Havaktingit

You are here

Anirhaarutikharnik Ihuaqtmik Inuuhirinikkut naunaitkutikhangit havaaqhangit aulatitiniaqtun Nunavunmi

mii 10, 2018

Nunalaani Inungnun Tuhaqtitauyukhaq

Anirhaarutikharnik Ihuaqtmik Inuuhirinikkut naunaitkutikhangit havaaqhangit aulatitiniaqtun Nunavunmi

Nunavut Kavamangit Havakviangit Avatiliqiyitkut quviahuktun tuhaqtitiyaangat taima kanatami Anirhaarutikharnik Inuuhirinikkut (AQHI) naunaitkutikhangit havaaqhat aulaniaqtun talvani Iqalungni, Kugluktukmi, Arviatmilu uvani havainirmi.

Tamna AQHI uuktuutikhangit ayungnautiqaqtunik anirhaarutikharnik halumaitunik inungnun inuuhirinikkut ilituqhaiyukhaq nappangit talvuuna 1mi 10munlu, talvuuna anginiqaqtunik upiriyauhimayut naunairutiqaqtunik anginirmik anirhaarutikharnik halumaitunik unalu angikliyumirniarmanik inuuhirinikkut ayungnautinun.

Talvuuna kihimi upiriyauyukharnik iningnikharnun nuttaqqanun taima mihingnautiqarluaqtun anirhaarutikharnik halumailrungnik, tamna AQHI tuniniaqtun ihuaqtumik hanalrutikharnik ilituqhaiyaangat qanuq hulilukaaktukharnik, taimaitunik ikualaaqtunik tingivgalaaqtunik apqunmi, allanguqtirniaqtun ihuarutikharnik anirhaarutikharnik anirhaaqtaptingnik. Una aulahimaaqtun havaaqhaq uqautiniaqtuq qanuq ihuaqhairyumirutiniaqtun hilami hulilukaaktunik taima anirhaarutikhat aulayut allangurumik.

Tamna AQHI talvani Kugluktumi, Arviat, Iqalungnilu tadja hailiyuq talvani Kavamatkunin Kanatami qaritauyaliqidjutaini uvani https://ec.gc.ca/cas-aqhi/ unalu talvani AQHI KANATAMI hivayautaini qaritauyaliqidjutingni.

Inuit inuuhirinirmi aulahimayunik apiqutikharnik hivayagiaqaqtun tapkuat Avikturvingmi Avatiliqiyitkut Inuuhirinikkut Havaktingat. Havayagiaqaqtatin naunairutit pigiaqaqtun talvani Havakviani Inuuhiriliqinikkut qaritauyaliqidjutaini: https://www.gov.nu.ca/environmental-health.

###

Tuhagaqtidjutikhanut Uqaqvikhaq:

Debbie Purvis
Atannguyaq Tuhagakhanut, Ilinniarniqmun Ihanganiq
Avatiliqiyitkut
867-975-7761
DPurvis@gov.nu.ca