ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓴᖅᑭᑕᐅᕙᓪᓕᐊᔪᑦ - ᐊᐅᒍᔅᑎ 17, 2020

ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ.

ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 2,023-ᖑᓕᖅᐳᑦ. 252-ᖑᓪᓗᑎᒃ ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐊᖅᓵᕐᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᕐᓂᕆᕙᒃᑕᖏᓐᓄᑦ

ᐅᖃᓗᒃᐸᒌᖕᓂᖅ ᐋᓐᓂᐊᕕᖕᓄᑦ

ᑭᓯᐊᓂ ᑐᐊᕕᕐᓇᖅᑐᒃᑯᑦ ᐋᓐᓂᐊᓕᕈᕕᑦ, ᐅᖃᓗᖅᑳᕆᑦ ᐋᓐᓂᐊᕕᖕᒧᑦ ᐅᐸᓚᐅᙱᓐᓂᕐᓂᑦ. ᐅᖃᐅᓯᕆᓗᒋᑦ ᖃᓄᐃᓐᓂᕆᔭᑎᑦ, ᐋᓐᓂᐊᓯᐅᑎᓪᓗ ᐅᖃᓘᑎᒃᑯᑦ ᖃᐅᔨᓴᕈᓐᓇᖅᑐᑦ ᐃᓂᒃᓴᓕᐅᕈᓐᓇᖅᖢᑎᒡᓗ ᐃᓅᓕᓴᐃᑦᑎᐊᕐᓂᐊᕐᓗᑎᒃ.

ᒪᑐᐊᖅᓯᒪᖃᑦᑕᕐᓂᖅ ᐋᓐᓂᐊᕕᖕᓂ

ᐋᓐᓂᐊᕕᓕᐊᕈᕕᑦ ᐊᓂᕐᓂᕐᓄᑦ ᐱᔾᔪᑎᖃᕐᓗᑎᑦ ᓲᕐᓗ ᖁᐃᖅᓱᑲᑕᒡᓗᑎᒃ, ᑕᒋᐅᒃᓴᑲᑕᒡᓗᑎᒃ, ᑲᒃᑭᓕᑲᑕᒡᓗᑎᓪᓘᓐᓃᑦ, ᒪᑐᐊᖅᓯᒪᔭᕆᐊᖃᖅᐳᑎᑦ. ᒪᑐᐊᒃᓴᖃᙱᒃᑯᕕᑦ, ᐅᖃᐅᑎᓂᐊᖅᐸᑦ ᑕᑯᔭᑦ ᐋᓐᓂᐊᕕᖕᒥ ᖃᓄᐃᓐᓂᕆᔭᕐᓂᒃ, ᑐᓂᔭᐅᔪᓐᓇᕐᓂᐊᖅᐳᑎᓪᓗ.

ᓄᑦᑕᕐᕕᐅᒐᔪᒃᐸᒃᑐᑦ ᐃᓃᑦ (ᓄᓇᑦᑎᐊᖅ/ᑰᒡᔪᐊᖅ)

