Qalagjuarniq-19 GN Ilitturipkaidjutit - Qiqaijaluarvia 19, 2020
Hivuliqtiup nutaaq ilitturipkaidjutaa:
Ublukkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.
Ublumi, atauttimun amigaitilaanginni inuit ihivriuqhiqtaujun ublumimun unaujuq 948. 261 inuit tadja huli ihivriuqhiqtaujun.
Atauhiq Nunavunmiutaq taaktiliaqhimajuq tingmitikkut Hivurani Kanadami ihivriuqhiqtaudjutait naunaiqtaujuq aannialiqtuq taffuminga COVID-19 Qalagjuarniq. Namainnaqtuk, imaalu nakuukpiaktumik munarijauttiaqhutiklu. Aanniarviliaqhimajup munaqtigijaa malikhimajuq avalingaqtitauliqtuq imaalu munarijauttiaqhunillu qanurinniariakhanik. Naniittakhaingnik najuqtaak naunaiqtauhimaittuq kittumillu nunaqariakhainnik naunaiqtaulimaittuq. Aannialiqtuq hilataaniinmat avikturnianit imaalu pilaarutiqarmangnik hiamittiqtakhaungittunut.
Tuharunaqhijuillu, havaktiinut ilaujuq taffumani Embassy West hivitujumut munaqtauvianni najuganni, talvani ilangit U+inirnikhangutivut hivitujumut munarijaujut, ihivriuqhidjutait naunaiqtaujuq aannialiqtuq taffuminga aanniarunmik COVID-19 Qalagjuarniq. Tamna inuk aktuqhihimaittuq inirnikhaanik talvaniittunik najugaani. Havagviat Aanniaqtailinikkut uqaqatigivaktait tamaita ilagiijait qanurinniagut, ikajurumajullu imaalu tuhaqtitiqattarniaqtut qanurittakhaingnik.
Tamaita aanniarviiit imaalu aanniarviliawhimajut ituqtirniit maliktaujariaqaqtunik maliktakhaqaqtut ikiglinahuaqhugit qayangnarniit hiamittailitikhanut COVID-19 Qalagjuarniq. Kavamakput havakhimmaarniaqtut havaqatiglugit najuqtaujut naunaittumik aanniaqtailitikhanik qajangnaitkutikhaniklu Nunavunmiut hivuraanut taaktiliaqhimajut.
Ikajuqatigiikluta tamapta avatingnut ajuqhautigijaptingni.
Uqautijumajatka nakuujumik nakuuhinariquplugillu aanniarnmitimaalu tamaffingnit katimaluta uqautidjavavut tamapta nakuuhinaqiqulugit.
Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:
Havagviat Aanniaqtailinikkut
COVID Hivajautaa unalu inmikkut-ihivriurnikkut ikajuutikhat
Inuk kituliqaak ihumagumik akuktauvaktun Qalagjuarniq-19min uqaqtukhaujut hivajautikkut COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut 14nik ublurnik.
Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health
Tingmijut utiqtun naunaikutit:
|
Aullarvia Ublua |
Amigaitilaangin Tingmijun Avaliingarvingnin |
|
Qiqaijarluarvia 19 |
19 |
|
Qiqaijarluarvia 20 |
27 |
|
Qiqaijarluarvia 21 |
39 |
|
Qiqaijarluarvia 22 |
12 |
|
Qiqaijarluarvia 23 |
14 |
Ihariagijauqpiaqtuni Havaktini Tukhirutin
Talvanga Qiqaijaluarvia 18, pilik 1,039 tukhirutinik, 870 taapkuat ihariajijauqpiaqtunin havaktinin tukhirutiujun.
|
Tukhirutini Qanurittuq |
# |
% |
|
Angiqtaujun (ilaujun ihariagijijauqpiaqtun ihariagijaulluangittullu) |
870 |
84.3% |
|
Qingijaujun |
121 |
11.9% |
|
Ihumaliurutaujut huli |
48 |
3.9% |
|
Attautimun |
1039 |
100% |
Aulahimaaqtun havagutit:
Pidjutikhat aanniaqtailinikkut munaqhitikhanik havagutit aullajunaittut hailihimaarniaqtut tamainni nunallaani 7-ni ubluni havainirmi. Tamaita amirakhuutaungittut takujaujumajut naunaijaqtauvangniaqtut ubluq tamaat. Qilamik piyaanirit qilamiurnikkut aaniaqjuaqtunun aanniaqtilinirmun munaqhijut kivgaqtuutait aulahimaarniaqtut piinarialgit 24ni ikaarnirni ubluni, 7ni ubluni havainirmi. Tamaita inuit apirijaujut hivajaqujaujut munaqhiliaqtinnatik.
- Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
- Nutarannuanik ihivriuqhirviit, hingaijunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
- Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.
IhuaqhaqtauhiQiqaijarluarviaut kivgaqtuutit:
Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.
Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.
Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait. Tamaita ihivriuqhirvikhait kinguvaktitaujut.
MHA nuutiqtait hivajautikkut naunaiqhitikhait imaalu ikajuqhirvikhainnik ilanginut aanniaqtunut. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ayuqhaliliqpallaruvit, munaqhiliadjavutit. Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.
Umikhimaniaqtun/Nutqaqtitauniaqtun/Aulahimaitun Hadja kivgaqtuutikhainnik:
Amigakhuutaujuinnait kiguutaijaqtit kivgaqtuutikhait tunijauniaqtut tamainni Nunavunmi nunallaani qakugu tuhaqtitauffarniaqquhi.
Aallangajut ihivriuqtauvikhait taimaaqtitauhimajut. Havaktauliqtut ihumaliuriangini kitut aaniaqtut takujaujaaqtut hivayaqtaulutik/naunaiyaqhimajut munaridjutikhait.
Tamaita aulariaqangitut tingmilutik ihumaliqinikkut aanniaqtailinirmun ilailu taimaaqtitauyut. Tamainut aullariaqangitkumik tingmilutik ilamingnun pulaaqtitauyut aanniaqtunun munariyauyunun taimaaqtitauyut.
Pulaaqtiqalimaittut hivitujumut iglugijaujunni iNunavunmi – Munarihimmaaqtauviitlu Igluqpangmiuyut (CCCs) umanillu Inirnikhat Aimaviit.
Nunavunmiut inuuhiit ikajuqtigiiktumik munaridjutivut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.