tuhagakhaliqiyit Uqaqvigiyauniginik:
Chris Puglia
Tuyaumajutinik Ayugituq
Nunavut Kavamanga
1-587-834-2845
@email