Havaktingit

You are here

Angiqatigiigut ukununga Nunavut unalu Nunagiyaa Ualiani Vancouver pipkainiaqtuq pivalliatjutikhanik

Nuvaipa 17, 2009

IQALUIT, Nunavut (Nuvaippa 16, 2009) Peter Taptuna, Nunavutip Ministaa Pivalliayuliqiyitkut Inilrayuliqiyitkunnullu, uplumi uqaqtuq angiqatigiigutimik ukununga Kuapuliissianut Nunagiyaata Ualiani Vancouver pitjutigiyaangani Nunavut uvani to Vancouver 2010mi Ulapqinryuami Timimullu Ayuqhautilgit Ulapqiniagut Ukiumi.



“Ilanga kavamapta tikinnahuaqtaa uqautigiyauhimayuq piyakhaptingni uvani ᑕᒪᑦᑕ Tamapta kangiqhipkainahuarluni Nunavunmik Kanatami hilaryuamilu,” uqaqtuq Minista Taptuna. “Una Naunaitkut Angiqatigiingnirmut uvunga Nunagiyaata Ualiani Vancouvermut pitqutigiyauniaqtuq takupkaiyaangani Nunavutim pitquhianijk, kingullikkut pivaktainnik maniliurutiinniklu Ulapqiniryuami.”



Naunaittiaqhimayut angiqatigiigutimi iniqtauyut ippakhaani taamna Ualiani Vancouverp Miiyaa Pamela Goldsmith-Jones aquingmat Iqalungnut Pangnirtungmullu.



“Nunavunmi, tamaita inuit takuyatka aliahuktut Ulapqiniryuakhamut aliagiplugulu paannariingniq,” uqaqtuq Miiya Goldsmith-Jones. “Nuatqatiptingnut aquihimayunullu, hamna itqaumannarniaqtuq pitquhinut ilihautigiyaulunilu piyakhaq pivikhaulunilu nanminiaqtuqariangani.”



Ataani angiqatigiigutip, Nunagiyaa Ualiani Vancouverp katimapkainiaqtut angiyumik uyarakhiurnirmut katimavikhaanik, una atilik qaplunaatut “A Mine Altering Experience,” Fipyuali 17, 2010mi. Ilvigiyaa amigaivyaktut uyarakhiuqtit, Ualia Vancouverp takupkainiaqtuq nutaanik maniliurutikhanik uyarakhiuqtullu pivalliatjutainnik uqautigiyauvaktut Nunavunmi.



Ilait takuyakhat ukua qaplunaatut atilik, “20 Days of Multimedia,” nutaanguyuq piksanik qun;ngairut tuhaqtakhailiqinikkullu uqautigiyauyuq takupkaiyuq aulahimanngittumik kahaqtauhimanngittumiklu pinnirnianik Nunavutip. Angiyut piksat Nunavutip nunautaanik inungniklu takuyauniaqtut itirviani uvani Ualiani Vancouverp katimaviani una atia Community Centre Spirit Squaremi, ilitariyauhimayuq 2010mi Quviahukviuyukhaq.



Ulapqinirmi, 2010mi ukuak atilgik Explorer Camps and Educational Explorations Nutaqqanut piniaqtut nakuuyunik ilihautikhainnik uvuuna nutaanik ayuiqtakhainnik, uqauhirnik, qanuq inuunirnik, ukiuqtaqtumi piksaliuqhimayunik Inuillu ulapqitjutainnik. Hapkua aallanngayut piyakhat ilaqaqtut ukuninnga pulaaqtakhanik Kanatami Ikiarniani Hilaryuap una Ulapqiniq Ikiarnirmi takuyakhat - hivulliq takuyakhaq hanayauhimayuq 2010mi Ulapqinirmut.



Uukturumayut Nunavunmi unipkaakhanik iniqtirutiginiaqtaat piyakhaat Ualiani Vancouverp.



“Aliahukpiaqtunga pivikhaqarmata Nunagiyaani Ualiani Vancouverp tuniyakhainnik inungnut Nunavunmiutanut Ulapqiniryuami,” uqaqtuq Minista Taptuna. “Qiniqhianginnaqtugut nutaanik takupkaiyaangani nunaptingnik hilaryuamut, unalu Ualiani Vancouver talvani Ulapqiniryuami nakuuyuq ilailiuriangani.”



###



Tuhaqakhaliqinikkut apiqqutinik, hivayarlugu:



Matthew Illaszewicz Manager, Communications

Economic Development & Transportation

867-975-7818

millaszewicz@gov.nu.ca



Charlene Warrington

Managing Director

West Vancouver 2010

604-377-6429 cell

604-923-2012

cwarrington@westvancouver2010.ca