ᓄᓇᕗᒻᒥᐅᑦ ᓄᒃᑕᖅᑐᑦ ᓄᓇᑦᑎᐊᓪᓗ ᓄᓇᕗᓪᓗ ᐅᕝᕙᓘᓐᓃᑦ ᑰᒡᔪᐊᕌᓗᒡᓗ ᓄᓇᕗᒻᒥᓪᓗ ᐅᐸᒃᑕᐅᑦᑕᐃᓕᒪᖃᑦᑕᕆᐊᖃᕈᓐᓃᖅᐳᑦ ᖃᓄᐃᓕᖓᓂᕆᔭᐅᔪᑦ ᒪᓕᒃᖢᒋᑦ. ᑭᓯᐊᓂᑦᑕᐅᖅ, ᑕᐃᒃᑯᐊ ᓄᒃᑕᖅᑐᑦ ᓄᓇᕗᒻᒥᙶᕐᓗᑎᒃ ᐊᐅᓚᕐᓂᕐᒧᑦ ᐅᐸᒃᑕᐅᒐᔪᒃᑐᒧᑦ ᐱᓯᒪᔭᕆᐊᖃᖅᐳᑦ ᑎᑎᖅᑲᒥᒃ ᑭᑭᑕᐅᓂᕐᒥᓂᒃ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ ᐅᑎᕐᓂᐊᕐᓗᑎᒃ ᑕᒪᐅᖓ ᐅᑭᐅᖅᑕᖅᑐᒧᑦ. ᖃᖓᑕᓲᑦ ᑭᓇᑐᐃᓐᓇᑦᑎᐊᒥᒃ ᐃᑭᔪᓐᓇᖅᑎᑦᑎᔾᔮᙱᓚᑦ ᖃᖓᑕᓲᒧᑦ ᑎᑎᖅᑲᒥᒃ ᐱᓯᒪᙱᑦᑐᓂᒃ ᐊᔪᖅᑎᑕᐅᙱᓐᓂᕐᒥᓄᑦ ᐋᓐᓂᐊᖃᙱᑦᑐᓕᕆᔨᓪᓗᐊᑕᕐᒥᑦ. ᐱᔪᒪᓗᓂ ᑕᐃᒪᐃᑦᑐᒥᒃ ᑎᑎᕋᖅᓯᒪᔪᒥᒃ, ᐅᑯᐊ ᖃᐅᔨᒋᐊᕐᕕᒋᓗᒋᑦ, @email ᓄᒃᑕᖅᑐᖃᓚᐅᙱᓐᓂᖓᓂ. ᐊᑐᖅᑕᐅᒐᔪᒃᑐᑦ ᓄᒃᑕᕐᕕᐅᕙᒃᑐᒧᑦ ᐃᓂᒧᑦ ᒪᒋᐊᓖᑦ ᐅᑯᐊᖑᕗᑦ:

• ᐊᐅᓪᓚᕆᐊᖃᖅᑐᑦ ᓄᓇᕗᒻᒥᙶᕆᐊᓕᑦ ᑰᒡᔪᐊᕌᓗᒻᒧᑦ ᐅᕝᕙᓘᓐᓃᑦ ᑰᔾᔪᐊᕌᓗᒻᒥᑦ ᓄᓇᕗᒻᒧᑦ.
• ᐊᐅᓪᓚᕐᓂᐊᕐᑐᑦ ᐊᐅᓪᓚᕐᕕᐅᔪᓐᓇᖅᑐᑦ ᓯᓚᑖᓃᙱᓪᓗᑎᒃ ᐱᓇᓱᐊᕈᓰᓐᓄ ᒪᕐᕉᓄᑦ ᐊᐅᓪᓚᓚᐅᖅᑳᕋᑎᑦ ᓄᓇᑦᓯᐊᒧᑦ, ᑰᔾᔪᐊᕌᓗᒻᒧᑦ ᓄᓇᕗᒻᒧᓪᓘᓐᓃᑦ.
• ᐊᐅᓪᓚᕐᑐᐃᑦ ᐊᐅᓪᓚᕐᕕᐅᔪᓐᓇᖅᑐᓃᒋᐊᓖᑦ ᐊᐅᓪᓚᕐᓯᒪᑎᓪᓗᒋᑦ.

ᓄᒃᑕᖅᑐᑦ ᐋᖅᑭᒃᑕᐅᓯᒪᕙᒌᖅᑐᑎᒍᑦ ᖃᖓᑕᓂᕆᔭᐅᔪᑎᒍᑦ ᕿᑎᕐᒥᐅᑦᓃᑦ ᐊᓯᐊᓂᓪᓗ ᐃᓂᓂᑦ ᓄᓇᕗᒻᒥᑦ ᓄᖅᑲᕆᐊᖃᖅᖢᑎᒃ ᐊᓯᐊᓄᓪᓘᓐᓃᑦ ᑎᖕᒥᓲᒧᐊᕆᐊᖃᖅᖢᑎᒃᔭᓗᓇᐃᒥ, ᓄᓇᑦᑎᐊᒥ, ᑭᑭᑕᐅᔪᓐᓇᖅᐳᑦ ᐱᔭᐅᔭᕆᐊᓕᖕᒥᑦ ᓴᖅᑭᑎᑦᑎᔭᕆᐊᖃᕐᓂᕐᒥᒃ ᓱᓕᓪᓚᕆᒃᑐᒥᒃ ᐊᔪᖅᑎᑕᐅᙱᓐᓂᕐᒥᓂᒃ.

