Havaktingit

You are here

Ihivriuqniq naunaiqtaat Nunavut Kavamatkut hulitjutingit TT Enterprises-kunnut ihuaqtut

Maassi 07, 2011

IQALUIT, Nunavut (March 7, 2011) – Ihivriuqniq apirhuutigiyanginnut aippaangani ukiakhami nutqaqtitauninnganut TT Enterprise-kut angunahuarniqmut laisikhangit naunaiqtaat Nunavut Kavamatkut hulilukaarningit ihuaqtuq ihariagiyauyuqlu.

“Ilaliutigiyavut piyakhangit havakviup atannguyanginnit titiraqhimayumi uumani Angunahuaqtiuyut Maliktakhanginnik auyami ukiakhamilu 2010mi ihuaqtuuniqtut ihariagiyauyullu piyut akhuurninnganut ihumaalutigiyauyup uqaqtauyut ihuigiyunit,” uqaqtuq Pivalliayuliqiyikkunnut Ingilrayuliqiyikkunnut Ministanga, Nangariyauyuq Peter Taptuna. “Ihumagiyauninnganut akhuurutauyut ihumaalutit uqaqtauyut talvuuna angunahuaqtiuyut hulilukaarningit ihariagininngillu aaniqtailininnga inuknut, havakviup atannguyatka ihivriuqtaat hapkuat ihumaalutigiyauyut naunairiami inuit aaniqtaulimaittut.”

Ihivriuruiqmata havakvinga ilitariyut qanuritaakhaanganik pulaaqtiuyunut havaktinganut, ihuariyaukpat TT Enterprise-kunnit, pipkainiaqtaa tamna havakvinga pigiamikni Angunahuaqtiuyut Laisikhanginnik 2011mut angmarninnga. Hapkuat piyakhat piyut tamainnut angunahuaqtiuyunut pulaaqtiuyunullu pipkaiyut Nunavunmi.

Tamaita piyakhat iniqtaukpat, Pivalliayuliqiyikkut upalungaiyarhimayut havagiamikni havakviup uuktuutikhanga qilamiuqlutik naunairiami tamna havaakhaq piniaqtuq 2011mi pipkailiqqata.

 

Tamna Aullaaqniq Pulaarniqlu Maliganga maliktakhangillu iliqtut naunairiami pulaarnikkut pipkaiyut Nnavunmi pipkailiqtut quulitqiyauyumik nakuuyumik piyut pulaaqtunut atuqtakhangit. Nunavut Kavamatkut unalu Nunavunmi Pulaarnikkut akhuuqtut piliuriami nakuuqpiaqtumik nungulaittumiklu pulaarnikkut havakvinga tuniyuq hulilukhanginnik Nunavunmiunut nakuuqpiaqtuniklu pivaktanginnik pulaaqtunut.

###

Naunaittiarumaguvit, hivayarlugu:

Matthew Illaszewicz
Atannguyaq, Tuhaqtipkaiyiuyuq
Pivalliayuliqiyikkunnut Ingilrayuliqiyikkunnullu
867-975-7818
millaszewicz@gov.nu.ca