ᓄᓇᕗᑦ ᒐᕙᒪᖓᑦ ᓱᕐᕋᖕᓇᖅᑐᓂᒃ ᓂᐅᕕᕐᕕᒃᑖᕈᒪᔪᓂᒃ ᐱᓇᔪᒍᒪᔪᓂᒃ ᐅᑕᖅᑭᓕᖅᑐᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓄᓇᕗᑦ ᒐᕙᒪᖓᑦ ᓱᕐᕋᖕᓇᖅᑐᓂᒃ ᓂᐅᕕᕐᕕᒃᑖᕈᒪᔪᓂᒃ ᐱᓇᔪᒍᒪᔪᓂᒃ ᐅᑕᖅᑭᓕᖅᑐᑦ
ᔫᓂ 1, 2020, ᒐᕙᒪᒃᑯᑦ ᓄᓇᕗᒻᒥ ᓂᐅᕕᕐᕕᒃᑖᕈᒪᕐᓂᕐᒧᑦ ᓱᕐᕋᖕᓇᖅᑐᓂᒃ ᐱᔪᓐᓇᐅᑎᑖᕈᒪᔪᓂᒃ ᐱᓇᔪᒍᓐᓇᖅᓯᓂᕋᐃᔪᑦ ᐊᐅᓚᑦᑎᓇᔭᖅᑐᓂᒃ ᓂᐅᕕᕐᕕᖕᒥᒃ ᐊᒻᒪᓗ ᖃᕆᓴᐅᔭᑎᒍᑦ ᑎᑭᓴᐃᔪᓂᒃ ᐊᐅᓪᓚᖅᑎᑦᑎᕙᒡᓗᑎᒃ ᓄᓇᕗᒻᒦᑐᓄᑦ.
ᐊᔪᙱᑎᑦᑎᓗᓂ ᐱᔪᓐᓇᐅᑎᑎᒍᑦ ᓂᐅᕕᕐᕕᖃᖅᑐᓂᒃ ᑎᑭᑎᑦᑎᖃᑦᑕᕐᓗᑎᒃ ᐊᒻᒪ ᓂᐅᕐᕈᑎᖃᖅᐸᒡᓗᑎᒃ ᓱᕐᕋᖕᓇᖅᑐᓂᒃ ᓄᓇᕗᒻᒥᐅᓄᑦ ᑕᐃᒫᒃ ᒪᓕᒐᑎᒍᑦ ᐃᓕᓴᕆᔭᐅᓯᒪᔪᓂᒃ ᐊᒻᒪ ᐊᑦᑕᕐᓇᙱᓐᓂᖅᓴᓂᒃ ᐱᔪᓐᓇᖅᓯᕚᓪᓕᕋᔭᖅᐳᑦ ᑭᐱᙳᐃᔭᐅᑎᒃᓴᓂᒃ. ᐱᔪᓐᓇᐅᑎᑖᖅᑎᑦᑎᓂᕐᒧᑦ ᐊᔪᙱᑎᑕᐅᓂᖅ ᐱᔭᕆᑐᔫᕗᖅ ᐊᑐᐊᒐᙱᓪᓗ ᐋᖅᑭᒃᓯᒪᓂᕆᔭᖏᑦ ᐱᕋᔭᒃᑐᓂᒃ ᓂᐅᕐᕈᑎᒃᓴᖃᖅᑎᑦᑎᑕᐃᓕᓂᕐᒨᖓᖕᒪᑕ ᓴᐳᑎᔾᔪᑕᐅᓪᓗᑎᒃ ᓄᓇᕗᒻᒥᐅᑦ ᒪᒃᑯᒃᑐᖁᑎᖏᓂᒃ. ᓄᓇᕗᒻᒥ ᓱᕐᕋᖕᓇᖅᑐᓄᑦ ᒪᓕᒐᐃᑦ ᐊᑐᐊᒐᐃᓪᓗ ᐊᔾᔨᒌᙱᑦᑑᑎᓂᒃ ᒪᓕᒋᐊᖃᖅᑐᖃᐅᕐᒪᑕ ᐱᔪᓐᓇᐅᑎᖃᑐᐊᕐᓗᓂ ᓂᐅᕕᕐᕕᖃᕐᓂᕐᒧᑦ ᓱᕐᕋᖕᓇᖅᑐᓂᒃ.
ᖃᐅᔨᕚᓪᓕᒃᑲᓐᓂᕈᒪᒍᕕᑦ ᐱᔪᓐᓇᐅᑎᑖᕐᓂᐅᑉ ᒥᒃᓵᓄᑦ ᓱᕐᕋᖕᓇᖅᑐᓂᒃ ᓂᐅᕕᐊᒃᓴᖃᖅᑎᐅᓂᕐᒧᑦ ᖃᓄᖅ ᐊᑐᐊᒐᖃᕐᒪᖔᓪᓗ ᐱᓇᔪᖃᑕᐅᔪᒪᒍᕕᑦ, ᑕᑯᒋᐊᕈᓐᓇᖅᑕᐃᑦ ᒐᕙᒪᒃᑯᑦ ᑮᓇᐅᔭᓕᕆᔨᖏᑦᑕ ᐱᓕᕆᕝᕕᖓᑕ ᐃᑭᐊᖅᑭᕕᖓ (https://gov.nu.ca/iu/kiinaujalirijikkut/information/surrangnaqtumik-niu…) ᐃᕐᖐᓈᖅᑕᐅᑎᒃᑯᓪᓘᓃᑦ @email.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email