ᓄᓇᕗᑦ ᐅᖓᕙᕆᐊᕐᓯᕗᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖅᑐᒥᒃ
ᐱᕙᓪᓕᐊᔪᖅ ᓴᖅᑭᑎᑕᐅᔪᖅ
ᓄᓇᕗᑦ ᐅᖓᕙᕆᐊᕐᓯᕗᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᑭᒃᑯᑐᐃᓐᓇᕐᓄᑦ ᑐᐊᕕᖕᓇᖅᑐᒥᒃ
ᐃᖃᓗᐃᑦ, ᓄᓇᕗᑦ (ᐊᐅᒍᔅᑎ 3, 2020) – ᓄᓇᕗᒻᒥᐅᑦ ᒥᓂᔅᑕᖓᑦ ᐋᓐᓂᐊᖃᕐᑕᐃᓕᒪᔪᓕᕆᓂᕐᒧᑦ, ᔪᐊᔾ ᕼᐃᒃᔅ ᐅᖓᕙᕆᐊᖅᑎᑦᑎᕗᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᐅᑉ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᖁᑖᓂ ᓯᑎᐱᕆ 17, 2020−ᒧᑦ.
“ᐅᑭᐊᒃᓵᒧᐊᓕᕐᖢᑕ, ᑲᔪᓯᕗᒍ ᐊᑯᓂᐅᔪᒧᑦ ᐸᖕᓇᖕᓂᖅ ᓄᕙᒡᔪᐊᕐᓇᖅ-19ᕝᒧᑦ, ᐱᒻᒪᕆᐅᕗᖅ ᐊᑐᐃᓐᓇᕐᓗᑕ ᐊᑐᕆᓕᖕᓂᑦ ᓄᓇᕐᔪᐊᒥᑦ ᖃᓂᒪᓂᖕᒧᑦ,” ᐅᖃᖅᓚᐅᕐᑐᖅ ᒥᓂᔅᑕ ᕼᐄᒃᔅ. “ᓄᓇᕗᒻᒥᐅᑦ ᐅᔾᔨᖅᓱᐃᓇᖁᕙᒃᑲ ᐊᑐᑦᑎᐊᖏᓐᓇᕐᓗᑎᒃᓗ ᐱᐅᓯᐅᔪᓂᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᕐᑕᐅᔪᑦ, ᑭᒃᑯᓕᒫᓪᓗ ᖃᓄᐃᓕᐅᕐᓗᑎᒃ ᓄᓇᓕᕗᑦ ᐊᑦᑕᖕᓇᖅᑐᒦᖁᓇᒋᑦ.”
ᐅᑯᐊ ᓇᓗᓇᐃᕈᑎᒃᓴᐅᕗᑦ ᓄᕙᒡᔪᐊᕐᓇᖅ-19−ᒧᑦ ᐆᓇᑲᑕᒡᓗᓂ, ᖁᐃᖅᓱᑲᑕᒡᓗᓂ ᐊᓂᖅᓵᖅᑐᒡᒐᕐᓗᓂᓘᓐᓃᑦ. ᓄᓇᕗᒻᒥᐅᑦ ᐃᖅᑲᐃᓯᔭᐅᕗᑦ ᐃᓅᖃᑎᓂᑦ ᐅᖓᓯᖃᑦᑕᕐᓗᑎᒃ, ᐊᒡᒐᑎᑦ ᐅᐊᓴᒐᔪᒃᓗᒋᑦ, ᐊᐃᓯᒪᓗᑎᓪᓗ ᖃᓄᐃᒃᑯᕕᑦ. ᑭᓇᑐᐃᓐᓇᖅ ᐅᐸᒃᓯᒪᓇᓱᒋᓐᓂᕈᓂ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖃᓗᒋᐊᓕᒃ ᓄᕙᒡᔪᐊᕐᓇᖕᒧᑦ ᐅᖄᓚᕕᒃ ᐅᕙᓂ 1-888-975-8601 ᐊᑯᓐᓂᖓᓐᓂᑦ 10 ᐅᓪᓛᒥᑦ ᐊᒻᒪᓗ 6 ᐅᓐᓄᖓᓂᑦ. ᑲᓇᖕᓇᖓᓂᑦ, ᑐᓴᕐᑎᑲᐅᑎᒋᓗᒍᓘᓐᓃᑦ ᐋᓐᓂᐊᕕᒃ, ᐃᓄᑑᓕᑲᐅᑎᒋᓗᑎᓪᓗ ᐊᐃᓯᒪᓗᑎᒃ ᐅᓪᓗᓄᑦ 14−ᓄᑦ.
ᑕᒪᕐᒥᑦᑎᐊᖅ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ ᑎᓕᓯᔾᔪᑕᐅᓯᒪᔪᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᒧᑦ ᐊᑖᒍᑦ ᓱᓕ ᑲᔪᓯᕗᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᓄᕙᒡᔪᐊᕐᓇᖅ-19−ᒥᑦ ᒥᒃᓵᓄᑦ ᓄᓇᕗᒻᒥᑦ, ᐅᕗᙵᐅᓗᑎᑦ www.gov.nu.ca/health/information/covid-19-novel-coronavirus
###
ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
@email