Havaktingit

You are here

Kanadaup Ukiuqtaqtukkut Igluqpaa takupkaqtiniaqtaa Nunavut Hilaryuamut talvani Ulapqipkainiryuami

Nuvaipa 19, 2009

IQALUIT, Nunavut (Nuvaipa 17, 2009) Peter Taptuna, Minista Pivalliayuliqiyikkut Ingilrayuliqiyitkunnunlu, uplumi uqaqtaa naunaiyarhugut Kanadaup Ukiuqtaqtukkut Igluqpaa – Nunavutip Vancouvermi tautuktaghauyuq talvani 2010 Ulapqiniryuami Timimullu Ayurhautilgit Ulapqiniagut Ukiumi. Nunatsiaq Yukonlu ilauniaqtut Nunavunmut uumani Kanadaup Ukiuqtaqtukkut Igluqpaani. 



“Kanadaup Ukiuqtaqtukkut Igluqpaa nayurvighauyuq hivuagut, pitillugit kinguagullut 2010 Vancouvermi Olympic Ulapqiniryuani,” uqaqtuq Taptuna. “Nanminirinikkut uuktuqvighat, hanauyarnikkut, pitquhikkullu aliahuktipkainikkullu kaipkainiaqtuq inungni humilli hilaryuamit hamunga taimaalukiaq aquilaqutiniaqtuq maniliqtuililaqutiniaqtuqlu Nunavunmi hivunighani.”



Kanadaup Ukiuqtaqtukkut Igluqpaa inniaqtuq niuvvaaviliqittiarnirmi uumani 602 West Hastings Street qitqani Vancouvermi. Inuit qunngialaqiniaqtut arhaliunguanguyunik tautungnaqtut igalaanit. Qulliit itirutiginiaqtait qunngiariaqturlutik pilutiklu ilitturipkaitjutighanik Nunavutip hanauyaqpaktainnik, nanminiqarnikkut, haunauyarnikkut, pitquhikkullu qunngiaqtipkaiyinik hanauyaqtiniklu.



Pulaaqtut uumunga Ukiuqtaqtukkut Igluqpakmut takuhunguyut inuksukmik nappaqtiqtauhimayuq atulihaaliqtillu una tatqirhiuti uumanga Nunavutip Kamisinaugaluanganit Peter Irniq, atuqhuni uyarnik Nunvunmit, Nunatsiaqmit British Columbiamitlu.



Kanadaup Ukiuqtaqtukkut Igluqpaa tautuktipkainiaqtuq ayuittunik qunngiaqtipkaiyinik ukuninga Artcirq kairvaaqtininlu, ukuallu pitquhikkut ulapqinikkut ulapiyinik talvani Olympic Ulapqiniryuani. Tiiviikkut, naalautikkut qaritauyakkullu unipkaaliuqtit uqautiginiaqtait huliniit tuhaqtipkailutiklu piqpiaqtillugit talvanga tuhaqtipkainikkut igluamit.



Kanadaup Ukiuqtaqtukkut Igluqpaa piqarniaqtuq hanauyanikkut pulaarvighamik, unipkaarvighamik qunngiaqtipkavighamiklu atiqaqtumik “The North Today” tautuktipkailuni hanaqiqatigiiktaaqtumik tautuktipkainirnik ukunani inuuhikkut, aquinikkut maniliqtuinikut Nunavunmi. Piqarniaqtuqlu nanminirinikkut ilitturipkaitjutighanik ukunani pingahuuyuni ukiuqtaqtuuyunik.



Kanadaup Ukiuqtaqtukkut Igluqpaa angmaqtauhunguyuq Tisaipa December 8, 2009mi. Aulaniaqtuq March 31, 2010mut. Tapkuat Olympic Ulaqiniryuarniit aullaqtirniaqtut Fipyuali 12, 2010mi. 



###







Tuhaqtipkainikkut ilitturitjutighanik, uqaqatigilugu:

Matthew Illaszewicz

Atannguyuq, Tuhaumapkainikkut

Pivalliayuliqiyikkut Ingilrayuliqiyitkullu

867-975-7818

millaszewicz@gov.nu.ca