Naittut/ Uqaqatigiami Naunaitkutit Ingilrayuliqinirmut

Tamna havakvinga hitamanik havakviqaqtuq ilauyut ukunani Ingilrayuliqinirmut: Iqalungmi Nunaryualiqinirmut Milvinga, Nunavunmi Milvingit, Akhaluutit and Ingilrayuliqinirmut Maligaliqiniq Ihumaliuqniqlu. TPP munariyakhaa ihumaliurut apqutinik, imaqmi tingmivikmilu ingilraqvinganik piliurniq Nunavunmut. Pigiami una nunguminganut, tamna havakvik piliuqtuq akuniraalukmut naittuniklu piyakhanik maliktakhanginniklu Nunavuutim Ingilrayuliqinirmut, ukuallu ikayuqtukhaq nunavuutim aallatqiittuq ihariagiyangit kaanatap kavamangani Ingilrayuliqinirmut maligaliqininngit ihuarhilunilu manikharhimmaaqniq angirutingit kaanatap kavamanganut ingilratjutikhanginnut. Tamna havakvik havaktuqlu nunallaanut Ingilrayuliqinirmut atuqtiuyut ihumaliuriami Ingilrayuliqinirmut piyut ingilrayuliqiniqmut.

Aaniqtailininngit uhittiqtut pihuktullu uumunnga Nunavuutim apqutingit hivulliqpaaq hivulliutiyakhaq ukunanut Akhaluutiturniqmut havakvinga. Akhaluutiliqiyiitkut tunivaktut ikayuutikhanik pinahuarutiniklu naunairiami piliurhimayuq akhaluutikkut maliktakhangit aaniqtailiniqmullu piyakhangit atuliqtitauliqtut apqutinik atuqtunik akhuurutauliqtut ihariagiyaugaangata. Havakvik munarivagaik tamaita pipkaitjutingit akhaluutimik aquttumayunik laisiqtiliriniq unalu akhaluutinik atiliurniq naunaiyaiyuqlu akhaluutituqtilluni akhaluaqqat aaniqtuqqaqtluuniit. Tamna havakviklu havakpaktuq ikayuqhugitlu timiqutigiyauyut havaktut tamainni Nunavunmi nunallaanginni naunairiami ikayuutingit Akhaluutit atuinnarialaqiut tamainni nunavunmi. Tamna havakvik tunivaktuq akhaluutimik ihivriuqniq pinahuarut atuliqtitauyuqlu apqunmi aaniqtailiniqmik taima naunairiami aaniqtailiyut tamainni apqutinik atuqtiuyunut.

Nunavunmi Milvingit munariyakhaa aulapkaininnga ihuarhaininnga 24nguyut milviit hilataanit Iqalungmit. Havakvik naunaiqpaktut igluqpingit ukuallu Nunallaani Milviup Naalautikkuurutingit (CARS) munariplutik maliktaik havaktingillu hanalrutingillu kaanatap maliganginnik atuqtauyut. Una pipkaitjutigiyuq havaqatigiikpiaqtumik Milviliqiyiitkut Kaanatami, NAV CANADA-mut, nunallaanilu kavamangit kaantraliqiitlu ikayuqpaktut aulapkaitjutigiami munarigiamilu milvingit CARS-kullu. Havakpaktuqlu uqautjiuyunut kaantraliqiyullu ihariagiyauyut tunigiamikni igluqpiliqinirmut havaakhauhiqmik.

Tamna Iqalungmi Nunaryualiqinirmut Milvinga havaktaa akhuurutauyumik havaaq ikayuqtuq tingmiliqiniq Nunavunmi, trans-Atlantic-mit tingmikkuurutingit, tingmivigiyaillu hirmiqaqtumi uunamilu North American-mi Tingmiyunik Hapimmiyut. Atauhiuyuq 26nguyunit milviit ilaliutihimayuq Kaanatap Milviqarninnganut, the Iqalungmi Nunaryualiqinirmut Milvinga ihumagiyauyuq ihumaliurhimayuq akhuurutauyuq Kaanatamut.

Uqaqatigiumagukni tahapkuat havaktut havakvikmi hivayaqlutit akiittukkut 1-888-975-5999 titiraqluguluuniit edt@gov.nu.ca 

Titirainnarialiuyutillu uumunga:

Ingilrayuliqiyiitkut, Maligaliqiniq Ihumaliurniqlu

P.O. Box 1000, Station 1500

1104A Inuksugait Plaza

Iqaluit, NU

X0A 0H0

Iluittumik atingit havaktiptiknik pulaarlugu uqaqatigiiktakhat makpiraanga takuyakhaq havaktikput atinginnik.