ᐊᐅᓪᓚᖅᐸᒃᑐᑦ ᓄᓇᕗᒻᒧᑦ ᐅᑎᖅᐸᓪᓕᐊᔪᑦ:

ᑕᒪᕐᒥᑦᑎᐊᖅ ᓄᒃᑕᖅᑐᑦ ᑐᓂᓯᔭᕆᐊᖃᖅᐳᑦ ᐅᐸᒃᑕᐅᑦᑕᐃᓕᒪᓂᕐᒧᑦ ᑎᑎᕋᕆᐊᓕᖕᒥᒃ ᐅᑯᓄᖓ, @email ᖃᐅᔨᒪᓕᑐᐊᕈᑎᒃ ᐊᐅᓪᓚᕐᕕᒃᓴᐃᑦ ᐸᕐᓇᒃᑕᐅᓯᒪᓕᕐᓂᖓᓂᒃ,  ᐊᐅᓪᓚᖅᑐᓕᕆᔨᑦ ᐱᓕᕆᔨᖏᑦ ᓇᓗᓇᐃᖅᓯᔪᓐᓇᖁᓪᓗᒋᑦ ᐃᒡᓗᕈᓯᕐᒥᒃ ᒪᓂᒪᔪᖃᕐᒪᖔᑦ ᐃᓂᒃᓴᓕᐅᕐᓗᑎᒡᓗ ᐃᓂᒋᓂᐊᖅᑕᒥᓂᒃ ᓇᓗᓇᐃᖅᑕᐅᓯᒪᔪᓂ ᐅᐸᒃᑕᐅᑦᑕᐃᓕᒪᕝᕕᖕᒥ. ᑐᑭᓯᒋᐊᕈᑎᒃᓴᒃᑲᓐᓃᑦ ᓇᓂᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

ᐅᐸᒃᑕᐅᑦᑕᐃᓕᒪᕝᕕᐅᔪᓂ ᐃᓱᒫᓘᑎᖃᕈᕕᑦ ᐴᒃᓴᖅ

ᓄᑖᒥᒃ ᖃᕆᑕᐅᔭᒃᑯᑦ ᑐᕌᕈᑎᒥᒃ ᐋᖅᑭᒃᓯᓯᒪᔪᖃᓕᖅᐳᖅ ᑭᐅᔭᐅᑦᑎᐊᕐᓂᖅᓴᐅᖃᑦᑕᖁᓪᓗᒋᑦ ᐃᓱᒫᓘᑎᖃᖅᑐᑦ ᐅᖃᐅᓯᐅᓯᒪᔪᓪᓗ ᑲᒪᒋᔭᐅᕌᓂᒃᑐᓂᑦ ᐅᓪᓗᓂᑦ 14−ᓂᑦ ᐅᐸᒃᑕᐅᑦᑕᐃᓕᒪᕝᕕᖕᒦᑦᑐᓂᑦ ᖃᓪᓗᓈᓂ ᑲᓇᑕᒥ. ᐊᐱᖅᑯᑎᒃᓴᖃᕐᓂᕈᕕᑦ, ᐅᖃᐅᓯᒃᓴᖃᕐᓂᕈᕕᑦ ᐃᓱᒫᓘᑎᖃᕐᓂᕈᕕᓪᓘᓐᓃᑦ ᐱᔾᔪᑎᖃᕐᓗᑎᑦ ᐅᐸᒃᑕᐅᑦᑕᐃᓕᒪᕙᖕᓂᕐᒥᒃ, ᐅᑯᐊ ᖃᐅᔨᒋᐊᕐᕕᒋᓗᒋᑦ @email.

