ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓴᖅᑭᑕᐅᔪᑦ - ᓯᑎᐱᕆ 21, 2020
ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓴᖅᑭᑕᐅᔪᑦ
ᓱᓕ ᓇᓗᓇᐃᖅᑕᐅᔪᖃᖅᓯᒪᙱᑦᑐᖅ ᐱᖃᕋᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ. ᒪᕐᕉᓪᓗᑎᒃ ᓇᓗᓇᐃᖅᑕᐅᓚᐅᖅᑑᒃ ᓄᕙᒡᔪᐊᕐᓂᕋᖅᑕᐅᓪᓗᑎᒃ Hope Bay ᐅᔭᕋᖕᓂᐊᕐᕕᖕᒥ ᐊᒻᒪ ᓇᓗᓇᐃᖅᑕᐅᓚᐅᖅᑐᖅ ᓄᓘᔮᒃ ᐅᔭᕋᖕᓂᐊᕐᕕᖕᒥ ᓈᓴᖅᑕᐅᖃᓯᐅᔾᔭᐅᓂᐊᖅᑐᑦ ᐊᖏᕐᕋᖏᑦᑕ ᑭᒡᓕᖃᕐᕕᒋᔭᖏᓐᓂᒃ.
ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 2745-ᖑᓕᖅᐳᑦ. 441-ᖑᓪᓗᑎᒃ ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.
ᑕᖅᑭᑦ ᐊᕐᕕᓂᓕᑦ ᐊᓂᒍᓵᖅᑐᓂᒃ, ᓄᓇᕗᒥᐅᑕᐅᑎᓪᓗᑕ ᐊᒃᓱᕈᖅᖢᑕ ᐱᓕᕆᓯᒪᓕᖅᑐᒍᑦ ᐅᕙᑦᑎᓐᓂ ᓴᐳᑎᓇᓱᒃᖢᑕ, ᑕᒪᒃᑯᐊ ᐊᒃᓱᕉᑎᒌᓐᓇᓚᐅᕐᓚᕗᑦ ᓄᓇᖅᑲᑎᒌᓄᑦ ᐃᓚᒌᓄᓪᓗ ᐊᑦᑕᕐᓇᖅᑐᒧᐊᕐᓇᙱᑦᑐᑦ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐋᖅᓵᕐᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ
ᐃᓄᑐᐊᒃᑯᕕᖕᒦᑦᑐᑦ ᐅᓄᕐᓂᖏᑦ
ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐃᓄᑐᐊᒃᑯᕕᖕᒦᑦᑐᑦ) | |
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ | ᑐᔪᕐᒥᑎᑕᐅᔪᑦ ᐃᓄᑐᐊᒃᑯᕕᖕᒥ ᓯᑎᐱᕆ 21-ᖑᓕᕐᑎᓪᓗᒍ |
ᐋᓐᓂᐊᕐᕕᓕᐊᖅᑐᑦ | 336 |
ᑭᒃᑯᑐᐃᓐᓇᑦ | 382 |
ᑲᑎᖦᖢᒋᑦ | 786 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:
ᐅᓪᓗᖅ ᐊᐅᓪᓚᕐᕕᒃᓴᖓ | ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐃᓄᑐᐊᒃᑯᕕᖕᒦᑦᑐᑦ |
ᓯᑎᐱᕆ 19 | 0 |
ᓯᑎᐱᕆ 20 | 21 |
ᓯᑎᐱᕆ 21 | 87 |
ᓯᑎᐱᕆ 22 | 35 |
ᓯᑎᐱᕆ 23 | 68 |
ᑲᑎᖦᖢᒋᑦ | 211 |
ᐃᖅᑲᓇᐃᔭᕆᐊᖃᓪᓚᕆᒃᑐᑦ ᑐᒃᓯᕋᖅᑕᐅᔪᑦ
ᓯᑎᐱᕆ 19−ᒥ ᐱᒋᐊᖅᖢᓂ, 5875−ᓂᒃ ᑐᒃᓯᕋᖅᓯᒪᔪᖃᖅᐳᖅ, 2831−ᖑᓪᓗᑎᒃ ᐃᖅᑲᓇᐃᔭᕆᐊᖃᓪᓚᕆᒃᑐᓂᒃ ᑐᒃᓯᕋᕈᑕᐅᔪᑦ.
ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ | # | % |
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᒻᒪᕆᐊᓗᐃᑦ ᐱᒻᒪᕆᐅᓗᐊᙱᑦᑐᓪᓗ) | 4137 | 70.4% |
ᐊᖏᕐᑕᐅᙱᑦᑐᑦ | 259 | 4.4% |
ᐅᑕᖅᑭᔪᑦ | 125 | 2.1% |
ᐊᐅᓪᓚᕐᕕᐅᔪᓐᓇᖅᑐᑦ ᐊᑐᖅᑕᐅᒐᔪᒃᑐᓄᑦ ᐊᖏᖅᑕᐅᔪᑦ | 1352 | 23.0% |
ᑲᑎᖦᖢᒋᑦ | 5875 | 100% |
ᐃᓱᒪᓕᕆᔨᒃᑯᑦ ᐱᔨᑦᑎᕋᐅᑎᖏᑦ
- ᐊᑕᖏᖅᖢᒋᑦ ᐃᓱᒪᓕᕆᔨᒃᑯᑦ ᐊᒻᒪ ᐅᐃᕆᓯᒪᔪᓕᕆᔨᒃᑯᑦ ᐃᓄᖕᓂᒃ ᑕᑯᕙᓪᓕᐊᕗᑦ ᓄᓇᕘᓕᒫᒥ.
- ᐃᖃᓗᖕᓃᑦᑐᑦ ᐅᓄᓗᐊᕐᓂᖏᓐᓄᑦ ᐅᖓᓯᒌᒃᑕᓗᐊᕈᓐᓇᙱᒻᒪᑕ, ᐃᑲᔪᖅᑕᐅᒋᐊᓖᑦ ᐃᓱᒪᖅᓱᖅᑎᑕᐅᓪᓗᑎᒃ ᐅᖃᓘᑎᒃᑯᓪᓘᓐᓃᑦ ᐅᐸᒍᑎᓗᑎᒡᓘᓐᓃᑦ ᐱᓕᕆᔪᓐᓇᖅᑎᑕᐅᔪᑦ.
- ᐃᑲᔪᖅᑕᐅᒋᐊᓖᑦ ᐊᐅᓪᓚᖅᑎᑕᐅᔪᑦ ᓄᓇᕘᑉ ᓯᓚᑖᓄᑦ ᐱᔨᑦᑎᕋᖅᑕᐅᔭᖅᑐᕐᓗᑎᒃ ᑭᒡᓕᖃᖅᑎᑕᐅᖏᓐᓇᖅᐳᑦ ᑐᙵᕕᒋᔭᐅᓪᓗᑎᒃ ᐱᓕᕆᕝᕕᖕᒥ ᒪᓕᒃᑕᐅᒋᐊᓕᑦ.
- ᐃᓱᒪᓕᕆᔨᒃᑯᓐᓂ ᑲᒪᒋᔭᐅᒋᐊᓕᑦ ᓱᓕ ᐅᐸᒍᑎᓪᓚᑦᑖᑲᑕᙱᑦᑐᑦ, ᑭᓯᐊᓂ ᐅᖃᕐᕕᒋᔭᒃᓴᐅᔪᑦ ᐅᖃᓘᑎᒃᑯᑦ ᐅᕝᕙᓘᓐᓃᑦ ᑕᓚᕖᓴᒃᑯᑦ. ᑖᒃᑯᐊ ᒪᓕᓲᖑᓪᓗᑎᒃ ᑳᓐᑐᓛᒃᑕᐅᓯᒪᔪᓄᑦ ᐋᓐᓂᐊᕕᐊᓗᖕᒥ ᐱᓕᕆᐊᒃᓴᓄᑦ.
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᙵᑦ, @email
ᐃᒡᓗᓕᐅᖅᑏᑦ ᐊᓂᒍᐃᔪᑦ ᐃᓄᑐᐊᒃᑯᕕᖕᒥ ᒫᓐᓇᒧᑦ ᑎᑭᖦᖢᒍ: 1502
ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᕆᔭᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐊᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.