Havaktingit

You are here

NWT ukuallu Nunavunmit hivulliqtit havaqatigiikpaktut Nunami tuktutnik munagidjutikharnik

Immaktirvia 22, 2022

Inungnut Tuhaqtidjutikhaq

NWT ukuallu Nunavunmit hivulliqtit havaqatigiikpaktut Nunami tuktutnik munagidjutikharnik

Kugluktuk, Nunavut (Imeruqtirvia 22, 2022) - Nunavutim Minista Avatitiliqiitkut David Akeeagok unalu Minista Avatiliqijitkut unalu Nunamiittutuqat Piqutit (ENR) Nunatsiarmi, Shane Thompson katimapkaijut talvuuna nunani tuktuit munagidjutikharnik Imaruqtirvia 16, 2022.

Katimaqatigihimajait ukuat Nunavunmi munaqhiqatigiiktut havaqatigiiktut ukunanga Nunavut Tunngavikkut Timinga, Kitikmeot Inuit, Iqaluktuutiak Angunaiqtuliqijitkut Katimajiit ukuallu Kugluktuk Anguniaqtuliqijitkut Katimajiit. Katimaaqataujullu NWT kivgaqtuijut tapkunanga Tłı̨chǫ Kavamanga, Northwest Territorj Métis Nation ukuatlu North Slave Métis Alliance.

Una katimadjutikhangit kinguliuvakhimajut qanurliuqtunik katimajunik talvuuna uumajunik munagidjutikharnik havaqatigiirnikkut uqagianganik ihivriudjutikharnik, munagidjutikharnik unalu munagidjutikharnik hanaqiniaqtainik ikajuutikharnik nunami tuktut munagidjutikharnik tamaqtailidjutikharniklu.

Hivulliqtiujut havaktingitlu tamanganin nunalaangitni uqautigijaillu qanuqtut ihuaqhijuummiutikhanik tuhapkaidjutikhanik aulattiqatigiinikkut uumajutigut munaqhiqatigiiktut havaqatigiiktut havaqatigiikhimaariamingni ikajuqtigiiklutik qaffiinik tuktuutakhanik munaqhilutik imaalu amigaigjuumijanginni avikturniinni tuktut tuktuit, ukuallaut Qingauk ukuallu Beverlj tuktuit.

Uqautigihimmaaktainut ilaujut:

  • Naunairutikhangit kingulirmi ihivriudjutikhangit naunairutit talvuuna Qingauk nunamilu tuktut amigaitilaangit.
  • Ihivriuqhigit tadja Nunavunmi unalu NWT aulattiqatigiinikkut katimajiit uuktuurumajainnik pitqujanginiklu tuktuunik munaqhitikhanik
  • Nutaat uqautigihimajait Qingauk tuktut aulattiqatigiinikkut qanuriliurutikhat, ilaujut Qingauk Tuktut Uqaudjijit Katimajiit ukuallu Kingauk Tuktut Aullaninganni Upalungaijautikhat.
  • Uqaqhimaaqpaktun qanuq atuqtakharnik pittiarutikharnik anguniarnikkut, ilaujut qanuriliurutikharnik talvanga katimadjutikharnik NWTmi anguniarnikkut talvuuna Ubluirvia 2022mi.
  • Aulahimaaqtunik auladjutikharnik talvani GNWT-GN-kutlu Angiqatigiingnirmut Nalunaitkutingit talvuuna munagidjutikharnik nunami tuktuutaingit.

Tamarmik Avatiliqijitkut Ministangik ilitaqhijuk munaridjutikhainnik iluilik nunainni tuktuit tamangnit munarijaujukhat, pijariaqaqtut havadjagiktumik, akhuurlutik, hanaqidjutikharnik tamainun munagidjutikharnik havaqatigiiktukharnik.

Ilaujut uvani havainirmi katimadjutigijainik naunairutigivakhimajuq iliqatigiiktukharnik hivunikhaliurutikharnik qauhimajumik munagidjutikharnik nunami tuktut naunaijaivakhutiklu akhurutigijaunikkut hanaqidjutikhaq munagijaanganik hivunikhaptingnun atuqtakharnik.

Uqaqtaujun

“Tuktut qitqaniitun Inuit pitquhiangani. Pitquhinikkut aulaniqarman niqautigiluaqtaingitlu. Tamangni Nunat Avikturvingit piqaqtun hakugiktumik havaqatigiikhutiklu uumajuliqijitkut munagidjutikharnik piqaqhutik Nunaqaqqaqhimajunik inungnik munagidjutikharnik havaqatigiiktakharnik. Havakhimaanginarniaqtugut havaqatigiikluta talvuuna auladjutikharnik tutqikhaidjutikharniklu munagidjutikharnik iliqatigiiktukharnik amigaitilaangait tuktut pidjutikharnik ublumimun hivunikhaptingniklu atuqtakharnik.”
- David Akeeagok, Nunavunmi Minista Avatiliqiijitkunni

“Nunami tuktut akhurutigijaujut nunaqaqtunun Nunatsiarmi, uvaptingnun tamapta havaqatigiiktukhaujugut ikajuutikharnik talvuuna ikiklijumiliqhimajut amigaitilaangit nampangit. Katitluta uumajunik munaqhitikhaptingnik havaqatigiiktunit, amigaigjuumivalliajavut uqautigijavut munaqhidjutikhanik havaqatigiikluta tuktut amigaigjuumijanginni  hivunirmi inuutikhaptingnut.”
- Shane Thompson, Nunatsiami Minista Avatiliqijitkut unalu Nunamiittutuqat Piqutit

Naittun Kangiqhidjutit

  • Naunairutiqaliqtuq ikiklijumiktuq amihujut nunami tuktut talvuuna pingahunik qullinik ukiuqaqtunik.
  • Havaqatigiikhutik pivalliadjutikharnik munaginikkut upalungaikhimaliqtun talvuuna nunami tuktut amigaitilaangat Nunatsiarmi Nunavunmilu, ilaujutlu Qingauk Beverlj tuktungit.
  • Amigaittut pidjutauvaktut tuktut amihuarjuit ikiglijuummiqtut, ilaujut hilakput imaalu hilaup allanguqtirninga, niqikhangit, aanniarutit, anguniaqtauniit, amaqqut aallanillu nirijauplutik tuqqutiqtauplutik imaalu aulaviingit ajungnautiqaqtainik.
  • Munaqhitikhat qanuriliurutikhat ihumagiplugit pidjutauvaktut ihuaqhaqtaaktaptingnik, ilaujut inungnit pidjutaujut (anguniarniq, pivallianik imaalu ikialaaqtunik munaqhitikhanik) imaalu uumajunit niriniaqtunit.
  • Kinguliujuq qaffiutilaangat nallautiqhimavakhimajut talvuuna Qingaut tuktut tuhaqtitauvakhimajuq 2021mi.

Pidjutiqaqtut Turrangavikhaq

Tuhaqtipkaitjutikhaq: Qingautmi tuktut munagidjutikharnik upalungairutikhaq
Nunamiutanik tuktut

###

Tuhaqtidjutikhanut Apiqhuutikhanut:

Casey Lessard
Atan’ngujaq Tuhaqtipkaijini, Ilinniaqtulirinikkut Ikajuqtiuplunilu
Havagvia Avatiliqijikkut
Nunavut Kavamanga
clessard3@gov.nu.ca

Mike Westwick
Atanngujaq, Tuhaqtipkainikkut Inungniklu Qaujimajakhainik
Avatiliqijitkut Nunamiittutuqat Piqutit
Nunatsiami Kavamanga Nuatsiami
ENR_Communications@gov.nt.ca