Havaktingit

You are here

Itqumadjutikhaq ihivriugianganik uqhuqyuaqarvik

Immaktirvia 07, 2018

Inungnut Tuhaqtidjutikhanut

Itqumadjutikhaq ihivriugianganik uqhuqyuaqarvik

Nanminiqaqtun iglungnik nanmiliqiyunik atanguyat atuqpalaalimaitun uqhuyuanik akikhanik taima ihivriuqatagumitku naunaiyaigumiklu ihuaqtumik hanagumitku uqhuqyuaqarviit.

Taima imaq katitiligumik kuhiqtaqhimayunik, qiqiniaqtuq taima tukhuangit qupiniaqtun. Taima hila alapaarnaiqpalialikman imarlu mahaktiliktuq, uqhuqyuaq kihiktarniaqtuq qupinirmi, taima kuviniaqtuq. Havagviat Avatiliqiyitkut atuqhimaaquyut tamainun nanminiqaqtunik iglungnik nanminiqaqtunik atanguyangit piyukhauyut ihivriuqtukharnik qanuritmangaangit unalu uqhuqyuaqarviingitlu.

Uqhuqyuaqarviit naunairutiqaqtun taima qatinirmik avatquumagumiklu 10nik ukiunganik himiqtauyukhat. Ukiuk tamaat ikayuutikharnik aulatitiyukhat ayungitunik havaktimin taima imaiyaigiaqaqtunik kuhiktarvia tuqhuanga (imarnik katitiqhimaanginaqtunik).

Tamna inigiikhimayuq Nanminiqaqtunik Iglungnik Malikhautikharnik Uqhuqarviingit tunihimaaqtun naunairutingnik qanuq nanminiqaqtunik ihivriugianganik uqhuqarviingit ilitagiyaangatlu kuvihimayuqaqtunik. Malikhautikhaq pigiaqaqtun tamainik ilitagiyauhimayunik uqauhingnik uvani:

https://www.gov.nu.ca/environment/documents

Hivayagiaqaqtan Havagviat Avatiliqiyitkut uvani 867-975-7700 uvaniluuniit nunalaani Uumayuliqiyitkut Havagviani naunaiyaiyaangat qanuq akiqangitumik ihivriugiaqaqtunik uqhuqarvikharnik.

###

Tuhagaqtidjutikhanut Uqaqvikhaq:

Debbie Purvis
Atannguyaq Tuhagakhanut, Ilinniarniqmun Ihanganiq
Avatiliqiyitkut
867-975-7761
dpurvis@gov.nu.ca