ᐅᓄᕐᓂᖏᑦ

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:

ᐱᕕᒡᔪᐊᓂᒃ ᐃᖅᑲᓇᐃᔭᖅᑎᓂᒃ ᐱᔪᒪᔾᔪᑕᐅᔪᑦ

ᒪᐃ 15−ᒥ ᐱᒋᐊᖅᖢᓂ, 4120−ᓂᒃ ᑐᒃᓯᕋᖅᓯᒪᔪᖃᖅᐳᖅ, 2219−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃᑐᒃᓯᕋᕈᑕᐅᔪᑦ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐱᑐᐃᓐᓇᐅᙱᑦᑐᔨᕆᕝᕖᑦ ᐃᓗᐊᖅᓴᖅᑕᐅᓃᑦ ᓄᖅᑲᖅᑎᑕᐅᓯᒪᓕᖅᐳᑦ. ᐱᓕᕆᔪᖃᖅᐸᓪᓕᐊᕗᖅ ᖃᐅᔨᓇᓱᒃᖢᑎᒃ ᓇᓕᐊᒃ ᐃᓗᐊᖅᓴᖅᑕᐅᔭᕆᐊᓖᑦ ᑲᒪᒋᔭᐅᔪᓐᓇᕐᒪᖔᑕ ᐅᖄᓚᐅᑎᒃᑯᑦ/ᖃᕆᓴᐅᔭᒃᑯᑦ ᑲᒪᒋᔭᐅᓗᑎᒃ.

ᐊᐅᓪᓚᕆᐊᓖᑦ ᐱᔭᕆᐊᖃᓪᓚᕆᖏᑦᑐᑦ ᐃᓱᒪᓕᕆᔨᒃᑯᑎᒍᑦ ᐱᓕᕆᕝᕕᐅᕙᒃᑐᓄᑦ ᐃᓚᒌᓐᓄᓪᓗ ᓄᖅᑲᖅᑎᑕᐅᕗᑦ.  ᐊᐅᓪᓚᕆᐊᖃᖅᑐᓕᒫᑦ ᖃᑕᙳᑎᒥᓂᒃ ᐋᓐᓂᐊᕐᕕᖕᒦᑦᑐᒥᒃ ᑕᑯᔭᖅᑐᖅᐸᒃᑐᑦ ᓄᖅᑲᖅᑎᑕᐅᔪᑦ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᓂ,  @email

ᐃᒡᓗᓕᐅᖅᑏᑦ ᐱᔭᕇᖅᓯᔪᑦ ᐅᐸᒃᑕᐅᑦᑕᐃᓕᒪᕝᕕᖕᒥ ᒫᓐᓇᒧᑦ ᑎᑭᖦᖢᒍ: 932

ᓄᓇᕗᖅ ᒐᕙᒪᒃᑯᖏᑦ ᑎᑎᕋᕐᕕᖏᑦ ᑭᒃᑯᑐᐃᓐᓇᓄᑦ ᒪᑐᐃᖔᓕᖅᐳᑦ. ᑎᑎᕋᕐᕕᒃᐳᑦ ᒪᓕᒃᐳᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᒪᓕᒋᐊᖃᖅᑐᖁᑎᖏᓐᓂᒃ, ᖁᕕᐊᓱᒃᐳᒍᓪᓗ ᐊᔪᙱᓐᓇᑦᑕ ᑐᙵᓱᒃᑎᑦᑎᔪᓐᓇᕐᓂᕐᒥᒃ ᓄᓇᕗᒻᒥᐅᓂᒃ ᐅᑎᕈᓐᓇᓕᕐᓂᖏᓐᓂᒃ ᐃᑲᔪᕐᓂᐊᕐᓗᑎᒃ ᐱᓕᕆᐊᒃᓴᓄᑦ ᐱᔨᑦᑎᕋᕐᓂᕐᒧᓪᓗ ᑲᔪᓯᑎᑦᑎᓂᕐᒥᒃ. 

ᓄᓇᕗᒻᒥᐅᓂᑦ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐊᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐅᓕᒪᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᕕᑦ.