Havaktingit

You are here

Aullaqtiqtuq nakuuyumik Kanatap Ukiuqtaqtuani Igluqpaata

Iitjirurvia 24, 2010

VANCOUVER, British Columbia (Fipyuali 15, 2010) – Inuit nutaqqiyut amigaiqpaktut hilamiittut itirahuat Kanatap Ukiuqtaqtuani Iglupaanut una Vancouvermi 2010 Ulapqiryuarnia aullaqtirmat Tallimmiunmi, Fipyuali 12.



“Taamna aligiyauyuq inugnit Ulapqiryuarnirmi,” uqaqtuq Nunavutip Hivuliqtiata Tuglia Peter Taptuna. “Alianaqtuq takuyaagani amigaitpiaqtunik inungnik pulaaqtunik igluqpangmut ayuiriangani Nunavutip pitquhianik, aquiqattarnirmut maniliurutikhaniklu piyaangani. Angmaqtitait takuyaangani hilaryuamiutat Nunavut qanurinnianik.”



Igluqpak angmaumaliqtuq atauhirmik tatqiqhiunmik. Uvunga amigaittut imaa 44 taussat inuit upkapagaat Kanatap Ukiuqtaqtuani Igluqpaat takuyaqtuqhugit huraangutait piksasuurutillu, numiqtunik, Inuit ulapqitjutainnik atuqtuuyaqtuniklu.



“Arlingnaqtuq takuyaangani amigaittunik inungnik ayuiqhaqtunik Nunavunmik,” uqaqtuq Taptuna. “Titiraliqpagait ukua Inuit Qaujimajatuqangit hivnukhaliurutikhait, kangiqhiplutik inukhungnik, Inuktitunmiklu, taiguaqhutik Nunavunmiutanik hanaugaliuqtinik niuviqhugillu hanaugaliuqhimayut.”



Uvunga 58 taussat taalaliuqtut niuvvaavianik Kanatap Ukiuqtaqtuani Igluqpaangani.



Aliahungniq igluqpangmni talvani pihimmaaqtaat ukiuqtaqtumi ulapqitjutinik tautittigamik, piksasuuqhutik. Atuqtuuyaqtullu naalakhugit qun’ngiaqtittiyullu.



Kanatap Ukiuqtaqtuani Igluqpaa ittuq uvani Vancouver 602 West Hastings Apqutaani. Paannariiktut Nunavut, Nunattiaq Yukonlu ilauyunit Ulapqiniryuami.



###

Kangiqhittiarumagungni, hiavyatjavat:

Matthew Illaszewicz

Atan’nguyaq, Tuhaqtakhaliqiyinit

Nunalingni Kavamatkunillu Pivikhaqautitkunnullu

Hivauyautaa (867) 222-0122

Qaritauyakkut: millaszewicz@gov.nu.ca