Qalagjuarniq-19 GN Ilitturipkaidjutit - Imaruqtirvia 4, 2020

Ministaup Aanniaqtainikkkut pidjutigiplugu Hivuliqtip ilitturipkaidjutikhaa:

Ublaakkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Ublumi, atauttimun amigaitilaanginni inuit ihivriuqhiqtaujun ublumimun unaujuq 1,122. 106 inuit tadja huli ihivriuqhiqtaujun.

Aullaqtirlutik Hivullinmi, Imaruqtirvia 8, Iqaluit Beer unalu Wine Niuvirvik angmarniaqtuq Inirnikhaanut avatqumajumik 60 ukiuqaqtut ubluqhiutikkut 1-4 ubluummat Hivulliunmi. Hamna maliqujauhimajuq naunaittiaqtakhatit inuqarnirmiuguvit qanituriiktukhaungitut imaalu inugiangnirmiuttailitikhanik Inirnikhaat, imaalu apirijatka tamaita inuit maliqajakhat tamna ihumagilugullu. Ihumatqujatkalu inungnut tamainut nuvviktitigumik inungmik aalamik ublurmi amigaitilakhanginnik talvani Beer unalu Wine Niuvirvik ihumagijaujuq imaatut niuvrutiqaqtunik taanngarnik.

Puiguqtailitqujaffi tamaffi huligaluaqtitilutit havangnaidjutaani, imaatut unngahiktigidjvutit malrungnik metres-mik inuqarnirmiitkuvit, qanitturiikhimaittumik, uaqattaqpaklugit algakkit imaalu aihimalutit aanniangaliruvit.

Maliqatqujauhimajut aullanganingnaqtumik aannialiqtailijaptingni. Nutqaqtitpallianialiraptigiik maliqqujauhimajut pittailijauhimajulluuniit, tamapta aullaranginaqtumik malittiarlavut maiktakhat qajangnaittumik aannialirnaittumiklu.

Minista Inulirijitkunni tuhaqtitakhaa

Ullaakkut,

Ilangat Kavamanga Kanadaup kiudjutaat COVID 19 qalagjuarniq aanniarjuarutaanut,inirnikhaat tunijauvaktut naliangnik Aaquaqhiutit Inutquaqhiutitlu (OAS) umingaluuniit Itquumayut Manikhaakhanut Ikayuutait (GIS) tunijauniaqtut atauhiikhimajumik taksiijautaittumik akiliuhiakhamik.

tapkuat inirnikhaat pillajut taffuminga Aaquaqhiutit Inutquaqhiutitlu tunijauniaqtut aallamik ilaurutikhamik $300 imaalu tapkuat inirnikhaat pillajut taffuminga Itquumayut Manikhaakhanut Ikayuutait tunijauniaqtut aallamik ilaurutikhamik $200.

This payment will be available to all individuals who are already eligible to receive the Aaquaqhiutit Inutquaqhiutitlu imaaluuniit Itquumayut Manikhaakhanut Ikayuutait Imaruqtirvia 2020. Akiliqtaujut ilijauniaqtut.

Nunavut Kavamanga akhuuqpaktut inirnikhaangutivut ikajuqtauvaktut munarittiaqtauvakhutiklu. Taimaittumik, quviahuktunga tuhaqtitiplunga Nunavut Kavamanga malinganguqtitijut ilaungittut maligaruagakhanut uminga atauhiakhugu akiliuhiakhamik angiglijuummiutikhanut OAS unalu GIS. Hamna tunihidjutauniaqtuq angnikharmi aktilakhanik maniit Kavamanga Kanadaup Nunavut Kavamanga inirnikhaanut Ikajuuhiaqpaktunut ajuqhaqpaktut kiinaujakhamingnik.

Quana.

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinikkut

Ihariajijauqpiaqtun havaktiin ilaungittunut tuhaqtidjut nunaqaqtut aullarahuaqtut imaaluuniit tikiffaarahuaqtut Nunavunmut

Tadja timngmittikkut aullarniq Nunavunmit pitqujaungittuq imaalu pijariaqaqtut 14-ubluni avalingaktukhaujut itiqtirvingmi hivuagut tingmitikkut utiriamingnik avikturniannut. Tamarmik Nunavummiut, kitkunni havaiqaraluakhutik, pijariaqaqtut 14-ubluni avalingaqtukhaujut itiqtirvingmi. Hapkuanginnait ihariagijaukpiaktut havaktikhat uuktuqtaaktut avalingarvikhanik ilaujakhaittunut. Angiqtaujuq ilaungittut taffumangainnaq munarijaujuq Atanilluaq Nunalaani Aanniaqtailinikkut Havaktip havagvianit tunijaulimaittuq angiqtaulimaittuq kitkunit Nunavunmi havagviinit.

Ukpiruhukkuvit ilaujutit hapkununga ihariajijauqpiaqtun havaktiinut, uuktuutikharnik tujudjavutit CPHO -mut tujurlutit taffuminga Ihariagijaukpiaktut Havaktikhat ilaungittunut titiraqtakhamik taffumunga [email protected]. Angiqtauhimaitkuvit CPHO-mit ihariagijaukpiaktut havaktikhat ilaungittut, avalingaqtukhaujutit 14 ubluni uvani GN-kuni avalingarvikhat itiqtirvingmi.

Naunaiqhittiarumaguvit tingmitikkut pittailijaujunik, ihariagijaukpiaktut havaktikhat qanurinnia imaaluuniit tadja inungnut aanniaqtailinikkut maliqatqujauhimajunik, takulugu https://www.gov.nu.ca/health/information/covid-19-novel-coronavirus

COVID Hivajautaa unalu inmikkut-ihivriurnikkut ikajuutikhat

Inuk kituliqaak ihumagumik aktuqtauvaktun COVID-19 Qalagjuarniq uqaqtukhaujut hivajautikkut COVID-hotline uvani 1-888-975-8601 talvuuna 10mi ublaami 6mun unukpat, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut 14nik ublurnik.

Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health

Avalingarvikhat najugakhakkut ihuiguhuutit tujurvikhaq

Nutaaq qaritaujakkut titirarvikhaq piliuqtaujuq nakuutqijamik ihuaqhaivikhanik ihumaluutaujunik uqaqtaujukniklu inungnit iniqhihimajunit 14-ubluni avalingarvikhat tapkunaniihimajut avalingarvikhat najugakhaanni hivurani Kanadami. Nutaaq qaritaujakkut titirarvikhaq ikajuutauniaqtuq ikiglitaarutauluni taffumani COVID akiittukkut hivajautaanut,aanniaqtunut kivgaqtuidjutit unalu CPHOTravelRequests titiqilvianut. Nutaaq qaritaujakkut titiqilvikhaq imaatut @email.

Qaffiujun

Tingmijut utiqtun naunaikutit:

Ihariagijauqpiaqtuni Havaktini Tukhirutin

Talvanga Imaruqtirvia 2, pilik 1,352 tukhirutinik, 1025 tapkuat ihariajijauqpiaqtun havaktiin tukhirutiujun.

Havagviat Nunalingni Kavamatkunillu Pivikhaqautikkut Ikajuutikhainik

GN-kut havagviit igluqpait tamainni nunalaani umikhimaniaqtut inungnut. Inuk katimajukhaugumi GN-kuni havaktianik, hivajainnariaqaqtut havaktip nampaanut naunaiqhilutik qanuriliurutikhamingnik. Talgunautinnatit hivajadjavutit naunaiqhijarni ublukhanik ubluqhiutikkut takujauvikharnik.

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.