ᐱᓕᕆᔾᔪᑎᓄᑦ ᐱᓕᕆᔨᒻᒪᕆᐅᓂᕐᒧᓪᓗ ᐃᓕᓐᓂᐊᕆᐊᒃᑲᓐᓂᕈᓯᐊᑦ ᐃᑲᔫᑎᑦ
ᒐᕙᒪᒃᑯᓐᓂ ᐃᓄᓐᓄᑦ ᑐᓴᕋᑦᓴᖅ
ᐱᓕᕆᔾᔪᑎᓄᑦ ᐱᓕᕆᔨᒻᒪᕆᐅᓂᕐᒧᓪᓗ ᐃᓕᓐᓂᐊᕆᐊᒃᑲᓐᓂᕈᓯᐊᑦ ᐃᑲᔫᑎᑦ
ᐊᕐᕌᒍᑕᒫᑦ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐊᑐᐃᓐᓇᕈᖅᑎᑦᑎᓲᖑᕗᑦ ᐱᓕᕆᔾᔪᑎᓄᑦ ᐱᓕᕆᔨᒻᒪᕆᐅᓂᕐᒧᓪᓗ ᐃᓕᓐᓂᐊᕆᐊᒃᑲᓐᓂᕈᓯᐊᒃᓴᓂᒃ ᓄᓇᕗᒥᐅᓄᑦ ᐃᓕᓐᓂᐊᖅᑐᓄᑦ ᐊᐅᓚᐅᓯᕆᔨᙳᕆᐅᖅᓴᓂᕐᒧᑦ, ᖃᕆᑕᐅᔭᓕᕆᓂᕐᒧᑦ, ᓄᓇᓕᖕᓂ ᐸᕐᓇᐃᓂᕐᒧᑦ ᐊᒻᒪ ᓇᖕᒥᓂᖃᖅᑐᓕᕆᓂᕐᒧᑦ ᐃᓕᓐᓂᐊᖅᑕᐅᔪᒃᓴᓂᒃ, ᐊᒻᒪᓗ ᖃᑦᑎᕆᔨᙳᕆᐅᖅᓴᔪᓄᑦ, ᐃᑭᑎᑦᑎᑦᑕᐃᓕᓂᕐᒧᑦ ᐊᒻᒪ ᓄᓇᒥᒃ ᐊᐅᓚᑦᑎᓂᕐᒧᑦ ᐃᓚᒋᔭᐅᓪᓗᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑕᐅᔪᒃᓴᓄᑦ.
ᐃᓕᓐᓂᐊᖃᑕᐅᔪᒃᓴᓄᑦ ᓂᕈᐊᖅᑕᐅᔪᑦ ᑮᓇᐅᔭᓂᒃ ᐱᔪᓐᓇᖅᑎᒋᕗᑦ $5000−ᒧᑦ ᑎᑭᓪᓗᒍ ᐃᓕᓐᓂᐊᕆᐊᒃᑲᓐᓂᕈᓯᐊᒃᓴᓂᒃ, ᒪᓕᒡᓗᒍ ᐊᕌᒍᒥ ᐃᓕᓐᓂᐊᕐᓂᐊᖅᑕᖏᑦ. ᐃᓕᓐᓂᐊᖃᑕᐅᔪᒪᔪᑦ ᓄᓇᕗᒥᐅᑦ ᐱᓇᔪᒍᓐᓇᖅᐳᑦ ᐃᑲᔫᑎᒃᓴᓄᑦ ᑖᒃᑯᓇᙵᑦ ᐱᓕᕆᐊᓂᒃ ᑐᓂᓯᓗᑎᒃ ᐱᓇᔫᑎᒥᒃ ᐅᓪᓗᑐᐃᓐᓇᖅ, ᐊᒃᑐᐸ 16, 2020−ᒧᑦ ᑎᑭᓪᓗᒍ.
ᑐᑭᓯᒋᐊᒃᑲᓐᓂᕈᒪᒍᔅᓯ ᖃᓄᖅ ᐱᓇᔪᒍᓐᓇᕐᒪᖔᔅᓯ ᑎᑎᕋᕐᕕᒃᓴᑦ ᐱᔭᒃᓴᐅᔪᑦ ᐅᕗᖓ ᐅᖃᓗᑐᐃᓐᓇᕐᓗᓯ 867-975-5400 ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ ᑎᑎᕋᕐᓗᓯ @email.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᒪᔅᑖᕙ ᐃᐅᕆᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ 867-975-5406
@email